一,正如吾友 尹思哲 所講,5G 真係可以等一陣先。
二,幾間電訊商咁趕住出 5G plan,真係有少少 #栗米石班冇石班 嘅感覺。其實個 5G 牌同頻譜都只不過係 4月1日 先生效,咁趕為乜?唔通真係可以推高 #ARPU?
三,小數怕長計;5G plan 平均貴百幾兩百,以兩年約計,成份約都過萬。再講,仲有電訊商未出 plan,等埋格下價都未遲。
四,價錢以外,更重要係暫時得一部 Samsung 。當然,有人會鍾意 Samsung,反正咸魚青菜各有所好。我自己早幾年都因為 Google Fi 轉去用 Pixel;Android 我只係用原生,其他嘅,唔係我杯茶。
五,Android 同 iOS 係咪差好多呢?又唔係。好不幸地,早幾個星期我部 Pixel 忽然傳出燶味,之後就差唔著,壽終正寢,我亦唯有重投 iPhone 嘅懷抱。我個人嘅體驗係,iOS 嘅 UX 係細緻好多(但戴口罩用 Face ID 又真係好很煩),有啲嘢少一個動作就係少一個,一般人唔會意識得到當中嘅分別,但用用下就會覺。當然,亦有唔少人係比較麻木嘅,正如之前講,咸魚青菜各有所好啦。
六,據聞,下一代 iPhone 會係 5G,而且會有返 Touch ID;咁,值得等下嘅(嗚~~ 點解我部 Pixel 死得咁唔合時?)
七,電訊業、手機同 Applications,係一個 ecosystem,好難講邊個 drive 一次 disruption。如果冇 iPhone,當年 3G、4G 係半生不死嘅。當年用部 HTC One 行 GPRS 收下 email,已經算係行得好前;但原來都只不過係 14 年前嘅事。
八,家陣嘅 5G,infrastructure 叫做開始鋪,但都未齊章;device 就更加係盤古初開咁,至少都要等 iPhone 啦。但我個人覺得,仲係差一個 Killer App。
九,我哋好易被現有嘅事物限制想像;5G 嘅 Killer Device 同 Killer App 係咪一定係 Handset 呢?未必㗎。有人話 IOT ,但唔郁嘅嘢,行返 WiFi + Fiber 暫時來講似乎更合乎經濟效益呢?
十,無人車加5G ,係最似樣嘅 Application,但法規有排都改唔到,至少香港要等大概一百年啦,我諗。
十一,最搞笑係睇啲人用幾秒 Download 一隻 Blueray 做賣點。喂阿哥,唔通你又真係幾秒睇晒一隻 Blueray 咩?呢個 Speedtest,只係方便大家明 5G 幾快 latency 幾低,唔係真係個 Killer App。不過,好多人就咁以為快係為睇片。5G 嘅出現如果只係為 download 睇片,真係含得很,
十二,近乎 real time 嘅 ultra low latency 理論上係打機,賭錢之類會有好大嘅 UX improvement;但似乎都唔係真正嘅 Killer App。
十二,重點係,5G 只係基建,由 device 去 applications 都有好大空間去發展,作為消費者,等見到好吸引嘅 value proposition 先決定都未遲,所以我都唔知幾間電訊商咁急為乜。
十三,【利申.非廣告】我依家用緊 自由鳥 Birdie,而且非常之咁滿意。其實,電訊服務嘅 differentiation,唔係淨係得快同平,好似我用 自由鳥 同 Google Fi,係因為佢有個好 seamless 嘅服務 interface,同埋好獨特嘅 value proposition (roaming)。響呢個 dumb pipe 行業裡面,有人嘗試用唔同嘅 service mix 去 differentiate,我個人認為呢啲嘗試好值得欣賞。
延伸閱讀:5G再快都唔好上住
https://hk.appledaily.com/…/202…/J7EJNUKFJ6KZABZUGBC4DPWEAA/
同時也有3部Youtube影片,追蹤數超過3萬的網紅MEeeep More,也在其Youtube影片中提到,限速服務計劃一直在市場上有需求,亦是各電訊商近年上客的其中一個主要來源。3香港旗下副線品牌MO Sim的簽約支線MO+,推出了聖誕特惠,除了月費$68 的 5GB 計劃外,當中更有21mbps的無限任用計劃,絕對值得留意! 如果你用量唔多,可以考慮MO+ 這個 $68月費 21mbps 限速計劃。...
自由鳥 5g plan 在 MEeeep More Youtube 的精選貼文
限速服務計劃一直在市場上有需求,亦是各電訊商近年上客的其中一個主要來源。3香港旗下副線品牌MO Sim的簽約支線MO+,推出了聖誕特惠,除了月費$68 的 5GB 計劃外,當中更有21mbps的無限任用計劃,絕對值得留意!
如果你用量唔多,可以考慮MO+ 這個 $68月費 21mbps 限速計劃。這個計劃本身月費 $78,MO+ 推出的聖誕特惠計劃,現時只要攜號轉台,便會即送4個月月費,兼免去$18港幣行政費。30個月除開,每個月都只需要$68港幣,如果計性價比,真係無得輸。這個月費計劃頭5GB流量可以使用4G 21Mbps,之後就會轉做任用的128Kbps,如果不是對上網有太大需求,主要都是使用通訊軟件的人,其實都夠用。
如果不想有被限制的感覺,其實MO+都有提供任用4G 21Mbps計劃,這個全程無限速的計劃,都是攜號轉台可以免行政費,24個月合約,月費$138。雖然有5GB的公平用量條款,不過過了5GB之後,分配資源可能會被減少,但不會直接限速,大部份情況之下都不會影響體驗。
至於對網絡速度需求大的人,都可以選擇MO+其他計劃,例如擁有10gb 4.5G全速,加其後FUP任用4G 21Mbps的計劃,都只係月費$188,用來打機都可以暢通無阻。
自由鳥 5g plan 在 MEeeep More Youtube 的精選貼文
各大電訊商除咗搶佔5G高消費市場外,平價月費嘅副線品牌競爭一樣咁激烈個喎。3香港旗下嘅副線品牌 MO Sim 就推出咗全新嘅服務計劃,一樣主打唔洗簽約,抵唔抵呢?今日就同大家睇下!
MO Sim以往只有 $68 2GB數據加20GB社交數據嘅計劃,今次就嚟咗個大改變,用戶可以自由組合,由最啱Keep number嘅月費$48 600MB數據到$168 15GB數據都有,而且可以自由加入社交數據組合,由$10/2GB 到 $30/20GB都有, 所有計劃都送埋無限本地通話分鐘,唔使簽約亦都冇行政費,更加可以同其他Mo用戶互射數據用量而且行全速數據,睇高清片同玩Online Game嘅體驗點都會好過限速計劃啦!不過留意,Mo SIM暫時係唔支援發出SMS短訊,有呢方面需要嘅朋友,暫時就唔好轉用。
如果有留心睇嘅話,MO SIM嘅組合似係睇住Birdie自由鳥嚟打,數據用量一樣,Mo嘅價錢貴$8-$10,但就行全速,而600MB超低容量計劃仲要平多$2!不過自由鳥嘅高用量計劃就包埋無限深宵數據,各自有吸引力,睇嚟呢類型低價無合約市場嘅競爭將會越嚟越激烈喇!
自由鳥 5g plan 在 MEeeep More Youtube 的精選貼文
21mbps 限速 4.5g 服務計劃邊間好?csl 1010 clubsim 中移動 sunmobile 睇真啲!香港5g
香港5G服務推出之後,除咗速度係其中一樣亮點之外,計劃所包括嘅數據用量亦都比以前大為提昇,4G嘅全速同埋限速計劃就變相無以前咁吸引。各網絡供應商可能都留意到呢一點,近來相繼將一百蚊內嘅限速數據計劃加量,而且有越來越平嘅趨勢。今日就同大家介紹吓!
呢期賣行廣告嘅就係CSL以ClubSim名義推出嘅$98/7GB 月費計劃喇!呢個計劃嘅頭7GB數據行限速21mbps,爆咗後就降到128kbps,有埋無限通話分鐘,帶號碼過台就慳埋$18/月嘅行政費,以CSL嘅Plan嚟講算係好抵!不過留意、呢個Plan只可以喺網上登記,同埋要簽24個月合約!
如果你對呢個Plan有興趣,原來CSL有份嘅Sun mobile可能仲吸引喎!都係HK$98/月 包7GB 21mbps數據,但淨係需要簽12個月合約,仲免埋$18/月嘅行政費。我最Buy嘅係,萬一真係爆咗7GB限落128kbps,都可以即時以HK$15買多1GB數據!救急都好呀!雖然通話分鐘得3000分鐘..... 不過今時今日,點都應該夠用啦!
不過講平,就一定係中國移動香港嘅「移動21」4G限速計劃喇!HK$78月費包5GB 21mbps數據,免行政費,包3000分鐘通話時間,而且爆數據被限速都可以HK$15買1GB復活!咁點變8GB呢?原來簽24個月約,合約期就每多俾多3GB流量你,即係一共8GB!呢個Plan相信係近期各大台嘅新低價喇!