關於 米蘭站 prada ，我們在網路上蒐集到這些相關的討論、資訊與評價

［Trash talk］當拿龍馬概念股！(其實係連美斯概念股）

之前Patreon 寫過，歐洲國家盃捧盃後，冠軍國家股市30內往往跑贏泛歐指數。當年希臘🇬🇷都不例外

今次呢，暫時見到意大利🇮🇹MIB指數都跑贏泛歐Stoxx 50。

MIB 唔係Men suddenly in Black ，而係 M for 情迷Milano，意大利股市在米蘭，唔係首都羅馬。歐洲少見，但唔係冇，德國🇩🇪都係。（甚麼巴西利亞 華盛頓 渥太華 坎培拉就算啦）

又，今年最佳球員當拿龍馬，亦都踢AC米蘭（嚴格嚟講而家好似失緊業）。炒起米蘭站好合理呀！

正經，香港嘅「意大利🇮🇹概念股」，仲有間 720。咪講笑，中文就叫「意達利」（有冇人搞間「亞軍廷」或者「巴基x坦」？），英文係 Auto Italia！就係代理 瑪莎拉蒂！仲有法拉利⋯⋯⋯⋯嘅遊艇

認真講，真正意大利🇮🇹公司，當然係Prada 1913。貨真價實made in Italy （個鐵牌係）。

呢隻嘢真係當年港交所「國際化」一大勝利。雖然都係有點把托，但總好過Mircosoft Starbucks 嚟香港上市（仲上緊的！）

而買過都知，意大利公司股票，另外再收稅，意大利政府收你的。有啲券商嫌煩直頭唔畀你買。

又又，聽聞叫「龍馬」嘅都好高大。當拿龍馬固然高Pickford成個頭。仲有都係踢波嘅火野龍馬！

至於真實人物，仲有搞音樂（好似係）嘅坂本龍馬！聽講都六尺高，不過好可能報大數

我屋企都有隻 「龍馬」熊公仔，好迷你的。在高知日航酒店買。唔貴。酒店唔貴熊亦唔貴。

牛年比別人知得多。subscribe now.
Patreon.com/ivanliresearch

［匯控做壞規矩？］PRADA 都彈弓手唔派息！

1. 事忙，但多新聞，快寫。果然意大利人冇死錯人，梗係等人地行先自己跟住尾。由二戰已經係咁。

2. 基本上，兩句講完。同匯控一樣，PRADA（1913）（＊）上個月出咗業績（3月18日），當時有宣佈派息—留意當時啲疫情應該已經幾甘，4萬人確診，3千人死。

3. 咁但，結果今日，都係反口，話彈弓手唔派息了。重視合約精神嘅，可以試下去廣東道（？）示威。我見有人話匯控違反合約，我好想佢搵返個合約條文出嚟。

4. 經濟報嗰陣（https://bit.ly/353ZsQY），最後一句真係畫龍點睛，十分重要。

5. 就係：PRADA股份尚未除淨

6. 拿！緊要呀！未除凈，有啲人就冇咁hard feeling，雖然一早講咗係假象。（https://bit.ly/2yBXmLI）

7. 睇返，PRADA3月18日出業績，成個月都未除凈？你可以比較下，匯控恒生，都係出業績內一個月已除凈。港交所（388）甚至兩個星期搞掂。「意大利人做嘢係慢手腳啲」。

8. 但又，「歐洲中國」都唔夠正宗中國嚟。中資公司，普遍都搞得耐，騰訊（700）兩個月，建行仲勁，3月尾出業績，7月頭先除凈。

9. 又，由於冇乜人買PRADA收息（收色就有，你懂的），所以唔會有乜人嘈。

10. 甚至乎我一度以為根本冇乜人會trade：你見香港好多外國（中國以外）公司都係十分冷淡，經典笑話當然係所謂嘅「納指七雄」—係呀，星巴克在香港上市的，編號4337，你自己去睇下，最好打去經紀行問下，話你想買星巴克，但唔想開美股戶口。

11. 但你見PRADA好地地，都唔少trade．主要原因係因為在意大利根本冇上市，香港唯一上市地方。呢個係港交所當年，想力拓其他地方（中港以外）公司嚟香港上市，少有算比較成功嘅例子。另外仲有俄鋁（486），當時亦都傾過巴西Petrobas（我朋友，應該話我師傅個朋友有份搞，就真係坐十鳩幾個鐘去巴西，開一陣會，又返返嚟），沙特阿美等等

12. 但又話說，我係好支持港交所搵多啲中國以外嘅公司嚟上市。但主要係私心。

13. 首先，就多啲嘢寫多啲嘢睇，唔好要我飛去東北睇供熱，或者去九江睇銅啦，好閹悶，「里數又唔多」（＊＊）．寫下任天堂呀，YG娛樂呀先好玩嘛。

14. 另外，亦都係因為出trip，本人成世人第一次去日本就係因為間日本上市公司搞trip。當年俄鋁好似都有搵人去莫斯科，可惜我冇得去。走多啲地方嘛。不過PRADA有冇去米蘭我就唔知了，去唔到咪去米蘭站。

15. 講返PRADA，仲有兩點。其實抗議有理。雖然錢唔多，但真係原則問題。佢同匯控單嘢，最大分別係：匯控似係被英國政府迫嘅，至少表面證供都係。但PRADA明顯係自己嘅，至少佢冇堆意大利總理干地出嚟。

16. 另外，匯控啲股東係咁嘈以股代息，如果係PRADA嘅，不如送個包畀你啦，好冇？

（＊）應該好多人知，但in case 有人唔知，PRADA股票編號係1913，正係公司創立年份。正如周大福1929亦都係。你話，可以揀架咩？可以，畀錢咪得。仲有咩例子？一時間醒唔起。

（＊＊）照計冇違反襟派人，至少我去到相當嚴嘅星展都仲係咁。出trip錢固然公司畀，但有時自己出咗先：結果我係到離職時先一次拎返，都幾皮嘢架，填form搞單都搞到手軟（＊＊＊）—但我只係出咗一次trip，星馬泰巡迴演唱。想講係，啲里數酒店會藉，係會落咗自己名嘅。我當年星馬泰當然唔多，但舊公司去英國，仲要坐商務，就幾係嘢。記得坐一次好似已經夠我上銀波蘿。Good old days

（＊＊＊）主要係assistant做，但部份我做，反正交信後都冇乜嘢做。

——————————————-
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

「米蘭站效應」，料會帶旺6月接力的消費股Prada。