［阿公］
琴晚收到訊息，繼幾個月前喺屋企跌親個頭，入廠聯咗幾針，90有幾嘅阿公今次跌斷髖骨，要換個Ai人工智能骨頭落去，聽完我個心即刻乸住成日😢⋯⋯
自問小弟係一個不折不扣嘅衰仔！細個成日激到阿公扎扎跳，露台追打到床下底，望住阿公口沫橫飛嘅樣，我重莫名興奮！一事實係，小弟潮州話粗口，的確就此煉成！
又試過好似斷繩鬥牛梗一樣，一同阿公落街就大玩Running Man香港版，仲差啲被車撞，嚇到當時70歲嘅阿公青都面埋！
最正都莫過於，有次阿公孭住小弟上山返屋企，臨到門口，小弟屙到佢成背脊都濕透，難怪阿公將此一事蹟，講足三十年！
到出嚟做野，明明隔兩個星期先返去探阿公阿媽(外公外婆)一次，都成日作藉口唔去😥。好啦！𠵱幾年離開咗香港，終於明白阿公係寶，可惜𠵱家想日日癡實阿公都唔得，嗰種感覺真係唔多好受...
有身處韓國嘅香港朋友講過：「我哋喺出面打拼嘅人，其實無話怕做唔到啲咩，唯一就係怕聽到屋企有事...」係！嗰種無力感，比起小弟喺韓國，窮到日日白麵包夾餅乾送水喉水嘅日子，強烈百倍！
好彩今日悉知阿公手術順利，希望佢乖乖地休養，繼續向住我哋口沫橫飛～
想感謝：
#一直照顧阿公阿媽嘅細舅父一家
#即時新聞匯報嘅細佬Dennis
#曾經安撫小弟嘅朋友
#老天爺
香港版 running man 在 Running Games - 主頁| Facebook 的推薦與評價
激玩韓國綜藝節目Running Man 的遊戲www.hkrunninggames.com 訂場熱線Tel: 5593 1343 Unit A, 3/F, Kaiser Estate, Phase 1, 41 Man Yue Street, Hunghom, Kowloon, ... ... <看更多>