暴雨下工作都仲有人工收,貓民手足無償為動物付出,請大家多多支持「熱血貓民」嘅工作!
上星期五六,貓民昌連續兩日暴雨下做義工...
星期五幫貓舍搬遷搬個櫃,搬到一半係街落狗屎要淋住雨搬幾條街🙄,星期六去狗場幫手清潔剷剷下狗屎真係落狗屎😂😂😂
乜野驅使怕狗嘅阿昌都暴雨下去狗場幫手?
唔_夠人囉!!! 快d黎幫手啦~
黎緊«貓民生態獵奇»仲有有狗場專訪,帶大家走入狗狗嘅國度~
敬請留意逢星期六下午6點至7點的«貓民生態獵奇»
.............................................................................
***
<貓民生態獵奇> 由現在開始只有直播及24小時重溫。
<貓民生態獵奇> 是一個推廣動物保育及記錄香港獨有生態的網台節目,逢星期六 18:00-19:00 由熱血貓民與奇奧主持,想重溫過去精彩內容請訂購PassionPrime
( PassionPrime訂購連結及服務介紹︰
http://www.passiontimes.hk/prime/ )
................................................................................................
一起為動物出一分力,請加入成為貓民義工,課金支持節目、動保教育、拯救動物、絕育行動等
熱血主持育成計劃課金連結︰
熱血貓民
http://bit.ly/2CxGGlK
(所得課金除去30%給熱血時報,剩餘課金熱血貓民不會扣除任何行政費,全數用在協助動物行動上。)
真係落狗屎 在 Candace Mama Facebook 的最佳解答
堅長文🙏🏽請有心理準備🙏🏽🙏🏽
尋日3點鐘湊細妹放學,正值最大雨之時,
我同細妹講👉🏾不如我地留喺學校等雨細啲先走啦~
細妹點頭話好,因真係落狗屎咁。。。
等呀等,3點鐘放學等到3點半都仲咁大雨,
無計了,我地都係要冒雨返歸了。。。
😑😑😑
我左膊揹住一個袋,內有三支洗衣液,
右膊一個自己袋+一袋細妹從學校執返屋企的雜物,
左手再一大袋餸,右手再拎一把遮。。。
細妹自己有書包+功課袋。。。
兩母女由一出學校門口已感半邊身濕咗,
再轉個彎,OMG,成條路浸咗,啲水在底2吋深,
我著住雨鞋都還好,但細妹對返學鞋實在唔多好。
在街企咗十分鐘,好唔容易截咗的士,
拿拿臨返歸去了。。。
😑😑😑
返到屋企附近,才剛落車,細妹「吖」一聲,
佢話👉🏾我隻鞋開口啊!😱
吓?😰著咗一年的返學鞋因為呢幾日不停浸水,
再不停吹乾老化得太快。。。今日終於捱唔住了😑,
阿媽我返入屋放低晒啲嘢,叫細妹用膠袋入住隻鞋,
等阿媽我冒雨出去幫你買啦。。。
😫😫😫
跟住,半邊身已濕的我,再次著起水靴,
又再冒雨出動。。。😢
賣鞋的店,離落車個站大約要行十分鐘,
啲雨繼續狗屎咁大。。。
在雨中急步走的我,感覺到唔只半邊身濕咗,
就連條及膝半截裙都在滴水,成條濕晒痴住我對腳😑,
買完鞋再行十分鐘返車站搭車回家去。。。
😑😑😑
回程時,我已在諗👉🏾返去要沖個涼飲返杯輕鬆下先~😌
再次返到屋企,我已由頭濕到尾,裙還在滴水😑,
當然,如我所願,即刻沖返個熱水涼舒服啲啦~
才剛沖完涼從浴室出來。。。
家姐走來話👉🏾媽,我覺得有啲唔舒服,但我要考試所以我想睇定醫生先。。。
😨😰😭😭😭😭
點解你唔早講丫?點解你家下先來唔舒服?
我果一刻,真心想喊。。。
我有無得揀?
可唔可以推個女在大雨中自己去睇醫生?
點解點解又係我。。。
😭😭😭
故事來到最後。。。
細妹今朝著我單獨冒雨買返來的返學鞋。。。
才著上腳,佢話👉🏾媽,太細,頂住腳趾。。。
😫😫😨😨😨😭😭😭😭😭😭
親💕星期四快樂💕
#頂住細得滯可以點
#對舊鞋開晒口已扔
#新鞋著落地無得換
#點都要著住返學去
#一陣放學再買過囉
#呢啲叫黑開有條路
#今日可否不要落雨
#我再頂唔順快哭了
真係落狗屎 在 Patrick Sir Facebook 的最佳貼文
今日咁嘅狀況,冇理由唔 repost 呢條片。大家出入平安喔!
#PatrickSir #HKEdutainer
#黑色暴雨警告 #真係落狗屎
【落雨「落狗屎」英文係乜?】
今日忽然「落狗屎」,用英文可以點樣有型啲表達? 斷估唔係「rain dog shxx」啩?
1. Look! It’s raining cats and dogs out there! (睇下!出面落緊狗屎啊! )
2. It’s raining heavily! Go collect the clothes! (落狗屎啊!快啲收衫喇!)
3. She was drenched by the sudden downpour. Obviously, the umbrella couldn’t help a bit. (忽然間落狗屎,搞到佢成身濕哂。擺明擔咗遮都無用啦!)
4. The rain was coming down in torrents all night. (琴晚成晚都喺度落狗屎啊!)
5. According to the Observatory, the continuous rainstorm has resulted in many flooding cases over the territory. (根據天文台報告,持續大雨令本港多處地方出現水浸。)
#英文可以咁學嘅~~記得 Like & Share 支持下喇!
想睇番其他集數?請按 #小學雞英語_系列
#PatrickSir #HKEdutainer
#PatrickSir英語通通識
Produced by @Giraffe International Productions.
Supported by EDFLOW-Education
YouTube 連結:
https://youtu.be/zDlDY_pcMxc