【Kongner編輯室】
瘋子愷：改寫外交句式 活學活用
今日係法定公眾假期入面最無存在感嘅傳統節日重陽節。唔知大家登高登成點呢？不過今日呢就發生咗一件事，我覺得都幾值得喺度講下嘅。
嗱，喺星期四我地學過PoPo邏輯學，即係無邏輯。其實呢方面，政府都唔弱㗎！政府對於訂立「禁蒙面法」嘅立場亦都係「公就我贏，字就你輸」，總之就立，立左我就贏，深諳贏國之道。而呢個法案有幾咁反智我地喺星期六晚嘅深宵角落頭都講過㗎啦，就唔喺度再多講。
一如我所料，覺得港府反智嘅人當然就唔止得香港市民啦，重有前港督彭定康。彭定康喺接受英國電視台訪問果陣指林鄭月娥訂立「禁蒙面法」係「絕對瘋狂」。呢個言論都算係呢段時間入面，來自英方最強硬嘅批評來㗎喇。跟住無幾耐之後，永遠都聲大夾惡就以為自己有道理，其實係無牙芝娃娃嘅外交部又出聲啦，詳情可以睇：https://news.now.com/home/local/player?newsId=365407
對於中國外交部駐港特派員公署嘅言論，本人認為都非常值得學習，咁所以本人就嘗試下玩改寫句字，學習一下「強硬」嘅外交辭令啦。
處境1. 如果本人扮演英國外交部發言人嘅話，對於中方嘅回應可以咁樣回感：
「對於駐港外交部批評我方嘅言論，完全無視要求中方遵守過去承諾五十年不變的主流民意，以及中共是「一國兩制、高度自治、港人治港」先行者的基本事實，充分暴露了其虛偽、偏執、冷血的真實面目，對此予以強烈譴責。我們必須要指出，中共早在1984年就承諾香港於回歸後五十年不變，然而對於近年事件看得出中共不斷透過政治手段剝削港人基本人權和自由，嚴重違反當初《中英聯合聲明》中之承諾，指這種赤裸裸的雙重標準和無恥的虛偽咀臉，早已讓世人看清和唾棄。」當然啦，今日嘅大英_國係唔會夠膽咁講㗎啦。
處境2. 作為一個爭取民主嘅香港人就咁樣回應：
「中共芝娃娃的言論完全無視香港人對抗極權帝制、要求實現民主的主流民意，以及中共是革命建國，實現「人民民主專政」先行者的基本事實，充分暴露了其虛偽、偏執、冷血、貪婪、膽小的真實面目，對此予以強烈譴責。五大訴求，包括要求成立獨立調查委員會是合法、合理和合情，香港市民堅決支持特區政府回應有關訴求。我們必須指出，毛澤東早在1941年就大肆宣傳民主自由的重要性，亦提及專制極權的失敗之處。然而現今中共為鞏固自己權力體制，剝削人民民主自由的權利，復辟帝制，再次使用真槍實彈射向市民，指這種赤裸裸的雙重標準和無恥的虛偽咀臉，早已讓世人看清和唾棄。」
大家有時間又不妨多啲學以致用，咁就唔洗成日都驚唔夠人拗啦！
（本欄逢周一、四更新。敬希讀者垂注）
1984年事件 在 1984年的中国发生了什么？【激荡四十年 - YouTube 的推薦與評價
今天我们继续聊激荡四十年之 1984年 。Please subscribe to 【大象放映室Elephant screening room 】Elephant screening room Channel on YouTube if ... ... <看更多>