關於 dama discharge ，我們在網路上蒐集到這些相關的討論、資訊與評價

<士氣低落>
護士呢份工辛苦既地方, 最近因為怨氣愈嚟愈多, 都已經有好多人一一列舉過, 呢度就不作詳細描述啦。

雖然我只係jun過super junior既fresh grad, 但係呢唔夠4個月入面, 已經感受到係公立醫院番工, 有時真係可以令人好氣餒。

病人排隊做冇咁緊急既手術, fast(禁食)足三日, 都未排到佢。雖然話就話有條糖水鹽水俾佢吊住, 但太耐唔食野, 難免會覺得辛苦。所以病人要求DAMA(discharge against medical advice, 指強行出院), 但由醫生解釋過強行出院既風險之後, 病人決定留低。

病人家屬因而走出黎向我呢位街主抱怨: “你地作為前線醫護人員, 一定有數據會知道要等幾耐先有得做!” “點解唔一早講要等咁耐! 早d講我地就去私院!” “呢d事一定唔係第一次發生, 點解你地唔反映下?!”

抱歉, 因為如果有人情況比你緊急又要做手術, 就會出現插隊情況。

抱歉, 我地冇辦法俾任何數據, 因為我地真係唔會知咩時候會有比你危急既病人出現。

抱歉, 我作為一個前線醫護人員, 只係龐大醫管局機構入面既一粒塵, 正如你所講, 問題一向存在, 歸根究底都係因為人手不足。
我反映, 又可以改變到d咩？

我花左15分鐘去安撫呢位冇打算停止抱怨既家屬, 終於因爲佢電話響, 我地終結左對話, 然後我番番去繼續寫我未寫完既十幾塊牌板。最後病人等左5日先排到佢做手術。

除了無奈, 還是無奈。

更無奈既係, 曾經向身邊非同行既朋友呻, 番工訓無定時, 每日例行OT冇得補鐘冇得補錢, 忙到坐又冇得坐尿又冇得屙, 換黎朋友既一句:
“你人工咁高!”
呢句說話, 老實講, 仲難聽過粗口。

知道內情既, 會知道其實如果以工作量計算, HA既護士真係underpaid。同大眾好鐘意話我地”人工高”一樣, 當下聽到呢句說話, 只係令到我覺得我地既情況不被理解。再者唔好忘記, 仲有好多好多EN(登記護士), 同RN(註冊護士)做一樣份量既工作, 人工卻更加低。

最後我想講, 如果有護士朋友同你呻番工辛苦, 記得千祈唔好話佢人工高。默默聽佢呻下, 佢就已經好感激你。

#向全港公立醫院醫護人員致敬

《 聖誕節🎄咩黎架？ 》

大時大節一班醫護都要返工on diu ty😢
大家唔好飲醉酒、仆街、搞到要入醫院😶
增加我地的醫療負擔😡

我最記得試過收一個二十歲的_靚妹！
在K房飲到爛醉，又食煙又成
佢又有哮喘底，佢又嘔血又SOB(shortness of breath)
On住100% O2 mask訓床咁送上黎
而佢旁邊就係佢的「男朋友」
我當下真係完全除左「珍惜生命、潔身自愛」之外
諗唔到其他更貼切的說話🤬
當然故事的結尾係佢訓醒第二朝
酒醒覺到魚皮同埋我地好煩
就死都話無事要出院🙄
話要DAMA啦（discharge against medical advice)

飲酒飲到嘔血 胃鏡都唔想做
食煙食到哮喘發作 話唔洗你理
咁下次叫「男朋友」唔好打999 call白車得唔得？

你話大時大節返工有咩辦法唔燥底？
話晒我地都拋夫棄子 含住泡眼淚咁返工

我除左默默咁感受寂莫
我諗唔到更好的方法去平伏「我都想放假的心」

在聖誕節中PAN風雨同路的人們🤫
你們懂的🐯

Tag同你一齊返工的戰友們吧

《急症踩過界》

剛剛完成一年實習，大多數同學都會選擇留在公立醫院繼續受訓，我亦如願以償地投身了急症專科，準備迎接新一輪的挑戰。由實習醫生(House Officer/HO)晉升為急症科的駐院醫生(Medical Officer/MO)後，無論是工作或生活上都有一定的轉變。

初來報到的第一週，在診症格接電話時還是會不經意說出那句熟悉的「喂Houseman」，在EMW(Emergency Medicine Ward；急症科病房) 巡房時，又常常要塗掉那一行慣性寫下的HO，到後來發現自己開始能獨立簽署SL、DAMA、Form 123與2 MO Consent（註1），才真真切切意識到身分的轉變。

在急症室工作不用再攜著一部隨時作響的傳呼機，心理壓力頓時大幅減少，不過當咪高峰傳出「R房留位」等字眼，作為新人的我也不禁有點緊張。過去一年的值班生涯也被日夜顛倒的輪班生活取替了，每個A(早)、P(午)、N(夜)更的Shift duty通常以八至九小時為單位，有時候是朝九晚五的正常辦公時間，有時候卻要在凌晨時份才開始下班或上班。不過對我來說，返Shift也總比On call來得舒適一點，一晚Night完結了便可以立即回家休息，樓上Post-call的同事還要在翌日繼續工作呢。

除了工作時間比較有彈性，包羅萬有的病症和故事亦是這裡的吸引之處。

一個月內，我已經遇過數百位病人：為被野狗咬傷的男子安排疫苗注射；替魚骨鯁喉的中年漢「釣魚」；為意外被漂白水濺到的嬸嬸沖洗眼睛，再作裂隙燈檢查；重操故業地在小孩的手背或腳板上抽血化驗；給陰道出血的孕婦作窺鏡檢查，再利用超聲波探測胎兒的位置與心跳；從X光片中搜尋出各式各樣的骨折，包括肋骨、鎖骨、股骨、脛骨……求診者帶著林林種種的主訴前來，A&E就像一個萬應室，集內科、外科、家醫科、皮膚科、耳鼻喉科、眼科、兒科、婦產科與骨科於一身，常常要「踩過界」涉獵不同範疇的知識。

但說到在上班時最常遇見的，還是那些根本與急症沾不上邊的「踩過界」個案。普通的傷風感冒也算了，就當是最近的夏季流感高峰期引起了公眾恐慌，但什麼生雞眼、生痔瘡、腳指尾痕癢的，可以先去看門診或者找你的家庭醫生嗎？有些病人更帶來一堆來歷不明的醫療報告說要來港跟進，又要求立即打點滴、照MRI，最好是免費送他一套驗身套餐再獻上病假紙吧！這樣子濫用急症室的服務，就不要惡人先告狀，埋怨等候時間過長、診金收費太高了。

而每天在急症室上演的故事亦可媲美電視劇劇情，有人遭尋仇毒打前來驗傷，有人在檢查後才驚覺自己已懷孕多月，診症格內也有不少被社會忽略的身影──聾啞人士、智障兒童、精神病患者、肢體殘障病人等，我還遇過一名跨性別人士，外表看起來就與一般男士沒差別，但原來她已經通過精神科醫生的一輪評估，服用了長時間的荷爾蒙藥物，正等候接受性別重置手術成為一個真正的男性，擺脫「汽水樽裡的咖啡」的命運。

短短一個月我已作了不少新嘗試，期望在這裡累積更多實戰經驗，日後能像前輩們一樣專業，臨危不亂、處變不驚地應對各類型的危急重症，以及保持耐性看那堆無窮無盡的Cat 4、5（註2）街症吧。

註1：
SL－Sick Leave；病假紙。
DAMA－Discharge with Acknowledgement of Medical Advice；違反醫生勸喻出院紙。
Form 123－根據精神健康條例，將病人強制送院治療的申請表格。
2 MO Consent－當病人無能力給予同意接受某手術或醫療程序，可由兩名駐院醫生以病人利益為前提代其簽署。

註2：
到急症室求診的病人會先由護士作分流(Triage)，根據維生指數狀況、病情的緩急輕重，被派到不同級別的分類(Category)。
Cat 1－危殆 Critical
Cat 2－危急 Emergency
Cat 3－緊急 Urgent
Cat 4－次緊急 Semi-urgent
Cat 5－非緊急 Non-urgent