［本城根本民智未開，講乜鬼STEM］又係信報，唔知我時運高定乜啦。但，知識份子報紙？哈哈。定我搞錯咗，唔係知份子報紙，係高收入人士報紙？咁一樣哈哈哈。但其實反映現實，香港啲高收入人士就係咁上下。我知係飲食版唔係科普版，但都未免太離譜啦下話。而我肯定你去投訴，個作者一定鬧返你轉頭話你冇常識。
大佬呀，檸檬係鹼性都寫得出？食個落肚試下先講？
然後最可惡係乜？啲人仲要反駁你，話畀你知「拿埃汾你唔好咁膚淺啦，酸味就真係酸性食物咩」。我保證你拎埋啲檸檬汁用試紙試甚至用 pH Meter佢地都會話你知「拿你就搞錯咗啦，科學上嘅酸鹼性同養生酸鹼真係兩回事」。而我都幾肯定，科學上嘅弱智，同真實嘅弱智，都應該有啲分別
呢啲友同啲反疫苗撚精油撚偏方撚一樣。我真係寧願你係我太婆嗰類人，咁唔識科學嘛，咪信民間智慧香爐灰溝水—但至少佢唔會出嚟講科學呀！
而家呢啲咁嘅反疫苗撚精油撚偏方撚，最大嘅問題唔係佢地唔講科學—最大嘅問題係佢地講科學呀！令我諗起句名句：知少少嘅廢柴，比一無所知嘅先天白痴，更加危險亦更令人痛苦。
係呀，DK effect 嘛- 但呢個說法令人好沮喪的- 因為你發現啲弱智嘅一樣都咁諗你，佢地一樣都share -佢地一樣都覺得其他人錯，「啲科學家明明乜都唔識仲咁自信」「啲西醫井底蛙我地民間偏方幾千年歷史呀佢地仲咁自信」
成堆咩鹼體質之說，根本就係偽科學，不值一駁亦不值得討論。啲友以為檸檬酸嘅鹽（by the fucking way，科學上講嘅「鹽」就真係唔同你日常講嘅食鹽Sodium Chloride NaCl，定義濶好多），例如檸檬酸鈉 （sodium citrate），溶落水係弱鹼性，所以檸檬就係「鹼性食物」。借問聲個邏輯在邊？你講檸檬定檸檬酸納？你講檸檬定你消化咗之後嘅嘢？你食舊叉燒落肚變咗屎，你食嗰舊係叉燒定屎？
然後在呢個「酸鹼體質」理論中，講有一大堆嘅偽科學。「檸檬是鹼性食物」、「常吃肉會造成酸性體質」、「酸性體質容易生病」、「檸檬可改善酸性體質」之類，網上周圍都搵得到。
大佬呀，你身體入面，長期都係嗰個酸鹼度的，你食乜都唔會改變到。食肉唔會變咗酸性，否則你一早死撚咗。同樣地食檸檬唔會變返鹼性（都話檸檬係酸性）
其實，要知呢啲嘢真係好簡單，你甚至唔使識任何科學。講真而家世界咁複雜，又唔係個個都學霸，一科學霸都未必其他科識，邊識得晒咁多嘢。
但我地有樣嘢，叫做公信力。
你去搵下，寫「檸檬是鹼性食物」嘅，係乜嘢人，乜嘢網頁，呢啲人呢啲網頁嘅往績係點，咪自然明咯。你有冇一份正正常常嘅報紙，或者一個正正常常嘅科學家學者，會出嚟講「檸檬是鹼性食物」？
有嘅，有啲不明來歷嘅「營養師」咯。時間關係冇慢慢睇，話時話，在香港台灣係咪咩人都可以自稱「營養師」？係嘅話，即係神棍啦
（btw，haters可能會講阿豬阿狗都可以話自己分析員投資專家嚟串我—yes and no。首先本人至少有正常大學嘅學士同碩士學位，亦係證監持牌人，仲係CFA．不過事實的確任何人都可以自稱分析員—但我冇撚話過你知嗰啲係科學）
咁當然，你永遠冇可能改變呢啲人，你冇可能叫疫苗撚信西醫—直到佢地或佢地嘅B中招。直到有人飲檸檬汁飲到胃潰瘍咯（http://bit.ly/2Iu3cBO）
最可恨嘅係，等同早兩星期嘅明報貼過篇文，（疫苗，為何猶豫？http://bit.ly/2IsAktR），好撚好笑的。作者聲稱有科學家西醫，又有懷疑疫苗嘅人，佢就係「騎牆派」—媽的，但擺明作者自己都係疫苗撚咯。科學唔撚存在你「騎牆派」的。你冇可能話叫人地跳樓嗰時就唔信科學，冇事嘅，科學家都好信嘅。到自己跳時就「不過參考下科學家意見都好嘅」。
呢度仲返到最後一樣嘢，又係睇到呢個年代嘅反智。有啲網頁（自己搵啦），會羅列雙方「證據」，然後話比你知，哦，都係各有說法啫，我地持平啲。真係媽媽咪亞。醫生話有病要食藥，太婆話應該飲香爐灰水，都係各有說法，持平啲。
所以最後送一句比大家，以表示我地年代有幾反智：NASA scientist says Mars is probably uninhabited; Professor Snooks says it is teeming with aliens. It’s really a matter of opinion
呢啲，就叫做my ignorance is just as good as your knowledge。唔好咁獨裁，呢啲嘢好主觀，點解科學家一定啱？
人類文明呢，其實經歷咗四次浩劫。第一次就係活字印刷術，第二次係普及教育，第三次就係互聯網，第四次係社交網。簡單嚟講就係知識平民化，民主化。呢四樣嘢，令到好多根本應該食屎嘅廢柴都接受教育收到資訊仲可以出嚟多撚多事實，培育咗一大班識字嘅文盲，江湖從此多事。
我個人認為申請上網之前應該要驗腦，做問卷，IQ Test，科普測驗。好獨裁？放心，嗰啲人一樣咁認為的！不過佢覺得你先係白痴。
