堂哥住左差唔多一星期
終於都走啦
呢兩位堂哥同之前嚟我地屋企住嘅堂兄堂姊好唔同
而我嘅結論係父母教育真係好緊要
呢兩個小朋友唔係唔乖
但例如禮貌上 佢地爸爸睇住有問題
但都無去立即改正
所以就會導致問題 成為一個習慣同性格
無人有資格 亦唔應該去批評其他父母點教養
因為的確背後有咩原因各樣 我哋都唔知道
但係對我嚟講
睇人地點教仔/點唔教仔
係一個好好嘅學習同提醒
我地同小朋友都有傾返呢個星期某d情景
其中一個最大嘅課題
係來自咁岩最近同小朋友
一齊翻睇嘅一套電影 Wonder
裡面有句金句好觸動我哋
“When given the choice between being right or being kind, CHOOSE KIND !”
而係好多同堂哥嘅相處都涉及到
佢永遠都選擇right
而令衝突發生
什至令人唔喜歡佢嘅主因
所以呢個星期對我做人呀媽都學左好多野
因為好少有機會咁近同咁長時間同另一家人一齊生活
學習一就係唔好批評人地點教仔
學習二就係細心觀察 然後自己吸收
再調節點教自己個仔
P.S. 為免節外生枝
我都係唔post堂兄嘅合照
呢張全家福尋日一齊去玩嘅時候影嘅🥰
堂哥 個仔 在 港唔斷戲 Facebook 的最佳解答
《一秒拳王》中的「堅持」
(含劇透)
「每一秒、每個選擇,都可以創造另外一個平行時空。」
—
唔好比《一秒拳王》老土嘅海報呃咗,
佢係一套有心有力,尊重香港嘅作品,
—
《一秒拳王》講嘅,係方仲永「小時了了」嘅故事,主角周天仁(周國賢)由細個開始成名,發現自己有預視未來一秒嘅超能力,由細個開始比爸爸進行各種嘅利用,無好好去發展自己嘅潛能,輾轉去到中年「大未必佳」嘅時間,只可以喺酒吧呃C9猜枚度日,最後淪落到失婚失業嘅下場。
—
承繼住《救殭清道夫》「廢青」嘅套路,周天仁角色嘅形象,就係典型嘅麻甩廢中,後來佢遇上咗「英毅拳館」嘅二代傳人葉志信,因為走投無路而踏上咗拳擊之路,並且發現如果將自己嘅能力應用喺打拳上面,所向披靡。喺《救殭》入面,主角張春天發現自己嘅「無用之用」,掃地嘅技巧都可以用嚟打殭屍,而《一秒拳王》入面,周天仁由「廢中」到重拾人生嘅意義,關鍵不在於自己嘅超能力,而在於「堅持」。
—
而「堅持」呢個命題,亦可以套用喺電影嘅其他角色之上,例如由導演趙善恆飾演嘅「葉志信」,佢天生無超能力,反而有哮喘嘅問題,但佢由拳手轉為拳擊教練,一樣可以發光發熱;周天仁嘅仔天生有弱聽嘅問題,但佢並無被殘障打低,反而努力去將弱點轉化為優勢,可以選擇唔去聽唔想聽嘅說話;由明禎飾演嘅「小瑤」,自幼被父親拋棄,被前度欺騙,但仍然自強不息,將正能量帶比其他人,默默支持堂哥嘅拳館。每位角色,都有自己嘅問題,但解藥都一一指向--「堅持」呢兩個字。
—
即使可以預見一秒後嘅未來,但兩秒之後嘅嘢你就唔可以控制,所以人唯一可以做嘅,就係做好當下嘅每一個決定。周天仁嘅超能力究竟係一份禮物,定係一個詛咒?睇你點睇,周天仁可以因為懷才不遇而意志消沉,亦可以將自己嘅能力運用到最好。
—
「天行健,君子以自強不息」,堅持唔一定會贏,但唔堅持就一定會輸。那怕被打到頭破血流,周天仁為咗自己個仔,點都堅持撐落去,呢個道理,可以放喺好多唔同嘅事上面,就好似電影入面有其他國藉嘅演員,雖然對白唔多,但佢哋都堅持要講廣東話,呢個,就係對本土電影嘅堅持!
堂哥 個仔 在 絲房菜 Facebook 的精選貼文
呀生,你邊位呀😂😂😂😂
做咩著到成個仔咁😂😂😂
呀媽只係入個廁所。姐姐話奶奶👵🏻話呢啲堂哥以前既衫仲好靚,唔好浪費俾花花著😂😂😂
真係以為多左個仔🤦🏼♀️
#小米姊妹花
#米媽育兒日記
#小米家姐五歲小花妹妹八個月
#小花加固日記
更多米媽日常及介紹動態,可以去米媽IG: Sici Chong
👉🏻https://instagram.com/sici_chong