《板神Lunch set 鐵板燒便當🍱》
如果有睇開草根會知道我哋唔係第一次食板神，上次食過$380嘅lunch set已經覺得價性比超高😍。今次去嘅係喺銅鑼灣新開嘅旗艦店，環境裝修夠chill之餘地方真係好大! 未食嘢單計環境幾乎已經拎滿分💯，今次我哋嗌嘅係新出嘅鐵板燒便當。
.
📍板神弁当（$480）
呢度都應該係我哋見過最大個嘅便當set🍱，個set嘅所有items包括刺身同鐵板燒都一次過上晒枱，好似話可以係嚟得好快，唔使好似平日食鐵板燒咁慢慢等，不過就冇咗師傅👨🏻🍳係你面前即席表演嘅嗰種感受。
.
🔻漬物、蟹肉蕃茄沙律🥗、日式蒸蛋
荀同蘿蔔都醃得入味，食落仲有啲肉同埋蒟蒻。係個唔錯嘅開胃菜。沙律清新🥗，蟹肉量唔多但都食到鮮味🦀。蒸蛋非常嫰滑🐣，加咗冬菇、蝦同白果，好好食😋。
.
🔻
薄燒牛肉可以話係我哋食鐵板燒其中一樣好鍾意嘅菜式，一共有4件。叫咗3成熟，煮得啱啱好，油潤嫰滑。卷得好好唔會輕易散開，入面放咗炸蒜🧄同香蔥，非常惹味🤟🏻😚。
.
🔻
西京燒醃得非常入味，濃郁又帶甜味🐟。魚肉嫰滑油潤，魚皮充滿膠質，非常好食😍。
.
🔻
壽司有4件🍣，魚生新鮮肥美，壽司飯嘅醋味又啱啱好，唔錯。
.
🔻
刺身有4款，分別係拖羅、鯛魚、太白同太刀魚。當中嘅拖羅腩最好食，入口即融❤️。
.
🔻
天婦羅有2隻虎蝦🦐、南瓜🎃同埋番薯🍠。炸皮唔會好油膩而且夠薄，但敗筆位係調味太過淡，失咗分。
.
🔻麵豉湯
.
🔻甜品/咖啡/紅茶
最後可以揀甜品或者係嘢飲，當日嘅甜品嘅士多啤梨蛋卷。
.
份量上女仔都應該一定會夠飽，男仔就會差啲🙈，始終澱粉份量唔算多。味道方面貫徹平日水準都係好高分🤟🏻，不過對比起上次食嘅$380嘅set（冇睇嘅一定要睇返#草根食在灣仔）呢個鐵板燒部份相對少咗啲🔥，但就多咗刺身同壽司食🍣，唔知你哋又會prefer邊款呢😌？
.
板神鉄板燒日本料理 (信和廣場) (銅鑼灣)
銅鑼灣告士打道255-257號信和廣場1樓103號舖
