［用自己嘅方法去日本自由行］（歡迎講下自己鍾意乜嘢，大家睇吓有冇志同道合嘅朋友相認下）
講開歷史有唔同嘅歷史，日本自由行都有唔同種類嘅自由行。所以通常如果問朋友拎旅行資料，我會偏向問返對我有一定了解程度、我對佢又有一定了解程度的朋友取經。平日同佢哋都老友鬼鬼大家清楚對方鍾意乜嘢，斷估你唔會老點我掛？
例如問到一個地方有咩嘢買，了解我嘅朋友可以語氣肯定同我講：「嗰度啲嘢你唔鍾意架！」、「你去嘅時候應該買滿20,000有嘢送，留意吓啦！」；問吓嗰度啲嘢好唔好食，「你係咪真係肯排一個鐘、同大陸人排隊先？」、「好食係好食，不過你會一身油煙」；仲有就係outlet：「嗰度冇Esperanza同Axes Femme。」咁我就可以慳返好多時間心機唔使去自己冇興趣嘅地方。
至於食嘢方面呢其實我係唔鍾意食海膽嘅。生蠔都唔食。所以當有人同我講某某海鮮市場嘅海膽非常好食，我係唔會有任何感覺。你不如話俾我知邊度有下午茶三層架環境靚地方清靜冇乜外國人最好冇英文同中文餐牌咁就最好啦。
有幾個鍾意搭火車又鍾意去城堡扮鬼扮馬嘅朋友佢哋嘅意見我多數都會採納。不過有一個要擔心嘅問題就係佢哋通常係男仔，行路行得快過我體力又好過我，所以佢哋嘅行程我都唔能夠拎去照抄。人哋一日可以出去16個鐘頭，我出去10個鐘頭已經想死。
之前曾經有位遠房親戚問我酒店問題，我知道佢捨得俾錢亦都想住好嘅酒店，所以我老實話比佢聽我住嘅商務酒店唔適合佢。諗左好耐好耐終於諗起幾年前我豪過一間一晚要70,000日圓嘅溫泉套房佢可能會鍾意，果然佢一睇就鍾意。平日我住埋啲一晚兩三舊，唔係佢想要嘅嘢啦！
不過有時都會有錯誤判斷。例如有幾位女性朋友都介紹我去睇花，其實我對花冇非常大嘅熱愛，無錯以前去過睇薰衣草不過望完就走左。就算荷蘭或者比利時一片花海我都只會「好靚呀」就走，所以專程搭兩個鐘頭睇花田對我來講係冇乜意義的。
axes femme outlet 在 アウトレット - | outlet | axes femme online shop 的相關結果
outlet | axes femme online shopの商品一覧。アクシーズファム公式通販ではショップ店員のコーディネート提案もご覧いただけます。 ... <看更多>