(1): https://bit.ly/3BfiwLF
(2): https://bit.ly/3riRezs
(3): https://bit.ly/3ihWIX4
(4): https://bit.ly/3hV6dwm
(5): https://bit.ly/3y1WIBh
幻影似的她不再紮孖辮，貼身的針織連衣裙也顯得成熟。只有那一雙杏眼靈動如昔，那微微低頭的神態令我彷彿回到當初的自修室——
我腦裡嗡的一聲。
華小姐，我尋找了七年的人。
——那封密碼信原來只是個預告！她早就準備好在這出現，要給我驚喜！
「喂？阿翔？」
身邊的女MC發現我魂不守舍，輕拍我一下。
我深深吸了一口氣，抓緊手中的mic：
「咁、咁多位來賓！相信大家今日坐喺度，都係為咗祝福Abby同阿……Kin……今日係一場難得嘅盛會，我都好想借呢個機會，沾到少少佢哋嘅福氣。實不相暪，其實小弟我咁多年嚟都係單身。我，好想借呢個咁高興嘅場合，借咁多位來賓雙眼去見證嚟緊發生嘅呢件事。」
「咦？等……」
女MC試圖拉住我，我避開她並走到舞台前端，遙遙盯著呆在入口處的華小姐：
「我……我暗戀咗好多年嘅女仔，啱啱踏入咗呢個會場！我、我想喺度同你講，冇錯，就係你……我、我冇變過。咁多年嚟，我，一直都、都等緊你！」
「哇——！！」
宴會廳爆出歡呼和拍掌聲，射燈還玩起photo hunt在台下亂照。
被我反將一軍，華小姐嚇呆了，一臉茫然左右張望。
我把心一橫放低手上的mic，跳下舞台直向她的方向走去。燈光為我照出一條光路，阿堅的賓客紛紛扭著身體看熱鬧。
抱歉了阿堅，騎劫了你的婚宴，但你就當還人情吧！
我心跳加速地穿過宴會廳，眼看公主就在我眼前50米、40米、30米……
華小姐突然轉身拉開宴會廳大門，閃身逃到門外。
「咦？喂……」
我追了過去，那扇沉重的大門卻狠狠在我眼前關上。
——呃？她不是來給我驚喜的嗎？
喇叭傳來舞台上的聲音：
「噢……多謝晒伴郎為大家準備嘅餘興節目。跟住落嚟就係大家期待已久嘅抽獎時間——」
我回頭白了舞台上的女MC一眼，正要拉門而出，Michelle突然拉住我：
「阿翔，冇事呀嘛？我哋喺新娘房聽到，阿Bi好擔心……」
「呃冇、冇事……我，我一陣返嚟……」
我避開她的目光，拉開大門跑了出去。
/
心臟用力跳動，感覺快到極限了。
我跑出酒店大堂，七年的時光卻在我身邊不斷倒流。
曾經，那只是一個無聊的暑假。短暫的輕鬆歡愉過後，是友情跟愛情的拉扯。
而她離開前留給我的幾封SMS，我早已倒背如流：
『flying far，你看得到嗎？有些話，那天晚上你送我回家的時候，我一直想跟你說。但我太害羞始終無法說出口。到我想在MSN說，又覺得還是想看到你的反應。因為我』
『申請了美國的獎學金，成功考上的話，這將是我最後一個在香港的暑假。我一直很猶豫，應該踏前一步，還是只做朋友留下快樂回憶。是我太貪心，破壞了一切』
『我很慶幸遇上了你們，只希望最後這段時光，也能跟你們快樂度過。普通朋友就夠了，別無所求，不會麻煩你太久。希望你能答應，等你電話，一直以來謝謝你』
想見她。
想讓她知道，我究竟有多後悔。
想她明白，她是我青春裡最大的遺憾。
而我要修補這個遺憾。
——這些想法，支撐著我過了這七年。
/
正東奔西跑，電話又再響起，Michelle已經第5次打來了。
我裝作感覺不到它的震動，卻在下一個轉角差點撞上Michelle本人。
身穿紫色伴娘長裙的她盤起雙手，看起來比平日更有霸氣。
我心虛地轉身：
「呃……阿Mi，我……我就返入去……」
她卻微微一笑：
「我就係想同你講，Yan Wah喺入面同新郎敬緊酒。」
「係？唔該晒！」
我拔足跑回宴會廳，果見新郎阿堅正站在58席，跟華小姐各拿一杯紅酒談笑風生。
望一眼座位表，第58席的名單的確有「Yan」這名字。
也就是說，阿堅一早知道？！
Michelle醒目地遞來一杯紅酒，我拿著就去恃熟賣熟地搭著新郎肩膀：
「祝酒點可以少咗我呢個伴郎呀！……華、華小姐，好耐、冇見……」
華小姐一看見我，急急低頭：
「……好耐，冇見……」
簡直令人想把她一擁入懷。
「哈、哈哈……你、你瘦咗又靚咗喎！真係女大十八變……頭先我見到你，仲以為係發夢……哈哈哈……」
她笑了：
「……你都冇變呀，仲係咁貪玩。你個夢差啲嚇死我呀，flying far。」
她一叫我小時候的網名，我心中一甜、半身發軟。
「唔、唔係玩呀！我認真㗎！」
/
/
/
仲想睇多啲嘅話，請留言「追！」
多啲心心讚好留言分享，就再出多啲字~
《時光機》實體書只於書展1A-E10洄水文化賣~
自資出，成本好高，賣完都唔敢加印……
賣唔去嘅話，可能就係我最後一次出書了~
希望大家好好珍藏呢本書
現場簽名本有少量
星期六晚7-8有簽書會~
/
To 嚟唔到書展嘅同學︰
網店終於整好咗啦
https://morningrays.boutir.com/
【預計8月出貨】
啱啱整好可能有甩漏，如遇問題請PM~
/
太多人問，一次過答
《自修室》我手上已經冇晒了，暫時要去書局搵/創造館網站訂
做唔到全Set咁賣好遺憾……但，
冇遺憾又邊有得去彌補呢係咪？
所以，
時光機，留給你~
#愛情故事 #愛你
#時光機
#陪朋友去自修室追女神
#陪朋友去自修室追女神點知女神鍾意咗我
#書展2021
時光機留給你 在 <預言書—關智斌> 係漫畫二十世紀少年入面 - Facebook 的推薦與評價
時光機留給你 回憶裡誰帶路 假使間給你再做問你又會否寄望更高 ... 只懂得欺騙細路奉勸別太早仰望太高傻瓜機留給你誰苦戰誰卻步青春的預言無數有那個信守到老 ... <看更多>