舊同事阿Ben又約我食lunch,佢願意由觀塘嚟到灣仔,當然要捨命陪君子。約咗喺修頓球場附近嘅經典扒房見面,好多街坊應該知道係邊間啦,阿Ben一嚟到就除咗副眼鏡係咁捽,Menu都冇睇就開口order:「雜扒餐,凍奶茶。」
「我記得你公司幾乎冇客喺灣仔㗎喎,上個月先嚟過,乜今日咁好又過海同我食飯呀!」
阿Ben一路用恤衫抹眼鏡一路講:「咩你公司我公司啫,而家都已經係我同你嘅舊公司喇。」
「轉咗工?咁突然嘅,上個月食lunch都冇聽你提過。」阿Ben做咗五年,上年仲做埋老竇,我曾經以為佢會做一世。
聽返阿Ben講,自從老細知道佢買咗樓之後,畀咗好多豬頭骨嘅客佢跟,畢竟大家曾經共事過,我當然明白佢老細,亦即係我舊老細係點諗啦,搏個員工有負擔唔敢走吖嘛,當年好多有家室同埋有層樓要供嘅同事都中過招,唔單止會派啲難度極高嘅客畀佢哋,連攞假揀星期五或者星期一都唔批,係都唔畀人放個long weekend,請問呢啲係咩心態?
當時的確好多人唔滿意,仲日日嗌辭職,不過好多同事都有生活負擔,結果全部仲喺舊公司做緊,估唔到第一個突圍而出嘅人係阿Ben,賽果絕對係爆冷。
我哋個扒餐嚟到,剛抹完眼鏡嘅阿Ben發現啲黑椒汁彈到佢副眼鏡,未嚟得切戴返又要再抹過,但無阻佢繼續發表偉論:「老細話睇死我唔會走喎,幾個同事都傳咗呢句嚟我耳邊,但係我而家有咗小朋友,係人哋老竇,梗係想生活愈嚟愈好啦,換咗新公司唔止啲客高質咗,連時間都多咗好多,起碼唔使日日OT再返屋企覆email先啦!」
大鑼大鼓話想辭職嘅人一般只係試探,決心離開嘅人連講Bye Bye都覺得浪費時間。
Ben:「初初入去做嗰陣未結婚,近年終於睇清楚老細。」
「都係失敗㗎喇,好似你副眼鏡咁,抹極都係咁朦咁污糟,所以咪要用五年咁耐先睇得清囉!你睇我幾醒,半年未夠就走咗喇。」
Ben:「你而家講乜都得㗎啦,咁醒就借塊眼鏡布嚟啦!」
「無啦啦冇拎出嚟呀,食完嘢同你去買啦,次次見你用恤衫紙巾真係污糟過唔抹。」
鋸完扒同佢去隔離萬寧買咗小林眼鏡清潔師,獨立包裝,適用於一般眼鏡片、手提電話個mon、手錶鏡面、相機鏡片或者係鏡等,保持鏡片清潔之餘,唔會對鏡片構成損害,好過用衫角咁唔衛生,又有機會整傷鏡片,平時喺office太多塵喇,我都會買定擺喺公司抹下眼鏡同埋電話。
Ben:「你知唔知我哋舊公司個HR之後同我講返,老細一直胸有成竹我會留低,佢以為我只係跳下草裙舞。」
「咁佢似乎唔了解一個職場道理---真係走嘅人,閂門聲通常係最細,而且走咗就唔會返轉頭。」雖然呢個係非官方統計,不過好準,你哋有同感嗎?
#小林眼鏡清潔師 #雖然係廣告但真心適合大家用 #抹走指紋油漬污垢 #抹拭後迅速乾爽不留水漬 #獨立包裝好易袋 #唔會對鏡片構成損壞 #萬寧屈臣氏莎莎Logon部分分店有售
Search
獨立包裝好易袋 在 Ha媽掃貨團- 熱爆終極第2彈韓國 迷人PINK Lady KF94四層 ... 的推薦與評價
熱爆終極第2彈韓國 迷人PINK Lady KF94四層特強口罩(1盒30個獨立包裝) ✖️ KING'S金屬負離子抗菌口罩收納袋Crossover聯承上團超爆單人氣韓國 迷人PINK Lady ... ... <看更多>