喺智能手錶方面，Garmin 一直都維持唔錯嘅出品，吸引到唔少人選擇佢哋，近期佢哋就推出咗VENU SQ呢款1千中尾至2千頭價位嘅入門款，我哋一齊做個開箱睇下！
VENU SQ有分中文版及英文版，之後兩款語言版本之中，又有分標準版同埋音樂版。而喺我手上依款係中文嘅標準版，外形採用咗方形設計，有別於Garmin以往常用嘅圓形設計。機身旁邊有兩個掣，可以俾大家切換運動模式，打開功能頁面等等。錶嘅背面有心律、血氧探測器同埋充電位。而重量方面就只有38g，戴上手完全唔覺得重，好輕巧。
VENU SQ錶面尺寸為40mm，採用嘅喺LCD屏幕，係一般室內或戶外地方使用都唔會有問題，而且喺比較暗嘅地方，都可以維持光亮度。呢隻錶嘅邊框比較厚，用手指滑動錶面嘅時候可能會有少少影響，不過習慣咗之後都無咩問題。
至於功能方面，全天候健康監察就唔少得。只要向上向下滑動屏幕，就可以睇到多款健康數據，例如呼吸頻率，心跳，壓力偵測等等。要做運動，就可以㩒右上角個掣，選擇返自己要做嘅運動，開始量度身體狀況。就等我試吓步行先，我行咗大約10分鐘左右，佢都show齊我嘅心跳、壓力指數、血氧等等。
除咗運動功能，大家都可以㩒右下角個掣進入功能列表，功能包括調較錶面設計，set鬧鐘、計時器，同睇返以前嘅運動記錄。VENU SQ 連接咗電話之後，可以透過 Garmin 個 app 睇返詳細健康資訊，同埋錶面都會有來電及訊息提示功能，如果用 iPhone 嘅話，就只可以睇，唔可以喺錶上面覆。如果用緊 Android 手機，你就可以用預設嘅罐頭回覆短訊。
最後，呢隻錶嘅電量只要唔係長期使用 GPS 或者聽歌，就可以用足幾日唔使叉電，配合埋睡眠偵測功能仲可以帶住訓。
呢隻VENU SQ以大約2千港幣入門價推出市場，而且有齊上述功能，對於想試一試入門智能錶嘅人嚟講，呢個係一個唔錯嘅選擇。
圓形邊框app 在 [問題] 照片拍出來是圓形的app - 看板iOS - 批踢踢實業坊 的推薦與評價
最近愛用的 Instagram 把大頭照框改成圓形
每次換照片都很困擾...
不知道有沒有可以直接用圓形等
非正方形格去拍的相機app呢？
(不要是用裁切方式的謝謝)
--
Sent from my iPhone
--
※ 發信站: 批踢踢實業坊(ptt.cc)
◆ From: 223.142.124.121
... <看更多>