關於 阿 媽有咗第二個 netflix ，我們在網路上蒐集到這些相關的討論、資訊與評價

【#萬眾期待《波士BB 2細祖》】
長大了，人與人之間嘅距離會唔會越嚟越遠？記唔記得你細個時候同屋企人之間嘅親密，咁各自有各自嘅生活之後，係唔係真係此情不再？由第一集《波士bb》電影，一直追看到Netflix四季《波士bb》劇集，到最後一集波士決定做返普通BB，哥哥寫咗一封信俾佢，承諾佢永遠響佢身邊，然後我哋有滿滿嘅失落感，一種係唔捨得兩兄弟嘅冒險旅程，一種係對兄弟情未來嘅未知。然後今次第二集電影版，終於有答案了！

記得《波士bb》狂收4,100萬港幣，今次第二集，粵語版由阿Bob同蝦頭盞鬼聲演，雖然如果你睇開Netflix嘅劇集版會有少少唔慣，不過我覺得一樣精彩動人！黎到第二集，阿天成家立室，兩位寶貝女兒十分可愛，估唔到佢哋可以繼承「家族事業」，有機會為BB集團出一分力，真心，我覺得場面比起第一集更加精彩搞笑，而且劇情更加刺激，而且有不少場口令你反思自己教育上嘅方向掌握，而小朋友就更加可以反思自己對兄弟姊妹嘅關心究竟夠唔夠？大人或小朋友睇都有各自嘅得着！

或者你曾經好期待佢哋長大之後嘅模樣，又或者你好懷念佢哋細個嘅時候，今次兩樣都可以滿足你！Btw 電影最後一幕，媽媽發現咗一個電話，然後故事冇交代詳情，我希望係第三集嘅伏筆！期待第三集^_^集集氣^_^

#夢工場暑假爆笑巨獻
#暑期合家歡必睇電影
#仔女家長都必定搵到共鳴

📽 首回預告 : youtu.be/6js94hvvM6E
🎞 次回預告 : youtu.be/xtTgcSzHglk
🎙 配音版預告: youtu.be/-jfk4x1XN8M

❤️《#波士BB 2細祖》7月22日 暑假笑餐飽❤️

#BossBaby #波士BB2

{戲院重開 之 一於填表}
featuring //狂舞派3 + 3部金馬片
- 失望的神奇女俠//

戲院重開，大家都知道點樣入場睇戲啦。率先支持當然係真正香港人嘅電影，今時今日，大家明白，唔係有劉德華就當係香港片啦，真正香港初衷嘅，今期當然係《狂舞派3》。但得意嘅係，續集無2何來有3？

原來故事講第一集主角嘅演員，已經拍埋第二集，成班班底有人走紅了、有人為生活、有人為上位，今集的劇情，就係一班演員/舞者/Hip-hopper的「戲中戲」故事，演員基本上接近做返自己的角色，特別入神！

如果「狂舞派」hip-hop 舞者接咗地產霸權活化九龍城嘅job，究竟能否妥協？係今日香港嘅環境，相信觀眾都唔會真係覺得電影喺度講緊地產霸權問題，係咩問題，你懂的。面對強權，都要生活，如果妥協，就變咗分化，咁點算好？

電影批判社會對年青人「一面說支持，一面趕他們走」，等於殺雞取卵，但亦暗示出路，「無論環境幾差，生命都有火花」，有人留低，也有人遠走他方，到紐約尋找hip-hop的根。

片中的拾荒婆婆說：「後生仔，大把前途，唔好搞事，好人一世平安。」總結了一切。《狂舞派3》在去年底成為台灣金馬獎影展閉幕電影，並獲得金馬奬多項提名，雖然未能獲獎，證明台灣朋友睇得明。

新上映的還有另一部金馬得獎電影，推薦《消失的情人節》，可惜情人節剛剛過去，當日戲院尚未重開，但現在戲院人少，而且好多院兩個位隔一隔，正好拍拖呀。電影海報警告不要劇透，所以不敢多講了，但女主角李霈瑜喜劇感爆燈，她飾演的可愛傻大姐，事事快人一拍， 相比完全相反、慢人一拍的男主角劉冠廷，如何成為一對，更如何能令情人節的整整一天，都可以消失？睇咗就知。

以台式愛情片來說，本片不算最浪漫的那些，但就有一種對冥冥中失落而尋回的緣份的盼望，而且在不能旅遊的這一年，讓大家可以透過銀幕回味台灣城鄉美景。電影在金馬獎成為大贏家，獲得最佳劇情電影、最佳導演和最佳原創劇本等五大獎項。必看！

還有兩部金馬得奬電影，都已在Netflix上晝，首先是獲得最佳女主角（陳淑芳）的《孤味》。含辛茹苦一人雙手養育三個女兒成才的母親辦七十大壽，卻傳來離開幾十年的丈夫同一天逝世的消息，喪禮還要面對陪伴丈夫渡過最後日子的女人，怨恨湧上心頭，更要面對數十年塵封的秘密，說的是夫婦、母女間的複雜感情和愛恨。

台灣「國民阿嬤」陳淑芳，在今屆金馬奬創下連奪最佳女主角和最佳女配角（《親愛的房客》）兩奬的奇蹟，她和演出三個女兒、一個孫女（《無聲》女主角陳妍霏）和老公另一個女人的各位女演員演技大鬥法，值得一看。

Netflix上還有《刻在你心底的名字》，較接近典型台灣學校愛情片橋段，只不過是男男同志關係，劇情也是説到數十年後中年重遇這些那些，但也許可說是特別的，卻是一切都來得那麼自然。本片獲得金馬獎最佳攝影和最佳原創電影歌曲兩獎，正指出了兩大亮點。

最後一提，如果想睇《神奇女俠1984》，還是慳返留待遲些在電視上看（可能在HBO）吧。本片在美國上映前預先得到不少好評，也許是片頭剪輯得太好，也可能是大家太喜歡Gal Gadot吧，怎料全片一看相差甚遠！首先，今集的反派設定可謂眼高手低，製造出來的「災難」得個亂字，加上在上集又cute又man又「可愛」的男主角Chris Pine，今次被「勉強返生」，變得頗為婆媽，上集他的犧牲令人落淚，今次卻想他早走早著。

一句到尾，DC Comics上次第一集WW破天荒做場好戲，同Marvel有得fight，今次即刻打回原形。最慘情的是，全片高潮，竟然係彩蛋中有七十年代電視版神奇女俠Lynda Carter的cameo亮相出場。

同場重播：早前評另外三部金馬提名台片：《親愛的房客》、《無聲》、《怪胎》
https://www.facebook.com/232372840163384/posts/3600821343318500/?d=n

#光影評 #影評 #電影 #電影介紹

《期待生病的少年時代》

病，是否利多於弊？

仲記得小學時為咗唔返學，有時候我會扮病，出門時候話哎呀，個頭好熱啊，我係咪發燒啊？然後阿媽就用佢精確嘅手背探熱器摸摸額頭，同自己講，無發燒喎！咁的確係唔熱嘅，最後死死氣咁返學。

病，係細個返學時的確係一種期待，病就好似一個免死金牌咁，唔駛做功課，唔駛返學，訓係度有人照顧，仲可以睇足一日教育電視，確實係利多於弊，反正小朋友康復能力強，病？怕什麼？

仲記得沙士當年，夠膽死同同學一齊唱K，行街，肺炎怕什麼，家陣諗返起真係有少少天真同傻。

成年之後面對社會，病？唔好玩啦，野要照做，個客係你嘅，客唔會因為你病而體諒你，將你呢一日病嘅時間當無事發生，好少少嘅會同你講，咁你休息吓，好返之後記得趕返個期，唔好甩喎；差少少嘅客會直接同你講，理得你死定病，我幾時要你同我死掂佢。

到個陣我終於明白咩叫，得閒死唔得閒病。

今日你病，如果你自己住的話，就要頂住發燒同唔舒服係屋企休養，你唔返工就證明你真係好病，有幾多香港人唔病到出唔到門口都會照返工，請一日假，會扣錢喎，你病得多，同事都會對你有怨言，特別係有時你病撞正成堆野等住做，無人會可憐你。

一個人係屋企，你已經唔會再有阿媽照顧你，女朋友同老婆都有自己工要返，最多返工前後買野比你食，餵你食藥，但你一日係屋企可以做乜？Netflix and Chill？無可能啦，食完藥有野做就WFH，無野做就訓吓啦。

有時唔到自己唔認老，當年你可以夜晚飲完酒唱通宵，食完早餐再去踢波游水，今日？你夜少少訓第二日都好似無咗三魂七魄咁，抵抗力同新陳代謝都無得同以前比。

細細個阿媽叫你食勁難食嘅魚油丸時，你幾難受先吞到，今日有邊個成年人無返少少補充品看門口？睇完成份同功效之後每日自動自覺去食，等自己無咁易病，因為你知道今日病，絕對係弊多於利。

想知一個人係咪開始老，好簡單，打開你嘅Social Media，年輕人會放嘅係去劈酒，今日不醉無歸，去食放題自助餐，食到回本先至停；而當你發現你睇到身邊嘅朋友突然注重健康，今日食沙律同麥皮放上網晒健康，去Gym同行山鍛鍊身體，以及有朋友發現自己三高、脂肪肝或者糖尿病等等時，你就知道你唔再年輕了。

最怕病，最怕肺炎嘅，我諗一定係我哋呢班正當盛年，但外強中乾嘅成年人，一諗到要隔離十四日，然後仲要醫病，先唔講醫療費用，你會好擔心你仲Keep唔Keep到份工，你好返之後，身邊同事同客人會用咩眼光望住你，信用卡點交好，供樓同家用又點算好？

成年人嘅世界，就係咁現實，病無咗當年嘅免死金牌，曾經你覺得如常生活已經算好健康，今日，你如常生活已經算唔健康了。

朋友們，多做運動，作息定時，今日唔養生，將來養醫生，講出嚟都覺得自己老，好似阿媽輩嘅叮囑，但今日無奈地要接受呢套，或者將來我哋都會同下一代講返同一番老套說話，望住佢哋揮霍健康，露出一個羨慕嘅表情。

－－－－－－－－－－－－－－－－－－－

《弊傢伙，我女朋友有咗》經已上架，有興趣的朋友歡迎點擊下列連結購買。

預購 BY Payme, FPS, Alipay連結：https://forms.gle/UEdH32PfVD2cp5nK6

預購By 掌鋪，可以使用Visa Master Card連結：�https://maydreaming.boutir.com/i/WDnmnPAAA

舊作《那天，我出席了一個葬禮》《同學會重遇的那個人》《南極》亦可以同時購買，有興趣的可留言式inbox查詢