說到港女去扶桑國當AV女優那單新聞，朋友問我點睇，我第一個反應就係：「關我咩事？我又唔睇女人嘅。」雖然我唔係潛在客戶，但我都講兩句啦，不過唔係講那位準女優，係講留言班男人。
真的，我好耐冇睇新聞，可以感受到人間如此強大的正義能量。成班麻甩佬講到做女優幾傷風敗德，但我又想問句：你有冇睇過AV先？請誠實作答，說謊的話，以後網上識的裸聊正妹都會其實是來偷拍的男生，每次打丁時都會遇上媽媽敲門問「飲唔飲湯呀？」。
在2016年Pornhub的VR成人內容瀏覽量排行榜裡，香港這個彈丸之地竟然排名第三，力壓全球。人會說謊，但數據不會，數據誠實地反映：你地班男人就係一班又要睇但又要鬧的矯情小賤人。
何況，只是拍AV而已，又不是去日本運黃金，不犯法的。至於人家有沒有性病，著實不用你擔心，我深信員工永遠是公司最重要的資產，而成人片製作公司都會讓參演者驗身，不然成個產業都染病開不到工，損失的都是公司。某程度上來說，和AV演員上床，比起你那個在蘭桂芳檢回來那個食牙籤的小女孩，都要安全可靠。
至於說那個劇本要求女優找路人上床，親愛的，你唔係咁都信呀嘛？你試試在路邊有條女帶住個camera-man衝過黎叫你做男優，你縮都縮唔切啦！我在office收足一年delivery、同班鬼佬開左無數次會，都未試過俾人搞過呀！虧我仲要成日著住套三件頭，期盼著「鴻鵠」將至，說好的Men at Play呢？（充滿怨念的吶喊）
呢個世界，做AV演員就好似香港的政治咁：有料有實力的人永遠唔肯企出黎做，然後一班騎呢怪衝晒出黎做，最後就係一班冇出錢冇出力的鍵盤聖戰士，對住部電腦係咁打打打打打字，又要睇又要鬧，彈人質素唔好但又唔捨得俾錢，又要虧又要學人威。
我有睇，我無俾錢，所以我無資格鬧，that's it.
Credit to: https://www.pinterest.com/pin/326933254176311593/
#我相信我係唯一有引用數據而非齋嗡的AV評論
#其實我寫文好學術
#我很婊但我很scholar
#你係咪想話我教壞人提倡大家去做女優呀
#你睇完我篇文係咪即刻想衝去做
#係就去啦記得話係我介紹
#我叫你唔好投葉劉你有聽我講咩
#人地票后黎架
#想當年我的志願係賺第一桶金就包起航君
#可惜佢英年早逝
#自此我近乎再沒看過日本的愛情動作片
#我花心但我好專一
#唉你唔明架啦
#情人若寂寥地出生在1874
#北方有佳人絕世而獨立
