之前都同大家透過video分享Harper嘅教具，其中好重要嘅一款就係書仔，因為其實小朋友幾個月大都可以睇到圖像，如果加埋父母嘅講解，大大吓你就知道其實佢哋睇得明，好似見到貓就會「喵」，見到波會講「波」，見到sad face識得整個慘樣俾你睇😂而從小開始培養小朋友閱讀嘅興趣係非常重要，先唔講幾多研究顯示早啲俾小朋友開始閱讀可以刺激佢哋腦部嘅發展，其實大家都知道幾年內佢哋就要返學讀書，無論係傳統學制定行IB，都會要求小朋友有好多課外閱讀，呢個技能真係必須培養，希望佢哋自己鍾意睇書唔好抗拒。
但係上次都有家長問到，除咗價錢比較昂貴嘅整套教材，有冇其他介紹，又或者屋企都無太多位擺書仔點算好？今次想同大家介紹一個好有heart嘅機構 @preproot_storytime ，佢哋有唔同嘅package俾大家租書，當然你想買亦都可以，而佢哋最特別嘅地方就係會為你嘅小朋友度身訂造適合佢哋嘅閱讀系列，你需要首先填一張表格等佢哋了解你小朋友嘅程度同興趣，例如我有講明佢好鍾意小動物，最近學緊顔色等等，佢哋就會因應我嘅情況寄書俾我，Harper收到都好開心，呢啲書都係佢哋從世界各地精選返嚟，有好多更加係得獎嘅幼兒書籍，好有啟發性。
有興趣嘅朋友可以去佢哋度睇吓♥️
幼兒書籍 在 瘋狂二手（全新）書『限適合嬰幼兒、0-18歲』 - Facebook 的推薦與評價
二手嬰兒用品 ... 瘋狂可以出清、徵物、販售、贈送、分享書籍、書籍推薦聊聊天，請以「適合0-16歲」的書籍與話題為主。 ... 瘋狂這詞的意思是「把瘋狂購買的書賣出，以得到小額 ... ... <看更多>