終於搵到個part time工人。講掂數一個星期返5日，每日返4個鐘：11點至3點。
第一日返工，好準時。自我介紹之後，行咗入廚房，喺餐枱度一屁股坐低，開始問問題：
姊姊：你用開乜清潔用品？
我：嗄？我都唔係好清楚。你可以睇睇廚櫃裡面有乜，如果你需要其他嘢，可以買。
姊姊 （起身，check過廚櫃入面d嘢） ：唔！我對所有化學物質都敏感，你d嘢我唔用得。
我：哦！咁買過囉。冇問題。
姊姊：我寫張list俾你，你照返呢d牌子買啦。
我：吓？我去買？
姊姊：係啊！其他牌子我用唔慣㗎。
我：而家去買吖？
姊姊：唔一定要而家買既，不過今日就做唔到清潔囉。
我：哦。咁今日做d乜好呢？
姊姊：我可以吸塵既。
我：都好。（話俾佢知吸塵機喺邊）
姊姊用吸塵機吸完樓上d睡房，落樓同我講：我諗你需要喺樓下都買返部吸塵機，我搬上搬落，太麻煩。同埋我老公叫我唔好搬重嘢。
我：但係我屋企有電梯喎。你用電梯得唔得呢？
姊姊：我有幽閉恐懼症，唔搭得電梯。
我：（好崩潰）不如你今日返住2個鐘先，我聽日買齊嘢，你再來啦。
姊姊：都好。咁你記得買我指定既牌子喎。
我：一定，一定。
一關門，我即刻再上網登過新廣告，例明：公主病患者，請切勿申請。
各位網友，我好肯定，係我既磁場出咗問題😩😭😳#工人 #家務助理 #parttime #美國 #美國人 #公主病
幽閉恐懼症電梯 在 無光晚餐陸續遇過幾位有幽閉恐懼症的客人 的推薦與評價
無光晚餐| 幽閉恐懼症幽閉恐懼症是種對密閉空間的一種焦慮症，患者在某些情況下，例如電梯、車廂、隧道或者機艙內，可能發生恐慌症狀態。... ... <看更多>