[匯豐強勢,小小啟示]2021有息派,咪好咯。根本最初就無辜之極,畀英國政府夾硬屈。但,之後又點?
1. 前作(睇最好,唔睇都不影響本文)領展70蚊,小小啟示 (https://fbook.cc/3JCl)。同系列仲有「中概股冇事,小小啟示.迪士尼歷史新高,小小啟示.銀行年尾減按揭息,小小啟示.」, Patreon已寫(https://bityl.co/4Y0h),請訂。或者睇完呢個Post覺得精彩再訂都得。
2. 久休復出,呢篇有啲火。寫文有火係好重要的,冇火嘅應該收檔,唔好呃飯食—雖然我冇收你地錢。咁唔收錢都咁有火,Patreon就仲有火!月頭支持下出火啦(https://bityl.co/4Y0h)
TLDR:2022年5厘息,很好。但2023年呢?會唔會都係買4厘息嘅領展好啲?當然啦,都係睇價。唔買股票嘅人其中一個最大嘅盲點。故事好多人識講,但再好嘅公司都有個價,再垃圾嘅公司都有個假。呢下先最難判斷嘛。你知人地未來十年搵幾多錢,都未必判斷到個股價之後會點的。
3. 匯控近嚟走勢唔錯,上到3個月新高,44蚊了。短答案,當然都係唔應該買。但仲想探討幾樣嘢。首先留意,近期係強,但年頭都仲60蚊,都仲係跌咗三份一。
4. 至於低位?穿過30蚊添,咁有咩人低位撈?多數都唔係你。低位買嗰個叫做平保。服未?3億買落去。錢多咪自然心安,幾時都係財不入急門,你拎啲救命錢去賭,必然輸死。
5. 另外,的確嗰時係全城皆死心,一沉百踩(其實4月已踩咗好多腳)。咁亦都真係有人話,喂,嗰時已經極悲觀啦。事實見到果然如此。都係老教訓,別人恐懼時我貪婪。不過,亦係成日重覆嗰句,當局者迷啦。你而家睇返當然容易,但當時好難去睇到幾時先係「最恐懼」。你代入下,你係個有1000萬身家買晒匯控收息退休嘅老嘢,4月息都唔派,股價仲係咁插 — 而你仲有500萬,你真係仲會買落去?
6. 講返近期,咁呢排升乜?正如寫領展時都討論過,講舊年嗰啲咩9厘息,算吧啦,意義近乎零。講咗N咁多次,「股票係炒將來」,你舊年派幾多厘息,關我乜事?又唔係我有份。好少少嘅你至少應該睇Bloomberg之類嘅2020派息,但更正路應該睇2021 2022,因為,老細,而家都2020年12月啦。投資者會睇幾遠,呢啲真係冇得量化,但very rough rule of thumb,大半年至一兩年都還好。
7. 咁但,當然,係有傳英國(同歐洲)會容許返銀行派息,咁當然會幫到公司,但,傳都傳咗好耐,乜都反映晒。話說回頭,由頭到尾我都覺得係一場鬧劇。你有啲英國銀行,金融海嘯幾乎沒頂,要政府打救。咁拎得政府錢當然有代價,你成為半間國企,總不能亂咁派息益啲Fat Cat.問題係,大佬,匯控08年根本冇問政府拎錢!供股嘛。但今次危機政府一樣管你,「喂我唔使要你啲錢,上次都冇拎到」「到時你就會話要架啦」。
8. (最新你見到超市Sainsbury 回返水畀政府,就係唔想阻撚住派息派花紅。當然香港就有大快活拎咗補就業照派息,又冇話唔得,補就業畀你出糧嘛,咁有出糧咪得)
9. 而另一方面,官嘅嘢,梗係最緊要唔好爆鑊。唔派息,你啲股東咪嘈咯,嘈嘈嘈嘈飽佢,吹得我脹?而我冇見嗰班鬧匯控嘅人去英倫銀行度嘈。事實而家見到,監管當局係過慮,銀行嘅情況遠比佢地想像中好—但,再講一次,官嘅嘢,話知你啦。畀你派息又唔係佢有份,但出咗事佢要孭鑊嘛
10. 但講返股價,都係唔好有乜期望。係呀,會派返息,但派幾多先得?寫文時唔在公司,但睇返大行高盛報告(大約都有個譜)(https://bityl.co/4hwI)—2020年就雞碎咁多啦。但2021就 3毫美金,2022就 4毫美金。即係2021就5厘息,2022就7厘息左右,還好啦
11. 之但係又,以上,係高盛估計啫。而高盛係比較進取嘅(唔進取點justify 51蚊目標價?)(*)。2021 2022 佢估 3毫同4毫美金派息,街(大圍嘅consensus)就估2毫半同3毫咋(如圖)。如果用大圍(沙田嘅未知)嘅數,就即係2021 就4.5厘,2022先5厘—又唔係好吸引咋
12. 因為仲有一樣嘢,樓上講嗰啲派息—派到先係。銀行始終唔同領展咁,2022咩世界,邊個知?就算2022年得,2023呢?唔係玩嘢,而係真係得罪講句,「好撚多人呢,唔識就咪撚講啦」。唔係咩好火箭科學,你考CFA Level 1都要學,大學讀Finance 101 都一定學,discounted cashflow.你老味你收息收一年架?收兩年?收三年?你計條式係將未來咁多年嘅嘢discount 返晒嘛,直到無限—因為企業可以永生,永生過羅永生(又,唔係有人以為加到無限結果都係無限架可?邊個教你數學?我啲學生一定唔會咁。香港地STEM嘅嘢)。
13. 你要嘅,今年派10厘息都得架,咪預支蜜月畀你(**),之後冇得派咁解之嘛。成個諗法都唔make sense:你買落間公司,梗係覺得啲錢在佢度好過在你自己度啦。否則點解你唔自己炒股票?聽講呢排個個都一個星期執幾成喎。
14. 而N咁多人,都係唔知公司係可以忽然唔派息嘅。4月咪領教過咯,宣佈咗都可以收返,除埋息亦唔會加返畀你(***)。由始到撚都合法,亦一路公司做,只係之前啲公司冇咁大冇咁多人受害。嗰班話去法庭投訴去證監告嘅,你見有冇have a case?當然而家股價彈返上嚟咪唔嘈。升上返200蚊錫晒你添。
15. 然後你睇下,領展連今年咁嘅情況都唔使減租 仲似乎唔使減派息,應該真係要核戰或者外星人侵略地球領展先要減租減派息。
16. 事實係,領展上市咁耐(當然都唔係好耐,未夠20年),從來冇減過派息。未必去得到美股講Dividend Aristocrat 嗰種水平(有啲要睇廿年甚至廿五年),但,呢15年間,匯控已經兩次reset派息啦(如圖),仲要供股添。
17. 而舊文都寫過(https://fbook.cc/3JCl),領展呢種穩定性,十分值錢。牙醫同你自己炒股嘅分別,牙醫今日搵80萬,你炒股搵100萬—但佢都係有錢過你(除非你係1億本搵100萬嗰種)。背後嘅alternative path唔同,佢再衰都有幾皮嘢個月,你炒股嘅,倒輸都仲得。
18. 反轉頭講,你見咁多人「靠匯控收息退休」,咪知道呢種「穩定提供派息」嘅嘢係好有市場—只係你嘅期望錯咗啫。呢個年代,冇得穩穩陣陣8厘息架小朋友,怪邊個?美國聯儲局啦,歐州央行啦,英倫銀行啦,日本央行啦,人民銀行啦。其實人類好似幾百年歷史都係玩印銀紙,你有冇見有得收返?你有邊樣嘢會平過五十年前?有嘅,去日本咯,同埋電視機之類(****)。只係近十幾年更加肆供忌憚咁解。Another Story.
19. 仲有最後一樣,近期銀行股強勢(國際同香港,中資另一回事),亦都同美國長債債息反彈不少有關。銀行就係借短錢放長錢嘅一個遊戲,長債債息升,對銀行息差係好事。
20. 咁做乜長債債息彈?又有人話係因為通脹預期,如是我聞。「不過債息高唔係應該不利股市?」「earnings yield gap嘛」。係就係,但又係嗰句,真實世界唔係科學實驗咁,唔係債息忽然抽上嚟,股市即插—正如之前都唔係債息一跌股價就升。
==========================
月頭訂最抵,Ivan Patreon,港美市場評點,專題號外,每日一圖,好文推介。每星期6篇,月費100蚊唔使,4個月已800人訂!(https://bityl.co/4Y0h)
==========================
(*)大行報告往往要寫sort of「how we different from consensus」嘅東西,因為要同客交代,「做乜要睇你」。但實情多數係浪費時間,self defeating,好似匯控呢啲,閒閒地五六十個分析員寫,點樣人人都唔同?人人都contrarian,咪人人都唔係contrarian 咯。最後根本大家個consensus都係稻草人。你又話街度個個睇淡我地睇好,佢又話出面間間睇淡我地睇好,事實係人人都睇好。哲學呀。
(**)預支蜜月呢個term幾耐冇聽人講過?證明而家婚前性行為係default,甚至拖前性行為都係default。世界係進步嘅(*****)
(***)而我到而家都唔明點解有人覺得除咗淨要畀返佢。全世界都唔會咁做。而講嘅十個有十個都唔知咩係除淨。
(****)呢個亦係量度通脹嘅一大問題,係呀,而家啲電視機平過當年,even in nominal terms.正如你而家啲電話咁撚勁,都係賣幾千蚊,config勁過晒幾十年前嘅 電腦 電話 相機加埋喎,仲要平一大截。不過人類係進步嘛,而家仲叫你睇大牛龜電視用大哥大咩。所以官方「通脹」啲嘢唔好太過走火入魔。
(*****)問題永遠係,後生仔就有時間有體力但冇錢溝唔到女,出嚟做嘢就有體力有錢冇時間溝唔到女,到老嘢就有時間有錢但冇體力溝到女都冇用。解決方法?偉哥。所以點解輝瑞股價升極都有(******),「你估真係靠疫苗」。或者,做富二代。亦證明偉哥幾咁偉大—佢幫你補返做唔到富二代嘅不幸。
(******)任何人同我講 有志者鄧竟成 或者 when there is a will there is a way嘅,我都係傳返輝瑞嘅股價圖畀佢—如果你講嘅嘢成立,人地應該執咗笠。
==========================
月頭訂最抵,Ivan Patreon,港美市場評點,專題號外,每日一圖,好文推介。每星期6篇,月費100蚊唔使,4個月已800人訂!(https://bityl.co/4Y0h)
同時也有7部Youtube影片,追蹤數超過1萬的網紅毛城城 MoCity,也在其Youtube影片中提到,【靚貓不分品種】 「我家貓主子好靚,性格討好親人,好奇心強,唔怕陌生環境,如果參加貓展,話唔定攞獎!」機會嚟啦! 《香港寵物節2019》內有香港黑貓會第六屆冠軍貓展,當中設有家貓組,歡迎貓咪參加。 貓展由香港黑貓會主辦,比賽以六賽圈評選,分兩天進行,每一參賽貓隻會經六位獨立評判按美國CFA(The...
「cfa cat」的推薦目錄:
- 關於cfa cat 在 君子馬蘭頭 - Ivan Li 李聲揚 Facebook 的最佳解答
- 關於cfa cat 在 君子馬蘭頭 - Ivan Li 李聲揚 Facebook 的最讚貼文
- 關於cfa cat 在 貓的成長美股異想世界 Facebook 的最佳貼文
- 關於cfa cat 在 毛城城 MoCity Youtube 的最讚貼文
- 關於cfa cat 在 毛城城 MoCity Youtube 的最讚貼文
- 關於cfa cat 在 毛城城 MoCity Youtube 的最佳解答
- 關於cfa cat 在 CFA - The Cat Fanciers' Association, Inc - Home | Facebook 的評價
- 關於cfa cat 在 8 2016-17 CFA's Top Cats ideas - Pinterest 的評價
cfa cat 在 君子馬蘭頭 - Ivan Li 李聲揚 Facebook 的最讚貼文
[呢個世界上冇乜嘢係一次QE解決唔到,如有,就做多幾次]他日買唔起樓嘅,知道搵誰算帳。唔止香港。聯儲局嘅無限QE嘛(*)
1. 真的,唔係啲獵奇自以為好撚醒大發現。美國聯儲局嘅資產負債表,不經不覺咁超越咗5萬億美金。自己數下有幾多個零,都其實好易數錯。
2. 但都講過,好多時呢啲咁大嘅數字冇乜概念,媒體又鍾意搵啲唔適當嘅嘢嚟比(例如講幾多架法拉利),所以,睇圖最簡單
3. 上半圖下半圖其實同一樣嘢,上半圖係08年雷曼爆煲後冇耐,至到今日。下畔圖係放大咗,2017年中,所謂嘅「縮表」(哈哈哈),去到而家
4. 睇上半圖你睇到,聯儲局在近兩個星期,放嘅水,已經差不多等同於雷曼爆煲時。好似都算合理?唔知,可能係。你睇銀行體系其實好似冇當年咁緊張,但股市就大劑過當年,咁照道理其實股票輸錢係次要問題,點都係保住銀行。但今次如果唔係出咗手,係咪會不可收拾呢?又好似寧願早做好過遲做。
5. 況且,都話相比咯,而家嘅1萬億,同當年嘅1萬億,計百份比都應該唔同啦。又不過,唔通呢個圖都要log scale?幾時銀紙都變咗exponential?wait……其實有冇留意,基本上冇人會show 07 之前嘅數?因為太細了。係08雷曼爆煲後先井噴。你睇香港銀行體系結餘都係一樣,膨脹咗幾十倍。
6. 又,咁樣印錢法,會唔會「通脹」?睇你點定義。冇法唔不停咁回帶講呢段嘢:你睇官方嘅CPI一路都係一年幾巴仙。但,邊個話畀你知CPI係通脹?你以為I for inflation?(其實係I for idiot).
7. Milton Friedman 過街老鼠,畀人鞭屍咗好多年(講真的,佢死得好合時,冇機畀你鬧)。但Inflation is always and everywhere a monetary phenomenon應該都真係好簡單。一般我都係「相信政府」,唔係太多陰謀論。但不能不覺得,咩官方通脹呢啲,真係全世界政府同埋啲精英學者一齊嚟忽悠你班友架啫。又係嗰句,租過太古城未?食過麥當勞未?上過東莞未(聽講以前食米粉好出名,冇去過)?呢啲咪通脹。
8. 有人問,買金。OK的,幾時都係應該。但我城一向都恥撚笑啲學院派(除非同自己同一意見,咪講人話,而我幾時都講鬼話,因為睇番書讀番書)。講咩資產配置必定被人屌。但事實就係,CFA又好CFP又好,叫你5-10%資產放貴金屬呀收藏品呀 (紅酒又好閃卡又好),一定畀你恥笑。然後就咁多年都唔聽人講冇買過金,而家見嘩印銀紙啦我要買金啦(今年先開始印?),之後可能1700蚊買完1500蚊又叫晒救命又話埃汾闔家鏟叫人買金。咁,就梗撚係你問題啦。
9. 所以,「其實唔難」,未買嘅,咪拎你身家5%買金咯。已經有,甚至唔止嘅,就唔使加碼下話?你話賣晒啲股票走去買金嘅,又祝你好運了。再講一次,之前咩十年黃金變爛銅,最痛苦唔係自己輸錢—而係睇住人地買股票買樓贏錢。十分痛苦。所以埃汾個人真係鍾意分散投資,樣樣有份,可能係拖低總回報(係呀最好當年十蚊買騰訊),但至少樣樣有得參加下,唔使睇人贏錢自己冇份。都話,親戚朋友贏錢,慘過自己輸,特別係啲唔熟你又覺得乜撚都唔識嘅親戚朋友。幾多大學生(包括我)見啲無知師奶買樓十球八球咁賺,真係恨知入骨,背後又係嗰種文人酸臭,同埋心中嘅優越感。
10. 我作為一個文青就當然有呢啲不必要嘅ego,但已經越嚟越踏實,都話星展年代份commentary 叫做「Good Cat Weekly」,創刊號客呀Sales問得最多就係點解叫Good Cat,會唔會遲下有Good Dog 之類。除咗證明份嘢內容真係冇乜料到(正係我寫),另一啟示當然係改名好重要。而Good Cat,就當然係鄧小平。後來我每份(講到好似好多份咁,其實只係做咗一年幾)都有解個名點嚟。
11. 總之,Whatever it works,存在即合理。你可以話人垃圾但人地work,咁你鍾意做藝術大師就唔好眼紅人地住山頂。對自己誠實.功夫嘅嘢,捉到老鼠咪好,唔好講咩點勁點勁,聽日畀人炒,你有幾淆底丫,下個月供唔到樓?仔女學費呢?老婆會唔會走佬?仲食唔食到天香樓?短期冇問題。咁下年呢?五年呢?泰臣話頭,個撚個都好多規劃好多套路,直到一上台畀人打到變豬頭之後。
(*)固然其他央行都有做,但呢一輪嚟講,點都係美國最誇張,大陸甚至相當克制。歐洲日本英國大陸過去都印唔少,但,唏,唔好搬龍門嘛,明明美利堅係最大最強(係喎),咁點會唔係入佢數?你印啲人民幣去溫哥華買豪宅咩。
cfa cat 在 貓的成長美股異想世界 Facebook 的最佳貼文
[Cat的2019省思-之五]
Can you "cash out" your knowledge?
年中去考試這件事情, 應該算是今年發生的不智的一件事情了. 不智不是指念書這件事, 而是指藉著報考來逼自己念書這件事.
其實考試教材中, 有些知識, 對我投資&做個股分析來說, 是根本用不到的, 但為了考試, 還是得念! 這也是後來有些讀者問我, 到底該不該報考時, 我的回答是:
如果你是為了CFA那塊金招牌, 好去轉職or找工作, 那就勇敢地去考吧! 如果只是為了充實自己(or滿足虛榮心), 那大可不必. 買教材, 看裡面有用的資訊, 就可以了. 要把時間花在刀口上.
而為了考試, 我前半年也沒有在接觸股市, 等於是把投資這塊暫時放下了.
所以:
1. 挑戰自己很好, 但我決定不花時間繼續考下去了. 賺錢卡實在😅
2. 投資須要多廣泛閱讀, 充實自己的知識, 但時間有限, 要學會做取捨. 總之, 要想辦法吸收"對"的知識, 將知識有效率地變現!
3. 下半年也調整了自己的研究方式, 不再鑽牛角尖(如, 一定要學會繁複的估值這件事), 畢竟再怎麼拚, 我也拚不過受過專業訓練的業內人士, 我也沒那麼聰明. 也告訴自己, 雖然研究公司很有趣, 但不要太學院派. 要找到個平衡點. 該放手的時候, 就該放手, 畢竟研究公司的最終目的是要賺錢, 自己的時間也有限, 不可能面面俱到, 需要借力使力(也就是下面的第5點.) 而在投資上, 運氣也扮演著一個很重要的角色. 也要順著自己的長處去發展.
4. 下半年也花了點時間去學著觀察盤面, 去學著更貼近市場, 這部分也能補足我在閱讀文字資料上得不到的經驗&知識.
5. 謝謝前輩導正了我做研究&看資料的方向, 讓我的眼界也不一樣了. 而我試著多看, 但專注在某些領域. 也試著建立自己的資料庫. 希望可以在強化自己能力圈的同時, 慢慢向外發展.
圖片來源:
https://www.ted.com/…/5…/what_direction_is_the_future_headed
cfa cat 在 毛城城 MoCity Youtube 的最讚貼文
【靚貓不分品種】 「我家貓主子好靚,性格討好親人,好奇心強,唔怕陌生環境,如果參加貓展,話唔定攞獎!」機會嚟啦! 《香港寵物節2019》內有香港黑貓會第六屆冠軍貓展,當中設有家貓組,歡迎貓咪參加。
貓展由香港黑貓會主辦,比賽以六賽圈評選,分兩天進行,每一參賽貓隻會經六位獨立評判按美國CFA(The Cat Fanciers' Association )比賽規例評選,設有冠軍貓(成貓)組、絕育貓組、幼貓組及家貓組。
設家貓組是為了鼓勵更多貓主分享養貓經驗,並展示出不論品種,任何貓都可以很美、被照顧得好好。貓展現正接受報名,歡迎貓主們帶貓咪出賽家貓組,齊齊參加貓界盛事!
想知道參加家貓組的注意事及貼士,即刻Click入條片睇啦!
貓展補習班
內容:分享比賽經驗心得,真貓預演基本梳理和準備參賽的注意事項等
日期:2018年12月21日(星期五)
時間:6:30pm(接待)、7:00-9:00pm
名額:30位(免費)
場地贊助:RUFF & FETCH
地址:九龍佐敦官涌街7 號匯萃商舖
報名或查詢:Whatsapp至9866 9234(Phebe)或9221 6101(Maggie)
香港黑貓會第六屆冠軍貓展
內容:設有六賽圈,每圈有一位不同評判,評審所有參賽貓,再選出十隻作第二輪評審,並排名次及點評
日期:2019年1月19至20日(星期六、日)
時間:10:00am-8:00pm(19/1)、11:00am-8:00pm(20/1)
地點:香港寵物節2019 灣仔會展Hall 3 BCDE
報名方法:網上報名http://entries.cfa.org/onlineEntry.php
名額:預計約 50至70個(4組共250個名額)
費用:報名費$550
截止日期:2019年1月12日或至額滿止
#貓展
#香港寵物節PetShow
#PetShow2019
#香港寵物節2019
#國際寵物用品博覽
#毛城城 #MoCity
#寵物 #pets
#################
一站式寵物資訊平台-【毛城城MoCity】,想睇更多有關寵物嘅猛料? 記得上 www.mocity.com.hk 喇!
![post-title](https://i.ytimg.com/vi/f2bD5VWDWFk/hqdefault.jpg)
cfa cat 在 毛城城 MoCity Youtube 的最讚貼文
美國短毛貓祖先,為歐洲早期移民帶到北美的貓種,與英國短毛貓和歐洲短毛貓同類,但到了今日已是美國著名的品種貓。
【Royal Canin 特約 香港冠軍貓狗巡禮】成身虎斑好霸氣 美國短毛貓
***如想索取Royal Canin純種乾糧現金券,請click入以下連結:
https://goo.gl/forms/8TcRR6CBz2o6by8r2
美國短毛貓以銀虎斑和活潑好動的性格見稱,在霸氣的外表下內心亦可以相當有性格。
今年快將四歲的懵懵便是當中的好例子,曾於14/15年CFA成貓組香港區Best Cat 第6,平時玩起上來可以很瘋狂,在比賽時更加會偏心女性評判。
雖然如此,美短不是「獨家村」,性格友善的牠們也適合與其他動物一起飼養。
想睇美短有幾霸氣?
養佢哋有咩要注意嘅地方?
快D Click入短片慢慢睇啦!
#RoyalCanin
#AmericanShorthairCat #美國短毛貓
#毛城城 #MoCity
#冠軍貓 #Champion #Cat #CFA
#Pets #寵物
#################
一站式寵物資訊平台-【毛城城MoCity】,想睇更多有關寵物嘅猛料? 記得上 www.mocity.com.hk 喇!
![post-title](https://i.ytimg.com/vi/HnsnMf_soMQ/hqdefault.jpg)
cfa cat 在 毛城城 MoCity Youtube 的最佳解答
英國短毛貓喺今年初毛城城的動物普查內,為全港第二多人養嘅貓咪品種。看上去體型圓潤,其實只是擁有較豐厚的毛髮,所以看上去比較「圓碌碌」。
***如想索取Royal Canin純種乾糧現金券,請click入以下連結:
https://goo.gl/forms/8TcRR6CBz2o6by8r2
被譽為擁有「天鵝絨」一般順滑毛髮的牠們,祖先可上溯至古羅馬帝國時期,當時有人將牠們帶到英國,然後慢慢變成了今時今日的英國短毛貓。
性格忠心、機警的英國短毛貓,在羅馬時期曾為軍人看守糧倉;後來亦得英國郵局「賞識」,成為了郵局的捕鼠專員,時至今日仍有郵局以約一英磅的週薪聘請牠們作為私郵局的吉祥物。
屬英短的Rosa,今年三歲,曾得CFA香港地區的「國際區冠軍貓」、「超級冠軍貓的榮譽等稱譽。雖然在貓展舞台上得獎無數,但牠毫不驕傲,而且最喜歡被人按摩。
想知體型圓碌碌嘅Rosa有幾得意?養佢哋有咩要注意嘅地方?
快D Click入短片慢慢睇啦!
#RoyalCanin
#BritishShorthairCat #英國短毛貓
#毛城城 #MoCity
#冠軍貓 #Champion #Cat #CFA
#Pets #寵物
#################
一站式寵物資訊平台-【毛城城MoCity】,想睇更多有關寵物嘅猛料? 記得上 www.mocity.com.hk 喇!
![post-title](https://i.ytimg.com/vi/3cflhi40wGs/hqdefault.jpg)
cfa cat 在 8 2016-17 CFA's Top Cats ideas - Pinterest 的推薦與評價
Jun 7, 2017 - Explore The Cat Fanciers' Association's board "2016-17 CFA's Top Cats", followed by 885 people on Pinterest. See more ideas about cats, ... ... <看更多>
cfa cat 在 CFA - The Cat Fanciers' Association, Inc - Home | Facebook 的推薦與評價
CFA - The Cat Fanciers' Association is the world's largest registry of pedigreed cats. We preserve pedigreed breeds and enhance the well-being of all cats. ... <看更多>