話說今日人妻先生去左海港城,正所謂「心情好買鞋、心情唔好買鞋」,我就試圖消費一下,希望振興香港經濟啦。
點知,買完野行行下街,大概因為人品唔太好,遭受天譴突然間個紙袋卡一聲爛左,我名副其實「一地都係」。我人急生智,就衝左去旁邊的Cova 餅店度問:「唔好意思,可以借我一個紙袋嗎?」
之後個店員斜眼+西面答「無喎!」
嘩,呢一刻,我終於相信自己返左香港,呢種「過主啦,乞兒!」的嘴臉,除了香港也再沒有第二個地方可以為我帶來這種侮辱。
唔俾袋無問題,大家各為其主打份工,我都唔會難為你。你可以答「公司policy要買野先俾袋」,咁我咪買囉,你幾錢一件蛋糕、又幾錢一杯咖啡姐?家陣香港地邊個俾唔起幾十蚊?你講左我都要死R你個袋就話我唔岩姐,你駛唔駛咁樣嘅態度講野呀?
你唔幫公司sell我都算啦,但你可唔可以作個好啲嘅大話?大佬,你啲客買完cake好似非洲人咁捧上頭頂行架?幾百蚊買個蛋糕點會紙袋都冇個呀?我兩年前你中環分店在我樓下,我邊次買cake冇袋架?我課足你班粉皮一年金呀!大佬,講大話都算,但可唔可以唔好侮辱大家智慧?講個好啲的大話,例如尋晚有怪盜偷走晒啲紙袋、外星人入侵地球要用cova特製矜貴紙袋整防護網嘛!你咁講,我咪信囉!
COVA Milano - Hong Kong 我講明呀,依家唔係屈你送乜送物,我唔係垃圾廢老Q,唔好諗住送個蛋糕過黎,我當你面扔去餵狗,費事人地以為我未食過垃圾。
唔講啦,食tea buffet... 啲紙袋留返俾你地煲醋啦!
#由今日起邊個敢送cova俾我
#佢死俾我睇
cova tea buffet 在 王穎 Wing WONG 化妝/攝影 / KOL Facebook 的最佳解答
一見如故的意思應該係第一次見,只用兩個鐘頭就如數家珍般的知道晒大家的前半生!仲齊齊享用左COVA Hong Kong 一個豐富的tea buffet 之外,了解埋在名店 Harvey Nichols HK買了的 Evie Beauté 產品有幾正!😆😍 多謝晒!