【我人生All-time favourite永恆第一位：《#大逃殺》4K修復版港版預告】
之前真係有擔心過上唔上到，學生對抗政府、反國家，喂大佬打呢幾隻字都唔知出唔出得街，點知竟然可以一刀不剪上映！
喺度已經講過千千萬萬次有幾鍾意呢套戲，你依家睇到呢個版我諗係我人生睇得最多次一套戲，仲有3D加長版，甚至連小說都睇埋－－電影好睇，小說更好睇，曾有一期我連成班同學死法同次序連對白都記得曬，今日唔駛無謂3D效果，可以堂堂正正欣賞最原汁原味版本！
由聽到你熱血沸騰嘅《Requiem Dies Irae》，仲有北野武超經典演出、未紅時嘅栗山千明、柴崎幸（你點都想像唔到佢當年演過咁癲角色）、前田亞季，點少得演技成功保持二十年如一日嘅藤原龍也，跳掣演出就係由此起！
2000年未夠秤想盡辦法衝閘，點知遇上戲院前所未有咁嚴格查身份證嘅你，一出碟即刻全班同學廣傳，每個人都會討論過，呢件事上演喺我哋班，邊個第一個會死？細個睇你會覺得係一套暴力片，大個睇入面嘅哲學同人性，又何嘗唔係赤裸裸的現實世界？當年嘅你都有過嘅集體回憶，今日點可以唔入場感受？
包唔包場呢單嘢，睇吓《黑寡婦》點先，我日日睇住個售票都好緊張，整多壇我會精神失常。
晞。觀影記事13週年包場《#黑寡婦》巨幕版已公開預售！請即購票：https://bit.ly/35EHdTf
《大逃殺》觀後感可看留言連結。
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
