大約兩年前，有個朋友話想辭職同人夾份做生意，問我點睇？
我：「咩生意？」
「BB衫online store。」
我：「你都冇小朋友，熟呢啲嘢咩？」
「我另一個partner係媽媽級，佢自己都成日online買衫，冇問題啦！」
我：「好多人以為鍾意嗰樣嘢，就代表自己都做得掂，其實唔係咁簡單架，每件事每個行業都有自己學問，只係外行人睇唔到。」
「一買一賣，左手交右手賺個差價，有幾難呀？而且小朋友大得好快，兩三個月又話要換，啲衫仲貴過大人。」
我：「貴過大人我好認同，但size都多過大人衫好多，唔止分大中細，仲會細分為三個月，半年，九個月，一年咁樣上，一個款要入好多貨。」
「每個size入三件咪得囉。」
我：「但有時做生意就係咁啱，個個都要3個月大嘅size，你呢個size冇貨，不過半歲大個size又剩低好多。」
「冇咁啱嘅。」
我：「仲有，BB衫好注重質地，好容易會敏感，你唔係大牌子，冇得試冇得摸，作為家長都唔會亂咁買畀BB著啦！」
「唔啱咪最多畀人return同refund咁囉。」
我：「咁郵費呢？你哋又點分工先？邊個update啲stock photo？邊個寄貨？銀行戶係咪一齊簽名先攞到錢？有啲大銀行要擺十萬八萬先開到account，你問咗未？」
「唔開公司戶口都得啦！」
我：「私人戶口？啲客入錢畀陳大文個銀行，邊有信心？」
提出連串質疑之後，朋友開始唔耐煩：「就係你哋呢啲人諗太多，唔敢冒險，所以個世界先會有人做老闆，有人就只能夠做客。」
係呀，佢當時嬲咗，但我唔係想潑佢冷水，如果你連我嘅質疑都處理唔到，壇生意搞咗出嚟要面對唔識嘅街外人，到時點招架？
後來朋友真係辭咗份工，全心全意去搞BB衫online store，我哋超過一年冇聯絡，直至某日佢Whatsapp我，話最近租咗個倉擺貨，已經結束網上生意，再順便send CV過嚟話想搵工。
我冇要到啲BB衫，因為真係冇小朋友，但我好積極幫佢搵過份full time，只係一份普普通通行街sales，唔算幫到好大忙，勝在個老闆明白佢過去一年搞生意，所以CV有空白期。
好理解朋友嘅心路歷程，我間唔中都會諗到啲屎忽橋，講完出嚟最鍾意人哋ban我，解釋到而你又服，即係work！你ban完之後我拆唔掂，即係個計劃唔夠完善。過到呢關，我先知道可以出去打老虎。
生意呢樣嘢，永遠都係唔熟唔做，見到人哋做得好就去分一杯羹，盲目抄襲跟風，永遠就只會跟人哋尾食人屁，有決心踏出呢一步當然好，但一定要有周詳部署。
01797 stock 在 Artwrite Hythe Ltd - 2pm (Monday to Friday 10am - Facebook 的推薦與評價
Winsor & Newton Cotman 45 half pan set, RRP £93.25 NOW £49.95 (no further discounts) whilst stock lasts. You may telephone (01303 261925 for Hythe) or (01797 ... ... <看更多>