第二章：攝影師
話說籌備「He」呢張專輯，最緊張嘅環節唔係錄歌，而係影CD 封面。因為錄歌應該衰極有個限度，話哂自己喺錄音室工作咗咁多年，起碼可以執生。但影相我完全冇概念究竟自己可以影到幾樣衰，因為從來冇試過化行妝，打哂燈，仲要唔笑咁影幾粒鐘相。一諗到當全世界嘅人望住我，個鏡頭係咁對住我嗰陣，我仲要擺出極有自信嘅pose 同眼神，雙手已起滿雞皮。
一直為咗要影cover 呢件事而困擾咗好耐，終於去到要影cover嘅前兩日，同唱片公司同事傾開計，
佢無意中話：「呀，幫你影相個攝影師叫Jerry, 佢平時影開啲著好少衫嘅女仔架，不過影得好靚，好藝術嗰啲。」
我：「😧😧😧吓？好少衫.... 」然後扮振定：「😎哦，得啦，冇問題。」其實個心嚇到傻咗...
然後一回家，當然即係search 吓 keywords啦，「香港攝影師」「情色」「Jerry」「性感」「少布」「女人」....
點知出咗好多關於佢嘅報導，仲有FB ,IG link ,我當然即刻去睇吓啦，話哂知己知彼百戰百勝，知道幫自己影相嘅攝影師係咩style , 到時都可以配合得佢好d 吖嘛！ （好天真咁心諗）
點知一 click 入IG ......
我：「嘩...😱 嘩...😱 嘩...😱 嘩...😱 嘩...😱
嘩...😱 嘩...😱 嘩...😱 嘩...😱 嘩...😱⋯⋯」
下刪一萬個嘩。
佢啲相，想搵個著得多布少少嘅女人嘅相都冇... 😰😰😰
然後我轉戰睇吓關於佢嘅訪問報導，只有一句説話留喺我腦入面，佢話：「我迷戀女性線條」🌚🌚🌚🌚🌚
因為咁我兩晚都瞓得好差！🤦🏻♀️更加擔心影相嗰日究竟會點....
終於到攝影日，我準時一早到studio , 但禁極門鐘都冇人開門。咁就打俾佢啦
我：「喂jerry , 我係kitty呀，我到咗喇冇人開門，你喺度嘛？」
J: 「我啱啱瞓醒，而家開門俾你。」
然後門打開，我看見一個金毛男子，頭髮好亂，著紅色t shirt +短褲，眼都未擘大嘅男人。
我個腦已經即刻浮現佢影嗰啲相，我個心 嚇到就嚟鼻哥窿都冇肉。一路行入studio, 有好多好靚嘅道具，傢私，梳化，好有style ! 然後佢帶我入一間房，佢話你坐喺度啦，一陣可以喺度化妝。
心諗：「😱我認得呢張櫈呀，係某張相，某Model, 冇著衫，臂開腳坐喺度影架～～～～」
然後我開始環顧四周，見倒好多似曾相識嘅傢具，因為我喺佢啲相見過....
終於坐咗一陣化妝師來了，我開始冇咁驚，其實我都唔知自己驚乜....😂😂😂
到正式拍攝了，佢好有耐性指導我點樣擺pose , 而且好快已經可以指出我有啲咩問題，可以點樣影, 而且最緊要係佢成日都讚我靚，所以越影越淡定，越影越有自信，直情以為自己係Super model 呀。
#其實影相當日我都唔敢睇啲相
#我都係同大家差不多時間見倒
#比我想像中靚好多好開心
#大家話睇唔慣我唔笑
#其實可能呢個先係真正嘅我
#希望上天眷顧這個小女孩
#明天CD正式上架
#希望一切順利
❤️❤️❤️❤️
攝影師：Jerry Ling
#大家可以睇吓佢啲相
#其實係靚嘅
#只係阿姐比較保守
😂
