要睇，良景邨事態發展。
重點在最後的事件例表，琴日大家拍晒片睇到「管理員」喺警察面前圍毆巿民，最後竟然一個「管理員」都冇拉過！
而更恐怖係，呢單嘢，幾個主流傳媒報都冇報過！
警察的，點解喺呢單嘢上面完全靜晒？
香港警察，旺角「暴民」你就拉，屯門呢邊呢？
各位，如果你有家屬係警察，可否問下佢地嘅良知擺咗喺邊？
---注意 2016-02-10 21:59 剛剛突發，一小時前多於30個PTU到場查身份證，然後差不多10時正所有小販突然有共識地賣晒，請通知出左去嘅朋友留意異樣，或考慮改去其他宵夜場合---
[良景反黑管 全城粟米餃] 屯門社區關注組: 初一初二警黑合作無法無天，初三或事態更嚴重，呢到好撚少人幫襯呀!!
民以食為天。簡單講一句，自遮革佔領1年幾以來，
香港年輕人已經進化到連黑社會管理員、食環黑警都唔撚驚，
三 日 來 就 係 屯 門 落 街 幫 小 販 係 黑 管 手 中 搶 番 啲 車！
被人圍毆時警察只會食花生，情況更比當年旺角金鐘惡劣
我依家唔撚係同你講笑，我地無覺好訓、無得嘆住暖爐打LoL、
呢班年輕人晚晚係良景商場外那彈丸之地同警察及黑管晚晚四面楚歌，仆街人地專業打手黎架，結果呢邊只係得啲街坊阿叔落黎幫手爆下粗，
我問你一個問題：
你地憑乜野要啲細路仔門外漢去維護你地所謂嘅香港核心價值？要佢地新年流流晚晚見紅？
你地仲可以坐係屋企同人拜年、打機睇戲食飯、同朋友gathering，
但樓下班口罩佬見我地人少，日日屌人老母親食好西、打記者打學生但警察做backdrop
以下為兩日來的時序表，
很大部分因主流媒體缺席而未被緊貼報導
初一綜合現場:
-下午五點有黑管趕走小販強搶佢地車
-夜晚十點有自發學生市民嘗試衝擊黑管防線搶車就俾黑管圍毆
然後警方黎到，但幫黑管隔開市民，完全無拉過黑管
-在警方保護下，黑管態度囂張鬧人柒頭臭閪，挑釁市民行埋啲隻揪
-路過市民駐足聲援，質問警方為何保護無牌黑管扣留私人財物，後有市民派發豬柳蛋數個以示支持
-雙方有零星衝突，最後至早上五點在小販同意合作下俾人收晒車，現場唔夠50人支援，黑管還歡呼取笑小販無晒搵食工具
-臨散場前警方帶走一名婦人，該名婦人曾指罵警察，後因獨自去廁所時落單被捕，由兩名女警押上警車，聲稱要帶佢去廁所。
-黑管一個都無拉、無查牌。
初二綜合現場:
-晚上九時小販車堅持企硬，推車至OK便利店後面。實為良景屋村範圍
-晚上十點多，有口罩黑管開工，一男子聲稱奉「良景邨業主立案法團」所籲，OK後方範圍乃良景邨屋苑私人範圍，小販們正進行非法擺賣，現要求小販5分鐘內離開本邨範圍。
-5分鐘後有小販未離開，「管理員」架起鐵馬包圍，「管理員」之間交談時稱「放人唔放車」，警察無任何行動，只圍觀。
-近十一時，多架小販車被圍，部份小販已離開木頭車在警察旁靜候
-[重要項] 其後市民與黑管之間有零星衝突，一名霸氣盡現藍色jacket男街坊上前與黑管理論，阻止推車，後來警方竟然只帶走霸氣男，指他涉嫌公眾地方行為不檢，無拘捕任何黑管
-十一時，小販車於數次衝突後，由小販取回，幸而全數退下火線。
-十一時多，有小販推車至良景商場前營業，黑管再度介入
-相若時份，「管理員」在現場挑釁市民，市民大叫「黑社會」「夠薑除口罩」，亦有市民質疑其管理員身份合法性。
-[重要項] 「管理員」們在市民的倒采聲下離場時忽然發難襲擊旁人，據受襲者稱，部份黑管有使用/保安/警/黑色/棍，有三人爆缸流血送院，黑管於街市施襲時警方快速封鎖街市出入口，傷者是自行逃出現場。沒有拘捕。
-當時沒有main stream media記者，只知有一hk01媒體記者現場當晚被毆，市民只靠口傳及社交網站互通消息
小弟現代表兩日以來火線前的朋友，懇請大家今晚以自己方式來到良景一齊食栗米餃、司華力腸。因為我諗好多朋友其實都有需要考察下屯門到底有無牛，或獻出第一次搭輕鐵啦，好簡單只要係兆康西鐵站落車，去地下輕鐵站轉505/615p(只向一個方向，無對頭車)，十分鐘就會到良景。
初一初二以來，我地好多人係自發、即場交流消息、詢問律師朋友意見、主動慰問小販及要否支援、了解大家嘅訴求及協調雙方意願，更加要派人去醫院照顧傷者及落口供。只能靠常識及即時反應去思考下一步。講緊只有廿幾三十人咋！
網上班仆街冚球鏟老海味話呢班人係廢青呀，但我地晚晚無撚得訓、晚晚無宵食都飢寒交迫陪到小販安全離開先碌返去訓架！
多謝大家too long still read，希望今晚見到大家，我地會係fb search:[屯門社區關注組] update實況。完。
註: 小弟非原文唯一作者、只作整合資料transcript一眾朋友之意見及代為出文。其他消息請見[屯門社區關注組]
[Remark] 良景食宵好去處：食兆康西鐵站落車，去地下輕鐵站轉505/615p(只向一個方向，無對頭車)，十分鐘就會到良景。最好十一點前到，我們無法預測任何突發事件，最好嘅情況當然係無事發生，大家白行一敞啦，係咪？出發前go check [屯門社區關注組] 's update
