🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][TVB][踩過界II][EP09]
✅ 一切盡在簡sir手中 人物立場繼續神秘
❎ 又會最後一刻先睇返最初嘅證據又會有發現嘅…
以為許日東案會因為拎到石向榮嘅口水DNA樣本而完結，點知仲可以玩多一集。今集再透露多啲Eva嘅背境，亦都明確表示Eva會企喺盲俠嗰邊。
由簡sir話叫Eva去做文申俠嘅證人開始，其實一切已經喺簡sir嘅掌控之中。一早同石向榮夾咗口供打散Eva嘅證人供詞，亦都有另一個警員做證解釋埋喺偷情聖地埋屍現場搵到有石向榮精液嘅原因。最後以為簡sir會贏時，居然嚟個大反轉，由控放撤銷控罪，許日東當庭釋放，今集真係估佢唔到。
全集加強咗簡sir打官司嘅能力喺盲俠之上，亦都繼續塑造佢兩個唔同嘅面向：到底佢係為咗公義將疑點歸於被告所以撤控？定係文申俠講到明佢拎緊消防處出車紀錄，最後贏咗今場官司，拎到出車紀錄之後上訴嘅話佢最後都係輸，所以為保自己清譽，同時有助佢選大律師公會主席，所以先提撤控？呢個懸疑點好有吸引力。
不過到最後等判決之前，文申俠同簡紹宏先再聽返最原本嘅關鍵證據：停車場出入口片段，真係得啖笑……明明講盲俠咁慎重，點會睇漏呢？好啦，當佢今次失手，但盲俠睇片時佢都要用敏銳聽覺先聽到背景有消防alarm聲，點解簡sir一個老人家一聽就聽到？
另外又諗多層，13年前用呢段停車場出入口片段去將許日東入罪其實都幾牽強。只係證明到許日東拖篋走，石向榮一早離開咗現場，程可欣冇離開過泳會。幾樣嘢加埋，點解會認為許日東殺死咗程可欣？就係因為佢有非禮前犯？
不過劇組又唔係憑空想像嘅，現實喺香港真係發生過只有環境證供，陪審團判疑犯謀殺案成嘅案例。 >>>
https://www.hk01.com/%E7%A4%BE%E6%9C%83%E6%96%B0%E8%81%9E/138961/%E7%84%A1%E5%B1%8D%E5%91%BD%E6%A1%88-%E7%92%B0%E5%A2%83%E8%AD%89%E4%BE%9B%E4%BA%A6%E8%83%BD%E5%BC%B7%E8%80%8C%E6%9C%89%E5%8A%9B-%E7%84%A1%E5%B1%8D-%E7%84%A1%E4%BA%BA%E8%AD%89%E4%BB%8D%E8%83%BD%E7%A0%B4%E6%A1%88
btw，原來釵釵同Gogo係前度關係。釵釵同癲姐都為愛嘅男人做咁多嘢，依家仲加埋Eva落嚟。感情線愈來愈豐富，但希望唔好削弱啲case嘅劇情。
📺 81台 逢周一至五 2130~2230
[演員表] 王浩信 飾 文申俠 / 蔡思貝 飾 趙正妹 / 張振朗 飾 谷一夏 / 張曦雯 飾 邵美娜 / 秦沛 飾 簡紹宏 / 朱千雪 飾 戴天恩 / 姜麗文 飾 江寶釵 / 簡淑兒 飾 郭琳 / 張國強 飾 霍定邦 / 黃子恆 飾 華鎮岳 / 林景程 飾 馬存智 / 徐榮 飾 許日東 / 彭翔翎 飾 程可欣 / 陳國峰 飾 石向榮 / 祝文君 飾 法官 / 湯俊明 飾 龍 / 謝可逸 飾 虎 / 張明偉 飾 武 / 劉溫馨 飾 朱 / 趙樂賢 飾 窩釘 /
#1230隔夜超短劇評 #無綫 #TVB #踩過界II #林志華 #黃偉強 #馮日進 #鍾若詩 #王浩信 #蔡思貝 #張振朗 #張曦雯 #秦沛 #朱千雪 #姜麗文 #簡淑兒 #張國強 #黃子恆 #林景程 #徐榮 #陳國峰 #祝文君 #湯俊明 #謝可逸 #張明偉 #劉溫馨 #趙樂賢
口供樣本 在 加山傳播DB Channel - 【X小姐透過律師發聲明指調查未有公正 ... 的推薦與評價
X小姐表示，警方多次公開指投訴是「假消息」及「正循誤導警員或給予假口供方向 ... 我容許了警方在我的終止懷孕手術後從胚胎取出DNA樣本，以助辨別至少一名施暴者。 ... <看更多>