【龔成問答信箱】(Q21741-Q21760)
Q21741:
老師,如一個新手剛入股市卻遇上跌市, 剛買的股票即買即跌可以點做?
因為新手, 心理質素不夠強大, 好容易驚唔知發生咩事, 以為股災, 請問你會有甚麼建議?
龔成老師:
第一,你要了解自己所買入企業的業務,只要清楚,就不用擔心。
第二,了解股價下跌原因,是短期因素,還是企業核心有問題。
第三,將焦點集中翻企業,而不是價格。
第四,如果你每次股價上落好大心理壓力,就不宜投資高風險股,可轉到一些股價較穩定及收息類的股。
------------------------------------------------
Q21742:
你好 ,龔Sir, 我日日睇你個 page, 多謝你教嘅理財之道! 知道好多人問你投資問題, 但都希望你可以抽空回答我, 感激不盡!
本人33歲, 有家庭(兩位小朋友), 以下係現有嘅組合, 想龔Sir幫忙睇下有咩野要改善 (太散?太亂? 有冇野唔應該keep要賣走?),
同埋有一筆定期 (10萬港元黎緊到期), 想睇下龔Sir會建議點樣運用 (可唔可以再入少少房託 / 6823作收息用? 入幾手3067? 買資源股如龍源電力, 信義能源??
定領展 / 小米??), 十分謝謝!
收息股 約佔組合51%
陽光房地產基金 5手 @4.12
越秀房产信托基金 4手 @4
置富产业信托 4手 @7.18
富豪產業信託 5手 @1.51
郵儲銀行 2手 @5.96
香港电讯 2手 @10.86
越秀交通基建 1手 @5.32
深圳高速公路股份 1手 @7.55
新創建集團 1手 @8.9
其他 約佔組合19%
長城汽車 3手 @21.85
南方A50 5手 @19.99
新經濟股 約佔組合31%
京東集團-S 1手 @292
美團-W 1手 @285.8
快手-W 1手 @257.8
舜宇光學科技 1手 @165
龔成老師︰
你現時組合數量太多,長線維持10隻左右好了,會較易管理。
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
你現時持股,質素上係有,但有2個較大問題存在。
首先,以你現時33歲去計,應先集中做好財富增值部份。策略上,你應投資「平穏增長股」和「潛力股」這類有增長力股票。
但你現時組合,郤一半是「收息股」。佢地係有質素,但增長力好弱,會拖慢你財富增長速度。除非你個承受風險能力好低,否則唔建議持有太多。
第二,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
你現時房地產類別,有少少集中,要注意。
現有收息股,建議你最好沽出部份,換至有增長力股票,長線會對你較有利。
至於其餘持有股票,包括你計劃投資的龍源電力(0916)、信義能源(3868)都有投資價值。
但信義能源(3868)不能投資太多,因為佢業務都有風險的,要注意股價波動,如分注長線都可以投資。現價合理區頂位,之前略貴。
將來投資,你可以集中「平穏增長股」和「潛力股」。如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,可視乎你當時投資經驗多寡和了解這些股票程度而定。
現時大市只在合理水平﹐唔算好平。你定期的10萬,我地就等機會,當大市出現較大回調,就加大力度掃貨,然後作長線投資。
另外,定期這類定息產品,增長力好低,同樣唔適合你年紀,暫時唔好再用。
------------------------------------------------
Q21743:
龔成老師你好,想問下
泡泡瑪特,79.35蚊入
聽日公布業績,依家係咪一個適合嘅時候去溝貨?
另外京東健康,120蚊入
幾時可以溝下貨?
龔成老師︰
首先,我想你確認自已是否理解"溝貨"與"分注"的分別。溝貨是愈跌愈入,同時不理企業質素,不理自己的設定金額,盲目去入。分注則是「一早定好買入策略,一早定好本金總數,並以有策略的模式進行」。
如果你係"分注"的話,你可因應平貴和質素,去進行。若是"溝貨",就不是再入貨,因為再平,都只會令你增加風險。
Pop Mart泡泡瑪特(9992)是一家覆蓋潮流玩具全產業鏈的一體化平台,當中包括藝術家發掘、IP運營、消費者觸達及潮流玩具文化的推廣。
根據弗若斯特沙利文報告,分別以2019年的零售價值(市場份額為8.5%)及2017年至2019年的收益增長計,集團是中國最大且增長最快的潮流玩具公司。
合作伙伴中不乏知名品牌,好似迪士尼、HELLO KITTY等等。而產品中,最為人所認識就是"盲盒",此銷售模式為集團貢獻不少。
雖然中央規管會有負面影響,但長線質素和發展前景依然係度。2019年純利為4.5億,但現時市值郤超過700億。現貨若佔組合比重唔,可持有。但在這個水平加注,風險太高。
由京東(9618)分折出來京東健康(6618)其業務主要提供線上線下的醫藥出售和健康管理服務,業務布局包括醫藥電商、互聯網醫療、智慧醫療解決方案、健康服務等4個大板塊。
京東健康旗下京東大藥房,更是內地線上線下收入規模最大的零售藥房。其互聯網醫院,日接診量超過10萬次。
質素上,京東健康是有的。但要做估值好困難,佢未有盈利之餘,不確定性都大,但市值郤去到3500億以上。
只能說,而價計依然唔平。若你只是小注,可以守。
------------------------------------------------
Q21744:
sir,又想問問你,你說現時恆指23000左右是便宜區,那麼我大概也是在這範圍開始分注入市。我打算動用50萬買下面既股票:
1. 1810 (用50%的資金)
2. 1585 (?%)
3. 136 (?%)
4. 558 (?%)
5. 3738 (?%)
6. 8606 (?%)
因為小米較穩健我有信心所以用50%的資金投入,sir其他你會建議我點樣分配資金?邊隻高比例d,邊隻細比例d?可以比個數據我參考嗎?謝謝成哥!
龔成老師︰
你好年青,只係20出頭,投資選項上可以較進取。
但你要留意,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
你持股中有主要係潛力股,佢地雖然有增長潛力,但同時波動風險都唔細,故不宜持有太多。以你年紀,最多佔5成好了。若你投資經驗較弱,要再調低至3成以下。
而你所講潛力股,除了小米(1810)係較優質外,其他都係風險較高類型,只宜小注(佔組合5%左右)。
倢冠控股(8606)是一間香港資訊科技服務供應商,佢規模唔大,每年營業額和盈利好細,而且股價都幾波動。
以佢2020年1000萬盈利計,現價欲去到過10億,此刻投資,風險好高,唔係咁建議。
力勁科技(0558)無研究。
如果從過往業務情況分析,這企業投資價值,質素只是中等,唔算好值得投資。不過唔知近期股價上升的原因,除非你確定佢上升背後的因素,是由於一些對企業長期利好的因素,否則,不宜投資。
除了潛力股外,餘下資金你可以集中係平穏增長股,令組合更平衡。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、領展(0823)、希慎(0014)、太古地產(1972)
大市現處於合理水平,那50萬資金,你可以先用一半,以"分注"形式慢慢入貨。餘下一半就等大跌市機會出現,才大力度掃貨,並長線投資。
------------------------------------------------
Q21745:
老師!你好!我一直有看老師的問答同定期勵志既post! 真心多謝你!我已經睇完你本80後百萬富翁同買左5年買樓4部曲!但我有些問題想指點迷津⋯⋯
我想問有關置業問題!我係90後但就快29+1、希望5年內甚至更早可以買第一層樓自住!因為都想結婚同組織家庭
我之前睇過兩個樓盤「2-3年樓齡既單幢樓房,係深水埗/慈雲山,均是190尺-245尺既納米單位
我睇完老師本書4部曲講到先買細屋再換dream house,就開始迷茫,因為有朋友教路不好買納米樓、無升值潛力,換不到大單位!但舊樓不是一樣沒升值能力嗎?
又要支付大廈維修費,但我目標第一層樓只能付出450萬樓下既樓價同借9成按揭攤分30年供還款,這樣說在市區好難找到、除非樓齡已經超過30年、但又引申出不會批到9成按揭。
老師,請問我應該點做法?買舊樓大單位?買新樓細單位?我想住市區、不想考慮新界區。。因為家人住所同工作地方均是市區。。
不知道去向,感謝你。耐心等待回覆
龔成老師︰
想借買細屋再換dream house,你細屋必需有一定投資價值,至少跟樓市同步,否則就沒有意義。
納米樓尺寸太細,連一個基本家庭生活所需的300尺寸都無,投資價值相對較弱,唔建議你投資。
至於過30年的樓,唔代表一定無投資價值,但就要小心選擇。而且正如你所講,較大問題係銀行未必會批出9成按揭。
所以,其實你此刻問題重點,會係你置業資金不足,令你變相找不到合適選擇。
我建議你先用優質股,去累積更多置業資金,才去考慮物業部份,咁會較理想。
你可以用「平穏增長股」 + 「潛力股」的組合,去進行增值。你每月先用5成儲蓄,其餘先儲起,用一邊月供一邊儲蓄的策略。
現時大市只是合理區,你現有資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨。
------------------------------------------------
Q21746:
你好!我從來沒有接觸過任何股票,沒有任何投資,我只有五萬多元港幣積蓄,長期放在銀行做定期存款,可惜利率很低!我只是想短期(半年)賺一些。
請問,00968「信義光能」好,還是00135「崑崙能源」好呢?
龔成老師︰
首先,你要明白一個正確的財富增值方法。其實係長線去持有一些優質股,等佢地自然增值,以達至財富增長架效果。
半年只係一個好短架時間,唔係咁理想。一隻優質股,最少要持有3-5年,甚至更長,個財富增值效果才會明顯。
信義光能(0968)本質不差,業務保持有一定的增長力,股本回報率處高水平,加上現金流強勁,是有一定質素,可長線投資的股票。
現價合理區頂,如果想入,要慢慢分注,但仍不是大注投資的時候。這股股價上落都大,要注意金額。現價算合理區頂,如果想入,要慢慢分注。
昆侖能源(0135)雖然質素都算有,但不是最高質類別,佢對油價較為敏感。佢的產品自主力較弱。
石油是商品,當中沒有差異性,佢地要將石油賣出,只能跟國際油價,這令佢地處於被動狀態。沒有價格自主的能力,這令佢地的獨特性有限。
這類商品企業,都可投資,但就要明白不是最高質的企業。由於質素中等,唔建議大注投資。
整體質素而言,信義光能(0968)會較高。但波動性風險,同樣都係較高。若你投資取態係較保守,我唔建議你持有太多。
------------------------------------------------
Q21747:
擔心好快出6G。而我對6G的技術上疑問是6G是否在5G的基建基礎?即是6G要發展,在現在的鐵塔上換6G的設備?還是要推返哂所有5G的硬件?
我相信是前者,就像港鐵一樣,港鐵舊列車就是5G比喻,新列車就是6G,其他硬件(車站、電纜、路軌是不變)
另外,鐵塔會否有一帶一路商機,他們大可以去中國以外地方起鐵塔幫其他發展5G?純粹代入管理層去諗,當然,電訊涉及國家安全,又是政治層面,又另一回事。
現代學習提升思考層次,代入如何我是鐵塔高層如何思考經營鐵塔
從你的千萬富翁本書學習到的,請師傅你不要介意,純粹是向師傅你交流來提升自己層次。向師傅你學習
而且單打獨鬥永遠睇唔到自己盲點,有互動交流是最好的
龔成老師︰
未來6G發展,相信訊息傳輸速度和精準度,會比現時5G有倍,甚至更多的增長。
至於將來6G技術,對相關硬件需求,集團要作什麼樣變動,去配合這種新技術學,現時都無一個切實的定案。
但由於3大電訊商為主要客戶,內地需求得到保障。在內地極高市佔率,有壟斷優勢。加上,本身已多行內累積一定技術和經驗。
將來要發展6G業務,相信集團很大機會成為當中重要的一員。所以,集團長線發展係正面。
至於向外發展,一帶一路係一個機遇,但當中都有不少不確定性,故估值上,只宜作一個參考。
你預佢潛力度無以前咁高,算係平穏增長,至潛力股之間的股票。此股有投資價值,但不宜過份大注。
------------------------------------------------
Q21748:
龔成老師你好!自2018年跟隨你的指引月供股票,歷經數年時間,都有穩定的現金流收入,謝謝你!
現有三條問題,希望老師解答一下,謝謝!
1. 早前第一次買科技股,選了阿里巴巴(9988),$246.8入,現在很波動,捱價中,請問公司前景如何?又可在甚麼價位溝貨?
2. 海螺水泥(914),大約$46@水平入了少許,請問公司前景如何?及
3)現有資金300k,如何逐步建立一個攻守兼組合?(已有兩電、置富產業、港鐵)
謝謝
攻守兼備組合
龔成老師︰
1) 阿里(9988)佢出左最新的季度業績,經營虧損76億元,主要由於國家市場監督管理總局就中國反壟斷法處以罰款182億元。
如果扣左這資罰款因素,經營利潤105億元,同比增長48%。經調整EBITDA同比增長18%,去到近300億。
業績略比市場預期差,因此會令股價短期較波動。
現價合理區中間,長遠價值仍在,不過短期會弱。如果你現有持貨,佔組合比重唔多,現價可再加1注。之後,每回10-15%左右,再加注就可以。
但緊記,個別企業唔好佔組合15%以上,以免出現過度集中風險。
2) 安徽海螺(0914)有質素,有增長力。
佢主要從事生產和銷售熟料和水泥製品,業務地區包括中國東部、南部、西部、中部及海外。而安徽海螺是水泥行業中,全球最大的單一品牌供應商。
水泥屬於基礎原材料行業,對建築行業有很高的依賴性,同時亦會與經濟增長速度有較高的相關性,特別與固定資產投資相關。即是說,當中國基建及房產市場不景,水泥行業會比一般行業處較大的不利狀態。
另外,水泥企業在生產過程中,燃料成本佔總生產成本中約佔了超過一半。若能源價格出現較大變動,就會對企業成本造成較大影響。因此,當能源價格出現較大上升時,將引致安徽海螺的成本增加,影響其中毛利。
綜合來講,佢擁有相當規模、生產能力,有一定的質素及賺錢能力,而水泥行業長期將因中國城鎮化以及一帶一路的建設,仍然會增長,但不會像過往般快速,而是進入較平穩的時期,在本質上此企業不差,你現貨可持有。
3) 我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你現時35歲,應以增值為主。2電(0002, 2638)、置富(0778)主要係收息,增長力較弱,故不要再加注。至於港鐵(0066),係可以。
建議你用「平穏增長股」 + 「潛力股」,去創造一個攻守兼備的組合。
若以你年紀計,2種股票比重,可各佔一半。潛力股始終有一定風險,如果你投資知識不高,或者想保守D,可較集中在平穩增長類股。而潛力股,可較小注。
現時大市只係合理水平,現金和股票最好各佔一半。若你持股佔組合不到一半,你可以多用一些資金,以分注模式入市。餘下資金,就等大跌市出現,才加大力度掃貨。
------------------------------------------------
Q21749:
老師中國平安依家值博率高嗎! 最近回到80樓下! 同埋 依家全球通脹升溫, 但係經濟又未 復甦 呢啲係咪叫惡性通脹!
係咪會有一輪大調整! 股票同現金嘅比例應該 佔幾多比較好 謝謝老師!
龔成老師︰
係全球大印銀紙下,而整體經濟未見明顯復甦,的確有機會造成滯脹。
但我地分析一隻股票時,宏觀因素係要考慮,但只係作輔助,主要都係睇翻企業自己本身。
中國平安(2318)有質素的,佢有規模,有品牌,近年的發展都不差,不過,股價有時會有少少波動,這主要受投資市場表現影響。
這股有長線投資價值,是平穩增長型。現價算係合理區中間位置,分注投資就可以。
至於會唔會大調整,我唔知。我地投資唔好去估個走勢,你應用平貴,去為自己制定投資策略。
現時大市只係合理水平,現金可以佔3-5成。
餘下資金,就等大跌市出現,才加大力度掃貨。
------------------------------------------------
Q21750:
你好老師,本人40,已婚,暫時沒有子女,我和老公收入合共大約5萬一個月,有一個已買了不用供的公屋。
現金大約有150 萬,另股票23萬,之前有月供股票,但因為升了就沒有再供款。
尤於唔識投資,想問點可以財富增值,買樓又沒有經驗,買債卷債基會隱陣嗎,謝謝你
龔成老師︰
若你係投資經驗不多,月供股票會係一個唔錯架選擇。因為佢用長線供款,去減少左買貴貨架風險。
所以,你以往月供架做法係正確。月供可以拉平均個買入成本,除非你對定平貴極有信心,否則你應長線一直供,不理平貴。因為咁樣,反而會對你更有利和安全。
以你40歲,可以選擇一些「平穩增值股」+「潛力股」作投資目標。
以現時大市合理區狀況,月供最好用一半每月儲蓄,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注,最好是你提高投資知識,等你有一定知識,先慢慢增加翻潛力股比例。
現時大市處合理區,150萬資金,可再用多20-40萬,分注咁慢慢盈富及其他平穩增長股。到你有較多經驗,才加大投入金額和增加一些潛力股。
你可以先用股票做增值,到有一定財富,才加入物業類。如果你對買樓無乜概念,你可以睇我本<<5年買樓4步曲>>,都會講述一些買樓相關知識。
而債券,這其實只是「產品」,物業、優質股是「資產」,所以從財富本質上,我地應較集中持有「資產」,才對我地最有利(你可以睇睇《財務自由行》一書,我從財富本質上,講述了當中原理)。同時,現時息口低,但未來有機會重回加息週期,債券未必是最好的投資工具。
至於債券基金,坊間分好多種,你要小心睇,因為有d風險低,無乜問題,有d則有潛在的風險,絕對不是保本的產品,有機會出現了「賺息蝕價」的情況。
第一,有些基券基金,會投資「高收益債券」,即是「垃圾債券」,你一定要睇睇佢所佔的比率。
第二,債券基金往往不是單純地持有債券,而是可以作買賣,以及利用衍生工具作對沖等策略,即是可能有價格上的波動。
第三,不少銀行都會提供借貸,以槓杆去放大回報,以平息借貸去賺取息差。低息環境時間題不大,但進入加息週期,不止借貸成本增加,同時債券價格往往在加息期下跌,雙從打擊下,投資價值成疑。當然,若然加息步伐不快,息差利潤就可觀。
我不是說債券基金有問題,只是說明當中的風險,因為市面上的基券基金好多,你要仔細分析。
------------------------------------------------
Q21751:
你好,想問下基金風險較優質股票 及債券高
穩健為主 投資後者為上?
現在 港股,美股及人民幣又如何投資部署?以下3因素?
1)疫情控制
2)股市表現
3)政治穩定性
龔成老師:
基金有好多種的,因此好難話基金的風險較股票/債券高定低,因為有些基金是投資穩陣股票,有些是高風險股票,有些的投資策略較進取,有的則較保守。
你一定要清楚翻該基金的投資策略,投資目標等因素,先得。
至於股票,同樣有好多種,有穩健,有不穩。
債券都是一樣,有些債券好穩健,但有些則可能連本金都會虧損。
建議你增加知識先投資,不要急。
至於你上述提出的3個因素,主要都是一些中短期因素,而我地買股票就是買企業,因此,著眼點應集中在「企業的長遠發展」,佢的業務情況、前景等。
我地最重要是建立一個長期的「財富組合」,要優質,要平衡,要適合你的年齡與風險承受程度,不是著眼於短期市況及因素。同時不是買賣賺差價,而是成為你財富組合一部分。
------------------------------------------------
Q21752:
老師,想問下保險,2013年,我無啦啦在朋友講解下,用仔名義買了一份AIA保險基金,有人寿每月供hk$2000, 要供30年,期間可以提錢走,但要罰錢,或停止供款,直至30年期屆滿才提錢
現從你身上學了一點投資知識,於是計計回報,才發現每年得1%回報,現大約有hk$15萬。
我在宏利的基金回報都不止1%
我諗緊
1.停止供款, 讓它滾存,直到年期屆滿才提錢
2.停止供款,立即提取全部錢
3.停止供款,把每月的hk$2000用來買股票
老師,有何建議?
另外,講返261 。我去銀行放,銀行只幫我排隊放一星期,之後沽唔出,我繼續沽左幾星期都係沽唔出,怎麼辦?
謝謝你
龔成老師︰
我地保險,只要做好防守部份,買足夠保障,咁就可以。用來投資增值,效果未必如優質股理想。
你現時保險基金,按年只有1%回報,係好低。從長線投資角度考慮,你將佢資金提走和停止供款,將資金轉至其他優質資產,相信長線回報會較理想。
但由於當中會有提早贖回收費,你要問清楚你保險代理,這個罸款係如何計算,才決定基金內資金,如何處理,咁會較好。
GBA集團(0261)生意持續下跌,年年虧損,投資價值很低。
由於佢股價只有1仙,用一般架方法較難放。你可以直接打電話去銀行,只佢幫你人手掛一個少於1個仙的價位,出到貨的機會,會較大。
------------------------------------------------
Q21753:
老師,我最近計劃買約900萬的樓,但發覺 撇除家人的一百萬外,我倆還需要取大概一百五十萬左右(包括稅, 裝修, 律師費等),
所以如果要買樓,就要套現持有的大部分股票和銀行大部分存款。並且每個月還給父母錢和供款後,可能就只剩低二萬左右。
#1 在我的角度來看,我覺得呢個情況會變成了一個每個月收入償還貸款的死胡同,資產可能無法再增值,因為可能再無多餘錢投資股票。
但我男朋友認為收入償還房地產的貸款是增值資產的一種,前提是樓價最遠必升。老師,請問這種說法對嗎?
#2 如果三年後才買樓的話,我哋應繼續投資股票嗎?而且現金和股票持有的比例應該是多少?(我個人現時比例是 現金4 : 股票6)
#3 現時樓價暢旺,樓價長遠只升不跌,如果我們真的取得足夠的首期,而銀行又借足8成,但每月可能還款後只剩約兩萬收入的話,你認為我們應該買入嗎?
謝謝老師。
龔成老師︰
1) 正確,因為我地還款當中,係包括利息和本金部份,本金部份等同買入物業資產。
我地長線財富增值,唔係單單利用優質股,我地都要講求成個組合平衡性。所以,長遠我地都要將物業,包含埋係我地組合之內。
當然,大前題係個物業要優質,才算得上係資產。
2) 你都可以維持用股票增值,以大市水平計,你現金和股票比例,係合適。除非出現大跌市,否則你資金唔好動用。
而且,這些股票當中,應以「收息股」+「平穩增長股」為主,唔好持有太多波動性偏高的股票,以減低最終回報的波動性風險。
3) 你可以睇翻你本身置業有無迫切性,如果有,而你又"供得起",你都可以入市。因為置業後,你每月都尚有一定資金,可投入股市作增值。所以,問題不大。
若你無置業迫切性,你可以睇翻你個物業架質素,和租金回報率,去決定而一刻是否投資。
記住,就算樓價暢旺,長線港樓會升,但都唔代表你值得係而一刻,去"買貴貨"。我地都要從長線投資角度,去考慮而件事。
------------------------------------------------
Q21754:
龔成老師,想請教你,今年我43歲,堅持有十五隻股票,打算將組合改回十隻股票,你會建議我持有哪十隻令到組合會較平衡?
現在股票組合︰
潛力股
美團 300股
阿里巴巴 200股
平安好醫生100股
中國生物製藥2000股
楓葉教育12000股
平穩增長股︰
新鴻基地產 500股
領展500股
中興通訊 1600股
中國鐵塔 20000股
金沙中國800股
中國民航信息2000股
惠理集團 4000股
收息股︰
中移動1000股
中國電信 10000股
深圳高速公路 4000股
我打算賣出惠理,將資金換入金沙.尚餘約$70萬現金等機會.
如果跌10至15個percent加一注,會用第二次嘅買入價計算,還是用平均買入價計算?
Eg:第一注$30、第二注$38,平均:$34
另外想同你分享,20年前,出來創業,跌得好痛.
今年,我再次出來創業,開一個自己運動嘅studio.佢最差嘅情況去做呢件事,我反而係覺得係一個機會。
龔成老師︰
以你43歲計,這個組合比例係合適。
而當中股票,都係有質素,雖然有少少多,但唔需要刻意去沽出持股。你未來資金,較集中翻係當中較有質素的10隻,咁就可以了。
惠理集團(0806)是一家獨立的價值型資產管理集團,業務集中於大中華地區及亞太地區。集團透過惠理品牌管理多隻認可基金。
質素算是不差,但又不能稱為好好。
過往賺錢能力中等,但增長力就不強。你持有係無問題,不過就唔好對股價增長有太大期望。是平穩增長類。
整體質素上,金沙(1928)會較優勝,你可以沽少少,換去金沙,都係可以的。
另外,中興通訊(0763)、美團(3690)、平安好醫生(1833)是潛力股類,而且係不確定性較高的企業。投資係可以,但要控制注碼,不可佔組合太多。
大市現處於合理水平,你可以多用20-30萬,以"分注"形式慢慢入貨。餘下資金就等大跌市機會出現,才大力度掃貨,並長線投資。
至於加注計算方面,每跌10-15%個基數,會係用你對上一注的買入價。
其實做任何事,我地都會經歷失敗,這是在所難免。重點係,你有沒有在這個失敗當中,上了寶貴的一堂課。
創業好少一開始就好成功,成功都係透過無數失敗經驗,去慢慢累積出來。
現時大環境雖然尚是十分不穏定,此刻創業都有一定風險。但同時間,現時很多方面(如租金),都會比一般情況平,所以都有一定值博率。
最重要係你了解這門生意大方向,明白自己有什麼獨特優勢,將佢盡力發揮出來,咁就可以。
------------------------------------------------
Q21755:
成老師,多謝你一直以來的分享,呢2年鼓勵咗我哋好多好多。因為你分享對樓市的睇法,上年3月我低位買咗元朗溱柏單位自住,今日已經升左50萬,男朋友都升左做老公。
後來我有買你本《五年買樓四步曲》知道元朗南升值潛力有限,不過已經買咗自住,亦都完美解決咗我哋本金小但有自住需要的問題,真係好多謝你!
但前兩日收到個壞消息,政府收咗屋企前面塊地,係2023年起公營房屋,我哋打算努力啲賺錢買第二層,想請教一下老師意見。
目標係升值潛力大嘅天水圍濕地、白石角、馬鞍山等。元朗層樓係我名,買入價410萬,按咗8成7,老公(當時男朋友)做按揭人,當時銀行話我至少月入$30000先甩到老公名走,
我做老師嘅,目前26歲月入$24000,預計4年後先有$30000人工。
老公30歲,多謝你鼓勵年輕時要更上進,佢好努力寫文章分享、上電台直播增加知名度,成功月入4萬變6萬,亦都打算一至兩年短期內開自己店做自己品牌,預計開業成本50萬。
我計過扣除日常開支,月儲4萬唔係問題,呢家有20萬現金同投資咗6萬股票,各三萬
[email protected]
[email protected]
問題一:我唔知應唔應該繼續買股票?
問題二:3067同1798算優質股嗎?可以持有?
問題三:預計4年後買樓要點理財好?買以上三區可以嗎?
麻煩老師指點下我
龔成老師︰
恭喜你,完成左人生中2件大事。
其實,你則買的溱柏係自住樓,升值潛力唔係重點。最重要,係適合你們生活所需,而且做到"供得起",咁就可以。
而且你物業位置,都算接近港鐵站,質素會睇高少少。
1) 由於你1,2年就要動用這筆資金,去開診所。你動用這些資金增值都可以,但就要相對保守。
目標係一些「平穩增值股」+「收息股」,比例可以50:50。若你相保守些,可以「收息股」佔多D,甚至100%。再保守D,就係加入埋定期儲蓄這個選項。
到你老公要開診所前半年,就開始慢慢沽貨套現,唔好要用先一次過沽,以減低股價波動風險。
2) 安碩恒生科技(3067),有長線投資價值。若你打算將佢套現,去開診所的話。由於佢有一定波動性,暫時唔建議加注,等開完舖先再算。
大唐新能源(1798)主要在中國專注於風電項目的開發、管理及營運。
佢要從事風電等新能源的開發、投資、建設與管理,低碳技術的研發、應用與推廣,新能源相關設備的研製、銷售、檢測與維修等,與新能源業務相關的培訓、諮詢服務,以及房屋出租。
過往的業務發展不差,長遠都有投資價值,不過規模較細,唔建議投資太大注。
3) 到你老公新舖開張,一切穏定,可以再開始每月儲錢時。你就可以月供「平穏增長股」 + 「潛力股」,去做增值,累積置業資金。
你每月先用5成儲蓄月供,其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨。
3個你所講的置業地點,會以馬鞍山為最好。
白石角,是一個自成一隅的新社區,但這社區的設計,密集程度太高,同時配套不足,物業價值不算高。
天水圍始終同市區有一段距離,投資價值會較弱。
另外,我地做財富增值,除左講增值潛力外,都講組合平穏性。
由於你已經有一間物業,未來再買新物業時,會成個組合偏晒去物業類,會出現過度集中單一資產的風險。
因此,你唔需要急去買第二間屋。再投資第二個物業時,必需確保係買樓同時,都可以保有一定股票係手,作增值之用,才好考慮出手。
------------------------------------------------
Q21756:
你好,請問知唔知道比亞迪在智能汽車例如自動駕駛方面有咩進展?謝謝你
龔成老師︰
比亞迪(1211)係智能車聯網上,一直都在發展,2020年8月,比亞迪DiLink3.0系统上線,進一步為AI、語音識別、車聯網、大數據等技術升級。
2020年,集團同時入股深圳華大北斗科技,相信係為令智能駕駛部份,佈局變得更完善。
以集團規模和經驗,相信長線智能汽車發展,會係正面的。
------------------------------------------------
Q21757:
老師:唔好意思,又打攪你
請問現時持有幾隻科技股最近都跌左好多,我唔知應該跌左咁多再加注,定止蝕轉其他優質股
以下是持股資料:
9988 200股 買入價243.5
9618 100股 買入價329
981 500股 買入價27
謝謝!
龔成老師︰
你唔好將個重點,放錯左係買入價,或者帳面賺蝕上。
我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
你現時持有股票,都係有質素,可照持有。
至於是否加注,就要睇翻你成個組合配置,同股價處於什麼水平。
你上述的都是潛力股,佢地有一定風險。若你係較年青,這類股票佔你組合,可以5成。但若你較年長,或者投資經驗較淺,就要向下調整。
以股價計,現時阿里巴巴(9988)和京東(9618)都合理區中上位置,若你資金足夠,現價可以加1注。
中芯國際(0981)業務有增長力,質素係有,但未到最高質素。
加上之前熱炒過,股價大上大落,投資要注意風險,這股唔建議大注。
------------------------------------------------
Q21758:
依家上緊你既堂,真心覺得你教緊既野同坊間既炒炒賣賣好唔同,我想賺多D錢!麻煩你幫我睇睇有咩可以改善(其實我有個目標...就係好想將來係澳洲買樓!)
我今年29歲,男友33歲,打算2/3年後結婚。
我2018年開始買股票,現有大概10萬月供股票。(其實係咪keep住月供會好d?因為依家係不定期咁買...)
388~34股($253.36)
66~310股($43.45)
1928~1手($34.57)
823~134股($66.98)
1177~136股($7.33)
2800~724股($29.7)
1448~2手($7.13)
6823~2手($9.96)
2638~2手($7.49)
1. 我自覺賺既幅度較細,係咪時候要審視投資上既配置?因為太保守變左增長/潛力唔夠?如果真係潛力唔夠,請問有冇邊D股票係有機會做到3年後有30-40萬?
2. 黎緊就畢業,要還學債。我有諗過襯審視配置既同時,將66賣左還左部分學費先?
3. 我覺得係儲現金方面做得冇咁好,其實咁既年紀,儲現金比例應該大約佔資產幾多成?
4. 如果我想達成係澳洲買樓既目標,應該可以點做?
我會視老師為我理財上既榜樣...希望有一日我地都可以好似你咁做到財務自由。
感謝和辛苦老師你花時間詳細解答我地既問題,祝老師身體健康,大家一齊努力
我仲有1手 8473,$0.34買入
龔成老師:
1)潛力度的確唔算強,以你地的年齡及投資目標,其實收息股如港燈(2638)、香港電訊(6823)其實未必適合,你可以考慮轉換部分潛力股。
當然,平衡組合都好重要,你太過進取都唔得。
安碩恆生科技ETF(3067)、阿里(9988)、騰訊(0700)、港交所(0388)、舜宇光學(2382)、小米(1810)、GX中國電車基金(2845)、中生製藥(1177),其實都可考慮。
但就要明白波動性比上述會高左,同時風險大左,你要自己平衡。部分要等回少少先入。
現時你月供的,都是有質素,但可以轉多少少在潛力股類別。
2)如果利息唔高,其實唔需要太急(當然,我唔清楚你當中的條款),至於港鐵(0066)其實有質素及基本增長力,在配置上,可留,如果真的要賣股票還學費,就賣收息股。
3)我地會考慮你年齡及現時的市況平貴度,你可以留3成現金左右。
4)你現時應該著重「增值」層面,目標是利用儲蓄及股票,去追到的目標樓價的數。如果你打算在1、2年內買樓,就未必適合放太多錢去投資,但如果你3年後先會買樓,就要好好利用這段時間去進行增值。
因此,你的方向應該是投資「平穩增長股」+「潛力股」。
至於彌明生活百貨(8473)業務不過不失,發展能力中等,不是高增長的類別。
以佢現時的經營情況,算是合理價,但這股始終規模不大,加上近年的盈利有下跌情況,存有風險,因此不建議太大注。
另外,政治相關因素,都會令這股波動,要明白股價風險,政治因素是好難預測的。
這股唔建議持有太多。
------------------------------------------------
Q21759:
龔老師:本人手持以下股票,可否繼續持有?還是就算損失也要減持?
我之前買了些股票,買入大跌,但一直不捨得減持,到後來忍痛減持,它又回升,當然仍未回家鄉,但起碼損失少点,所以眼見以下股票近來股價不濟,怕又重蹈覆轍,請老師指点一下!
9988 :1500手均價$249
388 :800股均價$441
1288 : 2000股均價$3.2
1339 :1000股均價$3.48
1398 :1000股均價$5.11
003 :2000股均價$12
3690 :200股均價$266
6618:200股均價$133
1810:200股均價$31.85
1024 :200股均價$235
另外,後想問:其实買股票心態應是怎樣?我想買股票心態是:增值財富。假設快手當日我$115有一手,去到$370(或者應说去到自己心中的底線那刻)是否應 take profit 先?
還是放在床底讓它滾下去(假設我不急需那資金)?像這快手,當時我沒有放,之後見回落,我就入多一手,結果現在繼續下滑!請龔老師指導下本人心態!
盼望老師回覆!!謝謝!
龔成老師:
最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
你持有的股票,並不是無質素的,基本上都可以持有,但有兩點你要注意,第一,你要做好配置,例如你不少是銀行股,就會有行業集中風險,你要持有優質、平衡的組合。
另外,你有不少股,都是近一年熱炒的股,反映你在選股時,只懂跟市場去買,而這動作是危險的,因為當市場熱炒過後,股價一般都會大幅回落。不過,你上述持有基本上都有質素的,只是你日後要注意翻這點。
第二,你要留意平貴度,如果一隻優質股過貴買入,你都有可能出現損失,如果未有企業價值概念,就多用月供或分注投資模式進行。
至於你問快手(1024)的問題,我地會見到,有時股價上到某個價位,賣出等跌再買入,會有較高回報。而有時又會見到,一直持有會有較好回報,例如港交所(0388)、騰訊(0700)都是升值100倍。
而根據統計,後者的方法,能令投資者有較大的總回報。
當然,有時股價真的貴,都可以考慮賣少少,但點都建議有基本的貨在手,因為長線持有的贏面始終較大。
------------------------------------------------
Q21760:
龔sir您好, 上緊您既堂, 有d問題想請教下您:
我今年31,同我先生月入約40k
-有40萬股票(水桶1-3都有)
-有20萬存款同埋
-有兩份重有10年要供既儲蓄保險(每月大約供$3000)。
1.我地本身同緊屋企人住(層樓有我名), 但都想換樓, 而家住個到始終都舊, 您會建議樓換樓還是過多5-10年等有返d錢先再買多層樓再將而家呢到收租? (而家層樓值450萬, 睇過現時租金大約可以放到11k一個月)
2. 未來一兩年想試下開間餐廳(我先生係廚師),我同我先生想選址係將軍澳, 因為人口密度較高人流較多, 想請教您有咩睇法。十分感謝!
龔成老師:
1)以累積財富的角度,遲少少先換樓會較好。
首先利用這刻的資金投資股票,先將財富增值,到5年後先換樓,這樣可以有更大的總財富。因為現時股票的增長力,好過香港樓,因此先投資股票會較好。
當然,你自己要考慮自住因素,因此可以在兩個方向取平衡。
2)其實都可以的,有人的地方就有這個需要,而將軍澳是住宅區,你地的方向應較為街坊。另外,要記住做生意技巧,食物是其中一環,但生意會更重要,想想麥當勞你就明。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有5部Youtube影片,追蹤數超過24萬的網紅暗網仔 2.0,也在其Youtube影片中提到,Nordvpn每月只付3.71美元會有3折 (70%折扣)優惠再送一個月全免費service給你!!! 請使用以下連結: https://nordvpn.com/deepwebkid 優惠碼: deepwebkid Professor PowPow頻道: https://www.youtube.c...
50% percent 香港 在 龔成 Facebook 的精選貼文
【龔成問答信箱】(Q21321-Q21340)
Q21321:
龔sir你好,你本《80後千萬富翁》我已經睇到接近尾聲,書中含金量極大,當中思維篇真係本書最重要既部分,講中哂大部分香港人既固有思想,其中“覺得冇可能,到最後就真係冇可能”呢句一語中的,成枝針拮到9成香港人。
至於金錢篇都係講返金錢背後運作同乘既法則,其實用字真係好簡單,小學生都睇得明,同富爸爸窮爸爸一樣keep it super simple。
到實戰篇,睇完令我更加想成為全職股票投資者,要自己提升股票投資,希望自己做到第四級投資者,脫離打工生活。
本書真係勁好睇,內容價值一定大過書既價錢,其實龔sir既書全部已經睇過哂,最重要既係,書中所帶黎既投資回報已經大過咁多本書既價錢總和,真係多謝龔sir,希望可以再出多啲書
龔成老師:
多謝你的讚賞!
其實我之前有少少擔心,讀者會覺得我重覆左某些概念,與之前的書有接近內容,因為這是一個由思維到應用的知識大連貫,總會有小部分內容,同之前類似,因為有些重要內容我無可能跳過不談。
現時你這樣講,我就放心了,因為我能夠做到寫這書時的目的,就是帶領讀者,由思維到落實,向著$1000萬進發。
這本書用左我好多時間寫,希望可以幫到你知識與財富提升,等你的好消息,加油!
------------------------------------------------
Q21322:
你好龔成老師我沒有工作差不多9個月,現在做全職媽媽。
三十幾歲係07年既時候買咗d細價股,輸咗差不多20萬,一直吾敢再買股。
直至今年2月開始,買再買返現時有既股票︰
390 4.09 買入10000 股
2314 7.5 買入3000 股
777 19.92買入1000股
460 2.09 買入10000股
仲有3隻 現在都持有緊
9626 (抽返來的20股)
2158 37.65 買入1000股
769 1.02 買入60000股
1. 我以上既股請俾一俾意見,我現在有的7隻股票,有邊d可以繼續持、有邊d要放咗佢?
2. 同埋我想用30萬去買其他股票當幫小朋友儲錢及收息,可給我建議嗎?
謝謝
龔成老師︰
1) 中國中鐵(0390)和理文造紙(2314)質素中等,唔建議持有太多。你可以等反彈時,沽出部份,餘下的就長線持有。
網龍(0777)主要從事網絡遊戲開發(包括遊戲設計、編程及繪圖)及網絡遊戲營運;教育業務;移動解決方案及移動營銷業務。
另外,佢近年有發展教育業務,相信長遠都有前景的,但業務始終有不確定性,市場具體情況仍有未知數,所以,投資價值是有,現貨可持有,但暫時不要加注。
四環醫藥(0460)好翻D,相信無之前咁差。不過這股,2015年、2016年,曾經出現了核數師有「保留意見」的情況,反映盤數有問題,小心這股。我對投資這股有保留。
中國稀土(0769)質素一般般。炒作多過實際,過往賺錢能力不高,業務波動,間中出現虧損,投資價值唔算高,你沽出會較好。
醫渡科技(2158)和嗶哩嗶哩(9626)有潛力的,可長線持有。但由於佢地係新股,不確定性會較高,暫時只宜小注。
我睇翻你持股中,除了部份新股算有質素外,其他都係麻麻。你再投前資,建議你先學好投資知識,對你長線財富增值效果,會有重大影響。
現時,你可以先集中係以下「平穩增值股」+「收息股」。
平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、港交所(0388)。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
由於你投資知識不足,建議你用月供方式去儲貨。若想1手手入都得,但緊記要分多注咁慢慢入,去拉平均個買入成本,以減低入貴貨的機會。
2) 由於小朋友年紀少,到佢用這筆資金尚有一段長時間。所以,我地可以集中係增值部份,先為佢累積起一筆財富。
收息都可以,但這類股票增長力較弱,我唔係太建議你用在小朋友身上。
策略上,我建議你分注,慢慢買入盈富(2800)。現時大市只在合理水平,30萬可以先用一半,慢慢咁入分多注入,唔好一次過入晒。
餘下15萬,就等大跌市時,我地才出手。
------------------------------------------------
Q21323:
Hello,龔老師,小朋友岩岩出世,想幫佢儲起啲利是錢去投資,買金粒或者買港鐵股票,請問有無咩意見?謝謝!
龔成老師︰
黃金是貴金屬,有「終極貨幣」之稱,是人類自古以來的貨幣,因此,有持有價值,而現時我地的現金,一定長期貶值,所以黃金長期會向上。
不過,黃金沒有現金流,持有無法創造出經濟價值,其主要作用是對沖黑天鵝事件。用作小朋友的財富增值,就未必咁適合。
我建議你小朋友,利用一些優質股,去做財富增值會較好。
港鐵(0066)係其中一個選擇,另外,你都可以儲盈富(2800),佢係包括55間質素不錯上市公司股票的組合,比港鐵更能分散風險。
若你想增長力高D,可以投資安碩恒生科技(3067)。但此股波動性會較大,要睇翻你自已風險承受能力。
基本上,以你小朋友年紀計,持有以上股票都係可以,但你明白當中風險和分別。
------------------------------------------------
Q21324:
老師:我是一個中年婦女,想請教基金每月派息有邊隻建議
龔成老師︰
我對坊間基金無特別研究,無太多意見比到你。
除非你係有原因,係必需以「每月」這模式去收息。否則,我建議你用「收息股」去創造一個組合,咁會較好。因為基金好多時都會有費用要收取,變相令你實際收入減少。
或者你可以考慮,在港交所上市的收息ETF,GX恒生高股息率(3110),這是一個投資收息股的基金,追蹤恆生高股息率指數之表現。
佢一年派2次息,都不差的,你可了解下。
可以視為收息股的組合中其中一員。這基金可投資的,現價合理,可分注。佢是投資香港大型,較穩陣,派息較高的上市公司。
這是不差的收息組合,但增長力不強。
可以上基金網站有介紹的
http://www.globalxetfs.com.hk/funds/hang-seng-high-dividend-yield-etf/
另外,以下都係較有質素的「收息股」,你可以參考下。
這些股票大多每年派1至2次息,雖然唔係每月派息。但你可以按照你生活所需,再去自行調配這些股息就可以。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
現時大市只在合理區,資金唔好盡用。最好留有部份,等大跌市出現時,可以用來掃貨。
------------------------------------------------
Q21325:
你好呀,有野想請教。
我想問有冇聽過 消費商,對於呢樣野既前景又點睇?
龔成老師︰
其實「消費商」概念,就是從過往純「消費者」年代,單向作出消費的模式,轉變成「消費者」除了單向消費外,自己同時參與一定程度的銷售工作。從而賺取回報,這個模式有少少似「產品代理人」。
現今科技較以往發達,人與人之間溝通和分享渠道多左,都造就這類「消費商」發展。而且,這類宣傳有別於傳統模式,由生產商單向花大錢賣廣告。
而是直接有身邊認識的人,向你推薦產品。相對舊模式,精準度和新客戶接受程度,一般都會較高。
其實「消費商」概念好耐之前已經存在,好似你購物後,再介紹新客戶賺積分的獎勵活動,其實都係運行緊「消費商」模式。
這模式有佢價值,相信在現時互聯網發達的社會,在不同社交平台支援下,發展會唔錯。
------------------------------------------------
Q21326:
老師你好 本人今年33歲 完全係投資新手無經驗。
但𠵱家決心要將財富增值 希望10年後達到財務自由 現打算月供股票
請問建議買邊類/隻股票 同應該將儲起嘅錢幾多percent用嚟做月供?
以下大約係本人背景
- 單身 月薪9萬左右
- 平均每月可儲6萬
- 有意2-3年內置業
謝謝老師
龔成老師︰
你可以投資「平穩增值股」+「潛力股」,去創造一個增值組合,累積一筆資金,助你達成置業和財務自由的目標。
至於,用多少儲蓄作投資,無一個特定答案。若你想盡快達成財務自由,最好係盡量投入最多閒置資金,就會越理想。
組合當中的「潛力股」,要求你有一定的投資知識。加上你會在2-3年內置業,時間唔算好長,係增值時先要保守一點。
現時,你可以集中在平穩增值股先,潛力股小注好了。到你投資實力較強和處理好置業時,可慢慢增加潛力股比例。
平穩增長股:潛力股
7:3
平穩增長股:考慮盈富(2800)。
另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
潛力股:安碩恆生科技ETF(3067)
另外再加:阿里(9988)、騰訊(0700)、港交所(0388)、舜宇光學(2382)、小米(1810)、GX中國電車基金(2845)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
現時大市波動,可以一邊投資一邊留現金的策略去做月供。每月用3.5萬先月供,另外2.5萬就儲起,是等大跌市時出手。
如果你能在這段時間學好選股等技巧,到大跌市時就能把握機會,財富增值會更明顯。
其實你要考慮一點,當你打算中短期置業時,宜留多少少現金,特別是打算買樓前的一年。而我地投資股票就是買入企業,而企業成長需時,因此一定要長期先有效果。
因此,你要考慮幾時置業,在現金與投資上取平衡。
現時可以用上述的方法,部分月供,部分留現金(但近置業就可能要減現金),到你完成置業後,其實可以再加大投資力度,進行財富增值。
------------------------------------------------
Q21327:
手持5百萬現金應該怎樣投資 希望每月回報有2%
投資股票 置業 應該 怎樣分佈
龔成老師︰
我地做財富增值,一般希望做到架合理回報,係每年增長10-15%。你現時這個每月2%回報的目標,用股票或物業投資去做,風險會較大。
我建議你按步就班,透過月供和買入優質股,去一步步為自已資產作增值。在合理風險下,爭取最大回報。
係投資增值時,我地會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
所以,當我地選擇投資項目時,應參照自已人生階段。年輕時,可以用「平穏增長股"」+ 「潛力股」,到中年「潛力股」比重要減少,到近退休應集中在「收息股」上。
若你投資經驗較淺,就算年輕,我都建議你「潛力股」部份比重,要調低少少。到有一定經驗時,才慢慢調高。
現時,你可以因應自已人生階段和投資經驗,在以下股票中,作出選擇和配置。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、希慎(0014)、太古地產(1972)
或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)。
大市現處於合理水平,那500萬資金,你可以先用200-250萬,以"分注"形式慢慢入貨。餘下資金,我地就等大跌市機會出現,才大力度掃貨,並長線投資。
如果你本身無乜投資經驗,暫時只建議動用$100萬-$150,同時你要增加知識,等你有一定知識先慢慢加大金額。
長線計,我地要建立一個長期的「財富組合」,要優質,要平衡,要適合你的年齡與風險承受程度,不同資產類都要有,好似優質股、物業等。
持股中,唔可以太集中個別股票,同一行業不能太多,同一股不能太多。
此刻整體物業算是合理區頂,相對股票值博率較低,所以又唔需要話好急去買入,投資值博率算是中等,當然,如果你見到較有質素,回報理想的物業,其實又不是不可考慮。而長線,你都要將佢加入財富組合當中,成個組合平衡性才算理想。
------------------------------------------------
Q21328:
龔Sir 您好!近排買咗你的一本書,開始留意股市,我想入高增長的股票,但資金不多$5-$8萬左右
有一手快手,想望長綫,無時間長期留意股市波動,建議入咩組合?
龔成老師:
你唔好只集中在高增長股,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
你部分資金買入高增長股是可以的。
快手(1024)可長線,但上市後一直都貴,注意風險。不要心急加注。
另外可考慮盈富(2800)、恆生科指ETF(3067)。潛力股投資要慢慢用資金,不要急。
------------------------------------------------
Q21329:
老師,早前聽你分析一篇是有關人士尚欠10年退休,應如何處理退休計劃。
你提及若基金有高回報,可考慮退保轉移收息股。
我以前同朋友買落一些基金單,過去回報真係麻麻,但最近終於超越我的供款額,我計劃停供兼考慮申請退保,取回本金轉買你建議的收息股,十年後成效會否顯著?
但還有一些基金單早已停供,但退保費用尚高(要足20年才沒有,現時退保費達41%)。但係未回本兼一早已停供,應否提早贖回此單買其他如2800,起碼不會被每月基金手續費蠶食本金?
本人一向好節儉,但不懂投資,到今日開始認真思考未來退休生活費。慶幸認識你才檢討自己投資方向,希望有所改善。
過去經驗令我現在對基金單有所保留,雖然回報可以好高,但亦可以蝕到入肉。所以自己入行後從沒建議人客買,除非人客有能力選擇基金 。
但若我只集中股票投資,又會否有危機?最近有朋友常説股票市場未崩是阿爺出手,叫我有賺就放。但聽完富途牛牛老師分享,更堅定長線投資。不過始終心不夠定,因自己已不年輕,希望老師俾一些啓發,謝謝。
龔成老師:
基金有好多種的,因此,好難一次過講基金是好還是壞,有些基金的回報可以跑贏市場,但同時有些都可以遠差過市場。
你最重要考慮翻該基金,佢本身的投資策略,投資那些市場或產品,以及過往5-10年的回報,比起一般投資市場回報是好是壞,如果回報較差,就要考慮轉。
不過,你話有些基金單已停供,但退保費用尚高(要足20年才沒有,現時退保費達41%),你就要睇翻仍有多少年要等,如果等的年期不多,就可以等。
其實在概念上,以及比較那個投資決定上,最重要是你要分析「之後的組合情況」,不是過去,是將來。應該持有那些項目,比例如何,能為你帶來怎樣的長期財富。
你最重要建立一個平衡配置,不要只集中在過往的虧損。首先,你每一份基金去分析翻,個別的質素怎樣,如果質素不佳同時又無特別賣出的限制,就轉其他工具。(你要問清楚,如果賣出相關基金,會有那些罰款,能夠取回多少本金)。
如果讓基金過往表現不差,有質最素,件就可以繼續持有。
之後可以將資金,部分投資股票,只要投資優質股,長線,其實不用擔心,同時你不用太著重短期因素。最簡單是選一些ETF,如盈富(2800)、高息基金(3110),這些ETF的管理費,比一般的基金較低,因此長遠對你的回報較高。
我相信ETF比較適合你,因為彈性比較高。
------------------------------------------------
Q21330:
阿sir你好!我最近係度調整緊月供計劃,total每月有9千蚊,有剩希望儲現金,麻煩你幫手睇睇咁樣嘅組合會唔會太分散?係唔係唔太好?幫手俾啲意見,唔該!
1. 3067 – HKD$2,000(手動月供)
2. 0700 – HKD$1,000
3. 0003, 0823, 0388, 2388, 1928, 1177, 2800, 1810, 2020, 3188 – 各HKD$500
4. IAU & SLV, BTC – 各HKD$500(通過美股同虛擬貨幣平台手動月供)
龔成老師:
你月供恆生科指(3067)及騰訊(0700)無問題,不過都要明白3067是潛力基金,佔組合比例不能過多。
至於0003, 0823, 0388, 2388, 1928, 1177, 2800, 1810, 2020, 3188 – 各HKD$500。你供得有點散,要好長時間先有一定的貨。
建議你集中翻少少,例如每隻供$1000,減少隻數。其實當中都是有質素的股票,都可以選擇,你睇翻自己較睇好那隻,以及自己的投資目標及風險程度。
至於IAU & SLV,即是間接投資黃金與白銀,長遠都可以,因為貴金屬都可以在我地的財富組合中,佔一個比例,但就不會太多,如果你每月合共$1000,佔你每月投資比例10%,開始有點多,調整翻去到5%較好。
至於BTC這類虛擬貨幣,我不是這方面的專家,所以我太大意見。
以本質來說,這是人為創造出來的,絕對不是「資產」,有沒有真正的價值,如何定義真正的價值,未知。
這些人為創造的貨幣,因為關注度由很少變得大,價格會大升,但這背後是否有真正的支持,我不知道。只能說,投資這些貨幣,投機味好重,可能大賺,亦可能蝕到一文不值,因為,當中有沒有價格,我不知道。
但這不代表佢無價值,佢可能好勁,只是我自己不知佢好勁定好差。
佢長遠的價值,取決於「有多少人用」,即是說,雖然無真實價值,但可以有「交易價值」,如果長遠好多人用,的確可能有高價值。
因此,這些虛擬貨幣,由於我無法作出專業分析,所以,我不會投資。
但如果你分析到佢長遠的交易大,大家都持續關注,就有價值,就值得你投資。如果你睇好,小注每月投資,不是不可的。
------------------------------------------------
Q21331:
多謝老師一路以黎既教導 你個page 充滿正能量 哈~(對我黎講)
龔成老師:
加油!
我出書,不斷做分享,在FB不斷發放正能量,正正是這個目的,你要做好自己,影響其他人。加油!
------------------------------------------------
Q21332:
阿sir 我份人比教保守但又想搭到快車 起望資產有所增值
所以我想有一半買3067
但另一半可以買邊隻潛力股
因為好多新經濟潛力股都銀碼太高 所買股份唔多,長遠增值唔大
我睇中必瘦站 佢而家係疫情下重可以擴展 同埋減肥 美容 係唔會冇人去做 加上佢銀碼唔大 大約6蚊
你意見如何?
龔成老師:
你要清楚翻投資概念,如果你風險承受能力較低,就唔應該投資潛力類的股票。
因為風險與回報一定成正比的,你要清楚翻這一點。
記住,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
如果你承受風險能力不太高,就可能要將恆生科指ETF(3067)改為投資其他,如盈富(2800)。
當我地建立組合後,就長期持有,不是買賣賺差價,而是成為你財富組合一部分。
另外你要記住,入場費的大小,以及股價數字大小,與平貴度,無關!
至於必瘦站(1830)長遠有發展,本身有一定的質素。
睇翻之前的疫情,佢身處的行業受影響,但佢的現金流及財務數據都唔算差,這點可以想象到,當正常的經營環境,佢的生意一定唔錯。
加上佢的野心愈來愈大,本身有一定的技術,同時不斷將香港的業務模式複製到其他海外地區,我見佢加強了發展其他地方,因此發展不差。
你預$4是合理區頂,這股有長線投資價值。
如果你真的想買入,就等回少少先,小注,之後等落翻$4左右先正式買入。
------------------------------------------------
Q21333:
龔sir,用三十萬炒股,最近半年接觸衍生工具,已輸左HKD十萬,有咩方法可以可以追番血汗錢
龔成老師:
記住,財不入急門,你愈心急想追翻,就愈危險。這刻你應該停一停,冷靜翻,增加翻投資知識先,唔好太心急再投資。
其實我20年前,都玩衍生工具,玩左幾年,輸足幾年,之後長線投資,就開始不斷賺錢。
我之後做銀行同證券行,見大部分輸錢的客,都是偏向短炒,及投資衍生工具的。
這刻,你停一停先,之後長遠計,你要建立一個長期的「財富組合」,要優質,要平衡,要適合你的年齡與風險承受程度。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
------------------------------------------------
Q21334:
老師! 我買的保險有儲蓄成份的。我有3份,第1份$ 20萬2022年9月到期$20萬,到期可取$24萬幾,可將筆$供第三份保險。
第2份2026年頭到期,比現在供款大约多$23萬,到時可取~$74萬。第3份$100萬,若10年不取,大约有$ 149萬。整體有~4-5厘息。所以4年後,只有1份100萬的保險。
你建議我們持股要長線才能赚得多D,但退休後冇收入,靠收息過活,始終都需要賣股票,那何時才是適當時間賣? 若不賣,可能到時人在天堂,股票在銀行!
龔成老師:
如果現時保險類太多,你要睇下點樣調整佢,但持有多少,其實好個人化,因為這類有儲蓄成份的保險,可說是一些防守性產品,對一些好怕風險的人,持有較多都可以,但如果能承受基本風險,其實不應持有太多,可考慮將資金投資其他工具,會更好。
如果你這刻在配置上,股票等增值類資產不多,你應該等2022年該份保持到期後,將資金轉到股票,建立一個更為攻守兼備的組合。
至於另外的第2、3份,就可照原定計劃進行。
另外,當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
因此,當你退休時,就能以不同的資產,去獲得持續的現金流。
------------------------------------------------
Q21335:
請問老師2588現價位值得入市嗎?留意了它一段時間,之前因市場炒疫苗復蘇已炒到當年的高位81,但現價已漸漸回落,請問現價71值得入市嗎?
龔成老師:
中銀航空租賃(2588)本身質素不算差,但又未到好好,主要原因是負債太高。佢利用高槓杆的模式,進行飛機租賃等業務。
即是借錢,買飛機,再租出給飛機公司。
現時航空業不景,對佢有影響,加上佢利用槓杆,風險點都會有。不過,這只是中短期情況,長遠仍是不差的。
現價算是合理價,但投資注碼不能多。
------------------------------------------------
Q21336:
龔sir, 你好,我係新手投資,聽某股評人8.1高追入了1760英恒科技,我有睇過1760的業務,基本面好像不錯的。
所以一直抱著希望會回升,但股票卻一直向下,現已蝕了五成本金。
請求老師對此股給點意見及睇法,感激不盡。
龔成老師︰
我地買入一隻股票,一定要知道佢質素、行業前景、財務狀況等,才去投資。唔好單憑消息,就去做投資決定,咁係好危險。
英恒科技(1760)算係有危有機類的股票。這股質素不算高,但都未去到劣質,而你最大的問題,是在好貴的價位買入,因此,要上翻去並不是易事。
佢業務主要於中國提供汽車電子解決方案,客戶為汽車行業的原設備製造商、一線及其他供應商。例如新能源、車身控制、安全、動力傳動等。
過往財務數據只是一般,未算強,市場主要炒佢新能源汽車業務。
佢之前有集資去開發集團在新能源汽車及高級駕駛輔助系統(ADAS)方面的服務平台,特別是加強研發實力,包括智能駕駛軟件平台搭建、電動車電控系統軟件的研發、半導體功率器件定制化研發。
此股唔係話無質素,只是業務始終有不確定性。若你持貨不多,可以守。但若持貨較多,可以等有反彈時,沽出部份,去平衡個風險。
在將來再投資其他股票前,你先要問問自已。你到底知唔知間公司做乜生意、間公司點賺錢、行內有乜優勢、點解未來有發展和增長潛力。
若果答唔倒自己,就必需要停一停,唔好投資住。
------------------------------------------------
Q21337 :
你好,龔sir
1. 我買左2018,平均價55蚊,佢近期業績不錯,請問可否返家鄉。
2. 另外347近期有營利,股價會否再繼續上漲?我平均價9蚊。謝謝你
龔成老師︰
1) 瑞聲科技(2018)不差的,本身有一定的規模與技術,長遠發展正面,不過,佢增長力不是好強,只能視為平穩增長類別。
佢業績算係可以,此股有質素,可長線持有。要回到你買入價,相信係可以。但由於增長力不及以往,所以要比多點耐心。
2) 鞍鋼股份(0347)本質屬中等,但有較受大環境影響。佢始終這只是商品企業,沒有一些太大的優勢。近年盈利上落較大,難以達到穩定生意與盈利的投資擬標。
所以整體的投資價值只是中等。這類股,長遠投資價值不算高,但又不是劣質,一般不建議佔組合比例太多。
若佢佔你組合比重較高,我建議你當有反彈,就沽出部份,來減低風險。
你要記住,我地投資時,唔好太過睇重短期因素,要長線咁分析。鞍鋼股份(0347)係2020年公布盈利係多左,但你睇多幾年,會發現佢盈利其實好波動。
另外,我見你對股票點定平貴的概念,唔係太強。建議你再投資其他股票時,可以考慮用月供方法,去平衡這個買貴貨的風險。
------------------------------------------------
Q21338:
Hi 成兄,我留意左你一段時間,前日我買左第一本你既書《80後2百萬富翁》,睇到一半,真心覺得你好有毅力去做每一件事。
而我亦都係上年係股票輸左成50萬,而家要每個月還$14000,人工每個月只係$34000。
小弟只係一個公務員,但唔甘心維持現狀,而家努力儲緊啟動資金、另一邊亦都睇緊啲理財、投資既書,唔想比自己再衰多次。
但係公務員有啲限制,而自己無咩技能,但黎緊會報啲有關電力既野,亦都會慢慢報下其他課程。
但係小弟已經30歲,果50萬要還到34歲,好似有啲唔夠時間用咁,想係呢4年努力返少少儲返多啲資金,再進軍股票世界。
因之前買輪及牛熊輸,到最後都係覺得買正股、潛力股先有增長,亦明白到貪字真係得個貧。
龔成老師︰
緊記,短炒唔係一個正確的投資方法。窩輪及牛熊證這些工具好複雜,唔好再用。
過去的事情,就由得它過去。最重要係你上了寶貴一課後,明白到何謂正確的投資理念,加上你已開始努力學習相關知識,算得上係向成功踏出一大步。
你現在才30歲,絕對有足夠時間讓你做好財富增值。
現時你負債雖然係可以還到34歲,但若果個貸款息率係較高,最好在投資前,先還清。因為高債息,長線會拖低你投資回報率,影響成個財富增值效果。
之後,你唔一定要等到儲到一筆較大的啟動資金,才開始投資計劃。你可以先用月供方法,去邊入貨,邊儲錢。我相信咁做,會較有效率。
以你30歲,可以選擇一些「平穩增值股」+「潛力股」作投資目標。
以現時大市合理區狀況,月供最好係先用一半每月儲蓄,另一半就先儲起架策略。
由於你投資知識不算好高,因此我建議你先集中係平穩增長類股。至於潛力股,只宜小小注(約佔組合3成),等到你提高投資知識後,先慢慢增加翻潛力股比例。
至於,每月儲下現金,就是等大跌市時出手。如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21339:
龔sir,我之前$61入左1000股9633,和$16入左3500股6993,仲有得守嗎?
龔成老師︰
農夫山泉(9633)有質素的。
是中國包裝飲用水及飲料的龍頭企業,旗下品牌包括農夫山泉、東方樹葉、尖叫等。佢係中國擁有10個區域取水許可證,並在其周邊建立生產基地。
其產品覆蓋包裝飲用水、茶飲料、功能飲料及果汁飲料等類別。根據弗若斯特沙利文報告,2012年至2019年間,連續八年保持中國包裝飲用水市場佔有率第一的領導地位。
業務上,的確有吸引力的,不過,我一向都新股半新股都無興趣,因為真實面要慢慢先見到。此股可投資,但只建議持有小注,同時你要明白當中的風險。
而藍月亮(6993)都係有質素的。
佢有「中國P&G」之稱,成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一,分別為24%、28%、17%。
雖然你買貴左,但由於佢地都係有質素,你可以守。若果佢地佔你組合比重較高,可以考慮沽出部份,去平衡個風險。
但緊記,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
------------------------------------------------
Q21340:
龔成老師你好,好多謝你好用心解答網友問題,雖然睇左咁多,我都有問題想向你請教,先謝謝你。
我33歲,收入約35k, 而家持有月供股2800、2318和0012。每隻$500。
1. 可能係太少,我唔知大約供幾多先好?
2. 現時唔多負擔,係每月要俾約8k家用。所以想請教你我點樣分配先好?
3. 係咪要買多d,同埋加多隻比亞迪呢? 感謝
龔成老師︰
1) 我地做財富增值,目標係首先累積起一筆財富。到退休時,再換成收息資產,去支持後的退休生活。
以你現時33歲,應先努力做好增值個部份。因此,你每月有空閒資金,我建議都盡量投放在財富增值之用。
至於比例佔收入多少,無一個絕對的答案。你可以視乎你自己情況,作出調節。
但你33歲,係財富增長的黃金期,以你收入來說,其實可以將更多資金用作投資。
2) 以你33歲計,可以選擇一些「平穩增值股」+「潛力股」作投資目標。你現時月供的盈富(2800)、恆基(0012)、平安(2318)都可以。
但每隻月供股票銀碼上,要提高少少,最少要$1000。因為每隻的供款太低,會變相令月供成本佔比增加,影響你長線回報。
以現時大市合理區狀況,月供最好用一半每月儲蓄,另一半就先儲起架策略。
另外,你都要加翻D「潛力股」,去提升個組合增長力。但「潛力股」始終有一定波動性,若你投資知識不高,可先集中在平穩增長類股。
至於潛力股,就先小注(約佔比重3成)。到你提高左投資知識,先慢慢增加翻潛力股比例。
每月儲下現金,我地就是等大跌市時才出手,並長線持有。
3) 比亞迪(1211)都係一隻好有質素的潛力股,但現價偏貴。想月供的話,最好等佢回到$120先考慮。
若你真係對新能車股票好有興趣,可考慮GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,故此股有一定投資價值。
此股有潛力度,你預佢會比較波動,但有長線投資價值。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
50% percent 香港 在 龔成 Facebook 的精選貼文
【龔成問答信箱】(Q17281-Q17300)
Q17281:
老師 有樣嘢好想問你,你係儲錢,財富增長階段會唔會有時好想買野 如果有你會點解決呢?
有時候覺係呢個階段每日重複咁返工放工 好枯燥乏味
有時想買野舒解下 但知道自己要為將來著想又唔敢買 搞到好辛苦咁 想尋求意見
龔成老師:
好簡單,我會好好「利用想買野的慾望」,作為動力。
例如財富每累積$10萬,就比自己一個獎勵,當時我都是這樣做,定好晒$10萬、$20萬、$30萬,每個目標有咩獎勵比自己。
這樣生活就會更有趣味,同時儲錢又變得更有意義。
你可以按自己的情況,去定一些目標。如果你這刻太辛苦,就要調整翻,平衡都是重要的。
------------------------------------------------
Q17282:
成師兄。請問1177 ,15蚊買。應該點呢。2送1。姐係1000股變1500股 但到時下調33.33%咁咪有排升唔返原位? 好事定壞事,因中生每幾年都送一次紅。咪不停拆細我手上既股票?
可否教下 點計 送紅股會回調幾多。
龔成老師
同一個餅,原本切2份,現時切3份,對整個餅來說,無分別的,而每一份的價值,就會下跌3分1。
這只是左手數與右手數的問題,你唔需要特別分析,因為對企業價值無影響。
股價跌3分1,你股數多左,根本是一樣的。
------------------------------------------------
Q17283:
龔成老師你好:
1.我22歲,月入15000,扣了生活費,每月可用收入10000,想在5年後有100萬;以及提早財務自由,我應該用何分配?
2.我有購買你的50隻優質股,想問一下 178 莎莎國際,股價一直跌,又虧損,它還是優質股嗎?
3.我應該如何判斷,股票是否在便宜區,例如小米,比亞迪?
龔成老師:
1)你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。做月供股票,每月$5000
。
你可以考慮盈富(2800)$2000。
另外再加1、2隻(每隻$1500):銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。
如果你不懂股,就集中供盈富$5000。
如果你不想月供,就自行分注投資。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
2)莎莎(0178)的質素,的確有少少下跌,中短期會弱,但不是零質素。
當我地分析時,要以長期的角度去分析,唔好只睇當刻情況。
佢回勇要較長時間,因此這股就算投資,都唔好大注。
3)要計平貴,就要先計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
如果要深入計算,基本上要好仔細的研究企業,要分析好多財務數據用比率,先至有較完整的答案。有了企業價值後,下一步就是比較現時股價,就知當刻平或貴。
------------------------------------------------
Q17284:
龔生,你好,經常見到你在指引股票市場的方向,想請教一下對橫琴房地產是否有見解?是否適合入手?
龔成老師:
橫琴是長遠有發展的地區,中央都視佢為一個發展地,加上地理上近澳門,而澳門的地方太細,所以長遠發展時時,就會與橫琴配合。
長遠橫琴有發展力的,至於地產方面,就要留意翻平貴,例如分析租金回報率,交通、配置、發展等。
------------------------------------------------
Q17285:
龔成老師你好,我本身冇咩投資經驗,三個月前先開始接觸股票。
年齡27歲,流動資金200k
有4個問題想請教老師!
1.我自己睇中咗某啲股票,
分別有:(659)(1137)(1896)(3690)(1093)
請問前景如何?
補充:現持有少量(1137),之前有12,3%升幅冇放到,而家得返4%。
2.另外而家醫藥股好強勢,我有留意開幾隻,例如有:(9969)(9926)(6185),而家適合投資嗎?
3.坊間有好多基金或債券產品可以收息,如果選擇投資喺美國債券,你認為合適嗎?
4.最後係想幫朋友問,早前佢入咗啲WhatsApp group,聲稱消息好準確,聽咗啲消息之後入咗XXX,成本價大約係$2.9x。跌到去而家呢個位$0.4,想問佢應該走定繼續守住?
補充:佢呢隻輸緊30k,筆錢唔等住用。
抱歉問題比較多,感激老師指導
龔成老師:
1)新創建集團(0659)不差,但增長力不強,收息為主。
香港電視(1137)有潛力,但不確定性大,只能小注。
貓眼娛樂(1896)有危有機,只能小注。
美團點評(3690)有潛力,但現價不平,回少少可小注。
石藥集團(1093)有質素,現價合理區中上部,可投資。
2)不是話佢地無潛力,只是不少都是新上市,加上風險較高的類別,自己要衡量風險。
3)如果你年齡較大,想集中收息,就可考慮。
4)近期非常多WhatsApp group的騙局,我不知今次是否,佢地的手法是推高某股,令本質不佳的股票日日升,到高位是不斷推介,然後就不再人為支持,價格就自然跌回歸到真實價值。
我不知XXX是否這類,我不知。
若然作基本面分析,這企業的合理價值不會超過$1,所以,相信這股無得守,賣出是較好的做法。
------------------------------------------------
Q17286:
老師,你點睇00035,遠東發展?
我見佢入場費低,派息都ok
想問佢增長力夠唔夠?
龔成老師:
遠東發展(0035)業務有點多,物業發展、物業投資、酒店業務及管理、經營停車場,以及證券與金融產品投資。
例如佢的物業發展,其實分布在澳洲、香港、馬來西亞、中國內地、新加坡及英國。至於酒店業務及管理,佢將擁有28間酒店,分布於香港、馬來西亞、中國內地、新加坡、倫敦、澳洲、德國、奧地利及捷克。
不過,全球經濟較弱,地產較一般,都對佢造成一定的影響,但相信只是中短期,長遠仍是不差。整體質素是有的,收息可以,但股價則未必是增長型。現價都可以投資的,合理區。
------------------------------------------------
Q17287:
Hello成哥 1038長江基建月供下帳面已經下跌30% 近排好多國家都加緊審查 好似收購越嚟越艱難 呢間公司質素會唔會已經下降?
而且佢今年派息好似冇增長
龔成老師:
增長力的確比過往減,但這股仍值得持有的,李氏父子仍不斷增持同系股票,即是間接增持長建(1038)。
這反映佢地都認為現價有投資價值,就算不是平,都是合理區的中下部,因此,你有貨可持有,如果本身持有較多,月供可減金額。但如果本身持貨唔算多,月供可保持,等佢上翻D先停。
其他國家都加緊審查,的確會影響左佢的發展,但單計佢這刻持有的業務,其實都是一個不差的組合。而收購部分相信只是減慢,唔會停止的。
------------------------------------------------
Q17288:
Sir ,以下係我的買入價
3323 8.74元
9999 128.8元
9618 233.8元
2382 135元
呢4隻,可賺錢?
龔成老師:
中國建材(3323)質素中等,但不算強,這企業最大的問題是盈利不穩,主要由於成本問題令佢出現這情況,結果就是令股價不穩,投資者亦會視為有風險,因此這類股的估值不會太高,你見市盈率就知。
這股現時在合理價水平,但賺錢能力不算好強,長線投資都可以,但就未必值得投入太多金額。
網易(9999)有質素的。
先講講佢基本業務,佢創立於1997年,為用戶提供優質的內容和服務。以中文門戶網站起家,並推出了至今仍在發展的媒體及電子郵件服務。
2001年,戰略擴展到在線遊戲業務領域,根據App Annie的數據,按2019年iOS 及Google Play綜合用戶支出計算,集團現已成為全球第二大移動遊戲公司。
2006年, 推出有道業務,後已成為在紐交所上市的智能學習平台;2013年,推出音樂 流媒體平台網易雲音樂;2016年,開設電商平台嚴選,迅速成長為一家主流的自有品牌商品平台。
佢而家提供超過140款手遊和端遊,涵蓋遊戲類型廣泛。集團並內部孵化並發展出一系列創新且成功的業務,包括智能學習及其他業務,如音樂流媒體平台、自有品牌電商、互聯網媒體、電子郵件服務等。
整體上,佢業務有一定的優勢,以及仍有增長力。
不過,現時唔算平,同時市況波動,因此唔建議太進取,而小注投資是可以的。
京東(9618)業務有質素,發展仍是正面,不過現價就唔算平。
佢係一間電子商業銷售平台,佢定位為「以供應鏈為基礎的技術與服務企業」,現時是中國第二大電商,有一定的品牌。同時,根據《財富》按收入統計的全球500強排行榜,集團是中國最大的零售集團。
佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域,其中核心業務為:零售、數位科技、物流、技術服務四大板塊。
京東已建立自己營運覆蓋全中國的物流基礎設施,以支持電商業務,打造了線上購物體驗,係2017年、2018年、2019年,活躍用戶數達到了2.9億、3.0億、3.6億。可見已建立了一個巨大的網絡。
佢經營線上零售,以及電商平台業務,線上零售業務方面,從供應商購買產品,然後直接銷售給客戶,並從24,000多家供應商採購商品。
佢的物流基礎設施佈局覆蓋了中國幾乎所有的區縣,包括遍佈89個城市、累計總建築面積約1,690萬平方米的700多個倉庫,包括京東物流技術開放平台所管理的倉庫面積。
過往的財務數據,收入每年都是20%左右增長,2019年收入為5700億人民幣,已經有實質的盈利,2019年盈利為120億,初步以此推算,股價並不算平。當然,這股有一定的增長力,之後的市盈率會減。
從質素上,這股不差的,但估值上就不算平,如果買,都可以,但要控制注碼。這股可以長線投資的。
舜宇光學科技(2382),有質素,可持有,長線無問題。這股有一定的潛力。
------------------------------------------------
Q17289:
老師你好,最近金界控股3918下跌,同時我都持有2000股(1手),你覺得我應該等個價位升返少少再放定長揸睇長遠發展?
因為我發覺佢股價波動都幾大
唔該老師
龔成老師:
金界控股(3918)有質素的,你一手可以長線持有,不用擔心。
佢係柬埔寨最大的酒店、博彩及娛樂運營商,旗艦NagaWorld是金邊市唯一的綜合式酒店及賭場娛樂城,持有為期達70年至2065年的賭場牌照,NagaWorld僱員人數超過5500人。
另外,金界亦享有在金邊市方圓200公里範圍(柬越邊境地區、Bokor、Kirirom Mountains及Sihanoukville除外)內至2035年屆滿為期的獨家賭場經營權。
另外,金界的Naga2期,總建築面積超過12萬平方米,當中包括NagaCity步行街的零售及公共區域,而Naga2將設有約1000間酒店客房,娛樂設施及賭場,以擴展業務。當中的NagaCity步行街已經開業,包括面積不少的免稅品商店。
柬埔寨仍是發展中的國家,當中的潛力不能忽視,中國的旅客不斷增加,預期這情況仍會持續,而金界在金邊的壟斷優勢,再配合新發展項目,是一個不錯的機遇。
另外,中國經濟轉弱,中短期會對佢不利,但長遠仍是正面的。不過,柬埔寨始終是新興的市場,總會存有不確定性,股價上落會較大大,因此,這股可持有,但不建議太大注。
------------------------------------------------
Q17290:
請問龔sir買元朗樓收租值得投資?
龔成老師:
坦白講,元朗這區長遠的土地供應是全港較多的地區,以投資價值計,只是中等。
當然,如果你選元朗較中心,最近地鐵站的地點,價值就會好翻D。
------------------------------------------------
Q17291:
我之前買佐恆大,19蚊放了,宜家升好多,不過龔sir話恆大有風險,負債累累,都唔明點解升咁多。
龔成老師:
其實,風險是企業的不確定性,與升跌多少未必有絕對關係。
恆大(3333)負債多,利用槓杯去進行業務,當中國樓市旺,佢業務會比其他公司更好賺,相反,當樓市出左少少問題,佢的問題會比其他公司更大。
而我地投資,會先考慮風險,即是有可能的損失,而面對這類股,會較小心,注碼都會控制,但這不代表佢不會升。
------------------------------------------------
Q17292:
老師,我想開始月供股票,但有一個疑問:
假如我現在開始月供$5000盈富 至少5年以上
跟現在一次過用30萬買入 然後一直持有5年以上
2者會有什麼分別?謝謝
龔成老師:
兩者都是投入$30萬,所以在投入資金上,無分別。
最大的分別,是「買入價」。
如果你現時一次過投入$30萬,假設買入價為$30,這就是你所有盈富(2800)的買入價。如果你成功在低位買了,你就會有高報,如果你不幸在高位買了,你就可能有虧損。
至於月供股票,簡單來說,月供股票就是你每月將現金,買入某一隻或多隻股票,慢慢儲貨。
當中兩大好處,第一,減少你一次過在高位買入的風險,因為平均了買入價,對於未能掌握買賣時機及平貴的投資者來說是較好的。
第二,自動在高位買少d,低位買多d,對平均價有利。
例如,每月以相同金額$5000 買入盈富基金(2800),假設第一個月股價為$25,就能買入200股;第二個月升至$35,就能買入143 股;第三個月跌回$30,就能買入167股。
總結這三個月,投入了的資金為$15000,累積股票為510股,平均買入價為$29.4。
由於月供股票每月投入的金額相同,因此當股價上升時,買入的股數自然減少,而當股價下跌時,就自然會買入較多股數,如同自行調節一樣。
要注意的是,由於每月持續投入資金,因此一定要選優質股,長線投資,同時要以儲股票的概念進行,最少持續供3 年以上,之後持有5年以上。
------------------------------------------------
Q17293:
另外想問2669中海物業呢一類物管股算唔算係優質潛力股?用月供嘅方式做長線投資適唔適合?
龔成老師:
中海物業(2669)有質素的。
中國的物管行業,是有質素的,因為現金流強,業務穩定,加上行業處於增長狀態,不過大部分股都升左唔少,所以要小心估值,以及衡量注碼。你小注月供,長線是可以的。
------------------------------------------------
Q17294:
龔成老師你好
剛剛已報名你的課堂
想請問課堂會有筆記派嗎?
另外 想請問 788現價合理嗎?如果持有嘅數量佔投資組合約20%會太多嗎?
龔成老師:
股票班每堂都有兩份筆記,包括power point形式,以及一份文字版筆記。另外,課程後段,會有一份「企業評估表」,給學生,方便同學評估企業。
每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。
另外,你上課之前,多睇理財、股票類的書,留意一下財經新聞,到時就較易跟到。
中國鐵塔(0788)有質素的。現價合理。
這股本身有質素、有前景,中國的3大電訊巨頭,都是佢的主要客戶,以及大股東,當5G發展,佢一定會受惠,因此前景仍然正面。
佢現時的收入正不斷增長,盈利都保持向上,但股本回報率不高,是這股較弱的地方。若分析佢市盈率,會見到現時仍然處較高水平,反映佢雖然股價回落左唔少,但仍然未到平。
考慮到佢的質素、發展能力,這股算是合理價。
由於這股有發展力,可長線。但如這刻買入,分注入可以的。
不過,佔組合去到20%有點多,10%-15%較好。
遲D上堂見!
------------------------------------------------
Q17295:
老師, 我五月份開始跟你學習投資股票, 當時388 ,12, 2388 每樣買咗一手 而家升值大約十幾個percent
咁個市一路係咁升, 咁我係咪應該繼續持有呢? 因為好多人都幾手货手入 ,就可以減磅。。
龔成老師:
暫時可以持有。
港交所(0388)如果你有幾手賣一手,但如果只有一手,就持有先,等佢真的升得再誇張先賣。
另外兩股持有無問題,現價仍合理。你要長線投資。
------------------------------------------------
Q17296:
龔成老師您好,非常感謝您的教學及無私的分享,很認同您的人生觀及投資觀念,讓小弟獲益良多,希望老師可以百忙中解答小弟一些問題。
<背景及短期目標>
本人39歲,上年經歷婚姻失敗後認識現任女朋友,希望可以重新振作,未來一年可以有勇氣再次求婚。在這之前想增值自己財富讓另一半安心及有將來。
<財務狀況>
現在長時間在澳門工作,月入只有約6萬7左右,持有澳門一個物業及一個車位(房貸需每月供1萬5,車位沒貸,兩者均自用所以沒有現金流入),因前段婚姻完全沒有理財觀念,現金只有約20萬
少量股票(10手領展823、4手工商1398),每月5%需投入公司私退金,現滾存約28萬。閱讀老師的文章後檢視自己這幾個月的財務,每月應可存3萬左右(若需調整請指教)。
<問題>
1. 我想以老師所著之書打好基礎,想請問以下閱讀次序是否正確?(如有遺漏請糾正)
- 80後百萬富翁>80後2百萬富翁>80後3百萬富翁
- 財務自由行>大富翁致富藍圖>5年買樓4部曲(本人想在香港持有物業)
- 股票勝經>年報勝經>選股勝經>50 優質潛力股>50值博倍牛股>50穩健收息股
2. 因澳門通路比較難集齊所有老師著作,請問有沒有其他方法可以一次過購買?
3. 按照小弟的短期目標,未來一年我該如何部處?因大巿較波動,明白財不入急門,想保留現金以備未來結婚之需同時亦不想錯失投資機會。
4. 按照老師建議,未來中、長期將以月供股票形式增值。人生已過半才醒覺,感覺自己很失敗,希望現在還不算太遲,未來有更好規劃,想以50歲財務自由為目標。
以上內容沉長請老師見諒,希望老師及其他學員繼續努力增值,讓自己及身邊所愛的人幸福美滿,先在此謝過。
龔成老師:
1)其實無絕對的次序,大約就得:
你可首先睇:
《80後百萬富翁》
《股票勝經》
《財務自由行》
之後再睇其他。
理財系列:80後百萬富翁>80後2百萬富翁>80後3百萬富翁
財務自由與資產配置系列:財務自由行>大富翁致富藍圖>5年買樓4部曲
股票系列:股票勝經>選股勝經>50 優質潛力股>50值博倍牛股>50穩健收息股>年報勝經
其實有唔需要太順序的。
2)你去水坑尾宏達,一次過同職員話要訂就得。
3)你將要結婚,當然要準備一定的現金,在扣除相關開支後,才可以進行投資。
如果現金不多,就不要心急動用,就算把握唔到機會都無計。要先考慮你需要。如果餘下有資金剩,現時大市情況,分注投資都可以,但就一定要同時留有現金。
4)其實你持有澳門一個物業及一個車位,都已經是有一些財富,只要之後的配置上,加強翻股票就得,你這刻應加大儲蓄金額,如果有資金剩,就可以開始月供或自行分注投資。
你可以考慮盈富(2800)。
另外再加1、2隻:銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。
------------------------------------------------
Q17297:
龔sir, 想請教:
短期目標:
2~3年內購買$4~500萬以下住宅
長期目標:財務自由
持有資產:
- 月供2800 & 823,各$4500
- 騰訊 (700) $341買入 及 國藥 (1099) $20.75買入
- 自願強積金$20K多,保證年利率2.5%
- 預算用$20萬投資
以目標為本
打算重整資產分配
1) 月供股票 $10K
a. 2800 + 823 + 中媒/中電/港燈/6823 + 水桶1,每隻平均分配。
請問咩組合較理想呢?
b. 分析完中媒、中電、港燈,看來是否中電較能配合目標呢?
c. 如果分4隻,那隻水桶1會較好?
2) 國藥是否值得繼續分注投資?
3) 自願強積金
是否該賣出轉換其他資產呢?
4) 從你fb中經常提及要預留現金,留多少才算恰當呢?
5) 如果用$20萬投資,那些值博率較能作投資?如何分配?例如部分ETF……
6) 瑞聲(2018) & 舜光(2382)
2018 是過往10年10倍倍升股,及乎合選股的要求,請問這2隻股你覺得如何呢?如果有值博率,咩價是合理區?
龔成老師:
1)雖然這些都是可月供的股票,但盈富(2800)可以投資較多,至於增長力較一般的股票,未必能完全配合你的目標。
要財務自由,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
煤氣(0003)、中電(0002)、港燈(2638)、香港電訊(6823)都是收息類股,增長力不強,你要睇翻是否適合自己。
2)國藥(1099)不算差,但又未算好強,增長力中等,這股雖然可投資,但就唔建議好大注。
3)要睇你的實際需要,你唔好比中短期因素影響,要從長遠角度分析。如果該部分是合理的配置,而長遠仍有價值,就可持有,唔需要比中短期因素影響。
4)要睇大市及個人的情況,你預現時3-5成可以。
5)投資ETF是最簡單的方法,當然,你都可以投資個股。以你的情況,部分平穩增長,部分則潛力股,建立平衡作用。
銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。
6)這兩股都是有質素的股票,在之後的發展,舜宇光學會較好。
------------------------------------------------
Q17298:
龔成老師,已看完你的股票聖經。得益良多。剛買了自務自由行及50優質潛力股,期待汲取更多知識。我有兩個問題請教
1) 剛開始月供股票兩個月,想調整一下分配。月供8,000. 想問一下供6隻股票會否太多? 還是集中3-4隻比較好? 初步打算 3000 盈富,1000 領展,1000 中銀,1000 比亞迪,1000 銀娛/金沙,1000 恒基/ 媒氣。(HSBC 只可以1000做單位)
2) 手上有10多兩飾金,近日飾金價升了不少,應該趁高價套現再買入優質股,還是繼續持有比較好?
3) 金沙 vs 銀娛,長遠你比較看好那一個?
龔成老師:
1)如果你能做到長線月供,起碼3年以上,你同時供上述6隻是可以的。現時已經可以進行,但最好你每月能同時留到一定的現金。
2)要睇這些金佔你的財富比例多少,黃金在財富比例中有一定的作用,但持有太多就無意思,因為始終無現金流。如果你較多,可以賣部分。
3)兩隻都是有質素的股票,可以投資,金沙(1928)收息會較好,而銀娛(0027)增長力較強,所以要睇你的投資目標。
------------------------------------------------
Q17299:
你好龔成老師:我明白複利息驚人之處,但我有一個疑問,就係如何將收到嘅股息再股資到該股票上,如果該股票本身可以以股代息當然就解決問題
由得佢自己去滾,但如果派嘅係現金,一般如果同一股要只手持幾手甚至幾手都冇時
股息就只會得幾千甚至係幾百蚊,根本不足以再持貨,是否有甚麼辦法我未想通?祈望得到老師指教!!
龔成老師:
最初投資時,由於本金唔多,股息都唔多,這時未能「再投資」是正常的。
你可以先儲起這些現金,之後到一定的數量,再投入買股票。你亦可以將這些股息,連同自己的儲蓄,一併去投資,這都能產品再投資的作用。
你可以買翻原有股票,或者投資其他優質股。
總之,複利息的關鍵,就是「再投資」。
------------------------------------------------
Q17300:
啊sirsir,想問平穩投資50萬,只是50萬,不再加錢注入,以複式效應滾存30年,可以累積到幾多財富呢?謝謝!
龔成老師:
假設回報率是10%,如果$50萬滾存30年,就可滾存至$870萬。
如果回報率為8%,就是$500萬。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
50% percent 香港 在 暗網仔 2.0 Youtube 的精選貼文
Nordvpn每月只付3.71美元會有3折 (70%折扣)優惠再送一個月全免費service給你!!!
請使用以下連結: https://nordvpn.com/deepwebkid
優惠碼: deepwebkid
Professor PowPow頻道: https://www.youtube.com/channel/UCTiPpo3GYFgLq0WrvwyLVYw
Instagram: https://www.instagram.com/dw_kid12/
Facebook: https://www.facebook.com/deepwebkid/?modal=admin_todo_tour
Spotify: https://open.spotify.com/album/2LjUOH9T9j21GiX8jzytu6
訂閱: https://www.youtube.com/channel/UC8vabPSRIBpwSJEMAPCnzVQ?sub_confirmation=1
我最高觀看次數的影片 (我為何不再拍暗網? 只說一次): https://www.youtube.com/watch?v=jbihKaqEEQw&t=127s
首支單曲: https://www.youtube.com/watch?v=UASHWB6Ai9Y
我的成長故事: https://www.youtube.com/watch?v=Kdhtp6A6YJE
這位才是真正的網絡垃圾: https://www.youtube.com/watch?v=jlJYDx1GP-U&t=263s
Billie Eilish出賣靈魂的方法: https://www.youtube.com/watch?v=pfB1S2uy5Po&t=115s
日本最殘酷的直播節目: https://www.youtube.com/watch?v=7E81OKVX7wc
我受夠了, 我的精神困擾: https://www.youtube.com/watch?v=aQ6uxaQhiS4&t=7s
注射自己精子的婦科醫生 | HBO最恐怖的記錄片
注射自己精子的婦科醫生 | HBO最恐怖的記錄片 (ft. Professor PowPow)
HBO最恐怖的記錄片 (ft. Professor PowPow)
【恐怖】HBO最的記錄片 (ft. Professor PowPow)
【恐怖】HBO變態婦科醫生記錄片 (ft. @Professor PowPow )
【記錄片】變態姦污病人婦科醫生 (ft. @Professor PowPow )
【恐怖】變態婦科醫生記錄片 (ft. @Professor PowPow )
會讓你懷孕的變態婦科醫生 (ft. @Professor PowPow )
會令你懷孕的變態婦科醫生 (ft. @Professor PowPow )
HBO會性侵你的變態醫生 (ft. @Professor PowPow )
HBO記錄性侵你的變態醫生 (ft. @Professor PowPow )
HBO記錄片性侵你的變態醫生 (ft. @Professor PowPow )
Professor powpow:
一位執業超過40年的婦科醫生被揭發用自己的精子令數千名他的女病人受孕. 導致無數家庭的破裂.
各位觀眾大家好! 我是Professor powpow.
2020年6月美國HBO頻道播出一部名Baby God的紀錄片. 講述在美國內華達州一個知名婦科醫生Quincy Fortier由1940年至80 年代期間將自己的精子放進無數想生育的婦女體內. 令多人長大後慢慢發現原來自己並非親生父母所生, 而是這位婦科醫生的親生子女.
紀錄片由其中一名女兒Wendi Babst的角度慢慢揭發其他子女這麼多年是: 如何生活, 用什麼方式發現自己的身世, 並且家庭狀況最終破碎到什麼程度.
但由於最近professor pow pow我太多東西要做, 尋找血脈這些事就交由暗網仔去調查.
暗網仔:
“養育之恩是無法報答” 因為父母放於己出的心機可以多於自己生命. 作為男人養了一個小孩20年才發現不是你的, 簡直是惡夢. 雖說Wendy Babst媽媽22歲時被joo射了惡魔的精yik.
但如果1940年代有Nordvpn至少Wendy媽電腦和網絡不會被黑客射入病毒. Quincy fortier醫生散播子孫令美國多個30至80歲的人變成同父異母的兄弟姐妹. 就如想入侵你iphone的種子散播在全球無數個機場, 咖啡室, 商場的WiFi, 所以只有散開到超過62個國家, 5200個強大服務器的Nordvpn雙層加密才確保你的電話不會突然間 “有左!”
現在只要按下面的(camera zoom down) 連結然後!!!進入!!!我優惠碼: deepwebkid就有3折優惠, 即是70% off 再送多一個月的全免費service給你.
2021已經很多災難預言可能會發生. 用nordvpn就少一樣東西要Dam yuw啦!
信我, 之前用過其他牌子, 整套來講都是Nordvpn最安全! Nordvpn ~ nordvpn ~ 折扣 seventy percent ~
[Hannah Olson]
baby god導演Hannah Olson早已製作尋根節目Finding your roots, 並同時得知而開始對Quincy Fortier的故事感興趣.
這...是她揭發這個恐怖故事的時間線...也是由她觀點, 她眼睛| 拍出來的.
[時間線-1940年]
第二次世界大戰後, 1945年婦科醫生Quincy Fortier開始在內華達州一個名Pioche的小鎮開始當一個普通的家庭醫生.
慢慢他對幫助夫婦懷孕的成功率讓他聞名並有機會開設個人診所.
[時間線-1960年]
1961年更以 ‘奇蹟醫生’ 的美yu開始在拉斯維加斯一所女子醫院當院長.
當時付近地區的女子相信, 如果跟老公或男朋友無法懷孕, 簡單地來看一看Dr Fortier就能成功有下一代. 誰知道他的做法是把該丈夫的精子woon上自己的.
題外話: 在5-60年代醫生常常會把自己的精子跟捐精者的精子kuw在一起來chung加命中luet. 因為好多那些單身女士只是想有bb, 不管親生爸爸是醫生或是捐精者.
[時間線-1980年]
1984年故事轉到加入警duey的Wendy Babst身上. Wendy從小到大也被告知自己跟父親那一邊的家人樣子完全不像. 同時wendy也對自己血統, jook poh等東西感興趣並驚嚇地發現原來yoing yuk自己一生的軍人爸爸跟自己一點血yuen關係也沒有. 調查後發現有其他都是母親曾是Fortier病人, 並對自己身世有疑waik的人. 通常這些有懷疑的人是: 跟自己爸爸樣子完全不像, 即使全家不讀書-這個人讀書成績也特別好,
最後證實亦是wendy同父異母的兄弟姐妹.
並在網絡po cup化後找到多個同樣跟Fortier有關係的人, 並在網上討論自己家庭背景和故事.
紀錄片拍到包括有: Brad Gulko, 一位1966年出生的基因科學家, 與他的父親極為似樣. 或1949年出生的Mike otis, 發現真相後不敢告訴自己90多歲的生母. 因為當時他媽媽被搞到懷孕時她根本是不想有bb的. 她只是去了做一個列行的陰道檢查, Fortier卻將自己的精子放入她的陰道中. 令她迷忙地, 奇蹟地wai yun. 她其實是想繼續讀書的, 前途還是一片光明的.
得知各種真相後Wendy最討厭是自己的鼻子. 因為跟自己的爸爸實在太像了.
[時間線-1990年]
1991年Quincy fortier被ban fat ‘年度最佳醫生.’
1996一位名Mary Craddock的女人在1974至76年見過Quincy Fortier, 並正式控告Fortier爲她兩名子女的親生父親. DNA化驗沒那麼容易的年代, 是經過50年這樣uw心的行為fortier才正式被法律上起訴. 但最後還是庭外和解.
之後luk luk jook jook有人走出控告Fortier.
不幸地, fortier拖延時間...
[時間線-2000年]
到2006年, 他93歲死的那一年, 他一天都沒坐過牢.
[女兒的恐怖故事]
訪問Fortier自己親生兒子Quincy Fortier JR, 兒子透露爸爸常有奇怪和自大的想法. 被質問他這些行為時, 他只是解釋自己是在幫助別人, 並沒有錯! 父母離婚後Fortier 4名親生兒女和前妻就一起般開住.
之後作爲一個單身男人的Fortier就ling養了兩名小女孩.
當中他的繼女Connie Fortier說了整個事件最恐怖的故事. 她不止從小被Fortier性chum, 但也同樣wai了fortier的bb. 之後她被送走, 她跟她的bb自生自滅.
“My father molested everyone. The happiest he ever made me was lying in his coffin dead. That’s when I knew I was safe.”
Quincy Fortier JR (兒子)
*dying at age 93, molestation charges
最後由導演Hannah Olson 所做的research得知記錄上至少有20多名醫生是做過同樣的事情. 由其是在DNA testing沒那麼po cup的時代發生. 有人曾經説過jeen男花心是因為男人的天職是來世界bo種, 讓自己的機因能wuy chuen下去.
那如果用職權, 信任, 女人的身體, 家庭的結構來自私地bo種在世間永遠存在還以爲自己是創造奇蹟的神, baby god 的男人應該是怎樣ching fu呢?
只能說, 他生理上是男人, 精神上人也不是.
The end
50% percent 香港 在 {{越煮越好}}Very Good Youtube 的最讚貼文
⬇️⬇️English recipe follows⬇️⬇️
白灼花螺:
材料:
花螺12兩
海鮮醬
泰式辣醬
處理:
1. 花螺,用粗鹽乸3分鐘,清水沖洗2次,擎乾水。
2. 大火煲滾1鑊水,放花螺,灼2分鐘至大滾起,擎乾水,上碟。
3. 完成,可享用。
Scalded flower snails:
Ingredients:
Flower snails 12 taels
Seafood sauce
Thai spicy sauce
Preparation:
1. Flower snails, season with cooking salt for 3 minutes, rinse with tap water for 2 times. Hang dry.
2. Heat up water at high flame in wok. Put flowers snails. Heat up until totally boils up. Hang dry. Put on plate.
3. Complete. Serve.
??粉麵飯?(系列)
https://www.youtube.com/playlist?list=PLkU_SdeTtB_Q5A3Mh4IVWiSQecc_DX2Zp
1.雞煨麵
https://youtu.be/8OVQ5jecY4c
2. 簡單番茄炒飯https://youtu.be/GKBCyY7IrJw
3. 韓式炒年糕https://youtu.be/cDNxhyWypOo
4. 咁誇張炒飯https://youtu.be/cdPz8kVi6k8
5.錦繡窩麵 家庭大阪https://youtu.be/GW9aJYisgrA
6.重口感 榨菜肉絲 上海麵https://youtu.be/BlMhFgQT7vc
7.加插板榨菜肉絲炒麵https://youtu.be/yE4bSXfOyjI
8.豬頸肉蕃茄烏冬https://youtu.be/IGpLMenYVsE
9.無敵鴛鴦飯https://youtu.be/yX7Zz6583kQ
10.凍檬燒豬髀
https://youtu.be/b1_4RJKjCSY
11.若果肉鬆炒飯https://youtu.be/sZCMMC4qJjE
12肉燥麵豉炆米https://youtu.be/VahQh8Pr1Ok
13. 懷舊銀針粉https://youtu.be/bXW19mFXM0o
14. 鹹蛋白炒飯https://youtu.be/SVoxvVTiVUI
15. 芽菜肉絲炒米粉https://youtu.be/-Jvdw_WFOYM
16. 豬潤湯米https://youtu.be/O6Oe5GaEZa0
17. 蠔油炒飯https://youtu.be/eCAth2B23K0
18.電飯煲糯米飯https://youtu.be/LWqYj9IFmEg
19. 豉油王炒麵https://youtu.be/XP2fo5_r9Yk
20. 清湯麵https://youtu.be/9ZQwjIVcnLM
21. 芒果糯米飯https://youtu.be/fBmsUpcaO8g
22. 油豆腐粉絲湯https://youtu.be/4w0DEkGszi0
23. 韓國炒粉絲https://youtu.be/4w0DEkGszi0
24. 黃金炒飯https://youtu.be/XTt8W-m9jso
25. 糯米雞https://youtu.be/ReJ1InQK1xU
26. 菠蘿炒飯https://youtu.be/XcJ3j5PzXO0
27. 大蝦球芝士脆麵https://youtu.be/fcCRBNVxpXs
28. 唔肥魯肉飯 https://youtu.be/e30xvbV6TOI
29. 揚州炒飯 80歲老師傅 教授https://youtu.be/2ju3MOXVgLM
30. 食上癮蠔油撈麵https://youtu.be/-jUgxM3PEJc
31. 爽口雲吞麵https://youtu.be/2w0SzprtuMk
32. 炒米粉 小秘訣 大重點https://youtu.be/qw-f51817xU
33. 鹹蛋白蝦米炒飯https://youtu.be/-7_AldrpEjg
34. 蠔油撈米 包你食上癮https://youtu.be/T0xwUOmzKzs
35. 瑤柱帶子燴飯https://youtu.be/4pZLvqs16nA
36.腩肉鹹魚香烏冬https://youtu.be/R_ZqNC_N4Rg
37.低糖醋米粉https://youtu.be/e36kD3bow_M
38. 鴨胸出前一丁https://youtu.be/Bu7Yo0jZaec
39. 港式鴛鴦飯https://youtu.be/e0JML_RNISo
40. 炸醬麵 秘訣公開https://youtu.be/Iz-q_d51qt8
41. 咁樣先係炒粉絲https://youtu.be/_DSx46PeNaI
42. 茶餐廳黑椒牛扒飯https://youtu.be/Dc4g4p_-mfM
43. 瓜粒湯飯https://youtu.be/HREjkb2OOsM
44. 懷舊狗仔粉https://youtu.be/-DLKxfiNLkI
45. 吞拿魚鮮茄長通粉https://youtu.be/xl7R1IBCqk8
46. 四色蔬菜麵 100%天然https://youtu.be/L7_SQDUJyr4
47. 茶餐廳 榨菜肉絲麵
https://youtu.be/2dCK2y8AiyY
48. 橡筋麵 大地魚粉 餛飩湯https://youtu.be/yHJW95t13Io
49. 一百個percent代替米飯 米通粉https://youtu.be/xs8Le01Losg
50. 鮮茄雞蛋 菠菜麵https://youtu.be/hnFRuIlpu5I
51. 星洲炒米 失傳 重現https://youtu.be/RsdZRKQpjxU
52.紅茄蛋刀削麵
https://youtu.be/UQI3_3YxAuM
53. 叉燒炒刀削麵https://youtu.be/sYlQONJDELc
自家製 ?甜品糖水?特色小食?咖哩
https://www.youtube.com/playlist?list=PLkU_SdeTtB_QpH2ff0e37WtCe30Du7eO7
???我有900多條片?大家入呢個網址 ?全部可以睇曬?
https://goo.gl/cuyAZa hip???
??I have more than 900 movies?Everyone enters this URL ?All can be viewed ?
https://goo.gl/cuyAZa hip??
Scalded Babylonia Whelks?Sweet, Briny, Fresh, Addictive ?
白灼花螺
鮮甜,新鮮,食上癮
50% percent 香港 在 Smart Travel Youtube 的最讚貼文
將軍澳|The LOHAS |日出康城|Fresh 新鮮生活|港鐵|MTR | 2萬呎超市買啲乜
#將軍澳 #thelohas #日出康城 #Fresh新鮮生活 #港鐵|MTR #掃貨必去
#特色主題 #香港製造 #Omakase #寵物零食
今日帶大家來到將軍澳地鐵上蓋一個大型商場The Lohas
裏面一個全新概念的大型超市, 佔地2萬呎,
我估計裏面的貨品定會超過二萬款
其中被我遇到三位顧客, 他們好iconic, 好有象徵意義
究竟他們象徵什麼? 片尾我會開估,
裏面設有26個特色主題區域,提供本地及環球新鮮食材
更加支持香港製造創意品牌,引入了接近一千五百種香港製造產品
除了為顧客提供新鮮食材選擇,亦都提供多個嶄新餐飲選擇,
例如即場海鮮加工服務、首創超市版Omakase(廚師發辦)
現場即製香腸午餐肉、小炒菜式、5無健康指示牌 、優質寵物零食區
為顧客即時磨米服務、引用先進的付款方式,以免聚集人群
無須付款排長龍等等, 在場每一個售賣Counter佈局,
都經過精心設計,務求令顧客感受到店員的親和力和專業產品資訊
這個超市很著重店員跟顧客交流, 保留一般超市或百貨公司缺乏的人情味
他們嚴選店內的零食, 參考衛生署的健康指引,
駐場有兩位品酒師,解答專業的酒品資訊,
多款印度食品、香料專區, 在場亦有日式健康美容產品
專為素食者而設多款新穎美食、產品多、服務優質、多選擇,價錢豐儉由人
歡迎各位網友跟阿Tsar遊樂團,
參觀這個嶄新的Fresh新鮮生活大型超市
Are you ready?
首先帶大家來到海鮮城, 見到一個好大的魚缸
擺放了來自不同國家高級海鮮, 長腳蟹、松葉蟹、水晶蟹 ,
超大型龍蝦 、蜆殼類 ,那麼大隻海鮮
你會否怕家中未必有這麼大個的蒸爐去煮呢
來到這裹你絕不需要擔心,因為這裏提供即買即煮服務
煮的方法及加工費用,例如豉汁炒、花雕蒸、
上湯焗等等的方法以及收費, 一一在牆上面寫得清清楚楚
明碼實價,顧客可以即時用電子付款方式收費
之後廚師就會將買來的海鮮進行清理,再拎去煮場館,
進行加工和烹煮,大概你預半個小時,
就可以了,下面亦有每日最抵買,價錢豐儉由人
旁邊亦有游水淡水魚和冰鮮魚售賣,排列得整整齊齊任你揀
另外即時買的魚,廚房設在售賣counter後面
不怕劏魚的時候,血水和魚腥味一點都冇,
保持最衛生、最優質的服務
煮場館除了處理加工烹煮海鮮之外,
他們亦負責這裹的兩餸飯的餸菜小炒,
入面由一個大廚主理烹煮多種餸菜 ,
個菜盆入面設計得好淺 ,因為盡量要保持食物新鮮、 夠鑊氣、夠熱 ,
每一盤只足夠serve六至八個人,就要再refill新的,確保食物新鮮度。
燒鵝王子有三款出名菜式 ,嫲嫲豉油雞 ,王子燒鵝,鎮店叉燒 ,
鎮店叉燒選擇梅頭中間部位 ,不要頭和尾 ,
確保叉燒肥瘦均勻 ,咬口爽脆好味 ,
王子燒鵝 ,用特別穀料飼養,養到每隻鵝大約六斤時才會劏 ,
所以見到每只燒鵝大少都差不多,
即場用風乾機風乾鵝 ,風乾20個小時 ,
確保肉質外脆均勻、隻隻金黃脆口,
嫲嫲豉油雞的來源,好多客人吃了豉油雞時,
覺得好有家的味道,用味蕾去喚醒你對嫲嫲和回憶和思念,
壽司本店, 最特別就是有外帶的Omakase,廚師發板,
有兩種選擇,一種是特選set388hkd,
有12款壽司加上丼飯 ,再加點甜品,
另外一款就是極上set, 588hkd就有16款的選擇 ,
有刺生、卷物、 丼飯 、甜品都有 ,
廚師會因應每日最新鮮嘅食材以做這些拼選給顧客,
下面亦都有一些已經包好的新鮮壽司,
價錢更加大眾化, 但質素是非常優質
你看看壽司的油脂和光澤,以這個價錢
簡直是物超所值,
這裏亦有一個一連三舖的食點,
相當受顧客歡迎, 首先他們每日新鮮製作的香腸和午餐肉 ,
見到師傅即場製作,確保每日新鮮 ,
這裏的午餐肉和香腸經過好多次改良 ,
因為要調出適合香港人口味 ,
健康得來又好味 ,可以選擇減鹽自製香腸、午餐肉
減鈉減了50個percent,其他亦有多款口味,
有蜜糖脆皮、芝士黑松露、沙爹豬肉黑等等 ,
都是賣28hkd一件 ,都不含味精或人造色素
除了買到香腸午餐肉回家之外
旁邊就是一個熱狗店,有多款口味任您選擇,
再過隔離就非常受街坊歡迎,有多款外賣小炒便當之外
脆皮豬手、芝士龍蝦伊麵、炒辣蟹、冰梅骨、
日式吉列炸蝦便當 、炒飯炒麵 ,攞上手熱辣辣㗎
驚你不夠熱, 旁邊擺多兩個微波爐
另外有選擇優質食材的甜品和沙律,
價錢都相當貼地大眾化,
Snack and Treat 零食專區是大人同細路都鍾意 ,
自助式,kid’s faviourite 和kid’s choice
好多精挑細選受小朋友歡迎的零食選擇,
這裏的零食除了安撫你的心靈 ,亦照顧你的健康
因為大部分零食都會參考衛生署指引 ,
會嚴選零食裏面的糖分、鹽份、鈉成份,
例如每100克糖少於五克啦, 每一包總脂肪少於三克 ,
鈉含量少於120毫克 , 還有多款香港製作的本地品牌零食
除了這裹好像catwalk那麼多零食,這裹一字排開都是零食選擇
能夠在芸芸眾多的產品, 被選中上架的香港製造產品
必屬佳選, 食出香港人的精神, 靈活應變、捨我其誰
超市裏亦有好多其他的香港製造產品
好似有山手作、Nicole’s kitchen,二澳農作社,
大師姐等等的調味醬、糕點或蜂蜜都可以找到
豆本坊, 除了有好多豆製食品,亦提供好多創意素食
今時今日的素食者,已經不單純為宗教或健康原因
亦配合世界潮流,推行環保,所以產品亦推陳出新
配合顧客不同的口味和需要,
好像這個Omnipork新豬肉,香港品牌,北美研發,
100%植物製造。多用途、零毫克膽固醇、高蛋白質,
無抗生素。無激素。熱量低66%。
質感、香氣均與真免治豬肉無異,
提供人體所需的優質氨基酸,健康之選。
港式素食叉燒、 三杯鮮菇純素米漢堡、甘薯葉素牛丸
意式香草意粉、火鍋、鹵水最夾的凍豆腐, 吸汁有彈性,
獨家首選的豆腐皮,即使你不是素食者
如果好似我家中有個氣炸鍋,
你都可用來包燒鵝、蝦卷、雞胸肉一樣回味無窮
臨走前買一些已經處理好的芽菜仔、加兩磚豆腐
煲個魚湯,加少少鹽和蔥,已經是一個好豐富的養顏湯水
日日糧坊: 一個可以磨米的地方,甚至可以糴米,
現今已好少聽到糴米呢!但這裹有這一種糴米服務
幫你溝出最喜歡的幾種米, 當然你要買一整包都可以
他們提供了來自七個國家不同的米,
有日本、泰國、柬埔寨、中國、等等
揀完米之後你可以因應自己喜好,
即時可以叫店員幫你磨製喜歡的度數 ,
它有9個不同的度數 ,視乎你喜歡食糙米 或是白米 ,
可以有sample給你看,磨五分米、七分咪、白米、免洗白米
這裹有一部專程由日本訂過來的磨米機
一般白米用5至6號已可, 穀殼會在右邊袋排出來
客人可以要求拿回家用作施肥種植盆栽,十分環保
香港人日日的主要食糧除了米之外,亦有食麵
這裹提供本港一個老字號的麵食,
除了傳統蝦子麵之外、亦有好健康的菠菜麵、甘筍麵
如果你不肯定自己是否喜歡特別的選擇
可以一個一個麵買回家試下,
除了麵食和米之外,大家都可以來到雜貨區
這裹有個印度專區,有好多印度食品及各地嘅香料
印度香飯 (Biryani),煮出來的飯特別香 ,
再加各種香料咖哩、辣椒
加些yogurt、堅果, 令到你的餐桌添多點文化色彩
這裹薑黃粉十分便宜,我曾在影片多次介紹過薑黃粉益處
強而有效的抗癌食品,我通常用薑黃粉加蜜糖飲用,
能夠迅速消除疲勞,好多時我睡得好少,都很精神
這個就是秘密所在,雜貨區見到買baking soda
平時超市賣15hkd,藥房12hkd,這裹賣10hkd,
精明的家庭主婦就知baking soda不只愛用來焗蛋糕
是強烈清潔劑, 可以將煲燶了的煲,不費吹灰之力
清潔得好像新買一樣, 有機會我示範給大家看看
藥膳農莊有好多湯包和藥膳 ,
如果你想找安眠茶、或平日手腳冰冷、想去濕
店員都可以為您提供最適合的選擇
對面個雪櫃亦都有好多不同生果、 沙律、藍莓、 士多啤梨 ,
每日揀最新鮮的生果做冷泡果茶 ,
甚至乎你飲完的生果茶可以直接食用裏面的生果
生果旁邊櫃位是鮮果殿, 有多款熱帶地區的時令水果
尤其是中秋節即到, 這裹買生果,亦有多款選擇
很多水果不是外面常見到,好像馬來西亞貓山王榴槤
文旦柚、泰國金柚 、琥珀蜜柚 、中國神石榴 、黃火龍果
送這些生果給人,沒那麼行貨,面子十足
如果你對生活有更高要求,就應該行過對面
Lohas Orchard,有來自世界各地最優質的水果
日本、 韓國、歐美、 土耳其、西班牙、澳紐
北海道紅肉蜜瓜、日本山形西瓜、 金洋瓜、台灣牛奶美濃香瓜
小朋友的嘴仔咁細,就建議買呢一個日本天之驕女蘋果
澳洲珍寶牛油果, 大大兩個58hkd, 我在澳洲超市食過,
價錢跟這一個差不多,好像這個更大
不得不提就是來自自土耳其的無花果,
最優質的無花果出產自土耳其, 而且好少出口
好少生果舖有得賣,好大隻啊,隻隻都好靚
揀無花果,要選擇紫色,有少少綠綠地
買回家可以擺放多一會,如果太綠即未熟
如果已經黑色,即過熟,好容易入面生蟲
買回家只要洗層外皮, 就可以連皮食了
Butcher Craft, 入面有個大廚叫Joey ,
玻璃櫃入面有醃製了的肉類和扒類 ,
可以買返家即煎就可以食得啦
或用氣炸鍋都得 ,亦有斧頭扒 Tomahawk
和dry aged熟成牛肉 ,出面高級西餐廳一定有這兩種食物
尤其熟成牛肉,經過處理的熟成牛肉, 牛味更濃郁 ,
如果不喜歡出面的皮太乾 ,可以叫職員幫你了出面的皮去 ,
即煎就會令到牛味最濃郁最極致 ,
亦有日本佐賀牛 A4黑毛和牛 ,澳洲加拿大牛小扒 ,
澳洲和牛M4 M5級數的肉眼扒,
如果大家不知道一個人或一家人份量都可以問大廚joey,
.......................................................
下次再傾,88! ??
成為会員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。