［香港 中環］之前睇 #阿爺廚房 已經見識過鼎爺廚藝，上年知道佢開佐 #鼎爺私房菜，一直都想去試真章，但餐廳實在太受歡迎，加上人數不多，所以遲遲未有機會一試😣
最近知道鼎爺中環開佐新餐廳，私房菜有一半菜式都可以食到，仲可以散叫👍🏻👍🏻
#秘製火焰叉燒
叉燒選用本地豬肉，外層微微焦香，內裡鬆化腍身，一咬油脂香洋溢☺️中環好多差唔多定位嘅中菜館嘅叉燒都用黑毛豬，雖然我鍾意黑毛豬比較實彈嘅口感，但係用本地豬肉做出傳統叉燒風味，背後心思值得欣賞👏🏻
#蚵仔卷
炸漿用豬網油整，包住蚵仔、潤腸、西芹和芹菜等，口感好豐富😋炸漿好薄脆，完全係心機菜。
#鮑參海鮮酸辣湯
超級出色嘅酸辣湯，豆腐切得非常幼細，刀功精湛🔪酸同辣平衡得恰到好處，入口微酸，一陣間又轉化為辣，然後好快又留喺喉嚨度，味道好有層次👍🏻嚟到一定要試！
#桂花蟹肉炒瑤柱
材料有芽菜、蛋、蟹肉同炸過嘅瑤柱，比較家常嘅一道菜🏠味道平實但好好食。芽菜同蛋炒得乾身，大量蟹肉加添鮮味，炸瑤柱香脆可口，令口感更有層次😙
#紫晶生炒骨
用火龍果取替菠蘿，仲改用酸梅和青檸來調味，味道酸甜入味。
#蒟蒻紅棗糕
紅棗味突出，不過個質感我唔係好鍾意，煙韌軟糯d就好啦
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk
鼎爺桂花糕 在 阿爺廚房| 清熱桂花糕| 李家鼎| 譚玉瑛- YouTube 的推薦與評價
【阿爺廚房】清熱 桂花糕鼎爺 今次教大家整 桂花糕 ，額外加入清熱飲，增添清香之餘仲可以降虛火，要整出層次分明嘅 桂花糕 其實有秘訣，一齊嚟睇吓 鼎爺 點樣 ... ... <看更多>