#著舊衫系列 # #jensonashley 由於不捨得妹妹經常作中性打扮,所以哥哥的舊衫最後也沒留太多給妹妹,剛好執衣櫃找到這件......差成年喎!到底是某人太細粒還是件衫洗得太鬆?
妹妹:「件衫係哥哥架、留俾妹妹喎」
妹妹:「紅色 abc 果啲囉」
媽媽:「黃色呀,上面係數字3 同 6......」
妹妹:「五六七八九十、五六七八九十......」
這階段好攪笑,成日跟人口水尾,説話時好多「咋喎」、「架喎」。問佢叫咩名,佢會答哥哥個全名;哥哥同朋友正在video call,佢入鏡被我拉走之後我話:「哥哥同朋友傾計呀」
妹妹:「係我朋友嚟喎。」
成日偷聽我哋講嘢,我同爸爸細細聲講暗示、隱喻的對話,佢都知我地講緊乜;我靜雞雞入廚房開包薯片、開個玻璃盒偷食零食,佢又會發現到:「妳妳妳......妳食緊咩嚟既?」有段時間明明好合作臨訓一叫就去刷牙,而家......
媽媽:「妹妹,去刷牙喇!」
妹妹:「我唔刷呀,我要訓覺呀。」
媽媽:「唔刷牙 d germs 喺你啲牙齒度開party 架」
妹妹:「唔係真架,假架!牙齒無germs 架!」
特此記錄,可愛又勞氣的妳。
#jensonbb #ashleybb #支鏡靚咗 #男女大不同 #再次欠文十萬九千七 #拖延症發作
Search