公司推出新業務,修讀成家網上投資課程可獲證監會持續進修學分(CPT)!
【10月精選增長股分享課程】/TEST2J
講者: 紅猴簡志健 × Larry洪龍荃
時間: 2020年10月7日 19:00-21:30
*網上課程,報名付款後獲登入login到時收看
CPT時數2.5小時
費用: $600 (不包證書)
連同CPT出席證書費用:$618 (持牌人有用!)
【報名及課程內容】
https://homebloggerhk.com/course_detail/?code=TEST2J
【查詢:(手機可點搫→) WhatsApp 91010168 】
************************************
課程綱要
ロ審視最新投資方向及注意事項
ロ分享最新值得關注的增長股/增長板塊,導師作出深入分析,同學可以更清楚箇中原因,投資更有信念”
ロ你問我答環節(同學可以事先提交問題,導師會做好準備回答*)
是次課程分享內容包括以下板塊/股票
紅猴會講兩個板塊/股票
現在決定其中一個是「精選港美上市SAAS(雲端服務)」
另外題目會是當時最有價值的,特選比各位
*************************************
講者1: 紅猴(簡志健)
本港知名第一代財經博客,【博立】創辦人,網文累計瀏覽人次超過400萬,模擬投資組合於過往十多年大幅跑贏恒指
現為中原資產管理投資總監,和Larry Hung聯乘「中原博立」,幫助客人管理股票投資組合
2014年著作《港股A餐》大受歡迎
《信報》專欄作家、《now財經台》客席嘉賓
● 紅猴導師融匯過往投資經驗及方法,建構出「立體九宮格」選股/投資法,配合年報/業績重點分析,近年主力發掘和投資增長股,倍升例子包括Hypebeast(150)、美東汽車(1268)、頤海國際(1579)、愛康醫療(1789)、錦欣生殖(1951)、雅生活服務(3319)等
講者2: Larry Hung 洪龍荃 CFA(特許財分析師)
中原資產管理投資總監,博立品牌聯合創辦人;擁有多年基金管理經驗的基金操盤手,知名投資博客;
曾於亞洲最大對沖基金公司惠理基金擔任基金經理,主力管理旗下一支30億港元之長短倉基金,;
出版過多本投資書籍,當中以《一步步致富》系列最廣爲認識
cfa login 在 君子馬蘭頭 - Ivan Li 李聲揚 Facebook 的最佳解答
[50日升四成,果然有危有機]又係嗰句,大把人牛市都未賺到四成啦。仲拗乜鬼熊市反彈定真係牛市?當然係data mining,但好過啲友mine都mine唔到齋吹唔做
1. 上個post講咗香港。5月22 號講到世界末日嘅嘢,7日唔夠已經收復返晒。
2. 同一道理,唔止講香港。你睇美國?又乜乜又物物,幾千萬人失業,N咁多人死,幾次熔斷,幾次史上最大跌幅,失業率狂升,GDP講緊跌三四成。3月尾我同人講「真係大鑊得過金融海嘯?」,呢度(係!甚至係呢度)啲十年唔出聲嘅屌到我七彩,話今次唔同喎,好多人死喎(https://bit.ly/2U7zibt)。
3. 係呀,真係好多人死。AND?
4. 最近呢50日(正係見底後嘅50日),標普指數反彈40%,係史上最強嘅50日升幅。果然「今次唔同」,「今次好大鑊」—沽空嗰啲。
5. 當然啲網友唔使擔心,因為佢地只會口講,唔會走去拎三百蚊去沽空。哪怕係買過三百蚊嘅,下次都冇咁大聲。因為在茶餐廳睇波嘅阿叔最醒,所有調動都係完美的。
6. 「升咗咁多咁仲有幾多水位?」「係呀,貴咗好多,升咗40%你先追,就梗係大啲風險。咁你3月又嚟屌我?」
7. 你見我攻擊啲淡友,其實不然。市場幾時都有人睇好有人睇淡,況且正係咁先有交易,先有流動性。你睇每一tick嘅股票交易,每一tick嘅外幣交易,都係有人睇好有人睇淡先有交易。否則港交所而家300蚊,你覺得值400蚊,我又覺得值400蚊,人人都覺得值400蚊,就唔會有trade.
8. 結論?永遠都係Greed and Fear.升嗰時又升過籠,跌又跌過籠。公司都係嗰間。以香港為例,得罪講句,有冇國安法,騰訊會賺多咗賺少咗幾十億?定中移動要多啲開支去捉人?
9. 哦,信心。咁你而家咪睇到,市場個信心係點咯。市場係由咩人話事?係你啲網友?埃汾唔係大戶,唔係基金經理。但至少同行外人比,我會比較知佢地諗乜,睇乜。
10. 咁你話,唔係喎,肺炎咁封城,酒店真係賺少咗。係會的,唔止賺少,分分鐘執笠爆煲添 —所以3月咪跌到七彩咯。但唔係到你而家先仲去諗,喂,酒店會爆煲喎,沽空佢先。股價反映消息同預期,極快。
11. 當然要低位撈到高位走到,近乎不可能,否則發咗達。但都係嗰句,至少你做到唔好高位追低位打靶。謙卑啲,唔好當自己乜都識。覺得唔叻嘅(好似我咁),咪月供指數,或者買大公司Buy and Hold 咯
12. 係呀,有風險架。落街買飯都有風險,點算?做愛都有風險,生物老師好認真咁同我地講,唔做咪冇風險。
13. 但幸好我地嘅祖先,並冇因為「有風險」而唔做愛。有嗰啲悲觀基因嘅,咁多年演化後,應該係絶晒種。
14. 咁做乜仲有啲乜都好似好悲觀嘅人,仲未絶種?舊文第17點講過了。嗰啲人只係口不對心,或者虛偽。覺得港紙爆煲嘅,做乜唔搵老細安排美金一折出糧?覺得星期六核爆嘅,仲約人下星期食飯?即係睇好股市嘅,當然要買(例如埃汾)。咁,覺得爆煲嘅,點解唔沽空?Skin in the game 嘛,套戲咁正,點解Nicole Kidman自己唔剝衫,而去點Meg Ryan 去剝(https://bit.ly/2Y2uXHL)?
15. 在金融市場打滾多年,我做過出份糧嘅從業員,自己炒過,投資過,開過班教人,寫過文,做過分析員。肯定嘅係,金融市場最迷人嘅地方,係錯咗會有代價。當然有大有細。出份糧做從業員,睇錯冇事嘅。公司做刁拿,炒錯一兩次,都冇事嘅,公司錢之嘛(長期當然就會畀人炒魷)。但自己落場買嘅(炒又好投資又好),最現實,睇錯,會輸錢嘛。No room for 鳩up
16. 所以啲友係唔會落場的。因為一落場就會prove them 柒,仲會輸錢。企定定指手劃腳就最好。升就阿爺托市咋下星期就跌挑升千幾點你出嚟認屎認屁CFA好叻呀分析員好叻呀買咗樓好叻呀識寫文好叻呀?跌就拿我都一早預咗啦等啲財演仲唱好害人不過我自己冇沽架因為我唔重視物質咯唔似你咁撚市儈所以寶寶一早乜都知但寶寶不說。
17. 其實如果咁就滿足嘅,個人都幾易快樂的。可惜我都係鍾意有幾億身家多啲。
18. 係呀,真係有風險架。你點知下星期唔會解放軍屠城?係喎,有可能架。但其實如果咁諗嘅,根本過去23年你都唔會買任何香港樓香港股票。然後你今日就會好幸福?
19. 當然你23年嚟一路買美股嘅,就梗係叻。但根本嗰啲人就係唔會咁做的。因為可能會核戰架嘛!你點保證唔會?係有咁嘅風險架喎。
20. 事實係喎,咁你點判斷呢啲風險有幾大?又唔係教科書嘅畸屎。搵日再寫文,但教你一個好簡單嘅法則:你睇下講嗰條友,嘅track record,同埋睇佢係咩人咯。茶餐廳阿叔咁撚好波嘅,做乜美斯仲可以呃飯食?
21. 你嘅人生,除咗你嘅基因外,就係你一連串決定嘅後果。成撚日做錯決定嘅人,係睇得到的。你身邊係咪總有啲去到邊度都係畀同事針對嘅人?係咪有啲總係遇到賤男嘅女仔朋友?或者總係遇上仆街港女嘅男仔朋友?總係有原因的。點解你成日畀人中出即飛?因為你唔叫佢用套咯。點解你成撚日畀女呃錢?因為你畀錢佢咯。
22. 都仲未講,金融資產(股樓金匯都係),仲有一樣最難搞嘅地方,就係價格。
23. 呢度嘅讀者見我寫好多次,應該都知基本法則:業績冇所謂好定差,只有好過預期定差過預期。明白呢樣嘢,就知道點解有時啲公司業績勁爆都照跌,或者盈利大跌都照升。
24. 呢個想法可以推而廣之去到其他嘢。例如都寫過好多次,之前你見美國啲失業救濟數據,好恐怖的—但就正係最恐怖嗰個星期股市見底。之後再幾百萬幾百萬,又如何?失業救濟4月勁升,但股市3月就狂瀉啦!唔會等你出數先。正如你而家先講第二季經濟會點差點差,who cares?3月嘅環球股災咪就係反映咗第二季經濟點差點差。而家係睇緊第三季點反彈(所以,如果呢排有線索見到個反彈會太冇力,可能就會跌架啦)
25. 啲咩內幕,去到你都知,仲會係乜內幕?乜都反映晒啦。咁點會有價值?真係要等政府宣佈你先知失業率高?要等國泰出業績你先知蝕錢?
26. Bonus:話埋你知,以往咁多次,50日升到兩成以上嘅,好多時都係大牛市嘅開始,打後6個月12個月都仲有不錯升幅
27. 係喎,歷史之嘛,唔一定重覆架。包生仔咩。有風險架,唔好買丫。不過其實唔買都係有風險。根本做人就有風險。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
cfa login 在 君子馬蘭頭 - Ivan Li 李聲揚 Facebook 的最讚貼文
[創意財務報告]凡事不能睇表面。
1. 上文講過,航空租賃當然係個極之capital intensive 嘅行業。發債或問銀行借錢返嚟,同波音空巴買飛機,租出去畀航空公司。本質上有啲似銀行,左手交右手,賺差價。當然係要有一定槓杆。
2. 以下就係中銀航空租賃(2588)同中國飛機租賃(1848)嘅2019年報。2019年底嘅數,中銀航空就放最左,中國飛機就最右,已FC
3. 就咁睇,或者啲亂咁睇年報亂作文嘅人,就梗係見中銀航空290%(2.9 times嘛),中國飛機就82%,前者高啲,槓杆大啲,危險啲
4. 你見咁問得你,就當然唔係。
5. 關鍵?好簡單,啲細字,大家計法根本唔同。
6. 大家個分子應該係同一樣嘢(*),但分母就爭得遠咯!中銀航空係as % of equity,中國飛機係 as % of asset.喂!爭好遠!特別係對高度槓杆嘅行業。
7. 會計101(**),asset = liabilities + equity 啦下。道理上,即係你間公司嘅資產,一係股東自己,一係就由街外人finance.
8. 如果同一條式計會點?就當用中銀航空條式(其實一般都係as % of equity).咁中國飛機嘅情況,liabilities (***)係asset 82%.不難計到,即係asset 100蚊,liabilities 就82蚊,equity咪18蚊。如果大家都用中銀航空條式,佢嘅gearing 應該係82/12 = 680%!
9. 順手提埋,所以有啲人走去比較不同公司嘅ROE(return on equity,net profit as % of equity),其實近乎冇用。唔同行業固然冇得比,但同行業都好,可能睇ROA(return on asset,net profit as % of asset)好啲。
10. 你見例如呢兩間公司,中銀航空ROE 16%,中國飛機就23%。係咪後者好啲?梗係唔係啦。我290% gearing 就有16% ROE,你680% gearing 先23% ROE,你個ROE係因為槓杆倍到好大,loop loop loop 大法得出嚟嘅。背後ROA前者高好多,逆市咪見真章。
11. 最後,你話,咁都得?大家唔同定義都得?答案係得的。雖則係官方文件,但呢啲乜乜ratio全部公司自己計,唔係份核數師報告嘅一部份—有時核數師報告都有埋,但亦可以各師各法。
12. 當然了,分析員又好,基金經理又好,當然係要蘋果對蘋果,大家統一。所以咪要初級分析員去入返正啲數,唔好公司話89%你又話89%—而一般稍為大啲嘅行(星展有,但耆英在我走當年都未有),直頭有third party software,全部standardize了。
13. 而基本上,即係卡片只得FRM嘅即係唔係 CFA,叫自己乜乜乜碩士嘅就係讀唔到博士,全球頭30大就當然係廿八廿九(否則會叫自己全球25大)。(https://bit.ly/2ymhdPd)。咁所以,好似中國飛機呢啲,分母要用total assets(而唔係一般慣用嘅total equity),就梗係個數嚇死你啦。有氣質,即係唔靚。有才華,即係冇錢(好似埃汾咁)。
(*)gross debt 同 total borrowing 係咪一樣,就又睇定義之類,但望落差不多。嚴格嚟講應該用net debt,只計銀行貸款或債券,減返現金。其他啲負債例如receivables 之類唔計
(**)呢個都唔知嘅冇計,但舊文都有講過下(http://bit.ly/2SkrDEG)。最尾嗰兩段
(***)liabilities又唔係完全等同 gross debt 或 total borrowing,見(*),但簡單起見,是但
——————————————-
版務:收費專欄已推出,支持埃汾高質文章。幾舊水睇三個月,一星期三篇
請去呢度訂:bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com (見到就睇到《事先張揚》),亦睇得返以前嘅文。一般我都係會黃昏出文嘅。