有個做in house HR嘅朋友同我呻工作辛苦，因為人事部得3個人，其中一位同事每逢星期一或者星期五例必請假，呢種情況維持咗大半年，傻嘅都知道係特登啦！
咁人哋請假咪請假囉，關佢咩事呢？關呀！因為佢個同事每次請假，我朋友都要幫佢執手尾，例如佢約咗求職者上嚟見工，我朋友要幫手in埋，in完自己嗰啲，再要in射波同事嘅candidate，最高紀錄試過一日in咗9個人，做到喉嚨痛兼爛聲，我真心想問約人上嚟見工而自己走去請假係咩玩法？
咁都唔緊要，最近我朋友想入紙喺聖誕前後放大假，砌個長假期同屋企人去旅行，嗰位經常請假嘅同事竟然走嚟同佢爭，呢個唔係重點，大時大節同事爭攞假就間間公司都會發生㗎喇，問題係對方講咗句：「我平時都冇拎大假，特登儲埋12月放晒佢，諗住成個12月都放假㗎喇。」
朋友：「喂，梗係啦！你平時每星期都拎一日病假，個個星期都放long weekend，咁咪冇用過大假囉！我做埋你嗰份，爛聲照返工，感冒又返工，幫佢頂咗咁多嘢，仲要畀佢搶埋啲日子放假！」
我：「咁你有冇當面爆佢？」
朋友：「冇呀，點講呀？」
我：「其實你同我講係冇用，反佢枱先有用，上星期你唔舒服，喺電話都聽到你失聲，你有需要一樣可以請sick leave㗎。」
朋友：「咁我咪同佢一樣囉，約咗人上嚟見工，自己請假唔返工，啲求職者點呀？」
我：「咁你作感冒又或者把聲拆晒，你係知㗎嘛，頂咗今日，咪唔好約人聽日上嚟，疊埋心水抖抖先返嚟約interview囉！咁咪唔會令求職者撲空囉！」
呢單係真人真事，大家估下個結局係點？個結局係，我個朋友嬲咗我。
係咪好好笑？因為我係咁叫佢出聲鬧個同事，要畀對方知你個底線，成日請假要你頂晒，一個月請3至4日sick leave而次次都係星期一或者星期五，司馬昭之心路人皆見，慣咗手勢又唔反抗唔出聲，最後咪又要自己受晒。
當然，呢個都係我心理投射，因為我自己性格係咁，唔啱就一定爆出嚟，唔會忍；相反地，我朋友嘅性格同我有好大分別，大家有冇啲朋友係逆來順受嗰種？好善良，成日畀人蝦，又有一種好人兼好脾氣嘅形象包袱。
因為呢件事，我同佢有兩個星期冇講嘢，佢嬲我措辭強硬，我嬲佢心甘情願飾演一個捱打嘅角色，有時我都唔明，點解我朋友有勇氣同我反面，但就冇勇氣同成日射波個同事反面？
又因為呢件事，我學識咗一樣嘢，原來有啲人同你呻，並唔係想搵出解決辦法，佢只係想有安慰，只係想有人聽佢傾訴，對住呢啲人只可以用一種方式同埋tone：
「你同事好衰呀，唔好唔開心啦！」～～～係咪好廢？講咗等於冇講，但有種人就只係需要呢啲，只係需要一個樹窿。
我冇辦法認同呢種職場處事方式，你唔爆嗰位射波嘅同事，之後係唔會有好日子過，不過諗深一層，每個人嘅性格都唔同，更何況如果為一條射波友影響到我同朋友之間嘅感情，咁又真係好唔抵，最後我將一盒「同健」清熱利咽沖劑速遞畀佢，好快就收到whatsapp：
朋友：「咩嚟？」
我：「有個做sales嘅朋友介紹㗎！呢條友仔平時又煙又酒，因為應酬太多喇，但係每日見咁多客仲可以keep到把靚聲，真係吹佢唔漲，所以佢介紹呢隻沖劑係有說服力嘅，除咗滋潤喉嚨同埋養聲之外，感冒初期飲都好有效，起碼好過喉糖淨得個甜字先啦，始終係全中草本無添加糖份吖嘛，你份工一樣係每日見好多人講好多嘢，嗱嗱聲沖嚟飲，醫師處方㗎，治標又治本呀！」
就係咁，我同佢又friend返喇。
每個人嘅臨界點都唔同，我條底線set得前，而我朋友嘅底線set得比較後。Inbox成日收到讀者講自己嘅工作谷氣事，或者大家做嘢辛苦都係想呻下，唔知我平時啲建議有冇用，不過點都好，希望我自己試過而又覺得好嘅產品可以幫到手，喉嚨唔舒服同埋作感冒，千祈唔好等到爆晒出嚟先處理，至於幾時爆公司班A字膊同埋射波友，我就交返畀你哋自己決定喇。
同健利咽沖劑，啱晒成日用聲既你：
www.onehealth.com.hk
原價$168，特價$138一盒
#同健 #利咽沖劑 #秋天聲沙 #香港製造 #onehealth #治標又治本 #hktvmall有售 #華潤堂有售
上個weekend真心頂唔順 在 頂唔順唔緊要 It's OK to be not OK - YouTube 的推薦與評價
有懷疑過自己是否患上抑鬱症，但又不知道怎樣做初步判斷嗎？今集Peter將帶你了解PHQ-9和SHS這兩個心理測試，介紹如何照顧自己心理健康的好方法，別... ... <看更多>