2021 Jul Wallpaper【大叔的愛(叛逆歲月版)】
呢個月wallpaper想畫近來大熱嘅《大叔的愛》靛風格版。由晌腦海中構思到畫好草稿,單係線圖又發現變咗「叛逆歲月版」⋯⋯當然,其實靛風格就係由「叛歲」風格演變而成。只係變來變去,都仍然很青少年小說封面。|||
畫田田阿牧同KK,好明顯大中細超,只要望阿牧就可以了。我已經對處理田田嘅浮誇表情有所保留,盡量令到佢仲可以稱得上眉清目秀,至於KK,唔緊要啦,照跟咳神張圖咪算囉~(喂)(跟得嚟又唔似算點先?)
好想分享啲無聊細節嘢,話說為咗畫佢哋搵咗一堆劇照參考,但都睇唔到阿牧戴住咩手錶,總係被西裝手袖遮住咗。開始畫草圖時諗住畫一隻黑色大錶面皮帶嘅手錶吧,佢似係戴呢種錶。之後再細心睇吓綠幕前跳舞嘅宣傳硬照,發現款式同我嘅估計一樣,重點係玫瑰金幼圈外框,真係非常襯佢啊!(同款又會賣斷市嗎?)
《大》只係播咗4集,網上同朋友圈之間嘅洗版已經排山倒海。三位主角都獨當一面——Edan嗰啲超級浮誇嘅表情,會令人擔心唔知佢拍完呢套劇後會唔會多咗皺紋;Anson Lo冇得輸,只要有追劇,男女老幼都俾佢電暈咗;仲有KK大叔黃德斌,我開始覺得佢真人應該留呢種鬚,可以平衡返佢剛烈硬正嘅漢子味,funny得嚟平易近人得多。聽聞日本播都會港版劇,除咗兩位顏值美男,我估個性德斌大叔都會紅得起!
調教今晚就最後啦⋯⋯ 好彩大叔只係播咗4集,仲有排玩呀!
*想download 11k 高清大圖請到Patreon: dindin (link in my bio)
#大叔的愛 #OssansLove #ViuTV #fanart
#呂爵安 #edanlui #盧瀚霆 #ansonlo #邱士縉 #stanleyyau #黃德斌 #mirrorweare #mirrorhk
#靛繪 #靛 #dincalendarwallpaper #香港插畫家 #香港插畫 #香港插圖 #hkig #hkdraw #hkillustration
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...