有讀者得到當事人同意,想我整理一下佢過關時嘅遭遇,然後講畀大家知。
事主係土生土長香港人,因為家庭關係所以家住深圳,每日都需要中港兩邊走。出事當日佢喺福田口岸過關,撞正十分嚴格嘅抽查,隊伍中幾乎無人倖免,每個人都要交出所有物品逐一檢查。
事主袋中只有一支觀星筆同一個黑色口罩,但隨即被大陸海關帶到另一間房內進一步盤問,仲要求佢交出電話密碼,然後將電話收走(佢電話內有夢遊相,但全部冇樣)。
喺接下來嘅三個鐘頭,無論佢點樣要求見律師或者打電話呢啲基本權利,當局都不予理會,佢完全同外界失去聯絡,亦唔知點解自己要被扣留。
之後佢被帶上公安車,送到福田派出所內,現場只有一張長檯同幾個臭格,臭格內有一男一女被行政拘留,當事人唔使入臭格,而係呆坐喺出面,期間有超過十幾個唔同職級嘅公安走入嚟,對佢進行「思想教育」,高級幹部大多係北方人,佢哋態度兇狠惡劣,由於口音太重,根本聽唔明佢哋講咩,而散仔公安係講流利廣東話,態度正常,問佢遊行有冇收錢、知唔知背後有冇組織、點解香港人覺得逃犯條例修訂唔好等等。
由於事主同其中一個散仔公安比較投緣,於是借機問佢點解自己要扣留咁耐,散仔公安話:「其實你部電話我哋全部睇晒,係差一個app未破解到(TG),不過最後都解開咗,清楚了解完就可以放你走。」
終於喺九個鐘之後,公安將一份尋釁滋事罪的認罪書擺喺佢面前,事主知道自己如果唔畫押簽字,係冇可能逃出呢個不見天日嘅地方,所以最後無奈地認罪並離開派出所。
事主表示自己雖然喺拘留期間冇被暴力對待,但而家留有案底,係「邊控人物」。
本身聽完整個過程,我有一刻覺得相比之下,香港警察嘅暴力同性罪行更恐怖更過分,但係再仔細諗諗,呢種白色恐怖嘅邪惡並不下於實質嘅暴力。
2014年放催淚彈大家激憤到佔領街頭,今日過期催淚彈放題已經唔再出奇;612射橡膠子彈全城震怒,今日警察唔止出動橡膠子彈同布袋彈,仲下下瞄頭水平發射,而且多次實彈鳴槍;721警黑合作恐怖襲擊元朗西鐵站,大家以為已經係警察最墮落嘅一面,點知831速龍同防暴恐襲太子,我哋再一次驚訝呢個政權呢班香港警察竟然可以邪惡至此;今日發生嘅休班警配備警棍同匿名舉報熱線,完全就係等同成立咗秘密警察,將白色恐怖籠罩整個香港。
我哋一方面要認清現實,知道中共、港共同警察嘅下三流招數永遠沒有底線,另一方面卻要時刻銘記唔可以對呢啲濫權濫暴麻木,佢哋每日開記者會都滿口歪理,荒謬程度與日俱增,但我哋一定唔可以習慣,今日大家行出嚟奮起抵抗,就係唔想香港變成一個同中國一樣嘅地方。
最後,香港人如非必要,真係唔好再踏足中國一步啦好嗎?如果非去不可,請確保電話內同身上物品絕對唔會令自己陷入危險,雖然,喺嗰個國度,有罪冇罪,都係由當權者說了算數。
破解 tg 密碼 在 TopGear TW 極速誌 Facebook 的最讚貼文
【無聲決鬥】
作為汽車2.0新生代,Model S和i8在紅牛賽道上並不會水土不服,證明我的擔心純屬被害妄想。事實上i8的腳程與我經驗中最容易親近的中置引擎超跑Huracan可謂不相上下,所以大家不妨把這場較量當作汽車世界的Turing test。
1950年,破解德國Engima密碼機的圖靈,預測人類可望在一個世紀內與人工智慧談天說地。看看蘋果Siri和持續改進的汽車聲控功能,我們大概再花十年就能實現他的預言。只不過五年之前,說電動汽車可以有像Tesla一樣的性能條件,這種鬼話恐怕連鬼都不會相信。誰能料到五年後的今天,TG賽道日還沒鬥到天昏地暗,電動雙雄竟已殺得日月無光。
TopGear 網站 www.topgeartw.com
TopGear Youtube頻道 https://goo.gl/evdQLN
TopGear 官方IG https://www.instagram.com/topgeartaiwan/
LINE搜尋TopGearTaiwan 或 尋找好友@rgn8690o
#TopGearTaiwan #Tesla #ModelS #P100D #P85D #BMW #i8