《雖然你的存在感好低，但我確切地重視你的存在》
尋日同朋友吹水，講起存在感......
事緣朋友A 話「某某喺個whatsapp group 愈來愈少野講，差D 都唔記得佢上一次講野係幾時.....係唔係有咩事？」
我話：「冇事架喎，其實好多人都係咁，佢唔鐘意講野，或者佢唔like 參加討論，佢就唔講野，唔需要過份猜測佢唔參與嘅動機，好多人都係咁架啦」
(因為我覺得唔係人人都好似我呢啲終日要刷存生感嘅人咁，在意人地知唔知道我嘅存在。)
其實朋友A 都係出於好心，佢係關心人，先會有呢個提問.....然後我就同朋友分享一件往事，叫佢唔需要擔心群組中「存在感偏低嘅朋友」.....
有一年我同六七個女仔friend 一齊去disney，大家都知disney 嘅環境，就係人逼逼，但儘管係人逼逼都冇阻我地開心咁玩樂，我地由小鎮大街出發，一直去巴斯光年，再去space mountain，去埋space mountain 精品店買左一輪精品，之後就話去睇golden mickey(定去小飛象)，總之去到第3個景點，當我地排緊隊嘅時候，其中一個朋友就問「喂，呀E 呢？喺邊呀？」，然後我地就東張西望，之後另一個朋友就話「唔係喎，岩先好似space mountain 個時已經唔係好覺佢喺度啦喎」，另一個朋友加把咀「你咁講講下，我諗起，好似巴斯光年個時佢已經唔見人囉喎」......
嗱，呢個唔係一個鬼故來架.....
原來係我地喺3個景點前唔見左呢個朋友，我地冇人發覺，呢個失散左嘅朋友嘅存在感係低到佢就算唔係度，大家都唔覺。
呢個moment ，大家都會問，咁你地當時終於發現佢唔見左，仲唔打電話比佢？
可能年輕嘅朋友唔信，個個年代，我仲讀緊中學，而個時並唔係個個中學雞都有手機。最後我地喺小鎮大街搵返朋友E，呢件事成為各位朋友多年嘅笑話。後來我有思考過，朋友E 會唔會好唔開心呢？比人遺忘到咁徹底。
我諗大家都有呢個experience
一group 人入面，如果約gathering，其中一兩個如果唔到，大家會再約過，呢兩個就係呢個group 嘅core members，但一group 人亦有一兩個係，如果佢個日唔得閒病左遲來，大家係會當冇事發生。好多時唔係大家唔鐘意佢，而係平時gathering 都覺得「有佢好ok，冇佢亦未嘗不可」......可能係佢冇咩講野，又可能只係佢喺我地呢個group 入面冇咩講，甚至可能只係佢一開始就存在，所以就比佢繼續存在。
但我想話：雖然你的存在感好低，但我重視你的存在......
因為我知道，我地唔太重視你，但你冇放棄我地呢個group，繼續存在，你唔mind 我地唔重視你，你係大方有量度唔計較，所以i do care 存在感低嘅朋友，我知道存在感再低，你都確係存在嘅。
講到呢度，我係想講一樣野.....
點解尋日有咁多人遊行？我諗好大好大嘅原因在於，黃之鋒，周永康同羅冠聰比人拉左去坐監，如果只係反東北嘅人比人拉去坐監，或者只係旺角初一衝突嘅人比人拉去坐監，會有咁多人嗎？我會懷疑。無可否認可以動員到咁多人出去撐場嘅core members 就只有大家熟悉嘅幾個，但大家真係唔好忘記存在感比較低嘅好多個。
大家請緊記， 呢一班 存在感比較低嘅好多個， 當初冇顧慮過自己 既存在感低， 好大機會被人忽視， 佢哋都唔介意 行到最前。相比起知名度較高嘅帶頭者，呢啲存在感比較低嘅朋友， 得到嘅支援少， 付出嘅其實更多。
最悲哀嘅係，早前我見到網上一個list 本身只有98人。點知愈數愈多人， 當你見到一個countable嘅list 變咗uncountable嘅人數，就算34度唔開冷氣，個心都好寒。
experience countable 在 Is experience countable or uncountable? - English Language ... 的推薦與評價
In some instances, it's countable and in other uncountable, depending on its meaning. According to the Longman dictionary if it means "something that ... ... <看更多>
相關內容