《純分享🎂》
生日/特別日子諗唔到同伴侶點慶祝？不仿試下一齊學下整蛋糕。（不過都要諗下隔離嗰個想唔想既🤭）
—————————————————————
#朱古力戚風蛋糕 💰260
每款蛋糕收費都唔同，喺收費表仲清楚列明所需時間，不過即使你overrun 都唔會有人趕你走。
👉🏻💰：要另加$80同行陪玩費，平日係$60。
環境都算幾大，店舖好色彩繽紛，令人特別開心。一張枱可以坐8人。入到去職員安排好座位後，就可以開始拎材料。
👉🏻製作說明：有ipad 指示清楚列明每個步驟同所需步驟，跟住做就一定成功。
👉🏻材料&用具：有清楚列明材料&用具名稱，保證一定搵到。小編去既時候係假日4:00左右，所以特別多人，材料區空間唔算大，啲人放曬托盤係枱拎野，結果堆滿曬人（🥺一個人去拎野咪算）。
👉🏻製作過程：由預熱焗爐到製成品完成，全天候都有人經過見到就會幫你，連用微波爐都會有人望下你既情況。連入餅盒既過程都有人可以幫手😂手殘都可以成功整蛋糕。
👉🏻店員：好nice，個個會主動上前幫手，教埋你點做，尤其係用電動打蛋器，店員會幫手睇埋你打得成唔成功😂確保0失敗。
👉🏻感想：
✅：職員好幫得手
✅：店舖有提供水/茶，需自行拿取。
✅：指引清晰
✅：環境乾淨
✅：夠鐘無趕走人
✅：有餐具回收區，有人幫你洗埋野
❎：價錢相對唔便宜
❎：枱與枱之間有啲密，坐低個陣有機會撞到後面。
*可上網預約
—————————————————————
📍Home‧焙小日子 (荔枝角)
荔枝角長順街15號D2 Place二期3樓305號
@ Home.焙小日子香港店
