📍南瀛水產 (尖沙咀)
🔍尖沙咀金馬倫道5號太興廣場5樓
-----
成年冇去日本，思鄉病非常嚴重，🤪所以最近成日想食日本野。呢間人氣水產店，一直都係B仔bookmarked咗想食好耐嘅餐廳，近日先知原來係朋友嘅師弟開的，老細係UK讀完大學返黎就開設咗呢間水產店，老闆仔年紀仲要細過我，非常有膽色👍🏻。
佢地主打浜燒、sushi同sashimi。餐廳位置離尖咀地鐵🚇站1-2分鐘路程，非常方便。環境燈光係日式幽暗居酒屋風，幾舒服亦幾有feel，星期一夜晚黃金時間黎食，都大半場爆滿，假日前來記得提前book檯。
✨南瀛卷 $298
一上檯已被澎湃嘅刺身吸引，相機先食完之後，先捨得開始好好品嚐。主要嘅刺身有吞拿魚茸、飛魚子、海膽、蟹肉同甜蝦。每種刺身份量都非常足，係多料少飯嘅配搭，入口質感幼滑味道鮮甜，視覺同味覺都得到滿足。
✨海膽杯$168
靚到dum一聲嘅外貌再次謀殺B仔電話相簿空間。上層為海膽、吞拿魚茸、北海道厚帶子、飛魚籽及海草🌿。下層則有醃蘿蔔、蟹仔、甜栗子等等。刺身質素同南瀛卷一樣頗高質，另外海草帶有天然海水味，豉油都唔使點，味道已經啱啱好，
✨聖子王 $168
兩隻聖子，呢個價錢，望落唔平，但質素確係一分錢一分貨，非常鮮甜，質感爽口彈牙，而且重點係有人會幫我地燒好曬，唔使我自己燒啊！（我自己燒一定會毀咗隻聖子）
✨軟殼蟹沙律 $98
炸得金黃酥脆嘅軟殼蟹被廚師細心地切曬件，方便朋友之間share黎食，配搭埋冰凍嘅沙律菜，將油膩感平衡得啱啱好。
✨蟹味噌甲羅燒 $156
松葉蟹蓋上滿佈蟹膏、蟹籽 、蟹肉、蔥花及鵪鶉蛋，未燒已經覺得非常誘人又搶眼，燒嘅過程中，店員會將所有材料攪拌均勻，雖然攪完貌相不如先前吸引，但香味則漸漸滲出，令人越等越想食。入口鮮甜與鹹香交集，加上帶脆卜卜口感嘅蟹籽，整體非常豐富，記得要趁熱食先會最正。
優惠小Tips: Eatigo 訂座有折扣，折完抵食
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowtst
魚 蛋 uk 在 【英該Dim煮】自家製三文魚丸| 爽口彈牙| Homemade Fish Balls 的推薦與評價
videoshow #shorts #BNO #BNOVisa #LOTR # UK #英國#買樓#買屋#移民#HK ... Corn Flour +20g cold water) 鹽Salt 7g 魚 露Fish sause 3.5g 胡椒粉Pepper ... ... <看更多>