依家又吹風話可以太空人，即係可以唔駛一家大細全部移民陪小朋友，佢都可以自己黎讀書... 咁... 呢兩三個月賣晒樓辭埋工，仲要買埋英國樓嘅人，有啲仲要離埋婚嘅點算好？！
我成日都話，移民嘅野，唔好急從長計議，我個個星期講，言者諄諄聽者藐藐，講到尾有邊個聽？急急腳趕頭趕命黎左，依家先黎吹風話可以淨係細路但唔需要大人黎，你話幾蝕桌？
我講多一次，唔係叫你唔好移民，係叫你準備好、再睇定啲先慢慢黎，我都想你移民新生活順風順水事事如意。我唔駛食香港人條水，所以多啲少啲香港人在英國都唔多關我事，anyway, 唔講咁多啦，廢事得罪人🙈🙈🙈
#你覺得自己平時得罪人少嗎
#總之每個人叫你做野總有佢嘅動機
#你不妨想想人家的動機是什麼
#我最大的動機係唔想見到啲人黎到英國又彈三彈四
#眼冤
#最好大家安居樂業大家得閒飲杯咖啡
#君子之交淡若水
#我唔賺你嘅錢而你亦唔好搵我笨
