米媽屋企請工人都算黑歷史左好耐。 雖則唔關米媽事但都身受其害。😂 米媽性格好難會惡得起，就算人地對我差，一直都覺得呢個係人品性。佢心地唔好咁對人，雖然你會唔開心，唔等於你要以牙還牙，同佢做同一類人。
所以米媽多數都係得啖笑。自己順其自然咁去對工人，盡返本分去對佢地好，用自己既標準自己對人既價值觀去對佢地。 雖然，最後都唔係好收場。 但每次工人離職時，我都會尊重佢地亦無難為。 始終人各有志，迫都迫唔到，就好黎好去啦。 但錢同心都俾曬，係真係幾入肉下。最慘係時間。
今次米媽本身都打定輸數，係疫症期間請工人，都唔方好野， 但米媽去睡請現成工人時講到明，同面試既工人講到明米媽屋企好多野做，好忙，要求好乾淨。 唔係咁易講，你諗清楚，唔駛而家答我呀。唔好因為人工高而做呀，係因為多野做先加人工咋。 最後工人第一日黎到已經極品🙈🙈 真係惡到你唔信，工人要求點點點，放假要點點點，又點點點。🙈 之後又經常玩電話，又打爛野講大話等等，一直都有啲問題存在，但米媽盡量啦，米媽會同佢傾，電話避免唔到時就禁少啲，忙起上黎就唔好打住。 你lunch hour 係房時可以用，夜晚8:30/9點收工入房後都可以。 平日無野做都可以係房玩，但係廚房就玩少啲。大家都開心。經過4個月既相處，米媽對佢好尊重，好錫佢，知佢好多野都唔食，夜晚又好多野唔食，淨係食朱古力冬甩，朱古力蛋卷，零食，米媽一去街市就去印尼鋪買零食，家鄉野，所有野飲俾佢，買辣椒俾佢整辣椒醬，每次去街都買佢中意既麵包返黎，見過佢買咩野食，下次米媽都會特登買俾佢。 夜晚等登安排啲佢中意食既野去煮。
最近天氣凍，買左衫，外套俾佢地，佢地黎經痛時幫佢地整暖水袋，好多好多，以前米媽仲會幫姐姐刮沙。
佢屋企做家務唔算好，但都唔差，唔會做足，但米媽覺得夠就得喇，所以自己做到時都自己做左佢。 佢地忙時，大家一齊互補。對待工人，係米媽屋企永遠都係會唔該佢地幫手，唔係老奉。
可能咁，呢個姐姐慢慢轉性。🙈🙈🎉🎉 米媽前排問過佢識唔識整粟米餅，好想食。 佢唔識整。 點知，咁耐，第一次係飯台上見到，佢特登學黎整俾米媽食，米媽開心到尖叫。同佢講好感動呀，好多謝你。😘😘😘
對人好，唔係要佢地有相對既回報，而係自己好過。 自己開心。
但當人地對你報以少少好意，你會好開心。
米媽覺得好開心呀～ 呢個粟米餅，係工人特登學整俾米媽食架🎉🎉🎉
#米媽係咪有好日子過
#希望家中長老高抬貴手唔好再嚇走人😂😂🙈🙈
#米媽唔想再返去舊時既黑間歷史
#而家兩個姐姐都好正常呀
#祝米媽好運
