[餐廳推介 -- Ciao意式私房菜]
尋晚朋友話帶我到深井食好嘢，我心諗:「咪又係食...燒...鵝!!」，但原來錯哂...係到Ciao 意大利餐廳食意式私房菜!! 呢間意式餐廳樓高兩層，地下環境都幾浪漫，啱哂拖友嚟sweet sweet，我哋一到步就上咗二樓，呢到環境就好適合一大班親友一齊gathering，睇相你哋就知喇....係咪好吸引呢~^^~
話明係私房菜，當然食時令嘅菜式啦，每一道菜拎出嚟都好有驚喜，想唔想知我哋食咩呢?? ~^^~
前菜:
[墨魚油醋沙律] -- 墨魚爽口彈牙，油醋汁好有特色，呢個沙律係季節性期間限定，想食就要快喇~^^~
[香草煙肉露筍卷] -- 露筍幼嫩，煙肉香脆
主菜:
[香草燒焗羊架] -- 羊架嫰滑多汁，而且帶有獨特味道及口感，讚!!
[意式濃湯浸龍躉] -- 用意式什菜湯浸煮龍躉尾，魚肉鮮嫩彈牙，什菜湯滲入咗魚香，令到湯濃而味鮮， 而龍躉皮更係軟而滑，每一啖都有好多....好多....好多....好多嘅骨膠原，真係一 絕 。
意粉:
[意式海鮮燴寬條麵] -- 呢個寬條麵用咗黃金蜆及海蝦嚟燴煮，令到每一條麵都吸滿咗海鮮嘅精華，好味到一條都冇剩呀!!!!!
[牛肝菌意大利飯] --味道濃郁，creamy，每粒米飯都吸收哂所有材料嘅味道精華，軟稔中帶點煙韌，正!!
甜品: [Tiramisu]
呢個Set 足夠4人享用，食材又好新鮮，每位連一杯紅／白酒，只係$380就食到咁有水準嘅意大利私房菜，真係要多啲同朋友嚟先得喇，餐廳老闆仲話比我哋知，會不定時推出期間限定嘅私房菜式，等我快啲約齊飯腳，再嚟試試先得!! ~^^~
PS: 記得要預訂先食到最時令嘅私房菜o架 ^^
地 址︰深井深井村85號地下
訂座電話︰2496 4223
Ciao #好好味嘅意式私房菜 #深井終於有好野食喇
