英文版《蘋果動新聞》上線啦!每日會將精選報道繙譯成英文,等海外朋友都可以知道香港嘅情況,打國際文宣戰就更加方便啦!
如何閱讀英文版《蘋果》
❶ 請先更新《蘋果》App 👉 http://onelink.to/appledailyapp
❷ 打開《蘋果》App,右上方會有「English」按鈕
❸ 按「English」便會轉到英文版《蘋果》
#快啲Share畀朋友知
/// 國際線要人!! ///
英文版《蘋果動新聞》登場喇!以後Send英文新聞畀海外朋友都多一個選擇,等全球人更加清楚香港現況,一齊Stand With Hong Kong! bit.ly/2Xjnp4v
#本地英文新聞 #快啲話畀你啲外國朋友知
==============
🍎 8折全年睇《蘋果》即慳$121!
現有日費訂戶亦可轉訂: bit.ly/2J0OCAO
==============
📣 召集有心人!贊助學生免費睇蘋果
我撐學生 / 我是學生: bit.ly/2PB9WTB
同時也有4部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,INSEAD 知識分享【做生意如打仗 - 尋找 Blue Ocean 的六條新路】 如果你的競爭對手比你更強,你應該如何打勝這場仗呢? 根據 Blue Ocean Strategy 藍海策略之父 W. Chan Kim,有六條路「打勝」這場仗。你應如何應用? 聯絡李根興 WhatsApp (+...
快啲話畀你啲外國朋友知 在 李根興 Edwin商舖創業及投資分享 Youtube 的最佳解答
INSEAD 知識分享【做生意如打仗 - 尋找 Blue Ocean 的六條新路】
如果你的競爭對手比你更強,你應該如何打勝這場仗呢? 根據 Blue Ocean Strategy 藍海策略之父 W. Chan Kim,有六條路「打勝」這場仗。你應如何應用?
聯絡李根興 WhatsApp (+852) 90361143
全文內容:
做生意好似打仗咁, 如果你嘅敵人好強,你同佢正面交鋒 ,即使你贏,你都只係慘勝。 你會好傷。
你同個強過你的競爭對手鬥平 鬥靚,就等如係同佢係正面交鋒。 呢個係一個紅海, 互相廝殺,血染大海。咁點呢?
我星期六經常同唔同嘅朋友交流下做生意心得, 4位,人少少方便傾計, 如果你有興趣參加,可以whatsapp你張卡片畀我助手 Suki 5566 1335, 免費,我請食飯, 大家交個朋友。
前排就同其中一做開手袋嘅朋友Brainstorm 下佢盤生意點可以突破。 始終牽涉私隱,唔好開佢公司或人名啦。Let's call him Peter.
Peter 好成功, 紅褲仔出身,廿年前由東南亞 OEM (Original Equipment Manufacturer) 做起, 即係幫人哋嘅品牌生產手袋。 前幾年就建立埋自己嘅品牌, 有埋自己十間八間嘅專門店, 賣到全世界都有佢嘅袋。 (為保障佢私隱,上面有啲內容我修改咗些少。)
表面上好成功,但老實說,佢都話做得好辛苦, 俾大品牌挨住嚟打。肺炎疫情更加唔洗講,基本上每個月蝕住做。
我同佢講, 佢就好似正面地同強過自己嘅敵人打仗咁, 敵人就係 LV,Chanel,Gucci,Prada 等, 佢哋永遠都喺度, 鬥平或者鬥靚,即使打贏場硬仗,好大機會即使打贏,自己都只會受重傷,慘勝。
要打佢,就應該從側邊打。 攻佢一啲佢唔為意嘅地方。 吸嗰啲根本唔會幫襯佢或就嚟發想想再幫襯佢嘅客人。吸佢嘅 Non-Customers。
你諗下,如果喺街上面問一百個人, 佢哋有冇買LV/Gucci 手袋,99個都可能答你「無買」 或唔打算「再買」。 只係得一個有。 咁你同佢打就唔應該搶嗰一個客,而係應該target嗰99個 non-customers。而嗰99個non-customers 入面,只要有一個願意幫襯你,你嘅市場佔有率就係50%,有兩個幫襯你,你嘅市佔率係66%。
你係要target嗰啲「買袋 for those do not enjoy 買袋嘅客人」。
點搵? 根據Blue Ocean Strategy 藍海策略之父 W. Chan Kim 有六條路, 唔需要條條行曬,行通一條已經足夠。
(1) Across alternative industries 跨越另一選擇行業, (2) Across strategic groups 跨越策略性群組, (3) Across chain of buyers 跨越買家決策鏈, (4) Across complementary services or products 跨越協同效應服務或產品, (5) Across functional-emotional appeal 跨越功能及情感的吸引力, (6) Across time and trend 跨越時間及趨勢.
我同Peter講, 你做手袋可唔可以試下以上六條路。
(1) Across alternative industries 跨越另一選擇行業, 例如我做商舖基金,就係跨越咗兩個行業 - 商舖及基金。 啲人覺得買舖好煩嘅,就會買我嘅商舖基金。一樣係「買舖 for those do not enjoy 買舖。」
當時我哋食緊飯,我同Peter講:「咁你又可唔可以考慮將手袋 cross 另一個行業呢? 好似我哋而家食完飯,成枱都係餸,你又可唔可以推出一啲名牌專打包外賣嘅手袋賣俾餐廳? 環保啲、保溫好啲、 款式多啲,咁餐廳可以轉售畀個客人圖利, 咁就唔會直接同 LV / Gucci 競爭, 咁會唔會吸到嗰99%嘅non-customers, 用手袋 cross Catering 餐飲,又會唔會殺出條血路呢?
(2) Across strategic groups 跨越策略性群組。 一個手袋,可以買亦可以租。係兩個Strategic Groups。既然係咁,可唔可以推出一啲月租計劃, 月費500蚊,預繳每年6000蚊,就每個月無上限,只要個客寄返個袋返嚟,就換個新袋畀佢用呢? 甚至乎搵個形象顧問,幫個客度埋嗰個月嘅新形象,畀啲surprise個客。 咁嘅話,會唔會吸引咗好多老公,幫老婆買個plan送俾佢呢? 咁老公唔使煩,老婆又有surprises。 咁係唔係「買手袋 for those do not enjoy 買手袋? 」 LV / Gucci 嘅 non-customers?
(3) Across chain of buyers 跨越買家決策鏈。 買手袋,有 users 用家 (可能係個阿太),payers 俾錢嗰個 (可能係個老公),influencers 具影響力嘅人 (可能係啲KOL,佢側邊啲阿太朋友或者仔女),critics 評論者 (可能係啲雜誌/網上專家), 上面咁多人,其實每一層都可能影響咗成個買袋嘅過程。 你想賣多啲袋,rather than 好似LV/Gucci 咁狂賣廣告, 不如可唔可以洗啲錢喺唔同層次上面影響個買家呢? 例如專門 target 啲孝順仔女, 唔知你點樣設計個手袋法, 但畀啲仔女感覺到話想阿媽用了個袋後就會「健康」啲,「青春」啲? 或者專門送啲手袋畀KOL (Key Opinion Leaders),俾啲阿太見到,佢哋又跟住買呢?
(4) Across complementary services and products 跨越協同效應服務或產品, 好似外國嘅IKEA, 通常都有個 Child Care Center, 比啲阿媽免費放低個仔女幾個鐘? 入面免費有嘢食,有嘢玩。點解? 佢呢就可以有時間入去 IKEA shopping。放低十次唔買,第十一次,冇嘢做,行下行下自然會買。 買一次就能賺返曬返嚟。
我同佢講:「咁你做手袋專門店, 又可唔可以試下提供一啲免費嘅協同效應服務,例如, 修甲、吹頭、 即場享用嘅修身飲品,whatever, 總之就吸咗個客入嚟舖頭先,十次唔幫襯,第十一次自然會買個袋。 有冇留意到坊間有好多品牌其實都已經做緊同樣嘅嘢,皇后大道中嘅 Mercedes 餐廳,銅鑼灣嘅Leica Cafe 等。
我自己日日拍片畀你免費睇,其實都係行緊呢條 Complementary 路,你睇下睇下, 睇咗100條,1000條,遲早有一日你會買返間舖。 到時第一個搵邊個? 你都可能會考慮下我。
(5) Across functional-emotional appeal 跨越功能及情感的吸引力。 要贏人,就唔好淨係鬥價或者質量。 等如買部手機咁, 唔係function勁就贏曬。 蘋果手機好多嘢都過人,但硬係有好多蘋果迷, 情感上就係要買蘋果。 佢哋多啲錢,都要願意買啲渣啲嘅產品。 呢個就係 Emotion 大過 Function.
包括我在內,點解人地幫我買舖? 可能睇咗我300條片之後,覺得呢條粉腸李根興,日睇舖晚睇舖, 講埋啲乜鬼個人道理/故事,放埋佢老婆仔女上網,感覺呃人都呃極有個譜 , 唔介意畀啲錢佢賺下。
我同Peter 講,你背後又有咩故事同人分享呢? 你盤生意呢?人哋feel唔feel到你呢? 你有乜嘢去 drive emotion 呢?
(6) Across time and trend 跨越時間及趨勢. 隨著時間同埋趨勢/科技嘅改變, 今時今日先有機會有 Deliveroo / Food Panda 等叫外賣應用程式, 網絡速度快才能做到。 以前網絡好慢嘅時候,根本做唔到。我同Peter 講,手袋一樣,有無可能推出一啲袋, 每日可以 track 住佢去邊度,提出消費建議。又或者佢唔使拎銀包出嚟就方便畀到/收到錢呢? Whatever ...
目的就係吸引嗰班 LV/Gucci 嘅 Non-Customers。 只要你吸到1%,你就有50% market share. 唔需要六條路行曬,行通一條已經可以不得了。
我同Peter佢講,there is nothing wrong with what you are doimg now. 正面交鋒,鬥平鬥靚, 養活咗99%中小企。 不過佢哋大部分都只係繼續浮浮沉沉, 要突破嘅話,就係要搵到你嘅藍海。
藍海唔係喺Customers 道搵,而係喺 Non-Customers 道搵。 唔係要去爭,而係要做大個餅。Not Compete, but to Create.
如果我買賣舖,下下都要鬥平 鬥靚,根本無錢賺。 論身家,大把舖王多我幾百倍。但點解過幾年, 係市場嚟買賣賺錢嘅街舖 ,按宗數我哋能夠佔超過五成嘅市佔率? 就係因為我哋吸咗嗰1%嘅 non-customers。
「買舖 for those do not enjoy 買舖。」 我哋搵到我哋嘅藍海。
你呢? 你有無更強嘅競爭對手? 你又係咪同人鬥平鬥靚緊? 係咪正面交鋒到好攰呢? 試下用上面六種嘅方法, 從你嘅敵人側邊打佢, 唔需要條條行得通,只要行啱一條, 希望你盤生意之後長遠亦有所突破。
「做生意如打仗。遇上更強的敵人,要避免正面交鋒。 應從側面六條路,打他們唔為意的地方。」李根興
。。。。。。。。。
星期六我經常會搞下 Brainstorning-for-4 早餐/午餐會,大家交個朋友???? 互相俾下意見睇下盤生意有乜可以做好啲。
地點是中環。約3小時。
對象: 管理層/生意經營者/創業者
有興趣參加的話,請 whatsapp 你的名片給 Suki (我助手) 5566 1335。她會再聯絡你。
免費 (我不是靠這行搵食?)。我請食飯 ? Be friends ..... 多謝! 李根興 Edwin
www.edwinlee.com.hk
快啲話畀你啲外國朋友知 在 港。故 kongguhk Youtube 的精選貼文
今日的香港,輕生的新聞幾乎日日出現,更包括只有十多歲的小學生。
與癌魔搏鬥了足足七年的美女歌女李明蔚(Sarena),對此現象感到很心痛:「好後生,仲有好多時間,你唔知道之後會發生咩事,之後嘅路好漫長,可能會更好呢,所以唔好咁快就放棄!」
抗癌七年 癌細胞入骨 面癱眼珠動不了
《港故》第一次與Sarena的訪問,是在2016年尾(重溫《甜美的沙啞》http://bit.ly/KongGu_Sarena2016),當時她經過多次化療後,雖然聲音變得沙啞,但仍然可以正常說話。
直至2017年底,知道她成功圓夢出碟後,我們再次相約她拍攝另一輯訪問(重溫《遲來的圓夢》http://bit.ly/KongGu_Sarena2017),可惜她的病情卻未見好轉,更出現面癱症狀,說話咬字也變得不清晰,聲線亦變得更差。
到最近Sarena的病情又再轉差,腫瘤擴散至肺、肝、腎以及骨。而最令愛美的Sarena難受的,是面癱令到她的右眼眼珠都動不了,睡覺時更要用膠紙貼住才可以休息:「都有一個月唔想見人,因為覺得好怪,我唔想影相,呢半年眼珠又郁唔到,好似『鬥雞眼』咁樣,都係好驚見到人。」
接受自己 更要面對自己
癌魔不但奪去Sarena的甜美聲線,現在更令她「變醜」,但天生樂觀積極的Sarena,很快就再次振作起來:「有一次我上網見到個外國女仔,細個果陣畀屋企人搞到毀容,但佢都將自己嘅容貌、故事分享出去,我覺得佢果份自信好靚。我依家都接受咗自己,我唔會再諗人哋點睇,我係咁架啦。」
Sarena堅信生命能夠影響生命,受到那個外國女孩的啟發,令她走出面癱的低谷,更堅持將自己的容貌面向大眾,以經歷作分享,希望鼓勵大家遇到挫折時不要輕言放棄,更要珍惜生命。
製作乾花手作 分享快樂
癌病令Sarena不能正常工作,她便想到用自己最喜歡的花,去製作一些乾花心意卡、花環、相架等,透過乾花手作去分享快樂。除了些微的經濟收入,客人的欣賞更令她有很大滿足感:「我覺得做完出嚟有朋友欣賞,人都會開心,有啲朋友真係會幫我買,可能係20個相架,我好開心,有人欣賞。」
珍惜仍活着的每一天
Sarena病情雖然有惡化跡象,但她坦言不會再去想自己還可以活多久,反而應活在當下,珍惜仍活着的每一天,把握好和家人、朋友相處的時間。在仍呼吸的日子,她希望可以再遊歷多些地方,亦很想多讀點書增值自己,以及趕及在7月書展時出版新書,將自己七年的抗癌故事分享出去。
今集《港故mini》用大約5分鐘,跟進Sarena的最新病情,從中再感受她對「求活」的堅毅不屈,希望對正面對人生低谷的你和妳,帶來一點鼓勵和支持。
-------------
《港。故mini》:東網為你送上,香港各階層的小故事。
FB:http://bit.ly/oncckonggu_FB
IG:http://bit.ly/oncckonggu_IG
Youtube:http://bit.ly/oncckonggu_Youtube
快啲話畀你啲外國朋友知 在 港。故 kongguhk Youtube 的最讚貼文
五年前,位於黃大仙竹園邨的浸信會天虹小學,原是一間只得6班、瀕臨「被殺」的學校,但經校長朱子穎近年積極推行STEM(科學、技術、工程及數學)教育與快樂學習,這間屋邨小學成功轉型,吸引每年超過千名家長慕名而來為子女報讀。
教育的初心
校長朱子穎是個「八十後」,從教育學院(現為教育大學)畢業後,在多間小學擔任老師約十年,主要任教英文科,有時亦兼教數學與常識科。十年的教學生涯,令他漸漸發現,教育界的生態,與自己心中的教育抱負根本是背道而馳:「明明教育應該係快樂嘅,教育應該係體驗嘅,但唔知點解,當一個新老師入咗學校做嘢,就會執行一啲自己都唔相信嘅教學方法。」
「『小朋友,聽日考試喇喎,不如你畀心機啲讀書啦,校長就會好開心』,你試諗吓呢句說話有幾可怕?首先,你同我都超唔鍾意、有負面嘅情感,對於要考試,但係你好正面咁鼓勵小朋友做好啲。」於是,他決心要扭轉這種為考生而鼓勵操練的教學模式。
用創意科技來改革
五年前,在機緣巧合下朱子穎得悉瀕臨「殺校」的天虹小學正在招聘校長,便決心放膽一試:「成日都話創意科技可以改變好多嘢,係咪可以喺呢度實踐?如果呢個概念係正確嘅,咁喺最唔可能嘅地方,就可以發揮佢嘅光芒喇!」
回憶起第一天上班,朱校長仍覺得十分有趣:「五年前我第一日返工時,其實我係全校年紀最細,啲老師都大過我,有啲老師出嚟教書我都未出世。」除了要帶領一班年紀比自己大的老師,他最深刻的是破舊的校舍:「最記得嘅係,我第一日返工,呢間學校畀我嘅感覺係一間鬼屋,甚至試過借出校舍畀人哋拍電影。好感恩,五年後再有人借場拍電影,但今次係講夢想。」
五年下來,他不但在校內推行「電子書包」計劃,小朋友只需要帶電腦而不用帶書本上學,亦有推動3D打印和程式編碼等,校園亦有一個「Lego室」,放滿大大小小的Lego,讓學生小息及課餘時間,盡情發揮創意,用Lego砌出心中的圖畫,大力推動STEM教育。
學生自選學習
此外,他又於去年展開「Dream Starter」計劃,讓學生上午留在課室上課,下午就由他們自行決定學習甚麼,由老師找來社會上不同界別的人,教授小朋友想學的課程:「其實『課程』呢兩個字,只係解『學習機會的提供』。我哋所謂設計課程嘅人,就應該思考點樣用我哋嘅方法,為小朋友提供更多學習機會。最好嘅方法就係開放我哋嘅課室,同更多業界同學校以外嘅人合作。小朋友有更多學習機會嘅話,我哋嘅課程就會愈來愈寬闊。」
由瀕臨「殺校」到「快樂學校」
經過朱校長一番努力和一眾老師的配合,天虹小學成功轉型成名副其實的「快樂學校」,每年吸引逾千名家長慕名而來,學校亦從五年前的6班增至20班,教師亦由當初的14人增至現今的47人。對此,他特別感激願意改革的教師團隊:「佢哋能夠放低一啲過去成功過嘅教學方法,放低自己做咗廿幾三十年嘅方法,嘗試用另一種方法嚟教育,我好感謝佢哋嘅信任。」
離開為了更大的願景
朱校長任內為天虹小學帶來不少改變,但他決定於本學年完結後就離任,轉到一間貴價私校任總校長,屆時會着手開發一個名為EdMetro的教育程式,提供予本地和外國的學校使用,希望藉此改變整個教育界的大氣候。
離任在即,朱校長最捨不得的是多年來和老師、家長、學生之間建立的信任,在最後的一段時間,他會把五年來在天虹的教學經驗,寫成書和拍成微電影,與教育界分享。
今集《港。故》用7分半鐘,細說了朱校長如何將「鬼屋」般的校舍,改造成小朋友的「快樂學校」,實現了他的「教育夢」。
-------------
《港。故》:東網每周專題習作,講故事、講香港人的故事,請關注《港。故》fb:https://bit.ly/oncckonggufb