《原來9up再非我的專利》
每樣嘢都有限期，原來9up都有。我都最近先發現，自己可以9up嘅時間已經愈來愈少。
等等先，唔好覺得「9Up」呢個terms好粗俗，其實一個人冇得9Up，真係隨時抑鬱。
又講下咩係9up，佢有個專業學名，就係「無包袱地講個腦第一秒諗到嘅嘢」。
係非常清晰嘅，你第一秒會覺得好易，但第二秒就知其實好難。
首先，其實大家都有「包袱」。
活於世上愈耐，你就有愈鮮明嘅「形象」。
而呢個形象某程度係你自己塑造出嚟。
點塑造？
就係面對唔同嘅人，你嘅應對都有超過1秒嘅思考，經過理順同疏理先作出反應，從而慢慢形成你「想人哋點睇自己」。
我哋喺社會巧遇嘅人，雖然有熟有唔熟，
但對於大多數人，你都幫自己set咗一啲「包袱」，定義咗自己係一個咩人。
如果人有兩面，一面就係純粹嘅自己；另一面就係「想人哋點定義你」嘅自己。
所以9Up，即係「無包袱地講個腦第一秒諗到嘅嘢」，一啲都唔容易。
中學嘅時候，你可以大模斯樣喺巴士瘋狂爆粗，就係因為你未有太多包袱，未需要定義自己太多，於是享受9Up嘅時光。
大咗啦，面對社會唔同階級，出席唔同場合，學識不同禮數，得到不同身分。
每個行為舉止，說話談吐，都經過思考，絕非「本能反應」。
9Up？你已經9up唔起，
又或者9up之後嘅後果，你已經唔想承受。
前排同班識咗十年嘅朋友打邊爐，其中一個平時好串，比較懶型嘅朋友（唔係我），講咗一句：
「我發現，我都幾鐘意同你哋食飯，知唔知點解？」
我哋知佢條友根本好想講，
所以會漠視佢，扮聽唔到，等佢自己死死哋氣解畫！
果然，冇人理佢，但佢依然照講：「因為你哋夠on9呀！」
笑咗，大家都笑咗，大家都繼續9up。
我有時諗，點解對住佢哋，我可以不顧形象，咩都秒速反應，亂噏一餐。
或者答案好簡單，因為你點包裝自己，佢對你嘅熟悉程度，都足以識破你心底入面嘅on9程度。
行出嚟幾完美嘅人，內在都有一個幼稚嘅花園。
如果你仲有個朋友，可以畀你9up，
我諗，你會比較快樂。
==========================
有時間可以加埋IG!(冇咩嘢睇，但多私人感受)
https://www.instagram.com/cheungson88/
(ID: cheungson88)
包袱定義 在 Cheers：快樂工作人- 【用什麼的態度面對你的『包袱』，定義 ... 的推薦與評價
用什麼的態度面對你的『包袱』，定義了不同的人生】 「每個人都揹負著屬於自己的包袱，裡頭裝著做過的重要決定、難忘的生命故事、曾經同行的人…」 有的人從不打開包袱 ... ... <看更多>