🎈大將
🔍旺角彌敦道700號T.O.P This is Our Place地庫FoodYum R1號檔
-----
所謂生日，就係一個比自己有藉口瘋狂食嘢嘅日子，朝早約朋友食早餐，夜晚係屋企食大餐，晏晝過嚟食日式火鍋放題，😂務求食到個肚就黎爆炸為止。
✨豚肉雞肉放題 $128/每位，公眾假期加$20（90分鐘）
屋企習俗生日唔食牛🐮，好彩佢哋呢度有得叫淨豚肉雞肉，五花肉、豚肩肉、豚梅肉同特選雞腿肉全部都可以任叫，當中個人最中意🐷豚肩肉，豬肉味濃，亦不失油脂味，五花肉就略多肥膏，又大一歲，唔敢成日食咁heavy🤣，呢d都係留返啲18歲嘅年輕人食。
😊佢哋部份食物係掃QR code落單，部份就係擺放喺出面自行選取，日式火鍋放題來講，食物種類算唔少，尤其蔬菜種類繁多，幾健康，食物整體質素亦不錯，以下細分咗幾類唔同嘅推介俾大家參考下：
🥢湯底：一共有八款湯底，暫時最鍾意係完熟蕃茄海老濃湯同黃金壽喜燒，完熟蕃茄海老濃湯建議可自行加入蕃茄同埋粟米，可令湯底更加濃郁同香甜。而黃金壽喜燒就記得一定要打隻日本雞蛋落去攪勻，湯底嘅美味度絕對瞬間提升。
🥢索湯之選：年糕福袋、冬瓜、翠玉瓜、日本葛粉同出前一丁，呢類食材都好索湯底，同黃金壽喜燒湯尤其合拍。
🥢低卡之選：蒟蒻、芋絲、各種蔬菜。呢間放題嘅其中一個好處就係，佢蔬菜選擇有比好多日式火鍋放題都多。怕肥唔敢食太多肉的話，就算係咁食呢堆低卡之選，都絕對夠飽。
🥢醬料：多款醬料裏面最引我注目嘅就係椰子芫荽醬，非常特別，第一次見，望似完全唔夾嘅嘢，食落去又出奇地合拍，椰香令芫荽變得柔和，連我呢個唔食嘅芫荽嘅人都接受到，有創意有驚喜。另外雖然B仔唔係韭菜fans，不過中意韭菜嘅朋友亦都可以試吓佢哋嘅韭菜醬油，韭菜味都幾出。
🥢其他必食推介：自製窩夫，雖然好易飽肚，但係呢一個絕對係必食，佢哋嘅窩夫醬調得好好，蛋香濃濃，無論係單食加醬定係加雪糕都好高質，係一個就算驚飽我都願意係放題到食返兩件嘅甜品，
🐟PS: 如果肉類唔夠滿足到你，可以另加$78要海鮮盛放題。
-----
👶🏻B仔整體評價：8/10個👍🏻
👶🏻B仔抵食程度：8/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowmongkok @ T.O.P This is Our Place
日本葛粉 在 日本葛粉-PTT/DCARD討論與高評價網拍商品-2021年11月 的推薦與評價
日本葛粉 在-PTT/DCARD討論與高評價商品，提供日本葛粉條、日本葛根湯、日本格子包在露天、蝦皮優惠價格，找日本葛粉相關商品就來飛比. ... <看更多>