《換鞋》
♂:早晨
♂:再唔起身,就唔可以空肚食早餐喇
♂:我相思病發,就黎死喇
♀:相咩思,最多比你單思,好眼訓啊,比我訓多陣啦
♂:你捨得我等你咩!
♂:好……你用行動表示左你真係捨得
♀:大個喇,你要獨立知唔知!
♂:之前咪話23號食飯既,我覺得可能食唔成喇
♀:嘩,我訓緊既時候好似發生唔少事喎
♂:可能我太直接……佢咪失婚既,剛剛佢話自己想搵過個好男人,我就同佢講,佢無好好珍惜佢前夫,只係因為性生活唔協調就離婚,依家性生活係好滿足,但就搵唔到好男人
♀:性生活真係咁重要?
♂:唔重要咩?
♀:唔……我唔知喇,但我唔覺得值得離婚囉
♂:子非魚,安知魚之悲
♀:子非我,安知我不知魚之悲?
♂:其實佢性生活係點我都無權過問,但我同佢講左我對於婚姻既睇法,講完一輪佢就話,其實佢係想我安慰佢氹佢,而唔係說教
♀:哦~你只不過係犯左天下男人都會犯既錯誤,不過今次你犯既錯,我覺得幾好,咁你對婚姻既睇法係點啊,我都想開下眼界
♂:你有幾多對鞋?
♀:十到二十對左右掛,我都無認真數過
♂:咁你著得最耐既一對鞋係幾耐?
♀:應該有三年掛
♂:咁你最喜歡個對鞋又著左幾年?
♀:一年左右
♂:我覺得婚姻就好似買鞋咁,一對鞋再貴再好睇,都敵唔過時間既考驗,有日對鞋都會殘會爛,最後唔想再著
♀:你知唔知點解女人會有咁多對鞋?因為女人比男人對細節要求更多,顏色、衣著、場合都需要配唔同既鞋,咁我又問返你,你有幾多對鞋?
♂:三對
♀:我估,皮鞋,出街鞋,波鞋係咪
♂:中晒
♀:女人係唔同時間段,會有唔同既需要,我以我為例子啦,讀書個陣我都係得三對鞋,一對返學,一對出街,一對盛重少少既,當時係好簡單,但讀大學個時,你會發覺,得三對鞋係唔夠,當你身邊同學著唔同既潮鞋,你就會審視自己,係唔係需要更多既鞋
♂:繼續
♀:我承認係人有我有既心態,但當你接觸唔同既鞋時,你先發覺呢個世界唔係得呢三種鞋,原來唔同既鞋會令自己著衫,氣場,感覺完全唔同,世界好大,以前自己係幾咁無知;到返工既時候,你會發現身邊同事開始著名牌鞋,有個logo係度,識貨既人係會知佢對鞋係賣緊幾錢,當年為左證明自己唔會輸比其他人,我儲左兩個月錢去買左對Chanel,係靚既,但一著就覺得唔舒服,不過我都忍住痛咁著,然後習慣左
♂:我聽緊
♀:到自己有返一定既成績,我都會有唔錯既鞋,但我更想要對著得舒服既鞋,因為我已經唔需要用鞋去證明自己,我自己本身就可以證明到,所以,今日我著既都運動鞋,呢個款,我已經買左第三對,因為我知道係適合自己
♂:咁我想問,當你見到有人著對名牌高跟鞋時,會唔會羨慕對方呢?
♀:我買得起啊,只係我唔買姐,有乜好羨慕?名牌唔會日日著,為左一年著幾次而去買對鞋,除非真係好喜歡啦,唔係我都唔會買
♂:點解我聽落好似話中有話咁呢……但一對鞋,係應該去保養佢先可以令佢著得更耐,呢個係我既睇法
♀:你要用鞋去比喻嘛,鞋,再好著都只係著幾年,先唔講款式好唔好,但如果你日日著都肯定會著爛,拎出去整都好,都會有完結既時候,你有冇聽過希修斯之船?一隻船,佢換一塊木都仲係個隻船,如果隨時日一塊一塊去換,到最後,全艘船已經無一塊係原來既船,咁呢隻船又係唔係當初既希修斯之船呢?
♂:所以,人要變,當你不斷更新自己既時候,先可以歷久常新
♀:你要保養,要修補,都係其中既方法,但最好既係一路好似電腦咁更新,唔係只會有一日比更新既型號取代
♂:有你真好
♀:做乜
♂:無,有個可以令我心悅誠服既人,令我可以諗多左諗好左,真係好好
♀:我係幾好啊,所以我從來都唔怕會無人要
♂:咁我都要急起直追你先得
♀:追我唔難,但追到我之後,可以跟上我步伐,可以令我跟埋你步伐既人真係唔多,追一個人,只係永遠係佢身邊,而真正既伴侶,應該係身邊
♂:今次,我聽你講,你的確比我諗得更多
♀:知唔知每個運動員都想有個好對手,一時勝利或失敗唔重要,但好對手可以令自己成長,成長係永遠都屬於自己既,你係一個好對手,雖然唔係能力好強,但我覺得同你交手係好令我有驚喜
♂:我唔介意一世都輸比你
♀:喂,我介意啊!
♂:咁我認真咁對付你喇!
♀:咁就好,我幾驚你話你之前已經好認真!我好少期待人啊,你唔好令我失望
♂:好,我會出盡十二分力去等你追返我轉頭,到時拉你一把
♀:咁我期待你既背影!
♂:我諗起朱自清
♀:爸爸
♂:畫風變左!
♀:爸爸唔好唔要我,我要抱抱
♂:好啊,到22號我抱你,比你騎膊馬添!
♀:你夠力先好啊!
♂:一定夠,晚安
♀:好啦,晚安喇,聽日我全日都忙,你要乖乖啊!
——
長傾·不見 第一回 @筆友
https://bit.ly/LongchatEP1
長傾·不見 第二十九回 @呷醋
https://bit.ly/LongchatEP29
好久 不見 第一回@久違
https://bit.ly/LongtimeEP1
好久 不見 第七回@換鞋
https://bit.ly/LongtimeEP7
同時也有1部Youtube影片,追蹤數超過5萬的網紅拉哥 Lai UP,也在其Youtube影片中提到,有獎問答遊戲 1. 先Like 拉Page: http://www.facebook.com/jackylaiyc 2. 私訊我哪3個Fact是假的 答中的朋友可得到我送的名信片 截止日期: 31-10-2015 ------ Fact 1: "阿拉"是中學同學改的 Fact 2: 我在3月9日出生...
但我唔覺 在 Facebook 的最佳貼文
《糖尿》
♂:早晨
♀:早晨,尋晚我見到有對情侶當街嘈交,我真係唔明點解要搞到咁,其實唔肉酸咩?
♂:你之前拍拖未鬧過交咩?
♀:認真,真係無
♂:咁你地有衝突既話,會點做?
♀:講完就算,聽就聽,唔聽咪算,做乜要鬧交?
♂:咁你都幾男人
♀:下……關男唔男人咩事,我只係覺得鬧係無用
♂:最好既關係,係大家發現問題,然後解決問題,要鬧交,即係兩個人搵唔到平衡點,然後情緒到就爆發
♀:我睇得好簡單,接受咪繼續一齊,接受唔到咪分手,鬧交係最無用既行為
♂:所以你係唔會鬧交
♀:係,你係咪好喜歡鬧交既人?
♂:我都唔鬧交
♀:咁如果我地一齊,應該會幾好笑
♂:話唔定我地會對對方無不滿,成世都唔鬧交呢
♀:童話故事都唔敢咁寫
♂:唔知點解我對住你,係無不滿既感覺
♀:我都係,最多都係失望同唔開心,但我唔覺得有不滿
♂:咁你要唔要試下同我一齊?
♀:見完面你再講啦,一陣你見到我,即刻想同我做一世朋友咁就無謂啦
♂:其實我有好深近視,我可以一直都唔戴眼鏡,世界有時睇得無咁清楚都幾好既
♀:我怕你到時望住我唔想貶眼啊!
♂:你知唔知係我心目中你係點?
♀:點,我拎左紙筆出黎喇,你講,我記低
♂:好似阿儀咁
♀:哦,好,阿儀咁,我記住喇,你以後成世都要為你講過既野而受罪,到時唔好問點解
♂:我可唔可以叫你阿儀
♀:你喜歡
♂:阿儀,我愛你
♀:七師傅都愛你
♂:係呢,你拍過幾多次拖?
♀:一次
♂:比我想像中多,阿儀應該仲係A0
♀:你呢?
♂:三次
♀:比我想像中少,我以為你靠把口都可以呃到好多女仔
♂:我可以,但我為免生靈塗碳,封印左自己既能力
♀:炭啊天才
♂:係係係,哈哈,我捉人錯字捉得多,比人捉既都係第一次
♀:平時見你嘅哋㗎我都無出聲,你仲唔快少少多謝我
♂:多謝!
♀:乖,我係咪好好?
♂:你好好啊,所以我咁鍾意你
♀:唉,有時個人太好都係一種煩惱
♂:你怕煩既可以只對我一個好
♀:好啊,你為免生靈塗炭的話,亦可以只禍害我一個,我不入地獄,誰入地獄呢
♂:喂,我屋企有家族遺傳病
♀:咩病?
♂:糖尿病
♀:哦,所以你嫌太甜係咪?
♂:呃……唔係咁既意思,我係指你好甜
♀:為左令你唔好病,咁我唔咁甜囉,你呢種人唔吃苦都唔安樂,我成全你!
♂:喂,唔好啊!
♀:我比機會你兜,睇你引以為傲既語文能力有幾多料喇
♂:我做運動!
♀:?
♂:糖尿病患者做多少少運動可以分解糖份
♀:咁你打算做幾多
♂:我諗遲少少可以參加三項鐵人
♀:好,比你過關
♂:你真係好好
♀:有咩好?讚美既說話我從來都唔抗拒
♂:你係少有收放自如既人,好多人放完成後唔知邊個位應該收,但你好識比下台階我
♀:呢層同一開始個問題係一樣,我點解要令我喜歡既人難堪呢?
♂:你講得輕鬆,但唔多人可以做到
♀:麻煩你好好珍惜我
♂:我一直都有
♀:同你一齊係幾開心既,好喇,你都好好休息
♂:好,你都應該攰,早少少訓喇,晚安
♀:晚安
♂:其實……係隔離酒店,我真係唔攰,但我知你攰,所以你訓啦,我會好好掛住你
♂:我希望我地可以一直都好似依家咁
♂:同你一齊,我好似呼吸每一啖空氣都比以前開心,真係晚安
♀:仲諗你會打到幾多句,點知得三句!我都掛住你,真係晚安
——
長傾·不見 第一回 @筆友
https://bit.ly/LongchatEP1
長傾·不見 第二十六回 @星座
https://bit.ly/LongchatEP26
好久 不見 第一回@久違
https://bit.ly/LongtimeEP1
好久 不見 第四回@離婚
https://bit.ly/LongtimeEP4
但我唔覺 在 法式生活 - 洛太太 Facebook 的精選貼文
平時外出用餐,我很少影相分享,除非有“特別”😏😌😃🤭這道菜睇落冇乜特別,所以食之前我冇影相(這張相是“借”返嚟的),但食第一啖,大家都有“驚喜”,要分享😙
今晚應朋友邀請外出晚餐,這是一間水準和評價很高的法國餐廳,無論菜式設計、煮法、table setting等都很法式,是我很喜歡的餐廳之一,出於我對這餐廳的信心,我不會自己點菜,每次都選“是日精選套餐”,這一餐同平時一樣,沒有令我失望,而且有很多味覺上的驚喜。那究竟這道菜有咩好分享?😏
首先,洛先生對這間餐廳的評價亦很高,佢會用“frenchy"(意即好有法國味)來形容這餐廳的,每次食每道菜都非常享受,基本上佢會全清,唯獨這道菜,食了第一啖即刻變臉,而且不再食,我當時未食,心諗咩事咁大反應,我食唔食好?😥出於好奇,我食!第一個反應,嘩嘩嘩!然後即食第二啖,想確認我食緊乜... 果然我冇食錯,係東星斑!第一次食法式煮法的東星斑,味覺上很有驚喜!但對於洛先生嚟講,這做法的魚味太重,佢唔鍾意,但我就覺得好“新鮮有趣”,我有食哂的😄 照我估計,魚係切片+鹽調味煎熟(冇落薑/蔥去腥,但我唔覺腥),廚師的心思主要在配汁上。這個魚汁分了兩層,外層是龍蝦/蝦煮的濃汁,內層是酸酸甜甜的蕃茄汁,很有驚喜和層次的一個汁。老實講,我覺得東星斑的做法,還是清蒸/炒球/煲粥/水煮魚好,這個法式做法一試無妨,但不會回味想再食🤭
疫情關係,少了很多入口食材,大家都多了食甪本地貨。勇於嘗試多點創意,確實會為生活帶來驚喜和微笑🤗
其實食咩都冇乜所謂,最緊要食得開心😊
明天是毛國二次封關後,第一日重開給遊客入境,希望一切安好🙏🙏🙏為安全計,我們一家未來兩星期都會繼續日煮夜煮,餐餐屋企食🍽️,盡量少外出...
但我唔覺 在 拉哥 Lai UP Youtube 的最讚貼文
有獎問答遊戲
1. 先Like 拉Page: http://www.facebook.com/jackylaiyc
2. 私訊我哪3個Fact是假的
答中的朋友可得到我送的名信片
截止日期: 31-10-2015
------
Fact 1: "阿拉"是中學同學改的
Fact 2: 我在3月9日出生
Fact 3: 身高183cm
Fact 4: 體重56kg
Fact 5: 我住青衣
Fact 6: 香港大學護理系畢業
Fact 7: 中學是長沙灣天主教英文中學
Fact 8: 小學是美孚地利亞英文小學
Fact 9: 做過香港電視, Hollister,人口普查, 書展, 珠寶展, 演員, 模特兒
Fact 10: 九型人格是7號仔
Fact 11: 平時不說髒話
Fact 12: 每天聽達哥 & 新香蕉俱樂部
Fact 13: 喜歡吃甜品
Fact 14: 喜歡煮食
Fact 15: 喜歡飲杏霜
Fact 16: 不喜歡榴槤
Fact 17: 喜歡吃M記
Fact 18: 有時夜晚去青衣海濱跑步
Fact 19: 我游水很快
Fact 20: 平時會去荃灣, 葵芳, 旺角, 港大, 青衣
Fact 21: 幼稚園開始打機
Fact 22: 最喜歡的卡通是柯南 & Sonic
Fact 23: 中學喜歡上Yahoo捉象棋
Fact 24: 中學經常玩遊戲王
Fact 25: 中學是英文辯論隊
Fact 26: 中七參加歌唱比賽得季軍
Fact 27: 中六最火羅是唱浪漫手機
Fact 28: 小學被歧視
Fact 29: 小二英文默書沒100分所以喊
Fact 30: 以前養過雀仔, 金魚, 烏龜, 蒼鼠
Fact 31: 鋼琴無考級
Fact 32: 識的樂器有鋼琴, 口琴, 口風琴, 手風琴, 結他, 長笛, 牧童笛...
Fact 33: 喜歡收藏樂器
Fact 34: 逄星期四晚返HKU練詩班
Fact 35: 通常會先Hi加我好友的觀眾
Fact 36: 每天用1-2小時覆訊息
Fact 37: 有好多人讚我靚仔但我唔覺得
Fact 38: 之前被放上4個Page
Fact 39: 近來去的旅行都是自發寫計劃書得到贊助去的
Fact 40: 我覺得旅行是要感受生活
Fact 41: 自出娘胎就已經有初戀
Fact 42: 拍過100次拖
Fact 43: 喜歡靚女
Fact 44: 喜歡喜歡音樂的女仔
Fact 45: 不喜歡吸煙的女仔
Fact 46: 不喜歡自以為很美又不可一世的女仔
Fact 47: 見到靚女會怕醜
Fact 48: 最冧試過收甜品
Fact 49: 追女仔會畫素描, 彈琴
Fact 50: 以上49個Facts有5個都是假的
拉的自我介紹
你好啊!我叫拉,是香港人啊!我是個在香港土生土長的男生,接受香港教育和香港文化。我想向喜歡香港旅遊的朋友介紹不同的香港文化。
由於我超喜歡旅行!最近我開始為香港拍攝旅遊短片。希望你能更了解香港的美啊!
訂閱Lai UP ▶ http://bit.ly/laisubscribe
Lai's Self Introduction:
Hello! I'm Lai from Hong Kong. I'm just a normal Hong Kong boy being raised in Hong Kong, having local Hong Kong education and Hong Kong culture. Lai in Hong Kong would like to introduce different culture from Hong Kong to Hong Kong lovers.
Since I like travelling so much, recently I started making travelling videos for the sake of Hong Kong. Hope that you can know more about the beauty of Hong Kong.
Related videos:
【醫院故事18+】插尿管時伯伯的小鳥竟然變大鳥!? -《拉姑娘醫院日常》
https://youtu.be/vAS7Vy3H2uY
在香港醫院職員餐廳吃甚麼?私家醫院竟然比公立醫院更難吃?!-《拉姑娘醫院日常》
https://youtu.be/1tgO_hYCNRk
為甚麼讀Nursing? -《HKU拉》
https://youtu.be/VilvDpk3JYc
Lai Facebook: http://facebook.com/jackylaiyc
Lai Instagram: http://instagram.com/jackylaiyc
Telegram 吹水 Group: https://t.me/laiup
Telegram 收風 Channel: https://t.me/laichannel
合作查詢: jackylaiyc@gmail.com
![post-title](https://i.ytimg.com/vi/KwVx1UqsXAo/hqdefault.jpg)