關於 金 長腳蟹 味道 ，我們在網路上蒐集到這些相關的討論、資訊與評價

每個月梗要有啲日子對自己好啲🙆🏻‍♀️ 今於嚟到中環ifc既高級fine dining西餐廳👉 Isola🤩 餐廳環境好elegant，安排位置雖然唔係window sight，但都可以望到美美既維港夜景🤩 靚view又有feel☺ 一甫坐下waitress即送上麵包籃🥖 減肥中既我都被佢吸引淺嚐🤤 不同款式軟硬法包皆有，配上黑醋及香草一齊食，滿足一眾麵包控既慾望😋
·
🐚海洋滋味冰鎮拼盤 HKD$688/兩位用
以兩層架奉上，吸睛又高雅😻 海鮮用冰陣住好夠冰凍👍海鮮款式都唔少，包括 🐚紐西蘭響螺、澳洲藍青口、🐟煙燻三文魚、🦐大西洋虎蝦、🦀俄羅斯長腳蟹、🦂冰島海龍蝦、🐚生蠔、大蜆，每款都咁高質😍 響螺又軟又彈，平時少食既我都好喜歡😋 煙三文魚夠咸香鮮味，海龍蝦味道十分鮮甜😚 虎蝦已預先剝殼好user-friendly👍
·
🍝意式燴牛膝自家製大闊條麵 HKD$198
自家製既闊麵好好食! 煙韌又富有咬口😋 有厚度夠寛闊，直情可以用刀叉食😚 燴牛膝同樣吸引🤩 牛膝肉粒肉質非常軟綿，醬汁好濃郁，闊麵好掛汁，推薦呀😻😽
·
🍕瑪格麗塔薄餅 HKD$168
自家製意式薄批pizza好正宗，睇餅底已知道係用左火烤爐焗成🔥 批邊香脆充滿麵粉香氣🤩 啖啖都係🧀芝士、🍅蕃薯醬mixing，素食pizza都好豐盈，仲有微微拉芝添😚
·
📍Isola Bar & Grill
中環港景街1號國際金融中心2樓2075號舖
·
·
#anniec_central
#anniec_western
·
·
#Isola #Isolahk #isolabarandgrill #finedining #finedininglovers #seafood #seafoodlover #hkfood #hkfoodie #hkfoodblogger #hkrestaurant #foodshare #foodlover #foodporn #oyster #lobster #ifc #香港美食 #中環美食 #吃貨 #食好西 #相機食先 #西餐 #西餐廳 #生蠔 #龍蝦 #海鮮 #美食日記

#小編食好西 之 萬麗海景酒店打卡海鮮brunch

小編前一晚住完Renaissance零房價優惠，credit用哂……但唔緊要，小編早有準備！一早book好咗，去到萬麗海景酒店嘅Mirage餐廳，嘆返個打卡海鮮早午餐啦～😎

🎊優惠詳情🎊 https://flyagain.la/95303
🎊預訂網址🎊 https://flyagain.la/zkkd
📍享用日期📍 7月至8月之星期六至日

📍 位置及環境
Mirage餐廳位於酒店1樓，超方便一行入酒店喺Check in counter隔離就係㗎啦～🤓 餐廳環境好grand，坐擁多幅落地玻璃窗，加上中間25尺高嘅中央吧台，真係令人感覺到好似去咗度假咁🤩 餐廳有唔少外國人用餐，整體坐得好舒服，都好有外國感🤗

🦐 沙律及海鮮塔
今次小編同友人就食咗個4 course Summer Weekend Seafood Brunch。雖然只限星期六日，但喺只係$482連加一一位，就有前菜有湯又主菜有甜品，幾抵！😋

前菜未到之前就嚟咗個前前菜，係好啱香港人口味嘅煙三文魚沙律，呢個沙律真係好classy好開胃，除咗有平時都食到嘅煙三文魚同配咗橄欖油嘅沙律菜之外，裏面仲加咗好有奶味嘅Feta Cheese，真係即時令成個菜昇華咗😛另外仲有個長條形嘅法包，麵包上到枱嘅時候温度啱啱好，外酥內軟，好味到就連平時唔食包嘅小編都一次食哂😂

真正前菜到啦，就係超靚超豪華超打卡able嘅海鮮塔啦！😍 佢果然係今次呢個set嘅賣點，因為裏面嘅海鮮全部都勁新鮮勁豐富！海鮮塔分咗三層，分別由輕食到重量級 😛 第一層分別有三文魚刺身、帶子刺身同油甘魚刺身～原本以為刺身嘅質素只係好似出面啲迴轉壽司咁，點知入口即溶，係超級新鮮同肥美，唔講真係以為去咗一啲好高級嘅Omakase😝

第二層呢就係勁新鮮嘅大蝦同勁大隻長腳蟹，小編平時懶得剝殼係選擇唔食佢哋的，但個日小編友人剝完一隻蟹腳同蝦俾我食之後，我忍唔住差啲掃哂成盤😍，因為真係太新鮮太好味喇！至於最底一層就係由法國🇫🇷嚟嘅生蠔同埋勁大隻勁鮮味嘅小龍蝦，兩樣嘢都好鮮甜，味道配合得天衣無縫，包保可以過下海鮮癮😏～其實食完呢道菜你係會已經飽咗一半，但呢個故事只係啱啱開始，main course同甜品更係陸續有嚟🤭

🍲 湯
前菜後就到湯，有呢個鮮蟹肉咖喱南瓜湯，口感creamy得嚟，又有蟹肉過吓口癮 😏 食得出佢落足哂料，啖啖過癮 🤪 雖然水份唔太多搞到有啲油，但味道一啲都唔差，仲好似忌廉湯，所以小編同友人都好喜歡呢個湯😝

🍝 主菜
飲完湯，就係主角登場啦！🥳 今次menu就有三個主菜俾我地揀，分別係黑安格斯西冷、澳洲草飼羊扒同埋法國春雞👏今次小編就同女朋友嗌咗西冷牛扒同埋法國春雞 😋 今次小編試咗個五成熟西冷牛扒，Mirage貴為靚扒房，呢塊扒絕對唔失望，切開見到肉色啱啱好，放入口肉汁鮮甜，仲要都幾大塊，配埋側邊嘅高質金黃薯角，包你一試愛上❤

另外小編友人就試咗個春雞，一黎到就已經聞到勁香 ，一切開勁juicy完全唔dry~加埋迷迭香等等嘅配料令到個味道超豐富，女仔都可以輕輕鬆鬆食晒成隻啊🤩

🍨 甜品

好啦食到呢到都真係8成飽🙃，但放心！仲有甜品架~🤎 個甜品都唔少嘢架，有一杯嘅雜果、兩個馬卡龍同埋一個紅莓蛋糕 😋 馬卡龍個外皮好香脆，入面又唔會好甜好滯，啱晒平時想食馬卡龍但係又覺得太貴唔捨得買嘅女仔 😳 個蛋糕酸酸地，絕對可以解走頭先食主菜嘅油膩感，再配埋杯鮮甜嘅雜果，係一個好嘅完結啊～😋

💬 結論
認真講小編原本以為會唔飽，因為只係brunch所以冇乜期望，但最後結果係勁飽，晚餐都食少少就夠，唔通慢慢食係會飽啲？🧐 餐廳環境唔錯，職員服務都係一流，加上餐廳較靜，想好似小編咁同朋友staycation之餘又食得夠哂度假feel，又或者有特別慶祝，都係一個唔錯嘅選擇～👍

完

出咗個Story之後，好多人PM 問我邊間餐廳🥰其實我有寫食評嘅，不過因為唔係影咗好多相先無出，個日個妝又化得唔好😅

咁多人問我就出個Post啦🥰
大家如果有興趣可以直接 Follow 我個 Foodie account
IG @loveeating1230
FB @美食圖鑑

前菜竟是長腳蟹任食

今次嚟呢間喺 Holiday Inn 入面嘅意大利餐廳「Osteria」食生日飯，姊妹食過話正，緊喺要試吓。

餐廳環境唔算好大，但位與位之間都有段距離，坐得舒舒服服。

呢度主打 Set Dinner Semi-Buffet，竟然是長腳蟹任食，仲有大蝦、各式各樣芝士、不同的沙律菜、炒雞髀菇、南瓜條、蕃茄芝士、哈密瓜，食前菜都食到勁飽。

台上嘅麵包仲要無限添加，勁抵食。岩晒只食麵包嘅小朋友（三歲或以下不用收費）。

主菜有幾款選擇，你可以食到咁上下先叫佢上主菜，無限時。

主要叫咗「煎爐魚、椰菜花茸、雜菜」，份量不多，但由於食前菜已經食到勁飽，所以都希望佢唔好咁大份😂

爐魚煎得好香，脆卜卜魚皮配鮮嫩魚肉，再點點椰菜花茸，加點清甜，味道相當之夾。

最後就喺甜品，意大利芝士蛋糕 Tiramisu 相當美味，酒味不會太濃，入口即化開的甜品，100分🥰

未見過寫生日快樂寫得咁靚，仲要畫埋公仔🥰

溫馨提示：餐廳冷氣特別凍，記得帶外套
職員個個都服務好好🥰

三道菜套餐 $368 另加一服務費

Osteria 意大利餐廳 (尖沙咀)
尖沙咀彌敦道50號金域假日酒店閣樓

@osteria_higm #hkfoodies #osteriaristoranteitaliano #gemini #hkfoodie #birthdaygirl #0607 #holidayinn @holidayinn #hkigers @holidayinngoldenmilehongkong #香港美食 #食好西 #美食推介 #tiramisu #birthday #geminigirl #foodiehk #birthdaydinner #hkig #foodie #lifestyleblogger #girlstalk美食 #lifestyle #打卡 #香港打卡

-------------------------------------------
最新酒店住宿優惠介紹
https://youtu.be/VAcuWD4MCQc
-------------------------------------------

mr. steak buffet à la minute
「香港再出發大聯盟」專業認証, 黃藍中立都最鐘意去迫

榮獲大聯盟推介為「熱門商舖」！大聯盟多位成員亦前往用餐以表支持。
經營高級扒房「Mr. Steak」的MS CONCEPT LIMITED在創業板上市，旗下擁有多間餐廳，包括：
Mr. Steak Buffet à la minute(銅鑼灣)
Mr Steak(康怡廣場、九龍灣、青衣、將軍澳、葵芳）
The Sky Bar (旺角朗豪坊、元朗形點)
Hana華小料理屋(銅鑼灣)
Hana鍋處(東涌東薈城)
Bistro Bloom(旺角朗豪坊、銅鑼灣）
Marbling扒房(銅鑼灣)
mr. steak buffet à la minute
#MRSTEAK #BUFFET #自助餐優惠

Mr. Steak Buffet à la minute 十月強勢呈獻極尚三大和牛自助餐，在原有即開生蠔、冰鎮長腳蟹蟹腳、開邊龍蝦強勁海鮮陣容之上，匠心炮製一系列直送極罕和牛鐵板燒、壽喜燒及更有大熱回歸的香煎鴨肝等美饌，源源不絕的美食一一呈上，帶給您和摰愛一場前所未有的饗宴，午市享有最低5折，晚市最低7折，實在不容錯過！ 極罕三重和牛驚喜 無限供應

Mr. Steak Buffet à la minute的和牛料理一向備受追捧，是次隆重推出三大和牛

美國SRF 和牛壽喜燒、日本佐賀和牛鐵板燒、香煎澳洲和牛扒，為坊間自助餐少有！美國SRF和牛是將日本和牛與美國頂級安格斯黑牛繁殖出産的品種，既有日本和牛細緻的油花，也有美國安格斯牛的濃厚肉味。SRF 和牛的穀飼時間較一般牛多四倍，需以高品質大麥、黃金小麥及當地名產馬鈴薯餵飼，而非使用化學飼料，所以其甜度、嫩度和多汁度遠超其他牛肉。
空運海鮮山 即開任食

除了高質和牛，Mr. Steak Buffet à la minute也為一眾海鮮迷送上驚喜，即開生蠔最受歡迎。冰鎮海鮮山由各地魚市場嚴選的海鮮堆砌而成，冰鎮長腳蟹蟹腳、開邊龍蝦、翡翠螺、紐西蘭青口、鮮蝦、藍青口等輪流登場，讓熱愛海鮮的饕客炎炎夏日感受到一股來自海洋的透心涼，感受鮮甜海鮮的魅力，體驗舌尖上的滋味享受！

熱食區匯集來自世界各地的精緻美食，包括經典中式養生菜餚、精緻西式時鮮美饌，一系列的風味十足的熱盤令人期待，新鮮基圍蝦竹籠蒸、蠔汁冬菇燜鴨掌、薑蔥爆日本蠔 、辣酒煮花螺等皆用上嚴選新鮮的海鮮食材，以廚師秘製的調味讓人忍不住一口接著一口細嚐！



壓軸出場的當然少不了琳琅滿目的甜品選擇，例如具代表性的即焗的心太軟，把你的心意寫在心形的碟上，畫上個性化圖案，令你的晚上變得更獨一無二，糕點廚師更特別製作超過三十多款造型精緻的甜品，任食的Häagen Daz 雪糕及Mövenpick雪糕更是食回本的最佳選擇，為完美的盛宴作結。



為確保所有客人吃得安心，一系列防疫措施已嚴格執行，包括減少餐檯數量，確保檯與檯之間保持足夠距離、所有自助食物會加上掩蓋，減少暴露於環境中、客人離座後，餐檯會以消毒劑清潔、所有員工上班前亦需量度體溫及佩戴口罩、所有客人及供應商進入餐廳時均需作體溫檢查、餐廳門口提供酒精搓手液給客人使用及每小時消毒大堂升降機按鈕及洗手間等。


鐵板燒採用的是佐賀和牛肉眼，日本佐賀縣氣候溫和、水源空氣皆純淨，佐賀牛肉質霜降白美，是正宗和牛的佼佼者，更含豐富的不飽和脂肪酸及多種良質胺基酸，每一口都嚐到油花甘甜的味道在口中擴散開來！而澳洲和牛脂肪分佈平均，除了有牛肉的嫩度，亦有油脂化開的甜，自問無牛不歡，沒理由不去試吧！



Lunch Buffet (12pm-2:30pm)

星期一至五
成人及長者：：$270/位
小童：$185/

可享6折優惠
星期六、日、公眾假期及前夕

成人及長者：$450/位 小童：$290/位

可享5折優惠



Dinner Buffet (5pm-7pm)

星期一至五

成人及長者：$450/位 小童：$290/位

星期六、日、公眾假期及前夕

成人及長者：$470/位 小童：$300/位

可享7折優惠



Dinner Buffet (7:30pm-10pm) 升級時段

星期一至日

成人及長者：$620/位 小童：$320/位

可享7折優惠



地址 : 銅鑼灣告士打道280號世貿中心6樓

電話: 2881 5757

將軍澳|The LOHAS |日出康城|Fresh 新鮮生活|港鐵|MTR | 2萬呎超市買啲乜
#將軍澳 #thelohas #日出康城 #Fresh新鮮生活 #港鐵|MTR #掃貨必去
#特色主題 #香港製造 #Omakase #寵物零食

今日帶大家來到將軍澳地鐵上蓋一個大型商場The Lohas

裏面一個全新概念的大型超市, 佔地2萬呎，

我估計裏面的貨品定會超過二萬款

其中被我遇到三位顧客, 他們好iconic, 好有象徵意義

究竟他們象徵什麼? 片尾我會開估,

裏面設有26個特色主題區域，提供本地及環球新鮮食材

更加支持香港製造創意品牌，引入了接近一千五百種香港製造產品

除了為顧客提供新鮮食材選擇，亦都提供多個嶄新餐飲選擇，

例如即場海鮮加工服務、首創超市版Omakase（廚師發辦）

現場即製香腸午餐肉、小炒菜式、5無健康指示牌 、優質寵物零食區

為顧客即時磨米服務、引用先進的付款方式，以免聚集人群

無須付款排長龍等等, 在場每一個售賣Counter佈局，

都經過精心設計，務求令顧客感受到店員的親和力和專業產品資訊

這個超市很著重店員跟顧客交流, 保留一般超市或百貨公司缺乏的人情味

他們嚴選店內的零食, 參考衛生署的健康指引，

駐場有兩位品酒師，解答專業的酒品資訊，

多款印度食品、香料專區， 在場亦有日式健康美容產品

專為素食者而設多款新穎美食、產品多、服務優質、多選擇，價錢豐儉由人

歡迎各位網友跟阿Tsar遊樂團，

參觀這個嶄新的Fresh新鮮生活大型超市

Are you ready?

首先帶大家來到海鮮城, 見到一個好大的魚缸

擺放了來自不同國家高級海鮮， 長腳蟹、松葉蟹、水晶蟹 ，

超大型龍蝦 、蜆殼類 ，那麼大隻海鮮

你會否怕家中未必有這麼大個的蒸爐去煮呢

來到這裹你絕不需要擔心，因為這裏提供即買即煮服務

煮的方法及加工費用，例如豉汁炒、花雕蒸、

上湯焗等等的方法以及收費, 一一在牆上面寫得清清楚楚

明碼實價，顧客可以即時用電子付款方式收費

之後廚師就會將買來的海鮮進行清理，再拎去煮場館，

進行加工和烹煮，大概你預半個小時，

就可以了，下面亦有每日最抵買，價錢豐儉由人

旁邊亦有游水淡水魚和冰鮮魚售賣，排列得整整齊齊任你揀

另外即時買的魚，廚房設在售賣counter後面

不怕劏魚的時候，血水和魚腥味一點都冇，

保持最衛生、最優質的服務

煮場館除了處理加工烹煮海鮮之外，

他們亦負責這裹的兩餸飯的餸菜小炒，

入面由一個大廚主理烹煮多種餸菜 ，

個菜盆入面設計得好淺 ，因為盡量要保持食物新鮮、 夠鑊氣、夠熱 ，

每一盤只足夠serve六至八個人,就要再refill新的，確保食物新鮮度。

燒鵝王子有三款出名菜式 ，嫲嫲豉油雞 ，王子燒鵝，鎮店叉燒 ，

鎮店叉燒選擇梅頭中間部位 ，不要頭和尾 ，

確保叉燒肥瘦均勻 ，咬口爽脆好味 ，

王子燒鵝 ，用特別穀料飼養，養到每隻鵝大約六斤時才會劏 ，

所以見到每只燒鵝大少都差不多，

即場用風乾機風乾鵝 ，風乾20個小時 ，

確保肉質外脆均勻、隻隻金黃脆口，

嫲嫲豉油雞的來源，好多客人吃了豉油雞時，

覺得好有家的味道，用味蕾去喚醒你對嫲嫲和回憶和思念，

壽司本店, 最特別就是有外帶的Omakase，廚師發板，

有兩種選擇，一種是特選set388hkd，

有12款壽司加上丼飯 ，再加點甜品，

另外一款就是極上set, 588hkd就有16款的選擇 ,

有刺生、卷物、 丼飯 、甜品都有 ，

廚師會因應每日最新鮮嘅食材以做這些拼選給顧客，

下面亦都有一些已經包好的新鮮壽司，

價錢更加大眾化, 但質素是非常優質

你看看壽司的油脂和光澤，以這個價錢

簡直是物超所值，

這裏亦有一個一連三舖的食點，

相當受顧客歡迎， 首先他們每日新鮮製作的香腸和午餐肉 ，

見到師傅即場製作，確保每日新鮮 ，

這裏的午餐肉和香腸經過好多次改良 ，

因為要調出適合香港人口味 ，

健康得來又好味 ，可以選擇減鹽自製香腸、午餐肉

減鈉減了50個percent，其他亦有多款口味，

有蜜糖脆皮、芝士黑松露、沙爹豬肉黑等等 ，

都是賣28hkd一件 ，都不含味精或人造色素

除了買到香腸午餐肉回家之外

旁邊就是一個熱狗店，有多款口味任您選擇，

再過隔離就非常受街坊歡迎，有多款外賣小炒便當之外

脆皮豬手、芝士龍蝦伊麵、炒辣蟹、冰梅骨、

日式吉列炸蝦便當 、炒飯炒麵 ，攞上手熱辣辣㗎

驚你不夠熱, 旁邊擺多兩個微波爐

另外有選擇優質食材的甜品和沙律，

價錢都相當貼地大眾化，

Snack and Treat 零食專區是大人同細路都鍾意 ，

自助式,kid’s faviourite 和kid’s choice

好多精挑細選受小朋友歡迎的零食選擇,

這裏的零食除了安撫你的心靈 ，亦照顧你的健康

因為大部分零食都會參考衛生署指引 ，

會嚴選零食裏面的糖分、鹽份、鈉成份，

例如每100克糖少於五克啦， 每一包總脂肪少於三克 ，

鈉含量少於120毫克 ， 還有多款香港製作的本地品牌零食

除了這裹好像catwalk那麼多零食，這裹一字排開都是零食選擇

能夠在芸芸眾多的產品, 被選中上架的香港製造產品

必屬佳選, 食出香港人的精神， 靈活應變、捨我其誰

超市裏亦有好多其他的香港製造產品

好似有山手作、Nicole’s kitchen，二澳農作社，

大師姐等等的調味醬、糕點或蜂蜜都可以找到

豆本坊, 除了有好多豆製食品，亦提供好多創意素食

今時今日的素食者，已經不單純為宗教或健康原因

亦配合世界潮流，推行環保，所以產品亦推陳出新

配合顧客不同的口味和需要，

好像這個Omnipork新豬肉，香港品牌，北美研發，

100%植物製造。多用途、零毫克膽固醇、高蛋白質，

無抗生素。無激素。熱量低66%。

質感、香氣均與真免治豬肉無異，

提供人體所需的優質氨基酸，健康之選。

港式素食叉燒、 三杯鮮菇純素米漢堡、甘薯葉素牛丸

意式香草意粉、火鍋、鹵水最夾的凍豆腐， 吸汁有彈性，

獨家首選的豆腐皮，即使你不是素食者

如果好似我家中有個氣炸鍋，

你都可用來包燒鵝、蝦卷、雞胸肉一樣回味無窮

臨走前買一些已經處理好的芽菜仔、加兩磚豆腐

煲個魚湯，加少少鹽和蔥，已經是一個好豐富的養顏湯水

日日糧坊: 一個可以磨米的地方，甚至可以糴米，

現今已好少聽到糴米呢！但這裹有這一種糴米服務

幫你溝出最喜歡的幾種米， 當然你要買一整包都可以

他們提供了來自七個國家不同的米，

有日本、泰國、柬埔寨、中國、等等

揀完米之後你可以因應自己喜好，

即時可以叫店員幫你磨製喜歡的度數 ，

它有9個不同的度數 ，視乎你喜歡食糙米 或是白米 ，

可以有sample給你看，磨五分米、七分咪、白米、免洗白米

這裹有一部專程由日本訂過來的磨米機

一般白米用5至6號已可, 穀殼會在右邊袋排出來

客人可以要求拿回家用作施肥種植盆栽，十分環保

香港人日日的主要食糧除了米之外，亦有食麵

這裹提供本港一個老字號的麵食，

除了傳統蝦子麵之外、亦有好健康的菠菜麵、甘筍麵

如果你不肯定自己是否喜歡特別的選擇

可以一個一個麵買回家試下，

除了麵食和米之外，大家都可以來到雜貨區

這裹有個印度專區，有好多印度食品及各地嘅香料

印度香飯 (Biryani)，煮出來的飯特別香 ，

再加各種香料咖哩、辣椒

加些yogurt、堅果， 令到你的餐桌添多點文化色彩

這裹薑黃粉十分便宜，我曾在影片多次介紹過薑黃粉益處

強而有效的抗癌食品，我通常用薑黃粉加蜜糖飲用，

能夠迅速消除疲勞，好多時我睡得好少，都很精神

這個就是秘密所在，雜貨區見到買baking soda

平時超市賣15hkd，藥房12hkd，這裹賣10hkd，

精明的家庭主婦就知baking soda不只愛用來焗蛋糕

是強烈清潔劑， 可以將煲燶了的煲，不費吹灰之力

清潔得好像新買一樣, 有機會我示範給大家看看

藥膳農莊有好多湯包和藥膳 ，

如果你想找安眠茶、或平日手腳冰冷、想去濕

店員都可以為您提供最適合的選擇

對面個雪櫃亦都有好多不同生果、 沙律、藍莓、 士多啤梨 ，

每日揀最新鮮的生果做冷泡果茶 ，

甚至乎你飲完的生果茶可以直接食用裏面的生果

生果旁邊櫃位是鮮果殿, 有多款熱帶地區的時令水果

尤其是中秋節即到, 這裹買生果，亦有多款選擇

很多水果不是外面常見到，好像馬來西亞貓山王榴槤

文旦柚、泰國金柚 、琥珀蜜柚 、中國神石榴 、黃火龍果

送這些生果給人，沒那麼行貨，面子十足

如果你對生活有更高要求，就應該行過對面

Lohas Orchard，有來自世界各地最優質的水果

日本、 韓國、歐美、 土耳其、西班牙、澳紐

北海道紅肉蜜瓜、日本山形西瓜、 金洋瓜、台灣牛奶美濃香瓜

小朋友的嘴仔咁細，就建議買呢一個日本天之驕女蘋果

澳洲珍寶牛油果， 大大兩個58hkd， 我在澳洲超市食過，

價錢跟這一個差不多，好像這個更大

不得不提就是來自自土耳其的無花果，

最優質的無花果出產自土耳其, 而且好少出口

好少生果舖有得賣，好大隻啊，隻隻都好靚

揀無花果，要選擇紫色，有少少綠綠地

買回家可以擺放多一會，如果太綠即未熟

如果已經黑色，即過熟，好容易入面生蟲

買回家只要洗層外皮, 就可以連皮食了

Butcher Craft, 入面有個大廚叫Joey ，

玻璃櫃入面有醃製了的肉類和扒類 ，

可以買返家即煎就可以食得啦

或用氣炸鍋都得 ，亦有斧頭扒 Tomahawk

和dry aged熟成牛肉 ，出面高級西餐廳一定有這兩種食物

尤其熟成牛肉，經過處理的熟成牛肉, 牛味更濃郁 ，

如果不喜歡出面的皮太乾 ，可以叫職員幫你了出面的皮去 ，

即煎就會令到牛味最濃郁最極致 ，

亦有日本佐賀牛 A4黑毛和牛 ，澳洲加拿大牛小扒 ，

澳洲和牛M4 M5級數的肉眼扒，

如果大家不知道一個人或一家人份量都可以問大廚joey，
.......................................................

下次再傾，88! ??

成為会員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

尖沙咀美食攻略 日本新鮮直送 浜燒海鮮 刺身 壽司 漁道樂 Ryou Dou Raku 星期五有日本跳舞表演 抽獎送美食！ 餐廳裝修得非常有日本居酒屋風格

環境舒適，配埋輕音樂
鐘意日本既朋友一定like這餐廳
未開飯已經先嬴氣勢
餐廳有浜燒活海產,另有各種熱食,刺身,壽司
很多食材都由日本直送到港
各類海鮮非常新鮮吸引
有蝦,鮑魚,長腳蟹,扇貝,蠔等等~

蟹甲羅燒

店員會即場燒製,蟹膏,蟹肉,蟹籽拌勻烤香
蟹肉多,濃郁膏香非常回味！鮮味鮮甜
如果配埋多士片或脆薯片之類一起吃更佳!

漁道刺身盤

有齊時令新鮮既刺身片
三文魚,海膽,大蝦,扇貝,北寄貝,油甘魚等等

單看刺身色澤就知道極為鮮味
就像上菜前仍是活的！
海膽豪氣比了一大碟!

每款刺身都有3片-4片！足夠2-3人吃！
三文魚油甘魚好肥美甘香
海膽味濃入口即化
扇貝夠大隻，肉質細緻
北寄貝好有彈性!

前菜再來一客胡麻菠菜卷
係日本居酒屋好常見既菜式
營養豐富，女士恩物
沾滿芝麻食起上來多添一絲香氣～

和牛蒜片炒飯
和牛切粒加上蒜片炒香

炒得夠爽口乾身，香氣四溢
加上和牛獨有的濃郁牛香，一絕！

蟹盛冷豆腐
蟹籽加蟹膏再配嫩滑冷豆腐
令到平凡既豆腐變成最佳的食材
配上濃郁既蟹盛，味道更為突出鮮美

什錦天婦羅
炸漿合格不厚身
食材夠新鮮，炸蝦夠彈牙鮮味

吉列黑豚肉

肥瘦相間，油脂分佈平均
特別甘香有甜味
夠鬆化，夠脆口
不用蘸醬已很好吃
逢星期五晚市時間
有日本舞蹈表演和抽獎送禮!
尖沙咀金巴利道35號金巴利中心地下A舖
#漁道樂
#尖沙咀美食 #日本菜 #尖沙咀日本菜 #浜燒海鮮 #RyouDouRaku #日本直送
#刺身 #壽司 #新鮮海產 #香港美食 #ryou_dou_raku @ryou_dou_raku