#小編的staycation 有無人好似小編咁，好鍾意木系設計？正因為咁小編之前俾嘉里個設計吸引咗，玩咗次staycation，可以同大家分享吓！睇吓你又啱唔啱玩!
預訂網址： https://asiamil.es/3lDoxsS
房間：小編俾多小小入住去豪華海景客房，一入房就望到無敵海景，雖然只係港島東景，但無遮無擋有infinity感覺。房間面積有450呎，加上用上大量木材，感覺和暖舒服。電視機有得Apple Mirroring同Miracast，睇片方便。浴室有大量Morandi Blue色系家品，毛巾盤、個人用品收納盒、紙巾盒、梳妝櫈、甚至垃圾桶都係呢隻tone，靚😍！浴缸出水夠快，企缸有rainshower ，自家品牌備品味道正路。座廁有個小缺點，無自己門之外，分隔企缸同座廁塊花紋玻璃能見度頗高，非情侶夫婦入住可能有啲唔方便。
餐飲：小編食過佢早餐。可能閒日入住唔算多人，自助早餐Big Bay Cafe唔開，轉去貴賓廊食半自助早餐，雖然感覺選擇少咗但有海景搭救。半自助區方便小編覺得抹茶牛角包、辣汁雲呑、咖啡味奇亞籽杯同脆煙肉好高質，限每人點兩份主菜，揀咗太陽蛋同重口味喇沙，好食！中式點心部份稍弱，蝦餃皮厚，叉燒包個餡太乾，可以留肚食其他。
設施：小編今次用咗健身室同泳池。泳池個海天一景好IG-able，但礙於size同設計，認真操水嘅朋友未必啱用。健身室好大，器材齊全到連戰繩都有，酒店gym小見。成排跑步機對住海景，好醒神。另外有間房玩spinning單車，個海景好廣闊，做運動都可以順便打卡。
詳情：【酒店】Flyagain.la x Asia Miles獨家優惠！嘉里酒店每房每晚$2,200起，賞你參觀超超超靚高級豪華套房及打卡+$1,000跨酒店消費額+4點退房+免費泊車+賺總共4,000里數！限時4天搶！（https://flyagain.la/87142）
