Search
今個復活節我地就同 #全職BB聯盟 去左PlayHouse 開左個 Surprise 生日 Party 🥳🥳
今次揀左新蒲崗既 The Playground，地點唔算太方便，係鑽石山地鐵站行過黎大約8-10分鐘左右！
呢度地方唔算大，但都好多唔同款式既野玩，有七彩波波池、煮飯仔、幼兒鞦韆滑梯、積木牆、砌字牆、車車，無論幼兒👶🏻同小朋友都有野岩玩！麥皮妹妹都玩得好開心添～
媽媽爸爸們仲可以自己帶野食上黎食，有個小小用餐區，食下野傾下計，又可以睇住小朋友們就自己玩！佢地仲有設有換片餵奶房，有張雙人梳化，一個媽媽餵奶，另一個媽媽換片都夠哂位！
而家係31/5 之前Book場仲有全單減 $300優惠，咁岩搵緊場地聚會或開 Party 就岩哂！
The Playground
地點: 九龍新蒲崗大有街32號泰力工業中心8樓10室
雷囡媽媽
旦旦與嵐嵐
小魔怪。私家竇
海馬仔成長日記
Judy's Wonderland
#ThePlayground
#partyroom
#playroom
終於有時間整理好條片啦，今次同大家分享下雷小囡，同一班朋友仔開失驚無神 #生日會 嘅場地啦！
呢間位於新蒲崗嘅The Playground，鑽石山Mtr出左直行唔洗10分鐘就到。位置都算ok易搵。
場地夠乾淨整齊。而且我好鍾意呢度冇間隔嘅設計，一眼望晒。大人就可以安心輕鬆傾吓計，小朋友又可以盡情放電！就算分離唔到嘅細b,都可以隨時望到媽媽，安心自己去玩。
貼心設計育嬰室。 房間夠寬敞，有張好舒服嘅雙人座位梳化，亦都有換片枱。幫BB換片好方便。如果媽媽們想餵母乳，2個一齊傾住餵都夠位。
設有小型用餐區，亦都有長枱擺都會嘅食物。乾淨衛生。而且呢度冇限制一定要叫佢嘅到會食物。自己想帶乜嘢食都得，豐儉由人！我哋當日就叫咗麥當當啦。只要可以同一班好朋友一齊傾吓計放下電，食乜都冇所謂啦！
呢度麻雀雖小，五臟俱全。設備可以話該有的都有。波波池夠寬敞，基本嘅滑梯，小千秋，車仔、木製廚房，仲有大量小玩具。雷小囡最鐘意坐馬車扮公主。家姐就最鐘意幫波波分類...小朋友嘅世界，大人未必明。總之佢哋玩得開心就夠啦！
總括嚟講，呢度環境設備都唔錯。雖然冇一啲大型嘅機動遊戲、冇歷奇嘅繩網。但對我同雷囡s來講已經玩得好開心。其實我認為對小朋友嚟講，有地方俾佢跑、有朋友仔陪，玩咩都咁開心啦！
而我呢，最緊要可以同一班好朋友聚埋一齊傾下計輕鬆下，去邊度都一樣咁開心！
呢度除左包場，間中都有工作坊玩。可以留意佢地Page ： The Playground
地點: The Playground (九龍新蒲崗大有街32號泰力工業中心8樓10室)
Book場優惠：5月31日前全單減$300優惠！
#媽媽輕鬆湊B嘅地方
#室內親子遊戲室
#playhouse
#playroom
#生日派對 #包場 #partyRoom
