[餅已拎]Donki 月餅!有個D字,可惜唔係有隻企鵝。
1. 介紹返,by invitation only,之後仲有中環店試食試用活動!玩足兩粒鐘!「真係以為自己係LV 愛馬士 VIP咁呀」,「其實只係一年用咗四萬蚊」,「不過下年真係有機會挑戰白金會員,八萬五」,「唔知會唔會好似佐治古尼up in the air咁機長出嚟同你講嘢」
2. 其實係望月嘅OEM,代工嘅嘢。反正月餅嚟嚟去去都係嗰幾間廠,正如以前嘅DVD機,你鍾意乜牌子都得,幫你貼上去之嘛,背後都係步步高。
3. 早兩年咩 Lady M被人發現(不如去申請拎諾貝爾獎丫?)原來係奇華代工,仲質疑賣貴一倍,啲友就真係唔知個世界點運作。唔係乜嘢叫品牌?你唔去鬧下蘋果啲電話做乜多512MB 就收貴你咁多? 「自己砌部丫」
4. Anyway,仲未食,但相信係好食,「因為都係OEM」。其實你寫個「掂」字路去都係咁嘅味(食神!)。
5. 順手講返,個月餅係個D字喎。D for Donki,香港版嘅Donpen(隻嘢有名的)心口就係個D字,但我嗰隻係心口係「ド」 !日本版嚟的,嗰時在名古屋好似買10000 yen嘢就有得送,幾好的說。而我好後期先知係個 「ド」,開頭以為啲俄羅斯方塊咁嘅圖案。
6. 至於右邊隻Donko(隻!嘢!有!名!的!),就香港版日本版都係一個心心。唔會日本版整個張栢芝畀你。
7. 又,中間就係 VIP event嘅邀請信,下星期一(27號)中環店,兩個鐘有試食有試用,到時再同大家直擊
8. 不過數還數路還路,Donki股價,今年跌咗14%,唔好話跑輸升12%嘅日經指數,或者升17%嘅東證指數。跌14% ,甚至差過你買廢到不能(聽講係)嘅恒指。
9. 唔好忘記,日圓對港紙仲要今年跌咗6%。即係你作為海外投資者,買Donki,今年應該差不多輸20%,「衰過你買騰訊」。已FC。
10. 而另一方面,同樣係開在我樓下 排隊排到趴嘅 壽司郎(到而家都未食過,so sad,早知舊年在台北食,唔使點排),今年股價升咗33%。過去5年升近500%!
11. 啟示嘛?即係呢個「生活投資法」,都唔係冇用,但冇你想像中咁簡單。你見甚麼Under Armour,而家股價係高位嘅四成(但美股升到破晒頂)。在香港搞到地下濕晒嘅 A&F 都係差不多。所以我買嘅係Nike.係喎,我使唔使識潮牌?
12. 以上種種,在Patreon都有講。下一隻就買Mizuno,有錢的話。
13. 不過呢,其實我最懷念都係雙黃白蓮蓉。我都用咗好多年先接受 奶黃月餅 冰皮月餅呢啲異端。而雪糕月餅唔係月餅啦下。
14. 然後諗下,嗰時同囡囡結婚,係中秋節翌日(係喎,所以就快結婚周年!),在Sydney 搵咗個小小雙黃白蓮蓉食。
15. 然後有年囡囡在台灣坐移民監,我就去探監,台灣人嘅「習俗」就係去烤肉!我地就去咗W Hotel 高級烤肉自助餐,唔貴(以香港人水平啦),好似四舊水港紙一位有找。
16. 日本?唔知。唔知日本人過唔過中秋,但應該唔係大節,同埋唔會食月餅。
17. 韓國人就過中秋的,雖然係叫秋夕。好似連放兩三日假,畀你返鄉下祭埋祖之類。有年中秋就在首爾,就真係少咗好多人,自己一個在梨泰院食牛肋骨(因為其他地方好多餐廳都唔開或早收).
18. 呀嬸仲醒咗啲過節嘢畀我,但韓國人都係唔食月餅的,有隻叫「松餅」嘅東西,五色(五行嘛)嘅東西,但半月型的。
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
「donpen推介」的推薦目錄:
- 關於donpen推介 在 Facebook 的精選貼文
- 關於donpen推介 在 Facebook 的精選貼文
- 關於donpen推介 在 Facebook 的最佳貼文
- 關於donpen推介 在 Donpen推介 牧野酒造... - DON DON DONKI Hong Kong 的評價
- 關於donpen推介 在 Don Don Donki - Donpen Penguin Walk 2022 - YouTube 的評價
- 關於donpen推介 在 激安殿堂(驚安之殿堂)尖沙咀美麗華Youtuber Soko率先直擊! 的評價
- 關於donpen推介 在 激安殿堂(驚安之殿堂)尖沙咀美麗華Youtuber Soko率先直擊! 的評價
donpen推介 在 Facebook 的精選貼文
[囡囡是Donki VIP!]是咁的,過去一年囡囡在Donki洗咗4萬蚊。變咗VIP!有月餅拎!更痴線係有人打畀佢叫佢去出席event!去中環試食!
TLDR:留意我樓下屯門嗰間,係7月先開的,加上頭一兩星期好多人我冇去,即係樓下只係「貢獻」咗1個月(out of 12).即係嚟緊一年肯定仲多。
1. 是咁的,Donki嘅銀會員,就一年消費15000。金會員就25000。白金就要85000。咁你見到,囡囡仲爭45000到白金,即係用咗40000蚊。
2. 更震憾嘅係,Donki早兩日打畀佢!話佢知有月餅送(!),落樓下舖頭拎。
3. 更更震憾嘅係,打畀佢居然同佢講,叫佢月尾去中環試食!同啲KOL 同級呀!
4. 到時應該會有隻大DonPen,我話不如到時抱隻勞蘇去踩場,應該會畀人勸喻放低在counter.
5. 至於點解得5900 D Miles?因為redeem咗嘛。換咗乜?咪DonPen 同 Donko公仔!
6. 無論如何,到月尾再同大家直擊。我就食住Donki月餅先。
7. 又認真,都好多人知道,你品牌搵明星,當然有用,但係咪抵用就唔知。好多時人地認得個明星,唔係你個品牌。今日我可以代言麥提莎,聽日可以代言麥麗素。衣食住行乜都係佢,其實有幾多人係真係因為個明星而用咗你個品牌?
8. 況且大家都知,明星代言,錢之嘛,「佢的確係我客戶,你都係我客戶,我係提供服務嘅,好未呀?」「你會成功㗎!你係最叻㗎!你再畀錢我我再繼續講!講幾多次都得!」
9. 不過冇所謂,人人都知,大品牌大把marketing budget,大家都係去呃呢啲錢。根本做marketing嗰個自己都知。有錢齊齊搵。
10. 反而最難得嘅,係一啲true fans,你唔使畀錢佢佢都幫你免費宣傳,而且因為佢發自內心,個含金量更加高。問題係,呢啲word of mouth,傳統上你唔會reach到幾多人。呀陳太講嚟講去咪佢啲麻雀腳,或者隔離屋。
11. 然後你見到了,傳統上兩個領域係冇重叠嘅,公司畀錢落廣告(明星or not),然後word of mouth嘅師奶唔會有錢收。
12. in between 嘅係乜?就係新冒起嘅,一堆KOL(外國叫influencer).佢地就係可以靠word of mouth 但又reach 到多人嘅東西。特別係如果識玩嘅,唔做得太濫嘅,唔會「叫你拍你就馬上去拍,要試一下」嘅,真心用過掂先推介嘅,效果更好。
13. 又,最後都要掃興講返,「其實咪又係我畀錢」。即係,屯門未開時,一個月我在Donki都用3000蚊(嚟緊肯定唔止),你鬧我仆街死財演叫你買股票呃你錢的話,可以計下你老哥一個月trade幾錢先夠我食次魚生飯(如果你覺得我有得分佣)
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
donpen推介 在 Facebook 的最佳貼文
[非廣告!]強大的屯門人!Donki開屯門舖1500字分析!
1. 再次強調,真係非廣告。當然我好歡迎 DON DON DONKI Hong Kong 搵我拎住隻DonPen 同 Donko 落去影相!(嗰兩隻嘢有名的!Don Pen 係男仔,Donko係女仔!我是鐵粉!仲要港版同日版Don Pen個心口唔同的!)。絶對情熱價格!
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,半年已1600人訂! 畀年費仲有85折
==============
2. 720開!致敬返輕鐵720線呀!(應該好多人都唔知係乜)
3. 重點?呢間會係全香港最大!銅鑼灣嗰間都48000尺,即係呢間會去到50000尺,嚇死日本仔,山卡啦有牛嘅大西北都開到咁大間Donki
4. 仲有,開到半夜1點,啱晒半夜肚餓嘅 Ivan!「當然開廿四小時更好」「你出埋糧同電費仲好」。現實係其實屯門啲農民日入而息,通宵舖冇市場乜滯。以前屯門市中心間太興都做到3點定2點,後來都越收越早。根本冇咁多人,除咗我
5. 又,正如佢地宣傳講,屯元天第一店,你可以預期會迫撚到仆街。至少迫爆三個月。因為呢,未開Donki之前嘅屯門市廣場,已經係迫到仆街的了!而我講緊係冇大陸人嚟之後都係咁!根本大陸人唔嚟就有新嘅本地客頂上,永遠都咁多人的。
6. 呢個又帶到另一個重點,好多人都唔知,我話你知:以新界嚟講,屯門市廣場嘅租,相當貴,屯元天最貴固然無誤,甚至貴過新界東絶大多數嘅場,除咗沙田新城市。
7. 即係點?即係,屯門市廣場,唔係你話租就租的。朋友問我,香港有幾多間Donki,咁除咗山頂嗰間唔知計唔計外,好多人都數漏咗,在小西灣藍灣廣場有一間的。
8. 得罪講句,冇常識嘅都知嗰件擺明係豬頭骨,稍有少少常識嘅你係Donki都唔會租。但點解仲租?你班網友醒過日本仔?
9. 答案好簡單:買豬肉搭豬骨。買愛馬士袋?質你買幾個杯幾個萬字夾先!你話買就買?有錢大晒?
10. 同一道理,屯門市廣場,唔係你有錢就租到。你真係唔好咁天真,「呢個世界上好多嘢唔係錢就萬能」。想入屯門市廣場?得。幫我食件豬頭骨,畀啲誠意。你租咗小西灣咪畀你租屯門咯。有乜關係?因為小西灣個場,同屯門市廣場,都係信和的。
11. 其實以上呢啲玩法都好多年,業內人士一定知,你有幸試過要租大地產商嘅場都知道係咁玩。亦因為咁你見啲商場啲舖都一式一樣。即係,唔順超嘅,搬去台東咯。又或者,你見K11 就唔玩呢套,自己整啲其他場冇嘅嘢的。
12. 你見屯門雖然開咗V City,但人流生意都係仲比唔上屯門市廣場,遠少少就係遠少少架啦,香港人好懶的。況且V City個場天生有啲限制,就唔似屯門市廣場咁好行。咁人地早早霸咗嘛。「咁即係新地在沙田一樣打橫行啫」
13. BTW,咁玩法,「一田」同 「AEON」就仆得街。不過根據零售分析員(即係我老婆)講,對「一田」打擊大啲。分析員話「AEON」定價低啲,反而同Donki冇咁重叠。「一田」就(以為自己)高檔路線,最大打擊喎。
14. 當然我唔排除因為分析員之前在新鴻基返工所以有咁嘅偏見。但事實,你發現新鴻基嘅場係唔會有Donki的(美麗華 海之戀 都唔係新地)。因為新地自己有「一田」。可能見好賺自己拎嚟做。咁好合理,正如超市見你啲貨好賣,自己又會private label 百佳牌 實惠牌 Tesco牌 Value 牌搶你生意。(又,「情熱價格」咪Donki 自己嘅Private label)
15. 講到尾都係個巴京拎包華在邊個度,邊個買邊個怕,邊個渣住邊個春袋,所有生意都係咁玩。當然人地賣腸仔好賣,同你去賣好賣,又係兩回事啦。(Value牌啲冇皮腸真係好撚難食)
16. 寫完。諗諗下,古語有云,if you are good at something, never do it for free.照計唔應該免費幫人賣廣告。周星馳平時都係西口西面好古肅,人地搞笑係工作嚟的,你唔係以為佢會娛樂于文鳳下話。
17. 之但係又不過,下下咁計住,做人就好悶(我估周星馳都好悶,不過我有佢咁有錢我應該唔介意)。又聽聞呢,張學友平時同朋友聚會都係照唱歌的,唔會扮晒嘢老子係天王,要聽嘅買CD或者入場聽演唱會。
18. 「即係你地冇訂Patreon我都寫文畀你睇咁咯」「當然最好效果都係去聽演唱會啦」。月尾訂嘅有得回水呀下。
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,半年已1600人訂! 畀年費仲有85折
==============
donpen推介 在 Don Don Donki - Donpen Penguin Walk 2022 - YouTube 的推薦與評價
![影片讀取中](/images/youtube.png)
That penguin is actually called Donpen, the official Don Quijote character. We would like to introduce Donpen to you all! ... <看更多>
donpen推介 在 激安殿堂(驚安之殿堂)尖沙咀美麗華Youtuber Soko率先直擊! 的推薦與評價
Soko更說道,到店舖時緊記下載Donki apps,只需找到魚蛋太郎和Donpen ... 另外,更有日本酒專區,當中Soko更推介一瓶人氣燒酎,香港罕見,十分期待! ... <看更多>
donpen推介 在 Donpen推介 牧野酒造... - DON DON DONKI Hong Kong 的推薦與評價
Donpen推介 牧野酒造水晶富士山本釀造係紀念富士山 列入世界遺產而製成嘅紀念酒 ,酒精度得15度,容易入口,飲完擺喺屋企or office做裝飾或者送禮都fit, ... ... <看更多>