🚩𝙁𝙊𝙊𝘿𝙄𝙀🚩
今次呢個無拍YouTube片，但資料十分充足，點解？因為去分別去食左3次😂😂😂 真係啱哂窮遊嘅人去幫襯，簡直係平靚正之選。
《吉列豬扒包》HK$32 連餐飲
首先要介紹呢一份豬扒包，份量唔算大，但絕對夠飽！
豬扒新鮮即炸，麵包鬆軟，仲加左少量蕃茄青瓜，好食到不得了！
仲有佢杯奶茶，有別於香港茶記口味，我唔知佢用左咩茶葉黎溝，但佢個咪偏向香甜，好飲到不得了！
呢個係下午茶套餐，只限3-6PM期間供應，我試過6:01衝口去大叫要豬扒包，啊姐話：「啱啱過左一分鐘啦，無下午茶啦！」
我「吓？咁唔要下午茶啦，正價幾錢呀？」
啊姐：「豬扒包下午茶先有，晚市無架」
我果下簡直係世界末日晴天霹靂一樣，所以想食？唔該下晝3-6pm去啦！
啊姐教路，如果你衝緊過去又爭少少會遲到，打電話去落左單先！佢出左單你再衝入去過左6點都一樣有得食啦～🥰
《豬肝醬多士》檬粉套餐價$36 連飲品
拿，其實呢個豬肝醬多士仲有跟一份檬粉，一大碗，凍飲加$3，Total 一碗檬粉、一份豬肝醬多士+雞絲牙車快+一杯凍飲，只係$39！
Diu平到咁，所以我成日都去食，仲要好好食又大份又好味！
講返個豬肝醬，佢個味道有少少似午餐肉，但有少少苦澀味，似食豬潤嘅味，佢再燒過，好好食啊～😋
而佢隔離果份就係叫做雞絲牙車快，其實我都唔知中文要點樣解釋，總之就係一塊蝦餅上面，放左蔬菜絲+雞絲，一野啪入口就食左佢嘅沙律黎，記住，要第一時間食左佢，因為蔬菜有水份，擺耐左塊蝦餅會變左紙皮咁架！
《越萊過三關》檬粉套餐$36 凍飲+3
離哂罩呀真係，圖中呢一盤小點，就係過三關其中一關，佢叫做越萊小食拼盤。
當中包括「燒帶子明蝦涼伴茄子 x1 ，香茅雞翼 x1，脆皮春卷x1」+ 「雞絲牙車快」 +「凍檬粉一碗」，飲品我次次都揀凍奶茶，無得頂，我覺得好飲，講唔出嘅美味。
呢個套餐抵就抵在佢每一樣小食平時除開一件都大約要$10，呢度有4件，再有一碗大檬粉，唔細碗架！有埋凍飲大大杯$39，唔駛加一，係咪好抵屌先？Size都唔細，隻帶子大蝦都好好食！
記住趁熱食，唔好掛住影相，凍左唔好食，一陣又話我老點你！
《越式撈檬》
$36配一款配料 另加配料$8
另外我有一次叫左個蝦餅撈檬，係平常散叫的，好似車仔麵咁可以揀唔同食材拼搭，我以為蝦餅好細塊，點知一大舊再一開三，唔錯唔錯！不過我食落係有溝到粉，唔係純蝦膠打出黎，不過咁嘅價錢都算係咁。
《鮮蝦仁米紙卷》$18/3件
睇價錢覺得$18/3件好抵屌，於是叫黎試下，點知原來只係一開3，好差。好細個食越式粉包係獨立一件一件上，米紙卷咁樣一卷就唔好寫3件，應該寫一卷，咁樣我會明白佢嘅份量，感覺上到檯又無咁抵屌。
味道不過不失，靠個汁，唔算好好食，可以不叫。口痕叫下又無妨，反正$18。
《牛筋湯河》$34跟一款配料 另加配料$8
我次次去都食撈檬，所以有一次我叫左牛筋河黎試，本來想叫埋蘿蔔，因為牛筋加蘿蔔先好食，但要$8所以慳錢無加。最後上檯原來有跟兩舊蘿蔔架！即刻覺得自己賺左😂😂😂
牛筋好腍，味道正常，無驚喜，但佢有一大兜香料比你加落去，係九層塔呀！加完落去好食到爆😂😂😂完全係香料嘅功勞呀～😋
我絕對會再去，呢間又方便就腳又平，而家無得食晚市，下午茶要仆倒去食啦～🤣
.
地址：深水埗福榮街124號地下
Photographer - @daydaycheckin @oakley_________
Follow my IG :
www.instagram.com/mr.travelgenius
❤️
足本節目 ⏬⠀
Full Version ⏬⠀
Facebook/YouTube 搜尋Search⠀
🔥窮遊達人 Mr. Travel Genius🔥⠀
🎬 YouTube Channel⠀
🅿️ Facebook⠀
📸 Instagram⠀
📝 官方網站⠀
https://www.timbeelo.shop⠀
🍀
#Bread #黃店 #pork #dessert #越萊 #三文治 #foodie #foodpic #bonappetit #foodporn #foodphotography #sandwich #traveller #fashionblogger #深水埗 #hongkongtravel #越南美食 #blog #restaurant #igboy #香港 #香港旅遊 #打卡 #checkpoint #hk #hongkong #shumshuipo #豬扒包 #窮遊達人 #越南
十 一 日晴 blog 在 十一日晴/ The November BLOG : 生活感。是空間中 ... - Pinterest 的推薦與評價
2020/10/09 - 這房子是兩個設計師的對話。業主本身是工業設計師，在社群媒體上看到我們的作品「無印之家」 。覺得這完全就是他想住的房子，二話不說委託我們幫忙設計他 ... ... <看更多>