試勻曬三間 究竟邊間最值得試
被譽為和牛黑手黨嘅 #Wagyumafia
.
.
.
新開咗副線 #Yakinikumafia
和牛燒肉店 近日持續人氣高企
網上訂位時按人頭Full paid$480燒肉
套餐有前菜有湯同三款唔同部位嘅和牛
睇見油花滿佈嘅尾崎和牛燒到唧唧聲
即使只是等那區區十五秒也變得漫長
奈何燒肉就是這麼具儀式感的一回事
食之前記得蘸上有生卵同蘿蔔蓉嘅醬汁
我覺得另外點嘅北海道牛乳雪糕
可以省卻因為真係極度平平無奇
由價錢到配套都好適合慶祝生日
Inbox回答最多嘅就係慶生之選
新店模仿機場大堂佈置 預先講低
店方會喺航機嘅顯示板度打出訊息
至愛見到點會唔驚喜 又可以合照留念
唯一嘅不足之處係感覺呢度氣氛稍遜
當天serve的唔夠Chok 反而另外嗰兩間嘅
員工較有火 交到戲 整體氣氛好似比呢間好
幫佢哋帶返頭盔先 冇口罩係因為上年影嘅
上年寫Wagyu Sando介紹過Wagyumafia
和牛治嘅開山師座 初開嗰陣行會員制
到後來即使係對外開放予我等平民
入場費亦係三間之首 人均二千幾
肉赤但成餐飯由頭帶到尾 冇得挑剔
和牛治無論係平貴都試過好多間
暫時都未搵到一間可以超越佢
其實何止Sando 其他菜式都正㗎
單係和牛脂肪雪糕便比牛乳雪糕特別
不過正如佢哋嘅理念哩間較high-end
新開燒肉哩間則係比較casual嘅副線
三間中最causal係專賣沾麵同牛丼嘅
#Mashi_No_Mashi 喺Wagyumafia隔離
得12個位咁大把 長期都大排長龍
同另外嗰兩間唔同 冇預付 冇訂位
想食就排吧 價錢係三間入面至平
人均消費兩嚿左右 要排都好合理
由於先前已經起 #Wagyumafia 試過麵
所以來Mashi no mashi 比較想試牛丼
火焰輕燒過嘅和牛同蛋汁撈埋人間極品
作為入門相當唔錯 其實三間都各有千秋
三間嘅唯一共通點供嘅都係靚和牛
同埋睇佢哋chok住上菜 賣嘅係氣氛
未必係一個apples to apples嘅比較
但對於想試嘅朋友都不妨參詳下
-------------------------------------------------
⚛IG更多FB都無嘅荀嘢
https://www.instagram.com/highteamama/
⚛請設定這個page為See First
▶Step 1: 點擊 "Following (追蹤中)"
⏩Step 2: 點擊 "See first (搶先看)" 完成
