關於 club gc 會員 ，我們在網路上蒐集到這些相關的討論、資訊與評價

【九龍香格里拉大酒店優惠+入住報告】房價低至$780！Jade會員仲送早餐！！

👉完整相片：flyformiles.hk/28139
💥最後一日預訂！香格里拉酒店優惠！可加雙人早餐兼改日子！港島香格里拉大酒店$1,000、九龍香格里拉大酒店每晚只係$780起：flyformiles.hk/27410

終於喺香格里拉呢個低至半價優惠住埋九香KSL俾大家比較下！KSL房價低至$780！Jade會員仲送早餐！！雖然本身咁平但我屎忽痕加錢加到住Premier Harbour View Suite@_@‘ 真心覺得唔需要俾錢上Suite，因為個海景大家都差唔多，普通房都一樣咁靚hahaha

同埋宜家KSL六日會開返Cafe Kool早餐，個早餐又係勁多野食！應該係可以食到個半鐘呀！所以無論係喺Club Lounge食定Cafe Kool食都勁正呀！

🎁最佳住法
如果你有埋香格里拉金環會翡翠級會籍Jade會員 (flyformiles.hk/19435/) ，即係 AE白金卡 (flyformiles.hk/7913)送個張，都已經包埋早餐，其實都幾抵架！Diamond會員仲可以入埋佢個Club Lounge添！Club Lounge有晒Tea及Cocktail供應，仲未計可以提前於11am登記入住及退房時間延遲至4pm，同埋金環會儲GC分仲有15%回贈！

🚴‍♀️健身室同泳池
Gym呢幾日就開返了！KSL個gym都幾細！泳池就無開啦！但行過見到有水影埋俾大家睇呀～

🏨房間
Jade會員入住，聽返大家講都會大約up一級左右！但我想住suite既關係，我就自己俾錢up咗去Harbour View Suite @_@‘’ 間房既設計我會講係古色古香，比ISL更古色古香！有人鍾意有人唔鍾意，我自己就一般般啦！不過佢個海景真係好鬼靚，靚過ISL好多！！而且仲有杯麵送返個，可以俾我做宵夜hahahaa 不過無熊仔！哈哈

備品套房係用l'occitane，真係好香好香好香～

茶包同ISL一樣，仲係勁多茶包送，仲有碧羅春添，我就最鍾意飲茶啦！

跟住除咗浴袍外，仲有日式浴衣添，岩晒大家打卡用！

同埋KSL張貴妃椅又係打卡位，哈哈哈！必影啊！

🍡Club Lounge
然後個Club Lounge都有基本野飲同啲曲奇咁，由於佢有勁多窗口位既關係，所以勁多打卡位！大約3-5係下午茶，6-8就係雞尾酒時間！下午茶個幾個burger超好食！雞尾酒就有啲熟食同點心，不過無ISL咁多，同埋酒都少啲！但有紅棗茶都幾得意～Diamond會員同套房都可以免費入啦！記得食啲burger仔呀！好快會俾人拎晒架！

🍌早餐 (重點！)
最後梗係要講下個早餐！香格里拉個早餐真心無得輸！尤其係KSL個海景view！所以最好早少少落去霸位呀！

同埋宜家逢星期六日 (唔定架) 樓下buffet 會開返，所以如果無Club Lounge既，就需要落樓下Cafe Kool食，雖然無海景，但勁勁勁勁勁勁勁多野食！基本上Club Lounge 早餐有既野都有，係無牛扒同pancake啫！

如果係平日check in的話，因為Cafe Kool唔會開，所以就會上返Club Lounge 食早餐，故此就算你唔訂Club，你都可以試到佢個超癲既牛扒水波蛋早餐！另外仲有好多pancake你食！所以堅係正！

但就算要喺Cafe Kool食，我覺得都十分值得一試呀！我諗媽媽級會想喺Cafe Kool食Buffet Breakfast咁食啊！

💋總結
KSL我覺得住返基本既海景房都已經好夠，因為你個海同我個套房海都唔是差好遠，備品又有l'occitane！宜家仲要有優惠一晚只係$780！同埋記得要加埋個無敵早餐！必試呀！個優惠做到9月13日今日就完！想試就要快啦：flyformiles.hk/27410/

【港島香格里拉大酒店優惠+入住報告】房價低至$1,000！Jade會員仲送早餐！！

👉完整相片：flyformiles.hk/25008
💥香格里拉酒店優惠！可加雙人早餐兼改日子！港島香格里拉大酒店、九龍香格里拉大酒店、香港嘉里酒店、JEN酒店每晚只係$480起：flyformiles.hk/27410

終於到我試咗ISL啦～～～我期待已久呀！因為房價低至$1,000！Jade會員仲送早餐！！雖然本身咁平但我屎忽痕加錢加到住Deluxe Harbour View Suite @_@‘ 真心覺得唔需要俾錢上Suite，因為個海景大家都差唔多，而且備品我鍾意l'occitane多過Acqua Di Parma，嘻嘻！除非你鍾意有張訓到成4個人既床，我諗呢張係我成世人訓得最大既床，真係180度打橫訓都惦🤣

🎁最佳住法
如果你有埋香格里拉金環會翡翠級會籍Jade會員 (flyformiles.hk/19435/) ，即係 AE白金卡 (flyformiles.hk/7913)送個張，都已經包埋早餐，其實都幾抵架！Diamond會員仲可以入埋佢個Club Lounge添！Club Lounge有晒Tea及Cocktail供應，仲未計可以提前於11am登記入住及退房時間延遲至4pm，同埋金環會儲GC分仲有15%回贈！

🚴‍♀️健身室同泳池
Gym呢幾日就開返了！ISL個gym都幾大，有勁多機！不過我又覺得啲啲機有啲太密，好似同人好近咁！泳池就無開啦！但行過見到有水影埋俾大家睇呀～

🏨房間
Jade會員入住，聽返大家講都會大約up一級左右！但我想住suite既關係，我就自己俾錢up咗去Deluxe Harbour View Suite @_@‘’ 間房既設計我會講係古色古香，有人鍾意有人唔鍾意，我自己就一般般啦！不過佢個海景真係幾醉人既～而且仲有杯麵送返個，可以俾我做宵夜hahahaa 跟住又有隻阿Tony熊仔 (要$138架，做慈善既，所以大家都可以買)，套房仲有個l'occitane既類似過夜包送返，係十分正！

但備品套房係用Acqua Di Parma，但隻味我覺得太男人hahaha 好似啲鬼佬香水XD 我都鍾意普通房送既l'occitane沖涼多啲！

同埋同埋香格里拉比起其他酒店特別多茶包送，仲有碧羅春添，我就最鍾意飲茶啦！

跟住除咗浴袍外，仲有日式浴衣添，岩晒大家打卡用！

🍡Club Lounge
然後個Club Lounge都有基本野飲咁，逢17:30-19:30就有熱食，有晒酒、勁多點心同甜品！Diamond會員同套房都可以免費入啦！至於其餘時間就有啲cake食咁，同埋有佢自家既三文治，我覺得都幾點架！

🍌早餐 (重點！)
最後梗係要講下個早餐！香格里拉個早餐真心無得輸！尤其係ISL個海景view！記得要坐最入面個張枱，果個景真心不得了！

另外留意返由於佢宜家換咗menu，所以以前最出名既龍蝦炒蛋同牛扒都會無咗，如果想食既，就可以前一日同酒店講定，佢地有材料都可以煮俾你食呀！

至於宜家既早餐就係可以喺Club Lounge同Petrus食，有基本既中式同西式早餐外，仲有日式早餐添！我覺得個三文魚幾好食呀！另外有朋友都試過食鯖魚，都very正！同埋再有egg benedict 同點心拼盤啦！竹昇麵都值得一試架！

之後ISL仲有一舊細細粒綠色既菠蘿包，好好食，堅好食！我好_憎食包都覺得好好試，必試！

💋總結
ISL我覺得住返基本既海景房都已經好夠，因為你個海同我個套房海都唔是差好遠，備品又有l'occitane，只係少個過夜包啫！宜家仲要有優惠一晚只係$1,000！同埋記得要加埋個無敵早餐！必試呀！個優惠做9月9日就完！想試就要快啦：flyformiles.hk/27410/

【九龍香格里拉大酒店 KSL】

🎯香格里拉集團限時優惠KSL低至HK$650+/晚：MrMiles.hk/shangri-la-promo/
▶️2個KSL優惠及訂房網址：MrMiles.hk/kwoloon-shangri-la-hong-kong/

上個weekend去咗KSL住咗兩晚，價錢唔貴但超滿意。都係果句，有AE白金卡 ( mrmiles.hk/ae-charge ) 拎嚟既GC Jade (mrmiles.hk/golden-circle/) 會員本身最平已包早餐同4pm late checkout，呢口價真係超推薦你去試玩KSL staycation。

其實先前住過ISL $1,000+/晚 ( mrmiles.hk/island-shangri-la-hong-kong/)果次都已經對香格里拉集團嘅水準有一定信心。不出所料，KSL個早餐都係超超超超超超高水平，所以我第一張相就已經放咗佢早餐個signature dish 牛扒蛋！

要comments嘅地方好多，今次先主力講下早餐同埋我嘅入住建議。

💡早餐
現時因為入住率唔高所以樓下早餐buffet未必日日開，咁如果唔開的話酒店就會rellocate啲客去頂樓Horizon Club到食。而可以去Horizon Club食早餐我覺得係成個入住最正果件事，佢哋用半自助型式，有A La Carte menu俾客人叫一份，之後你再可以再去拎嘢食咁。我就試咗

1. 牛扒蛋：牛扒好食，隻蛋都超好食，我問啲staff點解隻蛋啲味唔同佢入去問返師傅話因為全部蛋會用「牛油清」嚟煎，所以特別香，你可自己google下咩嚟。連伴碟既鮮露筍苗都好好食

2. 五香肉丁公仔麵，借用讀者comment (肉丁麵專家嚟)，佢既評係“用心“，首先啲五香肉丁係用正牌貨，（係有假既肉丁）同埋個麵底煮得好好，有過冷河麵身夠彈同軟硬適中，美中不足係個麵好少，應該唔夠一個麵餅同埋唔係出前一丁麵底

3. 叉燒奄列，配埋以上2就係好港式嘅早餐。又係超好食，蛋好香，叉燒切碎咗同奄列好夾。如果自問你係港式早餐fans的話真係唔好錯過KSL呢個配搭。下價食材但用心高級既制法正正係KSL體現。

另外如Club full，會再有機會轉落去Angelini到食，名牌意大利餐廳廚房出品，有讀者兩間都有試，Angelini塊扒係仲好食！

💡房間
留意香格里拉同其他集團唔同，佢哋唔係有房就upgrade而係本身房爆咗先upgrade。我就兩隻房partial harbour view同harbour view都睇過。真係無比較無傷害，本身我以為自己住partial harbour view就夠，點知一住harbour view room真係覺得返唔到轉頭，佢個維港景因為夠近海，同係其他Conrad/ RC/ ISL/ Hyatt TST等比較，我覺得係嬴個馬鼻。而正正係因為個view咁好，可以補償到間酒店比較舊少少既不足！

簡單嚟講住KSL，食個早餐同埋佢個view就已經值回票價！住兩晚有低至HK$650+/晚又或者一晚HK$780+都真係無乜得輸！未訂嘅快啲趁限時優惠Book返晚試下！