【全場精華】拿比基達嘅看家本領係乜?咪就係佢後上壓入禁區起腳嘅timing 囉,相信大家喺萊比鍚甚至薩爾斯堡年代都見唔少,佢嘅走位的確相當機靈,近期亦都頻頻有波入。另外合力製造絕殺入球嘅兩位後備奇兵其實本身都係正選嚟嘅,只不過喺密集賽程下,高普難免都要計一計數,作出一啲輪換,放眼決賽。至於蒙特雷其實都踢得唔錯,陣中都有唔少熟口熟面嘅球員,例如曾經踢過英超嘅拿恩 (Miguel Layún) 或者喺上屆世界盃被好多球迷恥笑嘅美沙 (Maximiliano Meza)、曾經令到好多AC米蘭球迷諗爆頭都諗唔明點解收購佢嘅阿根廷左閘雲基安尼 (Leonel Vangioni) 等等。至於講到入波嘅羅渣利奧富尼斯摩利 (Rogelio Funes Mori)...個名係咪好熟呢,冇錯啦,佢嘅孖生兄弟富尼斯摩利 (Ramiro Funes Mori) 正正就係曾經效力過愛華頓嘅果一位中堅球員...
Search