關於 只不過用喺唔識當嘅地方 ，我們在網路上蒐集到這些相關的討論、資訊與評價

唔知係咪呢排係咁剪片
連續四日發夢都夢到自己剪緊片
最搞笑係 醒後竟然繼續諗緊夢中的影片其實應該點點點剪會更好😂
問題係夢中片並不存在呢！
倒不如花多啲時間諗下手頭上啲片點剪仲好啦🤦🏻‍♀️
#發夢剪片起身又要剪片
#個腦冇停過
#邊個話我冇腦
#只不過用喺唔識當嘅地方
#花一點時間戇鳩
#花一點時間系列

歲月往往在不知不覺間流逝，很多人很多事總是難抵變遷。他們的故事會慢慢褪色，又或是一個不小心，就這樣消失在生活中，但留下的是情懷。面對消逝，有人會用文字、用圖畫，紀錄消失前的那一刻，然後在幾年後的一個不經意，從這些憑證中想起那些舊時的情懷。

「我哋想將香港美好嘅事物留低。」業餘微型藝術家蔡璧龍(Ian)和何國添，就想用微縮模型，去留住香港的舊時光。

遲來十年的共同興趣

Ian和阿添是工程師同事，兩人相識了差不多廿年，平時都是談論公事為主。直到十年前，Ian在女人街買了一架迷你衣車，而阿添也買了一架。那時才發現原來大家有共同的興趣，兩人一拍即合，在外合租了一間工作室，利用公餘的時間製作微縮模型。

「業餘」微型藝術家

Ian和阿添並沒有學過製作模型，連紙黏土的經驗也沒有。他們笑說自己是邊玩邊學，對比其他微型藝術家製作的作品，他們的作品就像是「小學習作」。起初，他們只是用最原始的方法，動手?紙去完成他們的作品，到後來，電腦切紙機、鐳射切割亞加力膠、蝕刻，再到3D打印，Ian驚嘆道：「原來世間有呢啲咁嘅技術。」

不斷學、不斷試。雖然他們說這只是業餘的娛樂消遣，但實際上，他們所投放的精力一點都不比正職少。他們會花上一、兩個月，甚至更長的時間去完成一個模型，更曾為了趕上展覽而通宵製作了幾個星期。阿添對着Ian笑道：「佢話佢試過一瞓醒，諗到一樣嘢，就會彈起身做。」

愈細緻愈像真

就在今年，他們用了兩個月的時間，完成了一個以藍屋為藍本的微縮模型。「原來佢有一個好得意嘅歷史背景。」阿添分享起他們從構思開始到製作完成的過程。從上網搜集資料，再多次到現場視察、量度，然後由Ian在電腦中畫設計圖，畫上每一個細節，定案後就開始買材料製作。

Ian表示：「呢個過程同我哋做工程差唔多，只不過成個比例縮細咗。」而正因為身為工程師，他們更會去留意現場設施的情況，譬如電箱電線的鋪排、水渠的位置、招牌受風化的狀況等。而本身知道設施分佈的地方與原因，也有助製作好模型中的細節。「愈多細節就愈像真、愈精彩。」這就是他們所相信的。

想留住往日美好時光

十年間，Ian和阿添製作了不少難分真假的作品，這些作品也曾在世界各地展出過。對他們來說，最大的滿足感就是觀眾分不清真假的那一刻。但除此之外，觀眾在作品中得到的感動，也是他們相當珍重的事。

Ian憶述一次在澳洲的展覽，有一位觀眾每天都會開車過來參觀。作品中的事物，便是那個觀眾小時候接觸過的事物：那些零食、那些玩具、那個當年所經歷過的場景。「真係會帶畀觀眾，一個好似係時光隧道嘅事，等佢返去以前嘅世界，勾起一啲特別係開心嘅回憶。」阿添也沉浸在回憶中。

但看着作品中的美好事物慢慢流逝，或早已消失。Ian和阿添都有很深的感受，特別是身為工程師的他們，在面對發展和保育的衝突時，阿添坦言，無論是社會還是科技的進步，很多事物都會被淘汰，例如他們所做的報紙檔模型，「好多嘢唔係你想留就留得住。」

Ian也嘆息說：「好多嘢都係，佢原本好地地喺度就無人珍惜，當要拆嘅時候，先覺得佢靚、需要保育。」也因此，Ian和阿添將來除了想藉微縮模型去保留香港歲月的痕跡外，也想製作一些香港具代表性的景點，或者捕捉不同人物、不同行業的神韻，向觀眾展示香港的特色，希望盡量在事物消失前，吸引外間的注意。

如何留住香港的美好時光？今集《港。故》用7分鐘，帶大家細看手指尖上的香港。

-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb　
IG：http://bit.ly/oncckonggu_IG　
Youtube：http://bit.ly/oncckonggu_Youtube

不少人做運動都是想有更強健的體魄，這集《港。故》活力十足的主角，除了想健身外，也希望能強化其他人的心靈。

Emily、Debbie與Claudia是「HK Bootcamp」的發起人，會定期舉行各類免費的街頭運動，並於她們社交網站的專頁廣邀任何人參與。她們本身互不相識，也不是專業的教練，初心也只是希望相約一起做運動，及後才慢慢地邀請其他人加入，一起感受運動帶來的正能量。

兩年多前，來自荷蘭的Emily到港讀書，因為想認識新朋友及融入社區，熱愛運動的她就在社交網站的地區群組發帖招友，於是找到了Debbie與Claudia，她們兩人都因為工作的壓力，及想有更健康的身體而做運動，卻在獨自運動中有不快的經歷。

健身室氛圍逼人　自組活動力求正面

Debbie曾經在健身室健身，認為當中的風氣令人很壓抑，「好多時都會聽到唔係咁鼓勵嘅說話，譬如會話你邊度肥、話你唔應該跑步，應該做咩，最後可能只係想推銷課程，會令人低落，唔想再做運動、逃避。」因此在自己成立的組織，三人都強調正向鼓勵，希望參加者安心嘗試，「我哋喺Bootcamp從來都唔會有人取笑你唔得、你好慢、你好肥、你好瘦嗰啲，完全唔會。」

知道街坊們水平有別，負責設計活動內容的Emily，也不會勉強參加者做到所有動作，「一開始都會同大家講，如果攰可以完全唔理我哋，可以休息、可以飲水。」因為三人都只是想參加者踏出第一步去嘗試，及慢慢培養做運動的習慣，「見證過好多由唔敢做運動、唔敢跳、覺得自己唔得、無笑容、好驚，到後來慢慢進步，或者幫佢哋建立自信心，希望有空間令佢哋變得更好。」Debbie補充。

由運動夥伴變好友　人情味濃郁

有着互相鼓勵的氛圍，令三名發起人及參加者的關係，不再局限於運動夥伴，一開始只是想減肥的Claudia直言，現在來Bootcamp最重要是想見到一班朋友，「我哋已經到咗攬頭攬頸嘅階段，大家都會好關心大家嘅生活，或者工作上嘅都希望可以一齊分擔。」三人都認為這比成功舉辦活動更重要，「呢份人情味係我哋Bootcamp一個好大嘅得着，其實人同人之間應該有咁嘅連繫，只不過係大家嘅壓力或者工作，令大家可能暫時忘記咗，好希望重新喚醒大家，其實身邊每一個人都有愛。」Debbie笑言。

望活動遍地開花　團結港人

三人成立的社交網站專頁，早前突破一千個讚好，成員都兌現承諾，在街坊面前做一千下「波比跳」(Burpees)，挑戰自己體能極限，「希望畀到一個好正面嘅榜樣，鼓勵大家去嘗試跳出舒適圈、去接受一啲挑戰，希望將呢個訊息帶畀like咗我哋page嘅人。」完成挑戰後的Debbie激動地說。

那天她們也再一次感受到街坊的愛，「有好多朋友嚟探我哋，買咗成堆水、寶礦力，受傷又有人幫我哋包紮、想買手套畀我哋，其實呢啲都係人情味，係我哋Bootcamp換返嚟，所以我哋希望可以保持落去，更多人加入去感受我哋呢份愛。」

三人都認為香港生活太緊張，長遠希望各區都有參加者，再自行舉辦活動，鼓勵運動之餘也將人情味帶到各區，「可能好多人金錢上有壓力、生活上有壓力，我哋希望將呢個Bootcamp嘅形式帶到每一個地區，令香港有更多呢種文化可以團結一齊，我哋三個嘅小小力量雖然唔係好大，但希望用我哋最大嘅努力去聯繫到香港人，慢慢攜手建立更好嘅地方。」Debbie盼望。

今集《港。故》用6分半鐘，帶大家參加充滿人情味的「HK Bootcamp」，健身之餘亦希望用愛來治癒大家的心靈。

-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb　
IG：http://bit.ly/oncckonggu_IG　
Youtube：http://bit.ly/oncckonggu_Youtube

齊齊地為床 天為被—序章—
今年想行富士山有兩個理由 ❶ 想係35歲之前，自己身體仍然冇病痛做自己想做嘅嘢 ❷ 浸淫喺日本文化成長下嘅80後，想更加深入了解呢座世界文化遺產活火山——富士山??????
嚟咗日本之後發覺自己想做嘅嘢多咗好多，而且日本比香港地大物博，接觸到嘅新事物機會同樣較多，資源分配亦唔會一面倒只係傾向大陸人?早係三月嘅時候丫仁已經開始徵召各路嘅勇士陪同征山，結果成功爭取組成一行七人，集勇氣、毅力同經驗於一身嘅「活力爆棚童顏組」齊齊向富士山出發??????隊中有香港行山經驗嘅同學、亦有曾經上過富士山嘅朋友、仲有喺歐洲行山經驗老手??陣容咁強勁，又點會有問題呢？
出發前一星期緊張到不得了，但由於裝備要係出發前一日先送到黎，所以只能夠放到屋企嘅一角等入袋??‍♂️係「そらのした」上網租咗一set7樣用品，有齊登山嘅必需品例如大容量背囊、爬山厚底鞋、二刀流行山杖、防風褸及褲、頭燈同補暖外套，寄到去屋企都只不過係13,400円?佢個網頁有齊中英對照，唔識日文都唔使擔心！你可以選擇送到去酒店，再經任何一間便利店寄番件回去亦得，得咗?完全方便觀光客兩手fingfing 就去爬山（來回運費都只不過¥1000?，抵俾）咁我一早就可以輕鬆着住成套裝備出發，唔使係五合目換衫慳返唔少時間???? 點解租？因為如果我今次成功制霸富士山頂的話，應該唔會再有第二次上山吧，說到底丫仁都唔係outdoor型?
放工之後即刻返屋企執行李，又要拍片影相等等都真係異常忙???越執就越覺得有好多野甩漏，兩點仍然仲處理緊上山嘅瑣碎事，無奈又要五點起身，只好乖乖地唞一唞補一補眠就起身出發！

我哋始終都係第一次行富士山嘅新手初哥，選擇咗難度最低但相當費時嘅吉田徑行！我哋喺新宿集合再搭京王電鐵到河口湖轉巴士，車程約兩個半鐘¥2100左右一程！搭巴士亦要買兩日券¥2200/人???計埋裝備，登一次山其實同滑雪差唔多價錢?
一個鐘頭嘅巴士車程車到我哋去最近嘅山口五合目！！合目（ごうめ）係等於check point / station 識別。
❶ 五合目
❷ 六合目
❸ 七合目 （距離最長嘅路程）
❹ 八合目
❺ 本八合目
❻ 八本五勺（人稱8.5合目）
❼ 九合目（最懸崖峭壁嘅難位）
❽ 山頂
共8個check points?而大部份嘅山小屋（やまごや）都位於七同八合目。因為正直行山旺季，早係五月嘅時候想開始電話預約小屋都打唔通。原本想選擇距離山頂近啲嘅人氣山小屋——御來光館，用盡方法都做唔到登記，大概星期六日嘅空位應該爆曬????退而求其次，我哋揀咗喺八合目元祖室，但願有一餐飽飯來暖暖個胃。
上到五合目已經有成海拔2200米左右，而且溫度由河口湖嘅33度驟降到最適合人類生存嘅溫度，超爽YY嘅15度左右??????受氣壓影響，朋友帶來嘅平時薯片、濕紙巾密封包裝都已經脹過醬爆??我哋要等身體適應高海拔，所以我哋要係五合目休息至少30分鐘先可以出發。五合目個大空地前見盡人生百態，有人做熱身拉筋、有人買糧食衝刺；有人去神社參拜保平安，亦有人寄明信片；丫仁當然要去買一支必買留念佳品——金剛棒，於每個check point到印一個特別嘅燒印，證明自己有到過呢個地方??????
金剛棒有長有短，任君選擇。有人買長嘅當行山杖，短的就當紀念，價錢有¥600到¥1500不等。我哋做完熱身，搽好防曬就圍埋一齊柴娃娃叫口號：「がんばるぞーAAO?」
2018年7月21日12:45為我地登上日本之巔，展開一生難忘嘅登山旅程?????????

ps：應該會係第一次打內容同多啦A夢大長篇差不多嘅遊記

第1章：
https://www.facebook.com/WHJP2015/posts/2612960658930090
第2章：
https://www.facebook.com/WHJP2015/posts/2619351031624386
第3章：
https://www.facebook.com/WHJP2015/posts/2627141754178647
第4章：
https://www.facebook.com/WHJP2015/posts/2635127250046764

懇請大家陪住【丫仁】成長，緊貼我最新動態 ♫
分享在日期間的生活，點滴累積成長！

【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！